Mizoram Police chhinchhiah danin, kumin January leh July inkarah khan DIG Southern Range huam chhungah naupang khuaihkhem khapna dan, Protection of Children From Sexual Offences (POCSO) dan hmangin thubuai 22 ziah luh a ni a, Siaha dist.ah 10, Lunglei dist-ah 8, Lawngtlaiah 4 a awm a ni. Nikum, hemi hun chhung hian he dan hmanga thubuai ziah luh 6 a awm a, Lawngtlai-ah 2, Siaha-ah 4 a ni a, Lungleiah thubuai ziah luh a awm lo a ni. Kumin January leh July inkar chhung khan Arms Act tlawhchhana thubuai ziah luh 1 a awm a, ND&PS Act hmangin 7, MLPC dan hmangin 7 leh Juvenile Justice Act hmangin thubuai 1 ziah luh a ni bawk.
