Elon Musk-a rocket siam hlawhtling takin kapchhuak

US Entrepreneur Elon Musk-a rocket siam, Falcon Heavy tia vuah chu Florida Kennedy Space Centre a\angin hlawhtling taka kah chhuah a ni. Khawl lian leh chak ber chia thuam, he rocket hi Atlantic tuipui chungah ruahman lawk angin a invawrh chho a, Falcon Heavy hi Launch Vehicle changkang leh changtlung ber a ni dawn a, tonne 64-a rit phur zo tur a ni a, tuna a en chhinna ah hian amah Elton Musk-a Tesla Sports Car hlui chu phurh tir chhin a ni a, Car driver seat ah hian milim dah a ni a, David Bowie hla van thengreng-a play-na tur radio set pawh dah tel a ni a, Elon Musk chuan car hi kum makataduai tam tak vanthengrengah hian a awm thei dawn tih a sawi. Rocket khawl hnuailam khawl pathum, vanthengreng-a rocket vawrh chhotu zinga pahnih chu Florida ah hian him takin a rawn \um let leh a, pakhat erawh chu tuipui chunga \um let tura ruahman ni mahse, a thlawk ti muangtu tur khawl a chian loh avangin tuipuiah a tla thung a ni.