Mizoram Entrepreneurship Development Monitoring Committee leh Confederation of Indian Industry tangkawp buatsaih Entreprenuership Conclave 2018 chu Finance Minister Pu Lalsawta’n vawiin khan Aijal Club-ah a hawng. Thusawiin Pu Lalsawta chuan Mizoramah mipuiin sorkar hna chauh eizawnna tha nia ngaiin thawh tumin an bei a, hetih lai hian sorkar hna-in a daih vek loh avangin eizawnna hlawk leh tha dap a turin thalaite a fuih a ni. Pu Lalsawta chuan Agriculture leh a kaihhnawih thil dangah lehkhathiam leh a ngaihna hria, mi taima leh thawk tak tak ten eizawnna tha an neih a, an thar chhuah an tih ral theih nan NEDP hmangin sorkarin hma a la tih sawiin contract leh organic farming chu tih tak tak na nena beih a nih chuan eizawnna hlawtling leh hlawk takah siam theih a niin a sawi bawk. He inkhawmah hian thupui thlansa hmangin mithiam ten thu an sawi a, an sawi ho bawk.
