Tlabung uitangrualte khan ZPM party ho an CM tur an pholang ngam lo anga an puh kha keipawhin mak ka lo ti ve deuh thin a. Tun inthlan hnaih tawh thleng thleng pawha CM tur ber pawh tlangzarh ngam tak tlat loh mai chu an Val Upa Council tihte tal pawhin puanzar ngam awm tak te ka lo ti ve thin. Nge ni sorkarna tak tak meuh hi chu tlin phak an inring zo meuh lo zawk? Tan dek deka mualpho deuha kehdarh leh phah nana hman palh an hlau ni berin an lang. MLA seat nei tam ber niin a party hrang theuh atang hian an neihzat intluk far ta se, Party pakhat titau palhin sorkar siam theih loh phah nan hmang ta se, ZPM PRO FIGHT thawnthu TURU tak kan hmuh te pawh a rinawm ta rum rum mai.
Tlangvala
————-
Thenzawla Tuihnial lui chu hun rei tak humhalh ni tawhin tun hnai mai khan chinai-a vuak a ni a, a vawtute lah chu a humhalhtute zinga mi YMA hruaitu ni bawk vua leh vang te vek an la ni zui. Chu mai bakah a fapa ngei pawh a la tel zui kha leh chen theih ang tawk tawka lo humhalhtute an zah lo lutuk hi a mak hle mai. Zak ngawih ngawih tur a ni. Tun chinah chuan ti tawh lo se, sim hmak chi. Tuihnial lui hmangaihtu hi kan la tam a nia.
Tuihnial Hmangaihtute
—————-
Kei zawng Mizoram pawngsualtu Congress leh MNF ai chuan tangrual pawl a ni ka vote dawn ni. Lal Thanhawla hmel hmuh leh a hming hriat reng hi ka chhang kham tawh. Pathian hminga dawt sawi zuah zuah CM kan mamawh lo.
Lawma Pa
—————
Thorang bialtu kan MLA Minister chak tak chuan ni 8.2.2018 zingah khan a bial chhung Zawlpuiah a thil tih that Mini Sports Complex, an mual neih sa tichhiaa Tennis Court leh Volleyball Court-a siam thu a sawi a, Zawlpui Tennis Court-ah hian an neih tirh atangin tennis ball vawi khat pawh an la vawm sawt lo. A chhan ber pawh a khelhna ber tur secondhand leina tur pawh an neih loh vang a ni awm e. An Field thar a laihsak lah chu chapopui chi niin a lang lo. Hmun zawl rem em emah feet 3 vel zeta insan hleihin zuk lai thei a!! Inkhelh ngaihna a awm lo. Pu Zonet Minister chak tak chak dan hi chak tak tak a ni nge, sum siamna mai mai le?
Zawlpui Pa
—————
ZPM hian ram hruai hnathawh intum tak tak a nih chuan mipui hriatthiam theih tawka mawl leh fiahin inhmalak dan tur puang teh u. MNF leh Congress aia inthat bikna turte han puang chhuak nalh nalh teh u. Tunah chuan mipui nawlpuiin rinna kan la nghat ngam chuang lo. Thusawi in thiam tih chu kan hria, in inpumkhatna lantirin inpawl hming theuhte pawh hi paih ngam a hun tawh. CM tura mipui duh ber Pu Duha te pawh ualau taka tarlan a hun tawh. Kan buai lovang tih vel mai maiah mipui tha a ngam zo lo. Pu Hmaa pawh Dy CM atan tlang takin zuar thuai rawh u. Sorkar buar chuai tak mipuiin neih kan hlau.
RK Sanga
————–
Za-a za Kristian awmna, Mizoram hi khawvel hriata Zofate kan lan vena tur leh hnam zahawm leh huaisen ni tur chuan kawng engkima kan intodelh a ngai a ni tih hriaa, ram tana nunna hial pawh lo hlan tawh, hnam pasaltha mi huaisente ruhro chawisanga vawngtha rengtuten ram leh hnam khaichhuahna atana SEDP an lo duang hi a vai vaiin lo hlawhtlinpui lo palh ta pawh ni se, ram leh hnam khaichhuah tumna thinlung atang chuan a ropuiin sawichhiatna tam tak tawk thin mahse hei ngei hi a ni kan ramin a mamawh chu. LALPAN Mizoram tan SEDP malsawm rawh se.
Tlabung Uitangrual
—————-
Kan rama pawl hrang hrang hruaitu zawng zawngte u, State dang kan thenawm, Assam sawrkarin kan ram an rawn nek dan hi ngaihtuah chian chuan ngaih a tha lo hle lo maw? Kei chuan ka hmuh dan chuan an fing phakar hle-in ka hria. Anni chuan an sawi an sawi ve lo, sawrkarin hma a la mai a ni. Keini sorkar hian enge kan ngaihtuah ve le? Mahni ram border ngaihsak lo sorkar kan ni mai lo maw?
Tlabung aw
—————-
Ngopa-ah chuan Zonet hi a en hleih theih loh. A tang tlat zel. Local operator thiam loh nge ni a, signal chiang lo? Hmun dangah a ni ve em?
8413030623
————–
Congress sorkar hian kawng sira motor dah an phal lo an ti a, Mizoram mipui lirthei nei za zela 70 vel hi chu mi in luah, garage nei lo kan ni a, ram dang angin parking mall te nei ila chuan kan luhlul bik lo. Lirthei lo nei tawh laklawh si, garage nei si lo hian engtin nge kan tih ang? Khawngaihin parking mall tha tak min siamsak hnuah kawng sirah motor kan la dah fo a nih chuan action lak zawk a tha lo maw? Zanin atang hian ka Congress lo ta chiah e.
8837405378
—————
Sakawlh hi kan ngaihsak hle a, sakawlh chu Pathian thu tichhe theitu, Pathian pawh ngaihsak lova rui reng mai te, Kristian tiduhdahtute, eirute, rinawm lote, ruk ruk ching te, hei lo pawh hi tam tak a la awm. Uirete pawh hi Pathian tan leh ringtu dik tak mi piangthar tan chuan sakawlh an ni vek a. Tin, 666 pawh hi kan hriatthiam dan tur chuan no. 6 hi mihring number a ni a, mihring lam atanga chhuak reng reng chu sual leh tha lote an ni a, chuvangin no. 666 chu misual tam tak awm khawm tihna te pawh a ni. Mihring khawvela awm zawng zawng amah ring lo tute leh Kristian, ringtu inti si a, keichu Kristian, ringtu ka ni kan tih hian kan rinna chuan thlarauvah min piantir si loh chuan chung ho zawng zawng ringtu derte chu sakawlh kan ni vek.
9612238063
—————-
Vanglaini ni 9, February 20l8 chhuaka MNF President, Pu Zoramthanga chuan Hrangturzo a fannaah khan ZNP nen kan lo thawk ho tawh a tihnaah khan engtik laiin nge ZNP chuan MNF nen MLA thlannaah kan thawh ho tawh tih a zawt a ni.
Aizawl pa
—————-
