FAKSELNA hi chhiar duh bik in nei emaw ni? Ka rawn thawn ve char char a inchhiar ngai mang lo reng reng mai a, kan ti dik lo a ni chuan min rawn hrilh ta mai u la a \ha zawk lo maw?
Marami, Kawnpui
————
Tute emaw party tia an sawi ve ziah chu maw BJP Party a ni. An chak ve theihna ngei tur nia lang hnam dang tamnaah candidate dah party-te chu maw Mizo hnam/ram hmangaihtu an ni lo. A \huihhruaite pawh therhlo it vang leh hnam phatsantute an ni. Hei hi a lawm kan hriat daih tawh inla hriat thar ve zel tur chu. Mahni hnam thil ngaihsan nachang hriat a \ul kan ti daih tawh. Central party BJP emaw, Congress emaw, a dang pawh heta lo nih kual vel a ngai lo. Ram hmasawnna tur a dal lo. Kan chanvo a bo dawn lo. Central party-a la awm zawng zawng chhuak vek rawh u, inhruaitu lu Vaiten kan ram an hmangaih lo.
LH PACHUAU
————
Hmangaihna tak tawng tawhte tana thurawn \ha tak ka han fah teh ang che u. Khatiang chiah khan Lalpa Pathian kha hmagaih la chuan i ham\ha a ni mai. Tin, a thu pawh i lo awi thei tawh anga, mal taka i awm hunah pawh a rawn kan \hin chein, a rawn rim \hin ang chia, i harsatna leh mangannaah pawh a pui ang che. Thil sual i suangtuah pawn i che thei tawh lovang, a chhan chu i hmangaihin a huat chu i huatpuiin, a duhzawng chu i duhzawng a ni tawh ang. A hnena \awng\ai pawh i chak zek zek zel tawh ang. Pathian chu i hmelma anga i ngai a nih chuan a rem hmasatuah \ang ang che.
LALPA HMANGAIHTU
———–
Tripura-a pem Tuikukte hi vote thlak tir an tum leh ngei ang a, chu chu Mizo mipui hei zozai hian kan dang thei lo a nih chuan a tlawmthlak ngawt ang. Pawl bik sawi lova \anrual a ngaihna angah hi chuan \anrual thiam ve a hun tawh khawp ang.
8837489511
———–
Kristian Kohhran ho zinga tel ve duh tan, BJP party nih hi a rem lo. Setana leh Pathian nung chibai buk kawpna a ni a, Vanram beiseitute tan nih kawp theih a ni lo. Hawh u, kan unau duh takte u, Mizo Kristian kaihhruai Party eng berah emaw lo kir lul rawh u. Kan Pathian Jehova leh Hindu Pathian hi chibai buk kawp chi a ni hlawl lo. Hei hi Sakhaw indona rapthlak tak a ni.
Zova
————
MNF-in Tuichawng candidate atana Chakma pa, UPC Upa, Mizo nupui nei ngat tia an dah hi chu dah lo ngam se mipui \an an hlawh dawn vei nen. Upa a ni emaw, Mizo nupui nei pawh nise Chakma a nihna a bo chuang lo. A tawpkhawkah chuan Mizo aiin a hnampui Chakma hnam chu a hmangaih zawk tho tho ang.
The Lailungdawt
————
Buai buai suh u, Pu Hawla leh a kid te ho hi an LAL leh thovang. A khingzo tur bera mi tam zawk ngaih, Pu Ramtea te lah hi an thlam ropui leh AII PUK scandal turu tak mai khan an lu a la timawm tal a lawm. Chalfilh rat khawp pawhin thupha chawi mahse a sawt tawh lo, leng dang tawnah min sazu mei dawhsan tawh si lungrun tih ang deuh an ni tawh a.
Tlangvala
———-
MNF-in Chakma Candidate an neih chhan an insawifiahna hi kei chuan ka hrethiam hlawl lo. Hnama chiang intite tih atan chuan a mak thlawtin ka hria.
9436147113
————
ZPM Chief Ministerial candidate leh ZPM hruaitu engemawzat te chuan Chief Minister hlui boralta, Brig. T. Sailo thlanah zahna leh chawimawina atan pangpar an dah maw? An va ti \ha ve! Mahse zahna leh chawimawina erawh an hlan khat hmelin ka hria, engtikah tak chhunzawm leh ang maw? An zah khata, an chawimawi khat bawk si a. Pu |hena tu leh fate tan pawh lawm viau dan tur thiam a har ngawt ang. Chawimawi duh tak tak vang nge vote zawnna hriatthiam a har a, MPC party tih lawm tumna a inphum tel em tih te pawh ngaihtuahnaah a awm tel deuh e.
No. Thup
————
ZPM ni lo, Party dang zawng zawngte hian Public hmaah ZPM ten unit an nei lo an ti fo mai. Kalphungthar, System thara thlak duhtute an nih ang ngeiin unit chu khawi vengah mah an nei dawn lova, mahse veng tinah hian Local Steering Committee erawh an ngah hle thung a ni tih hi Party dang zawng zawng, ZPM ni lote khan lo hre rawh u. Unit ngah leh ngah lo a indo dawn. Unit ngah intite hian mipui intivui vai zozai tawh tih inlo in hre dawn nia. Pathian manifesto neitu ZPM kan ni. Mipuite hian tun \um chu a tak ngeiin kan enchhin tawh dawn an ti a, ZPM lam kawng zawh tumin ke pen tumin an bawp leh lam an khaikang ta vu vu mai. Inthlan ni-ah chuan an lo penchhuak ngei ang.
MS Chhakchhuak, Aizawl
————
BJP kan buaipui dawn a nih chuan tute nge kawng lo sahsaktute? N0.1-ah Pu Hawla kaihhruai Congress, no.2-ah Pu Rama hruai MNF-te hi Chakma Mizorama khawi ngamtute an ni. Tunah BJP-in iptepui ban nan an rawn hmang ta. BJP kawng pawimawhte pahnih hi chu vote hmangin i hnawl ngam ang u. Pu Hawla leh Pu Rama te tan BJP leh Chakma-te hi sawichhe ngam tur an ni lo e. Hun \ha kan neih lai hian i vote hlu tak kha fimkhur takin hmang ang che.
ZNT Khiangte
————-
Aizawl khawpui veng hrang hrang kawng peng\huam zauh hi Aizawl khawpui chhunga Congress hmalakna ropui tak niin ka hria. Duh angin anmahni zawk hian an sawi tam lo zawk a, heng kawng peng\huam zauh vang ringawt pawh hian Aizawl khawpui chhung mipuite hian Congress party hi vote tur kan ni. Thil \ha titute chu mipuiten kan hre ve dawn lo’m ni?
9402550388
————
Zoram mipuite u inlawmluh Policy-a inhampuar tum MNF hian an puipa ber hi an thlak si loh chuan an sorkar laia min sawp ang tho khan Zoram hi min sawp leh dawn tih hi lo hre mawlh teh u. Mahni awmna hmun \heuhah tunge CM ang tih thlir ran chungin I VOTE kha lo thlak ang che u aw. Zoram tlu chhe mek siam \ha turin vote awmze nei i thlak teh ang u.
Remremi
———–
