Covid-19 leh a kaihhnawih sawi leh ang. Dt. 11/3/2020 khan ka thawh ve-na Dept.ah miin buhfai an inchuh nasatzia kan sawihova, kan zinga pakhat, zu in ve \hin chuan an lei khawl ve loh thu leh eitur tlakchham a hlauh ve miah loh thu a sawi a, PATHIANah RINNA a nghat nasa hle-in ka hria. Hmanni lawkah Serchhipah \halai khawmpuilian kan nei a, kan \halaiten an phak tawkin PATHIAN an chawimawi a, COVID-19 hri a leng a, eitur nghei kan hlau em em hi chu a dik lo. Kan BIBLE-in chungleng sava leh Sakeibaknei vanglai ril\am pawhin an nghei loh tur thu min hrilh kha. Thuthlung hluiah khan Josefa kha eitur dahkhawl turin a hrilh a, PATHIANin a ropuizia a puang chhuak duh a ni. Thuthlung tharah hian eitur chhekkhawl tura sawina a awm miah lo. Keimahni hi KRISTIANnaah kan nghet thlawt lo a ni. Covid-19 natna hi cho chi a ni lo va, RINGtute chuan pindan chhung rilah \awng\aiin PATHIAN hnenah engkim hi kan thlen zawk tur a ni.
Johan Lalrinawma pu, Saron veng
94363 92544
Pawl leh Kohhran hruaitute hi Media miten an kawm hian lawmthu an han sawi hluam hluam zel a! TV-a lan hi nuam an ti hawh hawh hlawm khawp mai. A kawmtu, Media mite hi an lawm zawk daih.
A chhan chu sumdawnna \handuan tirtu a ni tlat.
LB-a Pa
84140 29478
MNF sorkarin MPSC hna lak chungchanga, ‘An indaih lo’ tih leh ‘A hun takah hna an la thei lo’, tih chhuan lama hmanga, Group ‘B’ (Non Gazetted) chin hna lak chhuhsaka, Board thar MSSSB tih hming phuah a, Chairman atana Pu Lalrammawia Party Adviser atana an ruat ngei mai dah a han ni tlat mai hi Zoram mipuite hian eng angin nge kan ngaih le? MSU lam pawhin nasa taka dodalin a Office luah lo tura ngenin an dodal a, mahse zirlaite ngenna chu vut laka vawih ang chauh a ni leh ta a nih hi. Hetiang kaldan phungin a hrinchhuah chu mipuiten kan duh loh em em party bil induhsakna ngei kha a ni leh dawn a ni tih hi a lang chiang hle mai. Kan tu leh fa political fitness-a chhuan tur nei ve lo tan chuan hna hmuh chu “VANA RAH ANG” a ni leh dawn ta a nih hi. Mipuite lah hian lo dodala ngaihmawh aiin kan \ha en liam leh mai mai dawn chu a ni sia, a hahthlak teh zawng a ni e.
Zo-Quavadis
93666 30785
Nizan chu Singapore a\anga lo haw, a \henawm khawveng ten venthawn thila Covid-19 vei leh rinhlelh thua a rang thei ang bera thu thlenna tura Health Dept. lamin Phone no. an tar chhuah an biakna thu record ka ngaithla ve a, kan sorkar hian hma chu a la ve teh meuh mai, mahse duty tura a dahte hian \angkaina an neih loh hmel riau mai hian kha phone call record a\ang kha chuan a hriat a, hma la thei tur leh a chin hria duty-ah pawh dah theih ni se, sorkar hi han \ang lehzual teh se. Tin, Covid-19 test-na tur khawl hi sorkar hian lei a tum niin ka lo hria a, a hma thei ang bera lei fel tur leh hman nghal theiha buatsaih turin Zofate hian kan ngen a ni.
Thinlaihnema
70052 37836
Covid-19 hrileng a lo hnai meuh chu Mizo mipuite kan lo le lohzia leh engmah kan lo nih lohzia a chiang hle mai. Kan Pathian biak inkhawmte hian thlamuanna te, dawhtheihna te, hmangaihna te leh rinawmna te min thlen chuang lo a nih hi mawle. Hetiang mihringte chuan engtin nge ram hruaitu \ha te hi kan thlan chhuah anga, engtin nge, vanram te hi kan kai theih ang le? Hlauh loh pawh hi kan nei lo. Kum 2001-ah puanzarah Isua a inlar, Pathian a lokal dawn kan tia, kan buai ruai tawh bawk a, Pathian lokalte hi hlauh chi a ni lo va, kan awm ang hian kan lo hmachhawn ngam mai tur a ni. Thihte hi kan hlau lutuk a, hlauh tur hi kan hlau leh bawk si lo va, engtikah hian nge maw nunze nghet, nun hahdam hi kan neih ang le? Hawh u, a tak tak a lo thlena khua a tlai hma hian kan mize \ha lo hi i thlak vat ang u. Inhmangaihna te, hawihhawmna te hi nei ila, Mizo leh Mizote hi induhkhum leh intihtheih khum lovin, inkalsan bur bur lo ila, hmelhriat loh te pawh i inbe siam siam teh ang u. Heti ringawt chuan khua a var dawn lo. Ran awmkhawm ang chauh kan ni e.
Ramhmangaiha
Pu Zorama lem an siamna chhan chu Mizote hi hlim taka hnathawk \hin hnam kan nih entirna a ni tiin an rawn sawi a, Taitesena lem te chu ni se Mizote hi tlawmngai thei tak hnam kan nih ziate pawh a lantir thei ang a, chutiang ni mang bawk si lo va, hnathawk lai lem pawh ni lo, Mizote ti si, Pu Rama lem chauh han siam daih mai te hi a va han mak teh daih ve aw! Mizo tam zawkte hian kan pawm thei ang em? Pu Rama mai ni lo, Mizo hnam hmuhsitna rawng a kai lek lek zawk lo maw? Modi lem hi Hindu puithiamte rinawmna ti ta se la vai ho khuan an pawm thei ang em? LO NGAIHTUAH CHIANG VE TEH.
Tlabung Uitangrual
9862014844
Bawlhhlawh paih hi a paihkhawmna hmunah \awihthei leh \awihtheilo lo thliar hrangtute awm mai se a \hat ka ring.
9862818475
Vawiin 11.3.2020 Aizawl Post phek 5-na pumpui hi a dikin a va \ha hlawm kher ve. Kan zavai atan inenfiahna darthlalang atan i hmang ang u. A thupuite:- Covid-19 Krista nen hmachhawn ang aw. This is Mizoram, nalh thlawn Mizote, Editorial leh chang vawn Sam 10:11. Covid-19 vanga chiai Mizo Kristian te chetdan hi ringlo mi kan tihte mithmuh leh hriat atan a va tenawm dawn ve. Kan Lalpa Isua Krista kan ti mualpho takzet a ni. Kristian dik tak, Isua duh zawnga nung ngam i ni ang u hmiang. Kristian Chartin, cubic lung, double cubic lung, bawnghnute cial leh adt hi belhchian dawl ni ve tawh se aw.
Ramveitu
