Chakma-te hi kan duh lo vek a, kan duh lohzia kan lantir danah hian fimkhur ila, dan hmanga \hiah theih dan zawn hi a fuh ber ang. CYMA hian hma han la zel teh se. YMA VUL ZEL RAWH SE.
Lalrinfela
———–
Ram tana kawngzawh tur inauhkhawm chungchangah Thakthingtlang chu an hruaitute an \ang bawk a ni ang kan sakruang Mizoram tan tih hla kha Information mic-ah an play dum dum mai. |henawm veng tan pawh ngaihthlak a nuam hle mai.
KAMTAMA MSV
———–
Kohhran leh mipuite \awngtai chhanna chu zu zawrh a ni titute chu an va talbuai ta ve. A chhanna dik tak chu a hun takah chunglam hian a rawn pe ta a va ang ve. Congress chhungkua chu party dang tel lo pawhin an buai tawk hle a ni. Pathian huatzawng ber zu an zuar duh tlat mai kha an chhiatpui dawn ta a ang tlat. Kan Pathian hi chu a hun takah a che mai \hin tih i hria ang u.
L. Fanai
————-
Mizote kalphung hi ngun taka kan chhut hian mipui nawlpui hi chu kan la \ha thawkhat hle. Pawl kaihhruaina lamah erawh hruaitute thil tum leh tinzawn hi a fuh lem lo. Mipui hriat kan niha, kan lar tawh hi chuan kan zo meuh lo. Politics-a policy neih \hat vang pawh ni lovin, political party mai maiah kan intulut leh mai \hin. Mizoram political party te hian politics an la khel pha lo. Mahni ram leh hnam hlut zia hre pha tak ngial pawh an awm lo.
PH FANAI
————
Congress ho chuan MLA bial awm zawng zawng chu chuh vek an tum thu an puang leh ta a, CADC Chakma bialte saw chuh lo ve ngam se a va \ha dawn tak em. Congress ho hian chuh lo ngam ve se chu MNF pawh khan an chuh dawn si lo. MNF khan an chuh ve mai loh chuan Congress tan dinhmun \ha an siamsak mai a ni dawn si a. YMA-in kawngzawh an huaihawtte kha Congress hian an thlawp ve lo em ni, ka zawt a che u?
PAVALAI
————-
CADC hi Congress sorkar siam a ni lo’m ni kha? Enga tinge tuna Congress sorkar hian hma a lak mai loh? Vote hmuh tlem an hlau em ni?
Carolini pu
————
Party hlun inti te hian sorkar tur chuan hun rei deuh beih a ngai an ti fo a. Sorkar siam hi party seniority a inchhawk tur emaw ni le? Party thar deuh paw’n sorkar a siam thei lutuk. AAP pawh an nih mai khu maw le! I duhthlanna ngeiah vote la, ram tana \ha ber tur ngaihtuah teh. Sorkar \ha siam turin i pawimawh.
9862539105
————
Pu L. Keivoma khan Pu R.Vanlawma kha politics tuiah a chen thiam loh vanga hlawhchhama a sawi ang deuh khan Pu Lalduhoma pawh hi Pu Vanlawma ang deuh kha a ni a, MLA han niha, CM han nihte a chak \hin tehlul nen tunah pawh a dinna tur bialah hian Pu Lal Thanhawla hian a seat hi a ken phal ngawt loh chuan a tling zo leh kher awm si lova, inthlan zawha result puan hunah ‘THAWHHONA A TAWP E’ tiin PC Party nena thawk duna Pu Lungmuana MP atana an thlantlin \uma an boruak tawn ang kha tunah pawh hian a thleng leh lovang tih hi a sawi theih lo ve.
Sangteii pu
————-
October ni 11-a Congress candidate puan nia Chairman khan Pathian thu aiin Congress chanchin kha \ha a tih zawk thu a sawia, Congress ho hian Pathian aiin Congress an ngaisang zawk tih a chiang hle mai. Eng nge Zoram mipuite hian in ngaihve dan le? Congress mi leh sa khati zat zat khan an amen pui a ni si a.
9862402860
————
Kan hotuten MLA-a ding tur an puang ta hi a lawmawm hle. Tunah chuan campaign kan \an tak tak tawh dawn. Hotute thu awihin \an i’n la tak tak teh ang u.
VL Ruata
————
MNF party hian kan sorkar chuan hotute be thiam thiam an ding chang tawh lo ang inti a, a hun a lo thlen leh meuh chuan a ngai ang tho kha a ni leh mai lo’ng maw? Kan hotute khan min han chhang teh u Fakselna kaltlang hian.
8014007624
———–
Assembly inthlan kum 5 danah kan nei ziah a. Chumi rual chuan MIZORAM PRESBYTERIAN KOHHRAN chuan thuchah a chhuah ve ziah a, an thuchah lah chu a \ha thei hle mai a, mipui lam fimkhur tawk loh avangin mi \ha leh fel thlanchhuah a har fo \hin. Kan Pathian thuah pawh chiang takin kan hmu a, ‘Roreltute chu Pathian ruat an ni’ tih hi kan la vunga, fel lo deuhte pawh lo thlangtling ila Pathian ruat a ni mai zel zawng a nih tak hi!
RENTHLEI CABIN
————-
Chief Minister Lal Thanhawla’n Mizoramah “kawng \ha lo a awm lo” a ti leh ta maw?! He putar hian Mizo mipuite hi min va hmusitin min va han zah lo em em ve!
Saala
————-
Pu Hawla ni ta ila Pu Patea vawrh lar tum ta ila, party-a senior zawk Pu Zira thlawh khûm a \ul dawn bawk si a. Engemaw tia nêkchhep theihna hmanrua ka dap anga, a MLA bial, Saitual District tih hlawhchham ka duh phawt anga, ka tih puitlinsak chuan a lo ropui sawt anga, party-ah a hming\ha sawt bawk anga, Pate-a tan a chep dawn si a. Chuvangin Saitual biala ding lo tawkin ka ti hlawhchham ta a, a hlawhchham avangin a inhnukdawk ta a. Inhnukdawk lo mah se a tling tawh dawn si lova. Hnara hlit phawi ang huai a ni ta. Pu CL Ruala dawtah Pu Patea a nih hmel a. Tichuan, MPCC President nih teuh dan kawng chu a inhawng dawn ta a ni. Central-a lal chhungkaw thuneihna ang khuan an la sawp rup mai hmel a ni.
Regionalist-a
————
