Mizorama HIV/AIDS donaa MSACS hmalakna hi a chhuanawm a, an hmalak dan erawh hi chu a fuh famkim lo. Sex zuar tel lova hmalakna awm takah hmeichhe inti itawm tak mai condom nena inum tirte, hmun tin maia condom fakna tar chiamte hian himna min thlen lo a ni ang. India ram State-ah HIV/AIDS vei tamna ber State kan ni. Ram puma condom fakna, ramhnuai thingah te kan han beh tir chiam mai te hi a va mualphothlak ve le. Sorkar leh Kohhran lah hi a ngawi hle hle mai a. Mimawl lu a hai e.
RK Sanga
—————-
Kawng siam hun a liam hma hian Kawnpui leh Sairang inkar kawng NH 54 hi kan sorkar hian rawn siam vat rawh se, kan ei lakna kawng ber a ni e.
VL Ruata
—————
E…khai.. Phunchiar hle teh ang. In chanchin thar puangtunu pakhat zawk, Lalremsangi Chawngthu hi engtizia nge a thupuan tan tirh hian a rawn tawng ring tha viau si a, a rei telh telh a, a tawng zawi leh tulh tulh thin hi a va tha love. A tawp lam phei chu a fate thawnthu a hrilh ang melh melh chauh a ni ber tawh ang chu. TV sound lam dik loh emaw tiin han check ila a tha vek lawi si. In programme dang lah a ri tha, in news chi khat fakna phei chu sawi loha lum a ni, a ri tha thei ve tung tung khawp mai. In Daifim rawn puang ve tupa kha a rawn puan leh dawn chuan inzir belh deuh se a va tha ve aw. Tuman huat awih loh.
Tlangvala
—————
Thupuan 13:16-17. Tin, mi zawng zawng a lian a te-in, a hausa a retheiin bawih leh bawih lo pawh an kut dinglamah emaw, an chalah emaw chhinchhiahna a neih tir hlawm a; chhinchhiahna – sakawlh hming emaw, a hming number emaw neite chauh lo chuan engmah an lei leh an hralh theih loh nan. Sakawlh lo lang tur hian hming / hming number a nei dawn a, chumi number neite chauh chuan thil an leiin an la hralh thei dawn a ni. KHAP ni lovin, THEIH LOH a ni zawk. Kristian tan chauh ni lovin mihring zawng zawng tan a ni. Uire leh adt. hian hming / hming number miin an put loh vanga an leia an hralh theih lohna tur an neih loh avangin sakawlha puh chi an ni lo. Sakawlh hi tam tak ni lovin pakhat chiah a ni dawn bawk.
9856887138
—————
THIL INHMEH LOTE – Central YMA hruaitu, MZP leh MSU hruaitu nih laia CHAKMA LEH TUIKUK ngaimawh viaua, hruaitu nih loh hnu lawk, a kum leh maia Congress party-a inpek leh si te hi ‘a inhmeh lo’.
SANGA
————–
