Hripui lakah ni 21 kan inkhunghrang tawh a, Mizoram bik chu ramri a lo lut an awm a nih loh chuan kan him thei tih a chiangin a lang a, foreign leh state dang te nena kan inkalpawhna ramri uluk taka ven ni ta mai se, chu ti lo chu ei leh bar a kan buaina hi a la nasa hle dawn. Tun mai ni lo nakin hun tur thlengin sorkar hian ngaihtuahna a siam a ngai dawn niin a lang.
9862014844
Mizoramah covid 19 vei pakhat chiah kan la awm, chu pawh Mizoram pawnlam a\anga rawn put luh a ni a, chu vangin a pawimawh ber chu ramdang a\ang a lo lut ven uluk hi a ni. He lai duty hrang hrang ten mi veivak lo check an ching \hin hi sim a \ha khawp mai.
Lone Wolf
8837331196
Pu Zonet, sorkarin lockdown chhunzawm tur a ti leh hi keini mirethei te tan hian a va huphurhawm em. Sorkarin mipui hnenah pawisa faiin pe se, a nih loh chuan ka \am mai dawn. Tin, tunkar chhung chu thlahdul deuh ni se, ni tin dal hmeh reng ringawt mai chu! Task force ten dal leh alu bak an pe thei si lo. Khawngaih takin kan sorkar hian tihdan han ngaihtuah hram teh se.
Zoa, Lunglei
9366628463
Tunlai hian kan awl thei ropui si a, film hmuhnawm tak tak hi en tur rawn pe char char teh u.
8258090273
Covid 19 vanga ni 21 chhung zet mai han inkharkhip chu nunphung a buai phah hle mai a. Electric bill te, tui bill leh phone bill a pek theih loh va, pawisa bank a\angin a lak theih bawk si loh a, ni tin a eichawp zawng tan chhuah theih bawk si loh, chuvangin Mizoram chhungah hi chuan thlah dul tawh mai ila. Chutih rualin ramri erawh khauh taka venhim chhunzawm zel ni se.
Sangteii pu
8014128746
CM relief fund hi engtik hun atan nge hman tur le? Covid natna tuar ve lo mah ila ei leh barah chuan kan tuar nasat ber a la ni ang. Chhuan chham chiah lo mah ila mipui nawlpui hi chu kan \am chiang a ni. Chhung tin hnena sem hlan chu kan nghakhlel khawp mai.
The Carbon
9436352338
Pu Zonet, inkharkhip chhung hi a rei tawh si a mang a va ang ta deuh ve. Ni tin inhlawh chu sawi loh, sorkar hnathawk January thla hlawh pawh la la lo te an awm a. Heng mite dinhmun hi ngaihtuah ran a va \ha ve. Nupui fanau hrawk chawmte an ni a, an khawngaihthlak tawh khawp mai.
9862383015
Central a\anga mipui hnena thil sem tur ang chi ho hi unit leh VC te kutah hian dah tawh loh \hin nise, a chhan chu a rualkhai lo \hin em mai. A dawng ngaite hian an dawng tluk tluk ringawt a, awmzia a awm lo. Hetiang lo deuh hian hotu lam hian tihdan \ha deuh han duang teh u.
Thingtlangpa
9366219611
Covid 19 vanga lockdown chhunzawm leh tur hi chu \ha ka va han ti teh lul em. Chutih laiin \henkhat ten mahni chauh inngaihtuah a kan lo phun ve chhen mai hi chu, a Mizo zia lo deuhin ka hria. Kan rama positive pakhat kan neih pawh hmanrua kan neih \hat loh avangin a murei tawh hle a ni a, a lainatawm teh lul nen. Mi rama sing tel kai leh kan rama pahnih khat kai hi kan inhen tawk a ni tih hi i hre hram teh ang u. Chuvangin lo phunin, lo iak lo iak tawh teh suh u, chu tilo chuan thu awi loh avang hian chhungkua kan in\hen darh nuaih mai ang tih a hlauh awm em mai. Lo rethei deuh pawh ni ila chhungkua kan him a, kan ram a dam chuan a tluka hlu a awm chuang lo. Eng ang pawhin thawk chhuak nasa mah ila kan hmangaihte an nat a, an kim loh chuan engmah hian mawina leh hlutna a nei chuang lo ang, chuvangin kan rethei deuh a nih pawhin i tuar tlang dial dial zawk ang u.
Hlutei pu, Tualpui
98565 36040
Kan fate Kolasib quarantine facility-a awm te dam takin an rawn haw ve ta a, an awm chhunga an chunga kan sorkar leh thawktute \hatzia te, ei leh in a an duatzia leh ‘Princess’ ang mai a an inngaih thute an rawn sawi a, Zonet Fakselna kaltlang hian kan sorkar leh Kolasib quarantine facility-a thawktute chungah hian lawmthu ka rawn sawi mawlh mawlh a ni e.
Damdami nu
Sorkar hnathawh avang hian pawisa hi kan nei \en \un bik lo a sin. Sorkarah pawh hlawh sang pha chin kan thawk ve si lo a, mamawh a lo tam si. Chhungkaw chawm nan kan hmanga, tui bill leh electric bill a lo kal anga kan thla khat hlawh chu a kiam vek anga. Ei tur mai bakah mamawh te a lo tam si. Kan hotu lam te hian tih dan han ngaituah se kan va ti em. Lu a va hai ta ve. Thla khat a tlem kan lo lakluh ve \awng \awng chauh kan rin a ni si.
98565 69551
Pu te u, CM relief fund hi hmang chhuak zung zung teh u. Mi tlawmngai leh thil phal ten he covid 19 a \anpui ngaite \anpui nan an thawh khawm a ni a, tunah hian maktaduai telin a awm tawh a, khawi khawiah emaw chuan hman chu a ni tawh ngei ang tih chu a rinawm a, chutih rual chuan he hri laka ramria min venghim tura duty-te hian sum lamah harsatna an neih thu hriat tur hi a la awm fo mai a, anni hi Mizoram min venghimtu tur an nih mai bakah kan innghahna leh kan thlamuanna an ni tak zet a, ram chhungah \anpui ngai te chu lo awm ve bawk mahse ramri a duty-te hi kan mit fukna ber leh kan him leh him loh hriltu pawimawh ber an nih avangin heng sorkar pawisa pawh ni chuang lo, mi tlawmngaiten a \ul \ul a hman atan Chief Minister hnena an theh luh hi chu an duty-na tura \ulah hi chuan hman mawlh mawlh tur hi awm se ava \ha em! Min venghimtu tur ber ten harsatna an sawi hi ngaihthlak a hreawm em mai. Theih phei sela chu duty te pawh hi ei chawp zawng tam tak an awm ve a nga, in lama an nupui fanau ei tur thleng hian ngaihtuah theih nise a va \ha em! Duh aiin CM relief fund hi a che chak lo mah mah niin a lang. He fund hi a hun taka kan hman zel loh chuan inkharkhip te hi a zawh phei chuan hman hman loh hian a chuang rui mai ang tih a hlauhawm a ni.
Pa-Mawitea
98623 44897
Kan sorkar hi engtin nge chet a tum chiah le? Puangzar thei se \ha tur mipui hnenah hian. Tun hun hi hri lengin mipuite min hrek pachhiat lai tak a nih avangin miharsa ngawih ngawih te account-ah hian engzat nge a thun sak theih dawn? Eng bill mah hi free leh in chawitir loh tih kan hre ve ngai lo. Nge ni, duhsak bik te account-ah hian a lo vum thur tawh zawk le? Kan batna te sum tlingkhawm hian min delhhlum thei mai dawn e.
Serchhip Product
98621 30116
RBI-in tunlai boruak avangin bank a kan EMI thla thum rulh loh min phalsak thu kha an puang si a, engatinge SBI hian hlawh pawh kan lak hma hma a min cut sak hmak mai le?
98623 80534
Pathianni tuk tih loha tuk tina in programme ZING DAIFIM huna District hrang hrang khaw awmdan report in rawn tihchhuah \hinah hian District thar pathum – Hnahthial, Khawzawl leh Saitual-te hi tinge puan tel an nih ve loh le?
70858 90979
Lockdown miau chuan haw a theih loh, inhruai haw tum zawnga Mizoram sorkarin hmalak a tum tih hi hun paihna mai a ni. State hrang hrang chu sawi loh, state pakhatah ringawt pawh khaw hrang hrangah hnathawk Mizo kan awm \euh a. Airport pan tur ringawt pawn a buaithlak viau ang. Inhruai haw zawnga hmalak tum chuan awmzia a neih vak ka ring lo, a theih erawh chuan lawmawm ang. Haw kawngah covid 19 kai a hlauhawm bawk si. Mimal \anpuina dawn te hi lawmawm mahse a inthlahrun awm duha, sorkar ngei hian min lo buaipui vat teh se. Tangkhang ho in report-na tur tih post lah a tam, kan han bia a, response awm mumal leh chuang si lo.
76429 32831
Gas lak dawna a bur leh ration lak dawna buhfai lakna tur ten \ha taka social distance an zawm \ha hi a va lawmawm ve aw, covid-19 chu an vei hauh lo ang. Gas leh ration latute erawhin Covid-19 an kai thei lo niawm taka an \hukhawm dual dual hi chu inenfiah kan va ngai em.
Rinkima, Hidden Lodge
8974154790
Lockdown chhung hian ram mipuite hi kan chiai viau emaw ni lè? Evan leh Kohhran hruaitute hian chiaiah min puh mai mai zawk a ni lo maw? Nge, anmahni hi an chiai zawk anga, programme phuahchawp an siam zawk.
Puipuii Pa
84140 29478
Kan sorkar chuan mipui him tlan nan lockdown chu a chhunzawm dawn ta maw? Engpawh ni se, a \ha ber turah ngai phawt mai ang. Chutih rualin a ngentu task force lam hi a bikin khawpui chhungah, inti lal tak leh inti vei taka an vak kual vel hi phal ni lo se. Mahni veng \heuhah duty-in, mipui mamawh an buaipui bak chu vak kual vel tawh lo turin sorkar hian thuchhuah siam tel law law se. Tin, a Dept. hming chu ka sawi lo mai ang, Dept tam zawkin hlawh an lak tawh laiin Dept. lian ve tak pakhat chuan hlawh an la la ve miah lo, kan buai khawp mai. Kan cashier-te an hausa deuh tawh a niang, engtin tak awm ang i maw, hlawh ber a luh miau si loh chuan.
87945 19384
Dt 13/4/2020 hian Vety-ah vawk chaw ka va lei a, Vety rate chu Rs. 1,250/- a ni a, Rs. 1,450/-in min lo leitir a, mangan lai laiin. Kharchhawngtu ruahmanna nge tih hriat a chakawm khawp mai. Tunlai sermon hi an ngaithla ve \hin ang em le? Nge, Pathian hi an zah lo ve hrim hrim le? Ka ngaihtuahna an tithui kher mai, i \awng\aipui ang u.
CN Hnamte
98628 11376
Kan sorkar chu a che \ha tak zet e, duh khawp loh lai chu a awm tho vang, midang kan hrawnlai ni se kan ropui vakin ka ring chuang lo.
