Tanhril khuaa LPS pawh hi a va chhe zing tak. ZONET lah chanchinthar puan lai pawhin fakna an lo zep ve chhen bawk si. Eng hi nge pawt ila \ha ber dawn ni? Disk fit leh mai ila a \ha zawk mahna le!! Distributor ho inthlahdah \hin vang vekte hi a ni \hin. A hmunpui lama lo chiang lo \hin pawh ni mah se LPS leh ZONET distributor te u inthlahdah suh u?
Lalmimi-a
———-
|angrual pawl chu sawisel chak ho chuan sawiselna tur hre hek lo le, a kal ngaiin a kal muah muah mai si laia ‘tunge CM tur?’ tih bak sawi tur an hre vak lo a nih hi! Party lian pahnihte pawh an CM tur kan hria a, kan hrawn mek a nih hi. Engnge kan \angkaipuina!? Mizoram tichhetu leh ram leilung fate retheihna thlentu an nih bak hriat tur a awm loh hi! |angrual, Mizoram CM tur chu a hun te-ah a lo lang mai ang. I lo thlir phawt mai teh ang u.
Sawmsanga pa, Azl
—————-
Tlabungah engtik lai maha thil thleng ngai lo a thleng. Kan mifingte khan min han hrilhfiah teh u. In chhung chhuat hi ruah sur ang mai hian a huh dur reng mai \hin a, a ngaihna kan hre lo riau mai.
9485056088
—————-
Central lamin condom fakna a rawn khap hi a va \ha em aw! Hei leh chen hi fakna uar taka kan tarlan avang hian tumahin sex hman an \hulh phah lovin an hmang uar sauh emaw tih mai turin HIV vei lah an pung zel si. SEX hman chungchang naupangte zirtirna \ha tak a ni zawk hial em ni aw? Bihchiang teh ang aw.
No. thup
———–
MNF chuan an sawrkar chuan Rs. 3,00,000/- maw an sem leh dawn? Khawia sum nge an sem dawn? Patling leh patling hi dawt inhrilh reng loh tur.
RUTHII PU
———
Kan Synod khawmpui chuan grape a\anga siam wine aiin cardamon wine, water colour atan pawh hman theih kan duh zawk a ni maw? A va manganthlak \hin ve aw.
9862566188
———–
Kan tunlai \halai ho hian ngaihsan tur dik an ngaihsan a ngai a ni. Mizo hlate hi kan ngaithla tlem lutuk a, kan Mizo hnam zia hi kan hloh nasa tawh lutuk a nih hi. Sap hla ai chuan Mizo hla en zawk ila, a hnungtawlh zawnga hma kan sawn a nih chuan kan changkang lo tawp ang. Kan Mizo culture hi zirin bel chiang ila, tichuan hmasawn zawngin ke kan pen dawn nia.
Michaela, Dungtlang
——————
Chhungkuaa nu awm lohnaah chuan rorel a fel tak tak thei ngai lova, a buai duh khawp. Chuvangin kei chuan ZPM hi ka la ring thei tlat lo, an thawm a nat ngaihtuahin mi an tlem thei bawk si. Chhungkaw pa ber pawh awm lo rorelna chu a \hat ka ring lo tlat. An thawm a ring satliah mai mai niin ka hria. Kolkata-a tunlaia lar leh ngaihven hlawh tak in sak chungchang kha thudik hriat a va chakawm tawh ve, a zuzi leh mai ang tih a hlauhawm khawp mai.
Thenzawl pa
———–
Zoram People’s Movement ZPM hian, “VANGLAINI” ni tin chhuakah hian thuthar inneih ang angte hi rawn chhuah zel teh u khai! Keini hi lehkhabu leh chanchinbu chhiar hrat tak mai kan ni a, a bikin “VANGLAINI” ngat phei hi chu kan han bih chiah hian \angrual pawl chanchin a awm nge awm lo tiin kan han her phe vut vut phawt a, chuta a lo inziah kan hmuh phawt chuan chhiar hmasak berah kan hmang phawt zel a nia. A theih chuan ni tin hian hmuh tur leh chhiar theihin rawn tlangau pui zel teh u. |angrual lam thuziak a lo awm lo a nih hi chuan kan khua a har hman hle \hin a ni. Chutiang em em in ti a nih pawhin zantin “ZONET” chanchin thar leh “LPS” chanchin tharah tal chuan en theih leh ngaihthlak theih turin ZPM thuthar neih ang ang kan lo thlir reng \hin a ni. Nangni kalphung thar din tumte hi keini “NEUTRAL” te hian kan lo thlir reng a che u.
Aizawl Neutral Group
—————-
Condom fakna an khuahkhirh tak chu Kristiante aia Hindute dodalna rah chhuah elo maw?
LK-a
————
Pi Joy Lalkrospari Pachuau-in Mizo Award a dawng hi ka lawmpui e. ZONET-in in kawmna ngun takin ka lo en a, a lawmawmin a hlu a ni. Mahse, Mizo \awnga sawi theih tho, Sap\awnga sawi kha ZONET entu tam tak hian an hre chiang lovang tih ka hlau. Tun hnuah Mizo \awng hmang zel thei turin duhsakna ka hlan a che u.
Mami pa Venghlui, Aizawl
————–
Prof. Joy Lalkrawspari Pachuau, Mizo hmeichhe ropui em em mai, mi inthukru leh lansarh tum hauh lo chanchin hian min va han hneh tehlul em!!
9862859675
———–
