INTHLAN DAN DIK LO. HRUAITU ROPUI TE. Aizawl veng pakhatah chuan hruaitute inrem lohna avangin Congress Unit an phira, inpawhna leh inremsiamna awm miah lovin unit pahnih zuk ding thei tlata mawle! A mak inti ve viau lo maw? An Unit hnihna DING THAR ZAWKTE inthlan dan pawh President, Vice President, Treasurer aiah Secretary an thlang tlat thung a ni awm e. An Headquarters lamin engtin tak ngai ve maw? Mahse, hmingchhiat hrep ai chuan ngawi rengin an insiam rem then mai lo’ng maw? Hruaitu nih inchuhnaah a ngaih theih mai awm e. Keini ZPM chuan kan tih ve ngai loh zawng tak a nih kha. I ngawihsan mai mai ang u. Corruption Unit thar a ni mai lo maw?
Thingtlang pa
———-
Congress an sorkar leh hi chuan ka rawngbawlna zawng zawng hi ka pha fai vek anga, a rem rem ka zuar ve tawh ang. Hetiang reng renga retheih reng zawng a hrehawm em mai.
Thingtlang Pa Beidawng
————–
Mizo Idol Judge, Pu Robina hian ‘MAI’ tih turah ‘MEI’ a ti \hin hi sim thei se a lawmawm ngawt ang. Idol entute kan tam si a, Mizo \awng hman dik a pawimawh em mai.
Pa Muana
————-
India Independence Day chu aw vai buh chhe em em mai eipuar ul chungin kan lawm hep hep mai a niang chu. A pa chhe ho lawmna ni zet chu hlim takin aw. An buhfai ei duh loh quality hniam lutukte hi kan duh thuih thuih em hi. Eng nge intodelh ve lo napui chuan le ei nghek zel ila a ni mai. Khawi khaw lian ve takah emaw khuallian han nih ve vung mai te pawh ka chak ve ngawt mai. Mipui hmaah khan kan sorkar chak tak leh thil tithei tak, Pathian nung be kaihhruai ngata he rama thil ti thei ber leh thu ber kan nih ziate kha han sawi \euh mai ila ka chak a ni.
Tlangvala
————-
Pu Duha leh a pawlte hian sawhthing hi an hmu lian hle a, a chingtute hi zaa pakhat pawh tling lo an ni. Hmun lum deuhah lah a chin theih loh, a t^m zel si.
Lalrinfela
————–
A tua te chu nge maw ram hruaitu atan \ha ber ang le? MZP, MSU, YMA a\ang vela rawn inhmangte hi em niang? Sorkar pensioner kan iai bawk si, Pastor kan iai bawk nen. An hnathawh lai a\anga bang ngam Pu Duhoma te lah kan sawi hnawm leh bawk si. Chutihlaiin eiruk thubuai nei Ex-Chief Minister leh Court case nei Chief Minister te kan sawi mawi leh bawk si. A ngaihna tak pawh hriat a va har em!
9862240226
————–
Kan Home Minister Pu Zira chu a va che chukchu ve. NGO hrang hrangte nen Bru chungchang an relah khan inthlan kaihhnawihah reng reng Bru-te hi an awmnaa kal an remtih loh thu an rel kha a ni a. Press mite hmaah amah ngeiin a sawi parh parh khan ka hria a. A aw thangkhawk em pawh a reh hmain sorkar chuan official te a rukin a tir leh si. A va mak em. YMA duty ten an lo dang hlauh kha a lawmawmin ram leh hnam tan vanneihna nasa tak a ni. YMA \ang fan fan, ram leh hnam damna hi inkutah thui tak a awm si a. Hlawkna chu sawi loh, mahni insengsovin ram leh hnam tana inthawh nasatzia hi mipuiten kan hre reng a nia. Kan sorkar lah hian a ram mi dik tak Mizote aiin Bangladesh a\anga lokal Bru hote hi a hmangaih zawk emaw ni tih mai tur a ni. YMA \ang fan fan.
DIKI PA
————-
Zonet nge nge a hun takah zan dar 8-ah Mizo Idol min rawn hlui leh ta.
9862859675
————
Mizo Idol Aizawl District-a tlingte hming puangtute khan khua leh veng hming insawi dik loh leh inlam dik loh kha thil zahthlak tak a ni. Hming chhiar thiam loh vanga pawi tih a hneka lawm zawk nge, tihsual apianga nuih tak vak vak zel mai kha Mizo la mawl zia a tilang. Mizote hi hetia kan lan mawi ang ai hian kan la mawl.
PH FANAI
————-
Kan Local Cable TV Operator-te hmasawnna atana ka it chu sound pekchhuah danah hian a ni. Fakna \henkhat a rin viau laiin a \hen a zawi a. An Programme tihchhuah rau rau pawh a rin zawng a inang lova. Channel dang hmehsawnin tihdanglam tel ziah a ngai a, a buaithlak khawp mai. Phut zawkna thama ring bik te a awm \hin a. Inang tlanga sound set dan hi a awm a rinawm a, Foreign leh ram chhung Cable TV dang hi chu a sound rin leh zawih zawng a danglam lutuk lovin ka lo hre ve mai mai a.
8837489511
————–
MNF Party hian Pu Duha’n a lak hek dan hi an hre lo niin a lang. Ruling lam erawh an la him thei awm e.
VL Ruata
————–
Pu Duhoma hi kan sel peih mange aw ka ti \hin. A ni hian kum 10 chhung kan ram hi min lo hruai sela chu India ram State pachhe ber hi kan ni hauh lo ang. Hei tunah Journalist rual leh mithiam rualten kan ram dinhmun chhiat zia hmuin, a hovin ‘|angrual pawl ZPM’ an rawn din a ni a, BUANA HMAA KHERH mai lovin kan ram tan i lo support \heuh zawk ang u hmiang.
Zo Nehemia
—————-
MNF party Candidate dan tur ka duhthusam ka’n set ve mai mai teh ang. CM atan Pu Zawma, Finane Minister atan Pu Zorama, Sports Minister atan Pu Roberta, Education Minister atan Pu Thangtea, Health Minister atan Pu Thiamsanga, PWD atan Pu K. Sang\huama. Duhthusam mai mai a nih hi aw.
Liana
—————
Falkawn damdawi in saw MNF-te khan kum sawm sorkarna an chelh avanga tun dinhmuna ding saw a ni. MNF kuhmumah Congress a par. E, taka ZPM-a bul \antute zing ami Pu Vanneihtluanga kha a va reh ta ve! Kan ram leh hnam hi sawi ni lovin a tak ngeia thawh a ngai. MNF leh Congress-te hian thu maiin ram an hmangaiha, ZPM-te pawh hian thu mai chuan hmangaih lul lo rawh se. Pu Vanneihtluanga pawh a taka a chet chhuah a hun ta tak meuh a ni. A sawi hmar lamah, a tak chhim lamah. Hetiang hi chu a ninawm lutuk tawh, sawi zawt zawt, sawi zuah zuah ringawt hlawm mai! Ninawm! IN KA HI A NA LO HLAWM LUTUK.
SANGA
————
Pu Hawla, i zarah Independece Day lawmna Sipai Lammuala neih Live-a Cable Tv-in an pek chhuah chu power awm loh avangin kan en ve leh thei ta lo.
Pawibawia tupa
—————
NLUP hi Congress programme pui ber a ni a, fak pawh an fak thiam. Pathian lam hawi programme ang hialin an chhuahin ka hria. Mahse, mi retheite lei rem rah chu sawi loh, mi rethei chu kan pung tulh tulh si a. Kum 10 kalpui tawh hnu chuan BPL te hi tlem viau tawh awm a nia le! A hlawhtling chiah lo a ni mai em?
RK Sanga
————-
Vanglaini Dt.15.8.2018 Editorial-a “Mi hming\hatnaa insawi luh tum” tihah khan MNF MLA pakhatin Falkawna MlMER lo din tak dan chungchang a bul \humah a sawi kha i helh hle tih a hriat a. MNF sorkar laiin Falkawn Referral Hospital turin an buatsaih a, a hmun hma an buatsaih vek bakah, thawktu turte awmna tur an sak zozaite kha hluihlawn vek niin tuna Congress sorkar hian a thar hlakin a din tihna em ni? A nihna tak hriat a chakawm hle. A thu hrimah ZPM hi in\ha viau turah kan ngai che u a, support hle che u pawh kan tum \hin. Sorkar siam tum ve ta chenga ruling bei lo hian, in Regional Party pui leh Opposition Party MNF hian inmit a ti mim hle-in Zoram mipuite hian an hmu tlat che u a, sorkar siam chu a har hmel khawp bawk chu a ni.
8787777269
————-
Meghalaya state khuan tlangram kham karah pawh kawngpui tha tak an nei thei a. Mizoram hian enga tinge kawng \ha kan neih ve theih reng rreng loh. Kan ram lung a chang tawk lo kan ti maw? State dang ami kan chaw lut thei lo em ni? Thildang kan mamawh tinreng pawh hi State dang ami kan lakluh an ni lo’m ni? Lungchang lakluh hi a harsa deuh bik a nia nge.
Naupang chhia
—————
Mizote hi hnam rinawm \hin kan ni a, hun engemaw a\ang khan kan ni ta lo. Sorkar hnathawk bikah han chhui ta ila, sum eiruk chungchang chu sawi thu cheng lo a ni a, Pension hun tawh tak tak (kum 60 over) mahni kum eiru tuk tuk kan kuh\ul mai zawng a ni e.
LB-a pa
————-
