A va vawt vi vi ve le aw. Kan sorkar chak leh ropui tak hnenah hian hei aia vawt lutuk lo deuh tur hian chaw nghei lovin HANGER STRIKE kan nawr ve mai dawn em ni? Hlawh tinsan phuta nawrhna tur kan nei ve si lova, NAWRH ve hrim hrim kha a chakawm ve alawm. Min han thlem ve hluam hluam mai se, lo induh khum vel ila.
Tlangvala
————-
Kan sorkar hian hna zawh hmaa hawn hi a chin fo mai aw. Hlawk bawk si lo, senso tam fu lehnghal.
Vawrselapa
————–
ZONET Fakselna huangah hian ZPM vawrh lar tum mi 2, 3 vel hi in \ang hle mai. Zan tin hian thu leh hla in rawn nei peih a, in fakawm ka va ti tak em! |ang sauh sauh teh u. Mahse maw, ZPM hruaitute ho hi tumah mi thar an awm lovin ka hria, party hluihlawn tawh 2 leh inthlan dawn apianga ram hmangaih ber anga insawi tawh \hin mi tlem a zawngte kha an ni mai e. District dang leh thingtlang khaw lama kohhran upa tu tu te emaw ZPM rawn puibawmtu kan han hmuhte ho pawh hi Party hluihlawn mek te mi leh sa te an ni deuh zel bawk tih te ka rawn sawi ve mai mai a ni e.
9862508491
—————-
ZONET hian fakna in uar em em mai a. Ninawm lamah a \ang tawh. Chanchin thar puan lai em em hi chuan pe lo ula.
7085210279
—————
Khawvel hmun hrang hranga Zohnahthlakte in pui ber, Mizoram hi tuna kan sorkarina min hruai danah zu zuar ram leh NLUP hmanga kutdawh rama min siam a tum ni berin a lang. Zofate hi khawvelin engtiang takin nge min hmuh tak ang le tih te hi i ngaihtuah ve ngai em? “Khuavel i la chhing ngei ang,” kan han ti ringawt mai \hin te nen hi chuan a la inpersan deuh rih tlat i ti ve lo maw? Chuvangin, a chhunga chengte hian Pathian rawn chunga lungrual taka khawvel chhing zo thei tura \an kan lak a hun takzet ta. Zoram hi kan ram, Zohnahthlak zawng zawngte ram a ni si a.
Tlabung Uitangrual
————
Condom fakna hi media-ah an la sawi zuah zuah a, zan dar 10 leh zing dar 6 inkarah lo chuan khap a ni tawh a ni lo’m ni?
LK-a
————-
Tunlai hian Pantop Dsr khawlai leh Bazarah strip khat Rs. 40/-in an zuar a, wholsale-a kan lakna chanve aiin a tlawm. A tak nge a lem tih thuneituten ngaihven chi a ni lo maw? Chanchinbuah damdawi lem avanga mi an thih tam thu kan hmu si a.
9612588912
—————-
Ram leh mipuite hmangaih avanga politics huanga lo zuang luta \angrual pawl siamtute hi belh tlak an nih ngei ka ring tlat. Kha chen an ngawi a, party lian pawh bel duh lovin party te ber ber an thawhpui ngam hi fakawm ka ti.
Duata pu
———–
Mizoram Police-ten an Thana bul vantlang kawng kamah englai mai pawha an motor an park khat khup reng bik mai hi dan an bawhchhe ve tho a ni thei ang em le?
9862726534
—————
MNF hotupa ai chuan Pu Hawla hi a ziaawm ka ti. Hel, inruk bo, corruption pawh kan hre tlem deuh. An\am chi lei tam thu pawh kan hre ta lo. Sum siam an inthiam hleih deuh a ni ang e.
VL Ruata
————-
Ram leh mipui hmangaihna tel miah lova kum sawm chhung roreltu kha lal leh turin kan duh ka ring lo. DAMDAWI IN \ha, Referral Hospital mi zawng zawng pan phak tur Central lamin min pek an tum pawh an ti tawp a, IR Police hovin an luah a, a \hen ar vulh nan hman a ni. Tuirial Hydel Project lah chhung khat invur nan an hman avangin a tawp bawk.
Malsawma pa
—————–
Vawiin hian TNT-ah Christmas present tlem ka va pe ve a, ka’n sawi duh chu saw hmunah sawn mi 1,700 aia tam an awm a. Mipui kan ring thul nge ni, \anpuina pe an la awm lo khawp mai a, an harsa khawp mai tih ka sawi duh a ni e.
L.Sailo
————
Pathian hruaina a zarah Krismas kan thleng leh dawn ta, a va lawmawm em. A \hen kan rui ang a, a \hen erawh he hun tawi te chhungah hian Amah, a kutpui neitu duh dana nung tawkte pawh kan awm ang. Mak ka tih deuh mai chu Kristian inti si hian he hunpuiah hian inngaizawngten \awp taka hun kan hmang \hin hi a mak ka ti. A \hen lahin “MAS hmanpui tur nula bem a ngai” te an ti. Ka hrethiam thei lo. “Hmana miten hmuh an chak ni lawmawm hi hmu lovin sang tam tak an liam ta. Pialral lungawi kum hun lawmawm chhandamna ni keini zawng kan chang bik hi kan vannei hle” tih hla phuah a nih kha. He hun lawmawm tak kan chang hi Pathian duh danin i hmang ang u.
MALSAWMA, SELÀM VENGTHAR
—————
Synod-in Champhai grape wine an hnawl a, vairama an siam an thlang zawk tlat mai hi chuan rilru a tina takzet zet a ni. Mahni ram product thlang lova, mi dang hnam dang siam kan thlan zawk chhung chuan ram leh hnam dinchhuah a harsa duh awm mange!!! Ka rilru hi a na ngawih ngawih!!! Mipuite thawhlawm thawh khawm ringa awm zawk hian mipuite hi min rap bet chu a ni ber e!!! Mahni ram siam chhuah, thar chhuah ngaisang tura min zirtir zawk tur nia kan ngaih chuan zirlai \ha lo tak min zirtir tak zawk chu!!!!! A pawi takzet zet a ni e!!!
7005746331
————
Mizote hian a pui a nawiin MLA inthlan tur thu leh kan Political Party chungchang hi kan veiin kan engto viau mai hi bansan tawh teh ang u. Heng a\anga dam khawchhuah kan tum tlat mai hian Mizo chhungkua min tidawngdah zo vek tawh! Ram hmasawnna kal tir tura MLA a\anga \an kan tum hi thil pawi tak a ni. Eng Party pawh chuan sorkarna lo chelh sela, sorkar Department kutah tho a awm zel a. Heng kan sorkar Department Officer-hote hi chuan Political Party a\anga MLA buaipui ngai miah lovin, englai pawhin ram hmasawnna tur hi an khawih thei. Heti hian thil kan hrethiam mai ang em?
PH FANAI
———-
Kan ramah hian NGO, Kohhran pawl hrang hrangte hian inhmuh khawm leh a huhova kal khawmna khawmpui lian kan ngah lutuk hi Pathian rawngbawlna kan tih mek laiin kan ram chhiatna leh harsatna a ni. Sorkar a\angin \anpuina kan beisei vek si a, a nihna takah chuan India sorkar budget-ah hian kohhran leh NGO ten chan ve tur kan ta a awm lo. Bialtu MLA te kan pur a, anmahni sum an phal si lova, eiru lo thei lovah kan siam a ni. Damlo harsatna tawkten kan beisei bawk a, an MLA fund te hi dik takin ram siam nan hmang teh se. An hmang lova an eiru a nih chuan timualpho ila, i vote tawh lo mai ang u. Mipuite pawh kan inenchian a ngai. NGO leh kohhran hote pawh kan ta ni lo kan lak hi corruption lian tak a ni. Hetiang hi vairamah a awm lo, Kristian ram kan nih hi, i sim ang u.
Chhim pa
————-
Tunkar kal ta lawk khan englai maha la thleng ngai lo a thleng. Kawng dung leh in chhung him \ha lai pawh hmun tin deuh thawah ruahin a theh huh ang mai hian a huh dup reng mai a, kan ngaih a \ha lo ang reng viau mai. Kan mifingte khan min han ngaihven teh u.
Tlabung aw
————–
