Zonet Fakselna hi ka lo en ve \hin a, duh thu kan sam a, kan zeldinna leh ngaihruatna thui tak tak kan sawi a, rinthu huai tak taka kan han sawi \hinte hi chu naupang inkhualtelem kan ang ka ti \hin. Tin, kan phunchiar dan em em hi Israel fate Aigupta sal a ta Mosia’n a hruai chhuah laia an phunnawite kha kan ang ka ti \hin. Tunah covid 19 avangin min han lockdown a, thla em pawh a liam hmaa roreltute kan nawr dante hi a Mizo zia lo ka ti. “Kan \am a nih ber hi” te kan han ti a, Chief Minister relief fund-te hi kan it ta rum rum mai em ni le? Hengte hi chu a theih chhung chu khek sela, nakin lawkah hei ai hian kan la \am dawn a, chumi hun atan chuan khek zawk sela, sem ngai em lova kan lo awm a nih tak leh a lawmawm a ni mai a, thil dang \ul kan la ngah em hi. Thawhchhuah nei lo ram, chawmhlawm ram kan la nih hi, chuvangin, i lungngai lo phawt ang u. Kan roreltute hian theih tawp chhuahin mut mawh hnar mawhah an neih ve bawkin ka ring kei chu. Nang eng nge i ngaih ve dan Pu Zonet?
EEL DY, MVM
82589 50604
Aizawlah covid – 19 vanga Lockdown hi a \hat viau laiin, he hri hi Aizawlah mi pakhat chauhin a vei a, chu pawh chu a dinhmun a \ha zel a, mi pakhatin a vei vanga mi engemaw zat, Zoram pumpui pawn chhuah theih loh a kan han awm ta mai hi chu a fuh lo deuhin ka hria. chhuanchham leh harsa zual ten LLTF-ah in-report tur tih ni mahse Mizo pa rilruah chuan in-report hi an hreh ngawih ngawih a, Mizo rilruah chuan a tlawm thlak em em a, tin, in report ho lah hi LLTF-te hian buhfai leh chawhmeh an lo pe tlem si a, in report nawn tlut tlut lah chu a lo hrehawm nen, Zoram sorkar hian he lockdown hi sum dinhmunah te a tlakhniam phah nasat dawn nen, ramri hi veng \ha ta mai zawk ila a fuh zawk hmel khawp mai.
Johntea pu
89741 84964
Ramria duty mek te, a bik takin Village level task force kaihhruaina hnuaia volunteer duty-te hi khawchhung mipuite hian kan chhuang takzet che u a, nangmahni zarah Covid-19 hripui hi kan ngam ngei ang. Pathianin veng che u rawh se.
Lba pa
84140 29478
Pu Zonet hei kan ram a lo him theihna atana mahni nupui fanau, nu leh pa, unau, chhungkua te kalsana puanthuah tela ramri hrula duty-te hi an hahin an rim hle mai a, mi hausa lo te te an ni ve tho bawk nen anni ho hi kan CM relief fund thawh tlingkhawmte hian \anpuina hlawh ni loin lawmman pek ve te hi a va \hat hmel ve te kan ti ve deuh a, chubakah heng ramri hrula duty tur hian mi tam zawk tlawmngai tura khawpui chhung mitlawmngai tam tak zingah hian kan sorkar hotute pawh hian tirh belh thei se, chung an tirh belhte chu local task force a mite hi chu lawmman pawh pe thei hial nghe nghe se a va \ha leh zual awm em. Ramri hrul hi ven hneh a nih chuan a chhungah hian zalen zawkin a awm theih anga. Tin, ramri hrul ven hneh a nih chuan tuna keini harsa lehzual te hian kan khawtlangah hian fimkhur tak siin mahni kutkawih ngeiin kan mi hausa zawkte zarah hna kan lo thawk ve thei anga, a thlawna sem nghah ngawt ai chuan a ziaawm deuh mai lo’ng maw?
Abrahama pu
98624 14949
Zarkawt Presbyterian Kohhranin veng chhung mi harsate hnenah, pawl pawl sawi lovin an luang chhuak. Lockdown vanga \anpui ngai nia an hriat zingah kei hmeithai, Lalhmingthangi chhangte, K. Zohmangaihi (L) nu, thuhlung fa nia eng kohhran maha awm lo hi min rawn telh ve a. Dt.14.4.2020 khan Rs. 3,000/- lai min rawn pe. Ka phu reng vang ni lova Pathian hmangaihna ropui lo lang hi a ropui ka ti em a, Fakselnaah ngat ka rawn sawi ve a ni e. Kan ramah Pathian ropuina lo lang zual zel rawh se
Hmingtei, Zarkawt
93662 18545
Tun \um chu covid 19 behbawm duty chungchang sawi ve leh ang. Kan \henawm state-ah covid 19 vei hmuh a ni tawh a, hei vang hian duty post siam belh a ni. Local task force-te an hah hle mai. He tianga duty-na a lo tam takah chuan sorkar kal ta kha dem mai a awl. Police post ruak tam tak awm kha lo hnawh khat se, heti em em hian civil lam hi an hah lo deuh tur. Police post ruak hi 3000 lai a awm niin a lang a, a chanve tal pawh hi lo hnawh khat se, kan zia awm ngei ang. Tun a sorkar mek tan inenfiahna tham a tling. Tin, local task force duty-te zingah hian an tih tur chin chiang chiah lo hi an awm leh zeuh \hin. A tam zawk hian theih tawp tak meuh an chhuah a, mahni veng an vil peih a, chhuanchham hnai an zawng reng bawk a, an hah teh lul nen, chawimawi pawh an phu. Mi tlem te, duty ta riau bik, engkima thu neih tum, Police, magistrate leh administration zawng zawng nei vek emaw inti ta mai, \awngkam ngaihno bei vak lo hmang hreh lo hi an awm ve leh \hin. Heng mite hian an veng mai bakah LTF hming an tichhia tih hi in hre tak ang maw? An hmalakna tur hi mithiam ten an ruahman sa vek niin ka hria. Tin, kan state hi state dang a\anga lo lut kan ven hneh chuan PATHIAN zarah kan him ang a, LTF leh Police te thawhhona erawh a \hat zel beisei ang.
Johan Lalrinawma pu, Saron Veng
94363 92544
Pu te u, han ngaihtuah chiang teh u. Tun dinhmunah hi chuan Pathian zarah quarantine-te pawh an chhuak zo leh tawh niin a lang a, ramri an ven \hat phawt hi chuan a tak takah chuan hlauh tur hi chu a awm rih lo chu niin a lang. Fimkhur erawh theih patawpa inzirtir zel erawh a \ha a, hun khirh zawkte pawh lo la thleng thei a ni. Chung hunah chuan engmah tih theih loh tak tak hunte pawh a lo la thleng thei zawk a, chutiang a lo thlen hma hi chuan a pawimawh zual hi chu hnate hi in thawh tir rih hi a \ha lo’m ni? A bik takin PWD dept hi mipui awm loh lai leh motor tlan loh lai leh khaw\hat lai hian thawk se a va \ha em! Tunah pawh hian khaw \ha liam ta te kha a uiawm tak zet a, tun ang boruak kawng siamna atana hun \ha ber hi kan bawh pelh thui lutuk ang tih a hlauhawm. Hei furin min nang mai tawh dawn bawk si a, hetih chhung hian kawng siam laklawh lai leh siam hmabak tal hi chu a thawh theih lo’m ni ka rawn ti ve leh e.
Pa-Mawitea
98623 44897
A bik takin heng DDK, Zonet leh LPS TV show-ah hian mipui mamawh rawn phur luttu te, covid 19 laka kan himna tur a duty sipai leh Task force te leh a dangte pawh an awm ang, kawm ve teh u, medical mi ringawt hi in kawm a, an hnathawh leh inpekna te hi mipuite hriat a puanzar te pawh hi a \ul ve a nia. Tin, mipuite hriat a sawi tur te pawh an nei ve ngei ngei ang.
|haduh-a
98623 44396
Thla khat dawn chu veng tin, khaw tin te LC te leh VC te kaihhruaina hnuaiah task force dinin chungho thununna leh kaihhruaina hnuaiah chuan kan awm ta a. Mahni veng \heuh a\angin veng \henawm te au thawm kan hre vek a. Social media lamah nen lam veng dang inkaihhruai dan kan hre fur awm e. Hengah hian Local Council leh VC nei \ha leh nei \ha lo veng chu kan hriat khawp ang le. Veng \henkhat chu an au thawmah strick viau a an lan laiin, an veng chhungah an teihawi luai luai a. “Lockdown” tih hi “hnathawh khap” tihna chauh emaw anti ni tur a ni. Duty hmel hmuh tur mumal pawh an awm hek lo. Mipui mamawh tamtak zuartu dawr hawn an khap a, an hawn hunchhung an bithliah sakah uluk deuhin an duty hnana. Khawlaiah anhnah leh thildang zuar an \hu leh fur lawi a. Chawhmeh thlaihnah home delivery tur tia an puan laiin \hutpui lova thlaihnah zuartute mike a aukhumin an khap leh ang lawi a. Hruaitu \ha leh \ha lo, khua leh tuite tan a ngaihtuahna seng tak tak leh seng tak tak lo, tihtur a nih avanga ti ve mai mai, thil \ha zawk tihtur hre si lo, veng dang tihdan entawn hreh ve tlat lawi si hruaitu chapo an awm fur awm e. Chung ang hruaitute chu tun ang hun harsaah hian an khua leh tui te hian an hre rei khawp ang. LC/VC kan inthlang leh mai dawn a. Rulling party an ni emaw, eptu party an ni emaw veng tin, khaw tina kan rorel mektute hi tunhun hi a enthlak hun lai tak a ni ngei ang le.
Dave Sabow
98623 79822
Pu Zonet kan CM-in a lo sawi fo \hin, chhung tin hnena cheng nuai thum kan sem dawn a tih kha tunlai kan boruak en hian a sem hunlai tak a ni lo maw kan ti ve a ni.
98623 62645
Tunlai khawvel chu hri maksak tak maiin thlei bik nei lêk lova min tihbuai avangin mi tin kan fimkhur hi a \ul tak meuh a ni. Chutih lai erawh chuan kan khawlaiah te, ni tin mamawh châkkhai kan lamna dawr hmunah leh hospital-ah te erawh chuan ni danga kan zi luih luih ang tho khan kan la khawsa tho niin ka hmu. Hetiang hri lêng laka kan him theihna tur kawng \henkhat, kan mithiamte’n tih tura min chah lâwm lâwm hi thuawih takin zâwmtlâng zel ila kan him tlanna tur kawngkhat chu a ni phawt mai. Amaherawhchu, mithiam te’n min zirtir fo, hmui tuam taimak leh Sanitizer emaw, Sahbawn nena kut sil fai fo a pawimawh thu min chah \hat viau laiin, Hospital kawtchhuahah tui herhhaw theih leh sahbawn chhawp tel reng sela a \hat ka ring. Vawiinah chuan sahbawn an la chhawp tel lo tlat mai. Tin, puipunna hmun leh hospital OPD velah te hian distancing chungchânga line/mark hi tun ai hian tihkhauh a \ha ka ti a. A bik takin OPD hming lamna hmunah hian \hutna inkar te feet 3 êma inkar hlata rem a har deuh pawhin \hut theih lohna turah tal chuan “|HU SUH” tiin lehkha bel zel mai sela. Chutiang chuan State dang Hospital-te pawhin an ti daih tawh a, lehkha belnaah chuan tumah an \hu lui lo mai a ni. A nih loh chuan counter-a a autu nu tan chuan vil sên chi a ni lo va, mi tin hian thu kan awih a ngai a ni. Kei pawh ka in line ve chhung chuan intithu deuhin ka’n pui ve lâwp lâwp a nih kha. Tun dinhmunah mi tinin thu kan awih tlan hi kan himna kulhpui ber a ni e.
SENSEI J-a
94361 59860
TV Live crusade kha han buatsaih leh teh u khai, a khawharthlak em mai. Mizo mipui hian kan la mamawh a ni. Fredericka te, Vanlalsailoa te, Pu Lungmuana te, heng mi pathumte hi Zoram mipui tan Pathianin hriak a thih niin ka hria. Pathian thuah hian kan tui a hal huam huam a nih hi. A biktakin Maruati leh Hlimhlimi zai khan min va han khawih nasa tak em. Ka thlarau nun chau tawh tak pawh min tinung thar leh a sin. Chuvangin Pu Zonet, rawn ti leh hram te u, mipui kan lawm dawn em mai.
Hutei pu, Tualpui
98565 36040
Zonet Fakselna a thu thawhtu \henkhatte hi chanchin thar ngaithla ngai vak lo leh thlir vak lo kan nih hmel riauin ka hria, a chhan chu Covid-19 avanga CM Relief fund lut te hi Chairman, Pu Lalnunmawia Chuaungo, Chief Secretary hovin a hman dan tur te an relfel vek a, District hrang hrangah an sem darh zel bakah a \ulna apianga hman turin anti zung zung reng a ni tih TV leh Radio ten an puan zin teh lul vei nen. “Sem thuai thuai ni se” rawnti tawk hi kan la awm leh \hin a, mi nuih kan tiza ange. NEWS puan laiin Phone kan bih nasa deuh te pawh a ni maithei a ni. Chanchin thar te hi i en ngun deuh ang u hmiang. Zonet Fakselna hi kan tihlu lo palh a nge. I \ang deuh teh ang u. Tin, a ngaihtuahtu pawlte hi keini ai a fing vek an ni a, a hman dan tur pawh keini aiin an hre zawk daih turah i ngai tlang u hmiang.
Mesaka Pa
81198 70233
Tun lai kan hlawhfa rate hi veng tin maiah hian a rual lo deuh zung mai a, Central YMA Dan ding laiah khan vai, hnam dang ho hi Rs. 700/- aia sang a rawih loh tur tih kha niin ka lo hria a, Bawngkawnah hian 800/850- te an hlawh niin ka hria a, hei hi a ruaitute leh Central YMA hian ngaihvenin tih dang lam dan a awm lo maw? Vai hi ka huat vang lam ni lovin YMA dan hi zawm a \ha e ka tihna lam a ni e. Vai hi kan duhsak deuh mah mah em? In luah chungchangah pawh Mizo te aiin in luah turah kan duhsak zel zawng a nih hi. In luah man hi anni tan a to thei lo, a chhan chu an inchawi \awm tlat zel vang a ni. Mizo tan chuan a to hma hle. Kan harh a hun ta hle mai, Mizo zawkin in luah tur kan hmu zo lo fo ta mai, chhiat ni \hat niah Mizo \anpuina tho an mamawh leh si a.
Taitea, AZ ‘N
70052 51641
Tuna Class XII exam chhunzawm \hat loh chhan te chu:- A hmasain MBSE ina 8th April a an thuchhuah a khan lockdown zawh veleh exam hi chhunzawm a ni ang an ti a. Tuna kan hriat angin lockdown hi May ni 3 thleng a ni a, zirna in phei chu inhawng lo turin a bik taka sawi an ni. Hemi vang bawk hian zirlai tamtak hi kan inbuatsaih lo hrim hrim bawk a ni. Exam hi nawr luih a nih chuan, thingtlanga lo haw hman te tan hmalak ngaihna vak a vang a ni. Mi harsa kan tam si a, ni khat emaw, ni hnih chauh exam tura Aizawla rawn chhuk bakah, thlen in tur hi a awm lo nen, rilru senna tham a tling fe a ni. Hostel tamtak te hian zirlai awm te pawh hi anmahni tan a himin an hre lo. Chu mai bakah Mizo ni lo zirlai an awm pheuh pheuh a, St Paul’s Science zirlai pakhat pawh Assam-a mi a ni a, ramri pelin a rawn kal vang vang a ngai dawn. A rawn kal thei dawn em tih pawh a hriat loh a ni. Rawn kal thei hlawm pawh ni se, an kalkawngah ringawt pawh Corona hi awlsam taka kai theih a, inkaichhawn theih a ni. MBSE hian ni 14 April 2020 ah thuchhuah thar an siam leh a, chu chu exam hall-ah a hla thei ang bera \hut dan a ni. Hemi kalpui an tum dan hi zirna in tamtakin an tlin lova, chu mai bakah \halai, \hiante hmu chak, tha za rual chu exam zawhah, “I ti\ha maw? I thiam em?” tiin inkuah haw chu an awm ngei ngei dawn. Hemi risk hi lak chi a ni lo. Zun in lamah pawh buaina a tling zel a ni. Corona dona kawnga inkaihhruainaah chuan puipuinna hmunah tumah mi panga aia tam awm loh tur tih a ni a, an sawi danah hi chuan classroom khatah mi tam tak an awm dawn tho a, exam hall luh hmain in control ngaihna a awm hek lo. Chanchin tharah chuan zirlaite hi subject khat chauh la nei anga sawi kan ni a, amaherawhchu tamtak hi awl pawh nei lo an ni. Sociology leh Economics la kawpin hun awl an nei lo va, Chemistry leh Computer science la kawpin ni khat chauh awl an nei bawk a ni. Ni khat kar dan chauh emaw, ni zawn hrim hrim hian Board exam an la awm ngaiin kan hre lo.
82570 65299
Pu Thangtea hi a thil tihah in rawn fak \hin a, a lawmawm hle mai. Kei chuan MLA a nih angin a tih tur tiah ka ngai mai. Agriculture changtu MLA te pawh hian kan ram hi ei leh barah kan intodelh theihna turin hma te hi han la tak tak se, kan intodelh thei ngei pawh ka ring. Tun thleng pawn kawlphethaah kan la intodelh lo a nia. Kawlphetha renchhem tur han tih te pawh hian a hmangtu ten an renchhem chuan a hlawkna te chu tel tur an nih laiin, tel chu khawilam, kan bill a sang tulh tulh zawk zawng a nih hi le. Kan MLA te hian an chan department \heuh te hi han champion-pui \heuh mai se Kristian za a za awmna ram hi a va han nuam dawn em.
SIDA PA
87940 40907
Hripui hmachhawn hi kan ram hian a cho pha lo nasa mai a, ram ropui ber ber te pawh an tlawm duai duai mai. Heti chung hian state ramri dep a Mizo \halaite ram venhim hna thawk tura inpete thu hla han hriat meuh chuan, Mizo nih hi a lo hlu tak zet mai.
RK Sanga
94361 90314
Zonet report hmuh a nuamin beng a tlai \hin, Zonet vul zel rawh se. Langkaih Group YMA, VLTF te inpek na ava ropui ve aw. Kan ram leh hnam tana an han rammu han hmuh meuh chuan rilru a khawih hle mai. Chutih rualin han \ang mar zel teh u, in hahna leh in inpumpekna hi Zoram mipuite hian kan hai hauh lo a nia. CM Relief Fund a\ang pawh hian a dawng tam ber tur in ni e, hun puma inpe in ni a, hetiang hi kan ram tan hian in hlu zual bik a, ngaihtuah ngai ber pawh in ni. Duty thlahdul theih miah loh tur lai in nih avang hian sum leh pai, nupui fanau ei tur lam pawh kan sorkar chak tak te hian a ngaihthah miah lo ang che u tih ring ila. Chutih rualin ramri hmun danga duty zawng zawngte pawh hi an ni. Eng chen nge tih hriat a nih loh rualin District tin lam Level Task Force te pawh an duty hah hi ngaihthah a rem lo, an mamawh leh duty finchhuah kawngah te hian tun aia thuam an mamawh viau ngei ang. In chhuanawmin, in thawk ropui kan ti tak meuh meuh che u. Zoram tana in thawhrimnaah Pathianin awmpui zel che u rawh se, kan lo \awng\aipui reng che u a nia.
Serlui Pachuau
87874 87887
Quarantine chhunga inlum kan luah lum laiin Zonet Daifim Serial Forevermore inpek ka en fuh hlauh mai a, fakna hi a ni chhunzawm mawlh mawlh mai a ni. A show time minute 2 a nih chuan fakna minute 5 vel a ni a, a hneawm khawp mai Pu Zonet.
Mission Vengpa
7005012259
Pu Zonet tunlai kan boruak chu inhlawhfa chawp tan khawhawi a va zimin a van thawpik thlak ve ka rawn ti ve mai mai teh ang. Veng chhungah thawh tur a lo vang bawk nen. Hei hi chu kan hotuten lo ngaihtuah \ha ve mai mai teh u a, a hrehawmin a hrilhhaithlak duh em mai.
8575330094
Kan MBSE hian tun \um class 12 exam hun tur an duan hi an dawn tawi lua em aw? Feet thum dana inrem ngawt hi em ni kan himna atana an ruahmanna chu? Zun in leh haw kawng te, exam luh hma te hi an ngaihtuah pha lo nge ni? Thingtlang lama mi retheite tan buaina nasa tak a tling a ni tih hi hria se. Lockdown chhunga exam conduct hi a finthlak ber em? Naupangte nunna thap meuha he exam neih hi Mizoram tan eng nge a sawtna? Hlawkna a awm em tih hi i ngaihtuah hram ang u.
8974242260
Corona Virus laka invenna pakhat atan kut sil ngun a ngaih thu tarlan \hin a ni a, a \hat hmel khawp mai, mahse, tihdan tur an tarlan hian tui luang lai hi duhdan ni awm tak a ni a, hetiang a nih chuan chhung tin hian tui herhhawna hi neih vek a ngaih bakah PHE lam pawh hian tun aia \ha leh tam zawk hian tui an sem loh chuan tui a hek bawk si a, tui sem ring tan chuan a buaithlak duh khawp mai.
Lalbuaia
6009564258
MBSE in lockdown zawh hmain exam tura thuthlukna an siam ta rup mai le. Lockdown zawha exam nghak a tangkhang kan fate an lo thleng chiah a kal a \ul leh nghal si, nu leh pate lu a va hai si em. An kal leh hawna tur tal chu min \anpui dan ngaihtuah hram se. Lirthei a hau tak si a. Keini khawpui pawn a awm te hi min theihnghilh ta em ni?
Thingtlangpa
8416074902
Tun dinhmunah chuan ram dang a\anga mihring leh bungraw lo lut laka kan inven fuh leh fuh lohin kan himna leh him lohna a hril a ni thei mai em? Chu chuan \an lak dan tur min thiamtir dawn a ni thei mai em?
8837489511
Thingtlang lamah gas a vangin a harsa em em mai a, tunah chuan hman lai hun thingtuahah bawk kan kir leh a ngai ta si a. Khawthlang tlang dung tan hian sorkar hian ngaihtuah se kan va duh em. Kan mangang e.
8787895828
Tunlai hripui leng lakah Mizoram kan him theihna tura theihtawp chhuahtu sorkar leh ram leh hnam tana hlawh leh lawmman pawh nei chuang lova Task Force duty-te in inpekna Mizo mipui ten kan support tlat che u a ni. A bik takin ramri a Police leh sipai duty-te inthlahdah lova kan mite an him zel theihna tura \an la deuh deuh zel turin duhsakna kan hlan a che u. Ramri hnaih khua te in hahzia Mizo mipui ten kan hriatpui che u a. In inpekna hi Pasal\ha thiltih tak meuh meuh, ral hmatawnga awm in nihnaah hian he kan ram hian hun lo kal zel turah a theih nghilh ngai dawn lo che u a ni. In zavaia chungah kan lawm e.
Thinlaihnema
