Kawng chhiat chhana kum 10 liam tawha MNF-te han puh teh daih te chu a zah theih loh thlak hle mai. Siam \hatna hun hi a tam lutuk.
Ramhmangaiha
—————
Kum 10 sawrkar hnuah pawh Lal Thanhawla chuan, “Kawng chhiat chhan chu MNF vang” a’n ti daih mai a. Congress sawrkar hian engmah tum mumal nei lovin hun an khawhral hi a uiawm lutuk a, an kutah thuneihna kan lo pe kha inchhirna hlir a ni. Tunah chuan tum mumal tak nei, experience nei \ha bawk, insiam\hatna hun leh inhmuh chhuah nana thil \ha leh \ha lote kan |HALAI te tana hmathlir \ha siamtu, PATHIAN LEH KAN RAM TAN tia hma la tlat tute hi Zoram mipuite hian an kut ke tih chak i tum zel ang u.
Uitang pachal
————–
Party-a active hote hi sorkar siamtu an ni ngai lova. Sorkar siamtu chu neutral leh thle sawn kual ho mai theite hi an ni a, Congress leh MNF ningtute chu heng ho tho hi an ni a, chutiang a nih si chuan he Party pahnih ni lo sorkar hi kan nei mai thei ni pawhin a lang. Congress leh MNF hian an intodelh tawk bawk si, heng ho intithei hmel hmu ning ho thu thuah hian sorkar siam chu a innghat si. Fiah duh an nei tlat. Tu tak fiah ang maw!!!!!!!
RL Awma
—————-
MPC Leh ZNP hian member an nei tlem lulai khawp a, bandh leh kawng zawhte pawh an huaihawt ngam lova, television leh press conference-a inhampuar bak tih theih an nei lo a ni an tih hi a dik ang em le? Mi tui laknaa lo inrawlh tawk lek hotupa neih hi chuan eng a an thui vak theih loh a ni ang e. Lehlamte lah \halai meeting-ah kut pawh beng peih tawh lovin an tiangin chhuat an chhu ri tluar tluar mai an tih chu…han thaw lian ve viau dawn mah se mi an neih tlem miau chuan eng nge an tih ang le? |awngka tala an pawr mai loh nakah.
Vawrsela pa
—————
Khawchhak diar khim leh khawthlang diar khim hnuaiah kan ram a lo kun ta ngei mai a. Pastor Chhawna inlarna tidiktu tur em ni ang? N. Korea chu a luhlulin a beng a tingawng ve tlat mai.
Lengkawia
—————
Kan CM chuan kawng chhiat chhanah MNF-a puh thul, ruahtui tam a puh thul, kumin chu ruahtui a tam a, kan hre \heuh.
Mahse kum 9 zet an lal tawh a, a hma khan lo siam se chuan heti em em hian kan kawngte hi a chhe lo tur a nia an ngaihtuah loh vang liau liauvah kei chuan ka ngai. Nakkum inthlanah Congress kan thlang tling leh a nih chuan kawng chauh ni lovin ram pum hi an ti chhe vek mai dawn asin, i harh teh ang u.
Kawngchheninga
—————–
Pu Hawla hian kawng siam hi a tum lo hrim hrim a ni mai lovang maw? MNF vang, ruahsur vang, Highway kuta a awm vang a ti kual dun dun ringawt mai a, a chang leh India ram state-ah kan kawng a \ha ber te a ti thul, “A pu lut a, a pu chhuak leh a” an tih ang vel chauh a ni. Sorkar leh mah se MNF a ti reng mai dawn niin a lang. Thil \ha lo na na hi chu hmingchhiat pawh pawisa lova, huaisen takin kan do zel dawn. Aw kan Zoram nuam suihlung phang lo la, thlang kawrvai bawiha awm mai mai tur atan chuan kan phal lo che tih hi kan dinna a ni reng e.
Tlabung Uitangrual
—————
Mizoram kawng chhiatna chhan ber chu kum 9 hma lam daih tawha MNF-ten kawng siamtu hnena 3% laksak vang tia kan CM sawi hi chu chhuanlam atan chuan a ho ber awm e. Kum kua chhung ngawt mai mawhpuh avanga kawng an siam loh te chuan kawng chhiat loh ngaihna a lo awm lo reng reng. Kum kaw chhung rorelna chelh mektute hian kan kawng an lo siam duh loh chhan hi tu pain nge awih ang aw? Party ruih chilh pa mawl tak tan lo chuan awih chi hi a ni lo.
PH FANAI
—————
Kumin chu kum dang aiin ruahtui a tam avangin hmun tam takah in leh ram te, kawngpui te a chhe tam em em a, mipui pawhin kan tuar a, phai lam te kan thlir chuan in leh lo tam tak a chim a, hengte hi khua rel chhiatna a ni ve mai a. Heng ruah tui tam avanga kawng chhia te hi Pu Hawla sawrkar dem nana kan hmang chiam chiam mai hi chu kan ti lutuk deuh lo maw? Phai lam tui liante pawh hi mawh kan phurhtir zel mai dawn em ni? Insawiselna ringawt zawng lovin van ruah tuite hi kan thunun theih a nih lohzia te hi i hre tlang zawk teh ang u.
8974900877
————–
MNF Party hian Congress sorkar hi thiam tak takin an sawi chhe fova, anni ai khan an \ha zawk daih. Kawng erawh zawng fur ruah a tam em a, a chhe deuh a ni. MNF hun lai kha ni se tun aiin a chhe zawk ang.
Malsawma pa
—————
Pu Duha’n nihnaa a buai ngai loh thu a sawi mai hi a nuihzatthlak deuh. A ni aia nihna a buai an la awm ngai lo tih hi mi zawng zawng hriat a ni.
VL Ruata
—————-
MNF ka ni lova, Congress pawh ka ni lova, neutral dik tak, vote ka neih ve chin ata MLA, VC, LC thlan apianga party sawi lova mi \ha nia ka hriat apiang vote \hin ka ni. Kawngpui chhiat chhana CM-in MNF ten contractor-te laka sum an laksak \hin vang ni a a puh hi chu dikin ka hre thei lo. MNF kum 10 a zawnin an lal a, Congress pawh tunah a zawnin kum 9 an lal tling \ep ta. An lal kum 9 chhung hian kawng siam \hat hun awm lek lovin a fur tluan parh si lova, fur vanga kawng siam theih loh chhuanlama hman fo hi chu mipuite min zah lohna nasa tak a ni.
Puipuii pi
—————-
Kawng chhiat chhanah tumah inpuh a hun lo. Kawng chhe siam a hun e.
Ruthii Pu
—————
Pu Hawla’n Mizoram kawng chhiat chhan chu PWD kuta a awm avang niin a sawi a. PWD chuan kawng \ha siam loh tur tihna a ni lo ni maw? Chuti a nih chuan an sum zozai te hi enga tana hman tur nge ni ta ang?
9774354495
—————
Dt.14.9.2017-a MNF ber kherin total bandh an buatsaih hi chu an ngum khak an hmu lo tlat alawm le. An sorkar lai khan rulngan pa ang zar khan kawngpuite kha lo siam se \ha mai tur.
8575182350
————–
Kan ram ve tak hi chu a ngaihna awm thlawt lo a ni e. A sorkar ber te lah kawngpui siam\hat tum si lo, a sawiseltute lah kawngpui man tur puan hnuai bawk. A tute hi nge ram hruaitu tura kan han vote dawn? Heng party lian pahnihte hian Zoram an lo kaihruai ve ve tawh tih kan hre chiang ve tawh sia, kan ram hruaitute hi thlak a hun ta. Ram hruaitu \ha Zoram hian kan mamawh, tunge lo pen chhuak ang le?
Amos LT Hmar, Sesawng
————–
Pu Hawla ho zet chu le. June thla ni 6 leh July thla tira MNREGS mi retheite inhlawhna hlawh pawh a la pe thei lo a ni a, an va tenawm tak em ve aw!
Kawnpui pa
————-
Hnam inpumkhatna lam ve thung le. Tun hma khan Mizo nihah kan inlungrual thin. Mizo \awng kan neih hnuah a thiam ve lo ten Mizo an inti \ha duh ta vak lo. Anmahni venthawn vang ni maw , kan Zirlai pawl pahnihten Mizo \awng chu 8th Schedule a dah an duh loh phah a ni awm e. ZoRO ho lahin Mizo tia dah ngam lovin Zo an ti ringawt a ni emaw ni? Chuti a nih chuan, ‘Mizo \awng’ ti lovin ‘ LUSEI TAWNG ‘ ti leh ta ila, 8th Schedule ah pawh dah ta ila, kan inlungrual tlang lawm ni? Zirlai pawl te leh ZoRO te khan Komiti-ah han sawi chhuak teh u. A lo \ha phian mai thei asin.
8413931575
—————
