Zonet Fakselna hi ka lo thlir \hin a, a ngaihthlak nawmin ngaithlak a manhla \hin khawp mai. Mahse, ka beng ti khamtu deuh mai thil pathum ka nei ve a, chu chu ka rawn sel ve lawk teh ang. 1) Kan ram Mizoram zimte ramri bawk hi kan CM zahawm tak maiin a chinfel dan tur a hriat a puan chhuah hmain Assam sorkarin mandir an sa zo mai dawn niin ka hria a, bialtu minister lahin Mizoram sorkar thu ngaichang turin a ti ngam \awk chauh mai sia, CM zahawm tak lak chuan ramri chinfel dan a hriat puan chhuah aiin ram hnuk khawih lo park tih changtlun dan tur ngaihtuahin a hman hlel zawk si. 2) Chakma rama VC inthlana MNF party-in seat an lak hnem ber lawm niawm takin chanchinbu leh whatsapp-ah te an ziak lang ngei nguai a, Mizo hnahthlak chakna pawh ni hlei lo, an chakna hmun hi a zahthlak ka tia, Zohnahthlak ho hian i ngaisang lo ngam ang u tiin Mizo mipuite ka rawn hriattir bawk a che u. 3) Mizo mipuite hi kan piantharna hi inenfiah a van hun ta em. Biak In thinlung taka Pathian faka lam ni si lo, a dera Pathian faka lama piangthar der kan tam zia mai chu Covid-19 a\ang hian a lang chiang khawp mai. Kan ram khawpui ber Aizawlah chuan Covid-19 vangin sem sem dam dam, ei bil thi thi a bova, nangmah i inhmangaih ang bawkin i vengte hmangaih rawh tih Pathian thu dah \ha-in mahni HMA kan sial zia a takin a lang chiang khawp mai. Kan Pathian chuan nangni rin tlemte u ka hre ngai lo a che u min la ti dawn chiang khawp mai. Chuvangin kan rinna hian Delhi CM AAP hotupa rinna pawh khu kan tluk lo va, a zahthlak lutuk. Chuvangin ramin hma a sawna Pathian thuawia Vanram kai tak takna tur rinna nei turin kan pianthar dante, Vanram kaipuina khawp rinna dik kan nei em i inenchiang ang u.
Sawmhlua Pa, Kolasib
96122 26314
MNF ho hian an politician te ransa kahthlak ang maiin an zawn lu lu fo mai a, kar hmasa khan Lawngtlaia MLA zawntu phei chu hmeichhe ho (ka hmuh sual loh chuan). Keini lamin Kalphung Thar kan sawi laia kalphung hlui, kum 50 chuang kaltaa Assam sorkar babu motor kal theih lohna thingtlang khua an kalin an zawn \hin a, campaign lai chuan mipui rawngbawltu, hnathawh kawr haa feh chhuak tur ang khan an insawi a sin. “Min thlantlin chuan min zawn dawn nia” tiin an party mite an lo tiam bik a niang ti mai ang. MLA ni ve ta ila party nuho zawn nih chu ka duh lo chiang viau ang.
ZPM Pavalai
87946 59715
Lengzem February 2020 chhuaka Cricket – Vai vawm nge Zo vawm? tih thu-ah khan hetiang hian Lengzemah ka feedback-a, mahse March Lengzemah tihchhuah ve a ni lo. Hetiangin ‘cricket player te hlawh hi hetiang hi ni mah se, Nov. 2018 a\anga vai rama tournament khelte khan 2019-a ral hnu, February 2020-ah pawh an khelh hlawh hi a zat ve pawh an la dawng lo va, hei hi a nih dan tur nge, thil diklo/sum kawng bo a awm? Hriat a chakawm’ tiin ram veitu ka intih angin kan rama thil dik lo chi hrang hrang ka hriat ve chhunte hi siam\hat duh tak taktu ka ni a, ka thupui pawh tlemte chunga rinawm a ni. Tlemte chunga rinawm theih loh chuan tam tak chunga rinawm a theih loh. Ka fate ka zilh vena chhun pawh ‘Khawiah pawh chhungte leh \hiante hriatpui tlak loh nun hi chu sual a ni a, tlansan hmiah tur,’ tih a ni mai. Ka sawi fo lo lehnghal. Cricket player-te hlawh Hmingsanga’n Lengzem Feb 2020 chhuaka a ziah pawh hi mipa senior team-in an hlawh hi a dik takin an la full a nih chuan kan hre ve lo ni se, hmeichhe senior team leh mipaah pawh under 16 team hian an sawi ang hi an la lo chiang bal. Mipa Under 16 team hian hlawh an la hmu miah lo va, tournament an khelh chhunga an DA chu an hmu ve tawh a la ni chauh. Chuvangin rinthu mai ni lo, a taka ka hriat chian ngei chauh hi ram siam\hat duh vangin ka rawn sawi ve \hin a, Mizoram cricket player te hlawh hmuh leh hmuh loh chungchangah pawh Pu Hmingsanga hian Chanchinbu leh TV kaltlang hian thudik belhchian dawl mipuite min hrilh theih chuan a lawmawm ngawt ang. Tunah chuan hah leh rim tak leh hun zawng zawng paiha sum tam tham ve tak hlawh tuma cricket an khelh hian a takah hlawh leh hlawkna an la hmu lo a nih hi.
Ramveitu
9089667399
Zonet-ah basketball infiamna hi a lang tam lutuk, ka hne tawh khawp mai. Fakna lah hi a inchhawk deuh hian rawn tilang ve teh u, a ngai hlir mai, a hneawm lutuk bawk. Hmuh duh zawng a inang lo, a awm tawk erawh rawn hre ve teh u, basketball player-ah hnam dang telh tir loh dan te hi a awm lo em ni? Ka hmu ning hluah hluah.
VLA
8414879532
Zanlawn tlangdung kawng Durtlang pelh a\anga kal hrehawm lutuk a, Kawnpui peng thlenga khuar tluanchhuak zak \hin kha tun hnai kum khat chhung lek hian a lo mam tluanchhuak zak ta mai!! Engti zia nge maw ni le!
Thlirtu
9436198725
NLUP sem lai khan Pu Hawla’n, in chhunga miten an chang hmasa ang a ti a, inpawna mite chan tur a awm ve ta reng reng lo mai a, kum 2018 election campaign naah pawh kan pu ber Pu Rama pawhin, “Ka inhmuchhuak ta, kan fing ve tawh ang. Fatuten kawchhung an ei ang a ti hial kha a ni a, tunah huapzo sorkar an ti leh ta si a, inthlan dawna FIN VE TAWH, sorkar hnua HUAPZO mai pawh ni lo LANGTLANG sorkar a nih bawk si chuan thlantla phula beih hnuah pawh a kawchhung ni lo, a ruhkawl tak ngial pawh an khel pha ngut ang em? Langtlang sorkar din leh tur pawhin HUAPZO kha an BO ZO vek tawh lovang maw?
Tlabung Uitangrual
9862014844
Kan ram mipuiten Covid-19 kan buaipui ang hian PATHIAN thu hi han buaipui peih ila chuan kan chiai lo tur. Thil lo thleng reng reng hi Bible-ah a awm em tihte hi lo en \hin ila kan buai luai luai lo tur. Tin, PATHIANin kan chenna turin ram min pe a, a ven leh a humhalh chu kan hna a ni ve dawn lo’m ni? Kan Pathian hi kan ti hah lutuk, thawh tir veka keini awl kan tum leh si hi a ringtu zia lo em mai, i sim tawh ang u.
Fela pa, KK
8118904367
Covid-19 chungchanga kan sorkar hmalak dan chin kan hria a, a thlamuanthlak loh takzet ka ti. A enna khawl kan la nei thei lo va, thisen sample 2 thawn thlak bak hriat zui tur a awm lo bawk a, a hrik pai hmuhchhuah an awm hma hian thihpui kan awm hman mai ang tih a van hlauhawm ve aw. A enna khawl kan neih miau loh chuan a vei hmuhchhuah ngaihna a awm lo tihna a nih hmel sia, zirna leh office dang chawlh pawh puang mahsela zalen taka kan khawsak tho chuan awmzia a awm vak a rinawm loh.
Ramveitua
8413032247
Pu Zonet mi ram ve te chuan covd 19 vei leh vei lo an thliar hrang thuai thuai a , tunah kan la him an ti ringawt a kan thlang lawk state-ah an vei ta bawk sia, vei lo awm ta se hriat theihna a awm bawk si lo a buaithlak mange. Ball awm lova inkhelh ang chauh a ni. A rang lama a vei leh vei lo hriat theihna khawl neih vat a pawimawh
ka ti khawp mai. Independent chu inkawchhungah a awm tih ang chauh a ni Lianhnuna
