Tuikuk huangtau lutuk te hi a bul chu ram hruaitu nêp lutuk kan neih vang a ni. Ram hmangaih aia an pum \anghma haituten ram an hruai vang a ni. Mizote hi \angrual ila, awmhmuna inhrosa fo lo hian an lo let tur hi i lo dang tawh zawk ang u hmiang. Ram leilung fate aia Tuikuk leh Chakma hmangaih zawktu MNF leh Congress te hi i hnawl tawh teh ang u, mipuite kan ^ rei lulai tawh em mai, i \hangharh tawh teh ang u.
NAUHAIA
————-
Kei ZPM hi mipuite duhsakna a zarah kan lo sorkar hlauh a nih chuan Chief Minister Secretary Mizo \awng hre lo hnamdang kan nei ve dawn lo. Tin, taimak leh rinawmte, bana kaih policy uar taka hman an tum a ni. Pathian thu ang zelin kan inkaihhruai dawn. Heng party lian intite hi, “Keipuiin a zia a thlah thei lo” tih hi kan hrethiam tlang em ang chu maw? Kan ram, kan hnam leh chhungkua mi ti chiai zo takngial dawn e.
Ramveia, Aizawl
————-
Reverend pakhat khan kan ram sualna bulah politician-te a puh a, keini chuan sakhaw puithiam ho kan puh. Pathian aiin an \anghma an ngai a, pawl an buaipui a, inpumkhat an hlat lutuk. Politician-te thlarau nun an ti khawbaw vek a lawm.
The Communist
————-
VC term kum 5 tih hi a \ha lo khawp mai a, hei hi sorkara kan hotute hian VC thlan leh dawnah chuan ti danglam se, a hmaa kum 3 chhung term khat a nih ang khan ni leh thei se a lawmawm hle ang. Tin, VC seat thumah chuan hmeichhe seat hi dah tawh lo bawk se. An duh chuan hmeichhia pawhin general seat-in chuh ve mai se la a \ha ber ang.
9612028199
————-
Scholarship hi a va lut har tawh ve. Tun thlengin kan la nghak chu a ni e. Thuneitute min ngaihvenpui teh u khai. Thingtlang mite tan chuan kan nghah fak a ni si a, kan nghak rei tawh em mai.
Scholarship duhtua
————-
Tunge ram hmangaiha, tunge \ha ber ang tiin kan ngaihtuah a, \ha bera kan rin kan vote mai \hin. Keichu Pu Hawla hi ka la ring ber. Pu Duha zawng a \ha lo a ni ang, a tling khat em mai.
Duata pu
————-
Pu Rama hi a zam deuh em ni? ZPM nen policy inang kan ni a tih tak mai. Pu Duha policy leh a policy chu dang tak a ni. SEM leh DAH hi thil hrang daih a ni.
Lalrinfela
————-
Pu Hawla hian kan ti ang a tih chu a ti zel. Pu Rama erawh chuan a pha mar \hin. Pu Duha hi hriat tur a la awm lo. |awngkam erawh a tlachham lo.
VL Ruata
————-
Tuikuk an ni, Bru tih fo a \ul lo. Hmanlai a\anga Tuikuk an ni a, an duh thua Tripura-a chhuk ho hian kan ram hi an duh anga zau an han ngen vel a, Tuikuk an nih hi an inhre ta lo em maw ni le? Saala.
Ramtea, Mizo ngat
————-
Ramhlun North, South, Venglai, Vengthar, Sports Complex mipuite hian College Road (Tlaklui) a\anga Bawngkawn kalna zing 8:30-10:30 leh tlai 4-6:00 inkara LVM chin tan kal phal loh Traffic-ten an tih hi enchhin a nih lai pawhin LC te leh mi dangte pawhin kan duh loh thu kan sawi chungin Bawngkawn peng siam\hat hma pawha phal reng tuna hetianga kal phal loh a ni hi hriatthiam har kan ti a ni. Kan han hmang \an a, Ramhlun North-a industry kawng chhovah Thawh\anni a\ang khan rei tak tak motor a tang ta fo mai le! Hotuten han en \ha teh u. A pangngai khan kal leh mai ila \ha kan ti.
9436142037
————-
Bru chanchin kan sawi leh ta maw? Mizo ram Bru pawh an ni lo, Mizoramah an awm duh lova, an chhuahsan a, kei chuan Foreign Bru-ah ka lo ngai tawh. Bakah ID, ILP leh Aadhar nei lo tan kan ramah luh kan phalin awm a rem ngawt dawn em ni?
Ruattea
————-
Tunlai pawl hruaitu, naupang te te hian aia upa an biak dan hi a nalh fahran lo \hin ka ti. Pawl hruaitu kan nih chuan inlak mi len vak chi pawh a ni lo, chapo vak pawh a nalh chuang lo. Mi hnuai chhiah deuha biak pawh pawl hruaitu an nih chuan an tih tur a ni lo, duhsak bik an nei tur a ni lo bawk.
Marami Chawngthu
————-
ZPM te an \hatzia hman chhinna pawh a la awm hma hauha kalphung thar leh \ha tak an ti ringawt mai \hin leh ram leh hnam khaichhuak thei tur khawpa mifel leh \ha, Pu Duhoma tia Fakselnaa sawmna an han siam nghal leh ringawt mai zel hi chu Pathian hriatna tel lo, rim taka hnathawh peih bawk si loh chuan Pu Duhoma felna leh \hatna ringawt pawh ni lovin, eng party-ah mah hian ram leh hnam dinchhuahna a awm lo, hnam boralna mai a ni. Pathian ngaihah pawh ruahmanna fel leh \ha, taima tak leh rinawm taka hnathawh hi kan ram dinchhuahna tur zawk chu a lo ni. Chu lo chu kawng dang a awm lo.
Tlabung Uitangrual
—————-
Zoram mipuite hian politics kan thlir dan zawng hi kan hriat chiana kan thlak thleng a hun ta hle mai. Kan bial chhunga rawn candidate-te hi an chhia emaw, an \ha emaw, anmahni kan vote hian tunge KAN VOTE CHHUAH TUR tih hi kan thlan uluk a va ngai em. Ram hmasawnna tak tak leh rualawt lem lo kan nih chuan kum 33 min lo hruai tawhtu Congress emaw, MNF emaw kan vote leh mai anga, ram kan veia, hmasawnna tluantling kan duh ve tawh takzet a nih chuan ZPM kan vote mai tur a ni tih hi i hre thar leh ang u. Party politics ruihchilhna leh thlahchhawng anga kan kalpuina hian kan ram chu chhiatnaah kan hnuklut mek zel a nih hi. Hawh u, i dinthar leh ang u.
Zo Nehemia
————-
Mizoram hi Mizoten pi leh pute a\anga kan luah kan ram a ni a, Mizo hnahthlak pawh ni loten “Chutin khatin kan awm duh” min tih min tih khum tur kan ni lo. Kan hruaitute hi paukhauh teh u, pipute an zahawm e.
Zopa
————
Pathian thusawi leh hla zir kut inthlak, kan Mizo chhungkuaa sawi tur lo awm hi thil thar a ni a, ngaihtuah uluk a ngai. Pathian thu leh hla pawh nise midang tana harsatna thlen khawpa thawm neih len chu a dik ber hauh lo. Kut han thlak thlazen lah a dik hek lo. Mi tana malsawmna thlen zawnga khawsak kan zir tlan a pawimawh tak zet zet a ni.
RK Sanga
————-
Mi rethei zu zuar mana tan ina khunga, hausate zu zawrh tirtu hi KOHHRAN leh YMA-te tan zawng \insan a hun ta. MNF lah ni se lal ngai lo lal a na, an lal a kha tih ang maiin SRS nge lal Magistrate tih hial a nih kha. Kum 2018 MLA inthlanah hi chuan mipui sorkar siam a hun ta. Kohhrante pawh hian \awng\ai mai duh tawk lovin vote hmanga tihlan a ngai. Rinna chu thiltih tel lo chuan thi a ni. NEDP sum hmanga vote zawn hi inleina chi khat a ni. Zofate tan Zoramthar, kalphung thar siam a hun ta.
Thingdawl Uisathiam rual
————-
Home Minister leh ram mipuite, heng Tuikuk kawhmawh bawl ho lakah hian inlungrualin i do tak tak teh ang u. Hetiang reng renga an han tal ngam chu le.
9862322234
————-
Ram leh hnam a chiang, sakhuanaa chiang BJP party-in India ramah Congress party nuai chimih vek a tum lai hian State mawl berah \ang bik lo ang u. Sorkar hmalakna NLUP hlawhchhamna te, zu zawrh te, kawng chhe leh zual tur awm lo khawpa chhia te, hlawhchhamna vek a ni. Ringlotu hnamdang, sakhaw dang party Congress hi a ram neitu tual\o party-te hian nuai chimih vek an ngai a ni. Ram, hnam, sakhuaa chiang chu tual\o party a ni ngei tur a ni. Hlemhletna duh tan leh ram, hnam, sakhua, a chiang lo ho tan Congress party chu an awmna ngei tur a ni.
VAN-A MIZO
————-
Hman ata tawh, Mizoram chanchin thar ngaihthlaka lo lang ngun ber chu TUIKUK/BRU-ho te hi an ni. Kan buaipui phichung avangin an duham zel mai si a. Tun a\ang chuan anmahni ngeiin rawn luh an dil pawhin tihdan dap phawt a ngai. Engamah hmaa dawhkan kilpui lo tum ngawt hi bansan a \ul.
8014010889
————-
Kan Home Minister-in TUIKUK ho ram phut zat ang sorkarin pek tur a neih loh thu kha a sawi a. Ram khati khawpa zau pekte han inphut reng reng. An lova han zakthei lo em em ve le. Khati zat zat ram kha chhungkaw sangnga aia tam hnenah pe ta se, kan ram hmun thuma \hena hmun khat aia zau mah hi a tling hial lovang maw? An zah theih loh dan em em hi TUIKUK DIK TAK lo ni hliah hliah awm vel reng an lo nih hi. Heng ho tihuangtau ngamtute hi chu Mizoram hmangaih vang ni miah lova mahni \anghma sial nana VOTE zawng ho hi an ni chiang a lawm. Kan ram hmelmain Zoram hmelma te an ti pawngpawrh phah \hin hi chu kan la buai thui nasa khawp ang. Mahni hmasial lutuk politician-te hi chu ram tana thil pawi lian lutuk an tih hma hian hawh u Mizote hian i hmet mit zel tawh teh ang u. An sulhnu reng mai \hangtharte tan a hnawk ta lutuk e.
Tlangvala
————-
Ram humhalh tlattu sorkar nge nge vaihovin ram engemaw zah min chuh buai tawh a. Tuikuk ram han pek leh zel chu thil tih chi pawh a ni tawh lo. Ram leilung fate ni si, ram nei lo mi rethei kan la tam ropui si a i \ang tlang ang u aw.
8730820304
————-
Kan Home Minister hian Bru raltlanten ram pek an phut hi zim deuh zawk ni se pek a remti mai dawn tihna a ni thei em?
Naupang chhia
————-
