I sawi i sawi mai ang. Kan ram hruaitute pahnihin, ram zalen leh ralmuangah hmathlir nei lek lovin ram inenkawl a, engah mah intodelhna nei lovin kum 40 deuhthaw min hruai a, han huaisen thei zia zang kan ni lo. Silchar kawngpui pakhat chawm laka min chhanchuak thei lo ram hruaitu kan lo nei che u hi a tlawm thlak takzet. Kan pipute kha enga tinge Silchar thleng thlenga mi run tura an kal, an va huaisen ve? Huaisen lo thei an ni lo, an intodelh tlat. Tunah chuan hnam huaisen thlah kan nihna pawh a lang ta lo. Kan Minister meuh pawhin a \ul chuan ramri chungchangah tharum pawh kan thawh ang ti ta lo chuan tharum thawh kan tum lo a ti hlauh. A ngaihna a awm rih lo a ni ber mai rih e.
RK Sanga
9862366590
Mahni vei zawng zawng kan phuhchhuak ziah bawk a. Tun \um chu Mobile Phone kan lawm dan em em hi tlemte ka’n au pui ve zawk teh ang. In pakhatah ka leng a, an pa ho khan mahni phone kha an lo bih fur mai a, kawm tur pawh hre lovin ka \hu ngawi ta reng mai a, an pa chuan en manglo hian vawiin eng nge i thawh mi han ti hram a. Chu zawng chu ka len chhunga kan \awng zuk nia!! YMA lam a\ang tal hian inzirtir a va \ha ve. Kan hunawlte i hmang \ha ang kan tih kha mawle. Kan motto-ah phone en tiin kan thlak zawk dawn em ni zawk?
Dampa Uitang
8974244232
Mahni huan ram chhunga sa sual lo lut um chhuak ngam lo pu neih chu, hei aia chhiat tawh leh ngaihna hi a awm leh tawh dawn em ni le? Bairabi Zophaiahte khan an pawr tehreng nen. In kutah rorelna a awm meuh chuan tharum thawh kan tum lo tih chu infate thlamuan nan chuan a nep lu deuh lo maw? Chaw sa-in a kang daih zawk che u nge, Cachar vaiho lah chuan tharum mai ni lo cheng rang hial an autir a nih kha. MZP te u, nawr kal ngai lo hruaitu inla au chhuak ngei ang. A bikin keini zangkhua bungbut hnan ho tan phei chuan kan ram chhung ngei pawh kan ta, kan ram kan ti ngam ta lo.
Lalrizapa Ralte
8730841016
ZNP nghet tak ka ni a, mahse tunah chuan ZPM kan lo ni leh ta a. Tun Local council inthlan hmasak khan ZNP kan la ni a, Congress nen inkawpin agreement engkim chiang tak leh lungawi tak ve ve-in kan in rem a, mahse vanneihthlak takin Congress kha thlantlin an ni ta a, mahse an kawppui ZNP te kha eng kawngah mah min hre fuh duh lovin, min thlim min thlim mai a, hna chhete mah min pe duh lova, ka sim hneh hle mai. Nakkum 2019-ah khian Local Council inthlan a awm leh hmela, kan vengah keini ZPM te chuan Congress nena inkawp chu kaha tiin ui leh kel inthlunpawlh inrem thei miah lo tur kan ni phawt mai a, anni Congress pawh hian lo hre lawk se ka duh rum rum mai. An party mala an beih ngam chuan a \ha e. An bei ngam lo a nih chuan Lok Shakti nen inkawp tawh se a \ha ang.
Aizawl pa
9862384183
Vanglainia tharum hmanga ramri buai chinfel kan tum lo tia kan Home Minister thuchhuah anga tarlam hi THARUM HMANG LOVA RAMRI HI CHINFEL KAN TUM tih ni ta zawk se. Chuti lo zawng dan bawhchhetuten min ngainep lu deuh ang tih a va hlauhawm ve aw!! Nge, ringtu in tisi hian dikna kan hnawl hrih phawt mai zawk dawn? Ka unau duh tak ram leh hnam chhan tur hian ramri kham a ngai em ni?
Tlabung Uitangrual
9862014844
Zonet Zawlbuk channel lah hi han hmet zeuh ila dawrkai ho bungraw fakna bak hmuh tur a awm meuh lo chu a ni e. Sumdawng ho inzawrhna channel an nih ber hi…Huiha.
No. Thup
9436365342
Chaw fak tawh ila tih H. Neihchungnunga rawtna angin hnam dang zawng zawng tih \hin anga chaw chhun chaw ei \hin Mizo zingah kan awm nual. Zing lama chaw (rice) ei tlat hi zawi zawiin kan bansan ang. Hnam changkang zawk aiin office leh school kan \an tlai hle a ni. Kan la bang hma zawk zui lehnghal. Mizoten chaw chhun fak kan chin hunah chuan lunch hunlaia mitthi vui pawh kan sim ang. Thingpui in hnu ni lovin, chawhnuah in vuina hun a tam lutuk. Ruang thlalakpuina tur hun rei tawk tiamin.
Aizawl Westerner
8794659715
Zoram mipuite nghahfak ZPM chu tunah hian Election Comission of India (ECI) chuan Party pakhatah pawmin Registration Party an ni ve ta.
Kan ram, kan hnam, kan sakhua humhim a, khaichhuak leh tur hian anni ZPM Party lo hi chu an awm ta lo a ni e. Patling pahnih a ngaihna hre tawh lote in lal
chhawkna hnuai ata he kan hmangaih Zoram hi hruai chhuak ngei teh se. Zoram mipuiin i support vek ang u aw.
Jonathana Pu
