Pu Zonet-in channel hrang hranga film inlehlinte kan lo thlir \hin a, thlir a manhla \hin hle. Chutihrualin film ngai hi inpe zing mah mah a, film ngai hlir lo deuh kan en khat tawh sia, kan \awng ngeia lehlin hi inlo chhuah theih chuan a lawmawm ngawt ang. A bik takin Kuch Kuch Hota Hai leh Kal Ho Na Ho film te kha inlo tih chhuah leh theih chuan a lawmawm ngawt ang en a chakawm emai
Amos & Aaron
98629 06131
Zonet Chanchin thar puangtu hmeichhia te hian “r” leh “\” awmna thu inpuan hian Mizo \awng dik takin puang teh u. Home Crusade hunlai dt.10/ 05/20 lai vela puangtu hmeichhia kha entawn se a \ha ang. Leitawt ang mai a r leh \ inlam leh \hin hi a ngaihthlak a nuam lo tlat.
600940 5527
Tunlai chu Pathian thu a taka lo lang chhuak kan hmu tam mang e. Mizoram Mistiri Association ten Rengdil khuaa chenna in rialin a tihchhiat, rangva thlen theih rual ruala hnatlanga puih an tumte hi Pathian thu a va ni em! Kan pipute harsatna leh nunphung la hniam tak chung pawha chhiat ni \hat ni-a in\awiawm \ha ber hnam an lo ni te kha a va lo Pathian thu em! Kan zonunmawi tlawmngaihna hi Pathian thu a lo ni. Covid-19 hri leng harsatna karah hian Pu Zirsangsela hnamtein \ap \apa a auh din zawh loh ZONUNMAWI kha a lo par vul \an leh dawn ta. Vawng nung zel i la, kan Zoram hian Pathian malsawmna kan dawng ngei ang.
Mr. Mipui
98623 61451
Chief Minister berin sum dinhmun a sawi theih loh bakah, PM pawhin a sawi thei lo, Pathian chauh lo chuan a hre lo tih thu ram hruaitu lu berin a sawi thei lo kha a mak ka tih thu a ni e. Ram sum leh pai hi chu budget neia kalpui \hin a ni a, mipui beisei chu langtlang sorkar a nih thu ka han sawi a nia, kan hrethiam lo pawh a ni mahna. Engpawh ni se, ram hruaitu luber chuan ram sum leh pai dinhmun hi chu an sawi thei ngei tur a ni a, a kara eiruk pawh thil awm thei a nia, state sum leh pai a harsa a nih chuan chiang takin mipui hmaah sawi mai se. Tlabung uitangrual khan inlo hriatthiam ka beisei.
Pakima, ITI
70054 47128
Electric bill hi thla tin kan chawi tam berah 1,000 vel a ni \hin a, tuna bill lo kal chu Dt. 3.3.2020 – 1.4.2020 hian Rs.2,174 kan chawi nia. Mak ve tak chu a ni. Kan hmang tam ta thut emaw ni dawn ni?
87945 19384
Inkharkhip avangin shopping mall leh new market chhunga dawr te, shopping centre te dawr hawn phal a ni bawk si lo va, heng hi mi tam tak eizawnna a ni. Dawr neitute, an hnuaia thawkte hi engtin nge ni ve dawn? CM Relief fund pek ve chi an ni lo maw? Sorkar hnathawk anga regular income nei lo, thawh loh chuan income awm lo ho, thla hnih dawn inkharte leh an hnuaia hnathawkte hi engtin nge ni dawn le? Pu Zonet, heti lam hi han ngaihtuah ve teh u.
70858 45905
Pu Zonet, \anrual hunlai kan ti a, a dik khawp mai. Kei ka ngaih ve dan chuan tun ang hun, hun thim chhah lai leh hun harsat lai tak hian eptu pawl tan chuan inbeihna remchang laa au chhuah hunlai tak zawk niin ka lo hria a, a bak hun \ha leh remchang dang a awm chuangin ka hre lo. Duhthusamah phei chuan eptu pawl lam leh sorkar lai party MLA te hi inzat thuak mai se ka duh a, thu dik leh dik lo au chhuak tur pawh an tam deuh ngei dawn a, tin democracy ramah chuan eptu pawl lam hi an tam a, an \hat poh leh development a kal chak a, eirukna a tlem phah a, ramin hmalam panin a changkang phah bawk a ni. Chuvangin eptu pawl MLA Pu Zodintluanga thu sawi (au hla) hi a sawi tur leh a sawi awm ta ah ka lo ngai a, eptu pawl member dangten rawn au chhuahpui ve se, a effective ngeiin ka ring. Ka rilrua thu dang awm leh chu, Pu Zonet Congress party-in NLUP leh CHENG NUAI KHAT SEM kha inthlan dawna an auhla a ni a, a sem hma deuhin eng engemaw chumi khami a\angin sum an pawt hek a, chumi chuan an tur nasa tiin kan iak kan iak a, kan phun nasa a ni. A phun zing ami tho ka ni ve a, hei tun \umah sorkar tharin Covid-19 vangin buaina nasa tak a tawk a, Central sorkarin \anpui nan tangka \hahnem tawk tak min pai pawn a, mimal mi \hahnemngai leh NGO pawl hrang hrang, kohhran thlengin kan phal tawk CM relief fund-ah kan chhung lut a, chu pawh duh khawp lovin sorkar hnathawk hlawh cut sak an titlu leh bawk nen, enga tan em em nge pawisa hi kan tih ang aw ka ti \hin. State dang ngaihtuah chuan kan tun dinhmun chu Pathian zarah kan la fihlim viau niin a lang a, Covid-19 hrik vei kan awm emaw, awm lo emaw pawh ni ta ila sum an hmuh zozai hi a \hahnem tham ropui sia, eng atana hman tur nge ni? Engtia hman ral tur nge tih hi ngaihthah chi niin a lang lo. Mimal inhai vur nan nge CHENG NUAI THUM sem turah hian a bet tel ve zawk dawn tih hi. Ngaihtuahna hman thui a va ngai tak em.
THE BLUE GEES
87310 58915
ZONET Daitheu kha a hmuhnawmin a \ha ka va ti tehlul em. Han buatsaih leh teh u. YMA zaipawl adt. rawn lang tel bawk se.
KVL Ruata RVL
87876 18916
Kei chuan kan thu ngai bawk ka sawi leh dawn. Ning deuh inlo awm tak leh inbeng inlo chhu ngawng lui mai dawn nia. Kan rama Covid-19 hri vei kan awm tawh loh avanga ngaihngam taka kan inseng lut zung zung mai hi chu ngaihtuah tham fe ni hian ka hria. Kan \henawm state Manipur-a hri vei an hmuh chhuah thar pawh kha tun hnaia haw r<npui kan neih laia mi a ni a, chubakah Myanmar rama veite pawh kha a zatve aia tam chu anmahnia khawsik emaw, khuh emaw awm miah lote a la ni zui. An ramah hetiang thil a thleng thei a nih chuan kan ramah pawh hian a thlen theih lohna bik tur a awm lovin ka hria. Hman kuma Spanish flu a len \um pawh khan a reh tawha an ngaih hnuah khan maktaduai telin an thihpui a nih kha. Hetianga in seng luh vak ai chuan a tua te pawh kha an awmna hmunah awm hle hle mai se chu chu ram hmangaihtu dik tak tih tur zawk a niin ka hria.
Chhaktiang keite
76279 14601
Thlirna tlang dang a\angin : Covid-19 hri leng dona kawng hrang hrangah sorkar duh khawp lohna, a bikin sum leh pai enkawlna chungchangah, eptu pawl lam a\anga thawm an rawn neih chungchangah hian lo ngaithiam lo lek lek kan awm hi a finthlak em aw ka ti. Eptu pawl hian sorkar lai hmalak dan hi sawisel lovin kut lo kuangkuah reng ta se \ha kan ti em? Roreltu lam tan pawh rel fel har tak boruak hnuaiah kan awm a, ruling lo party ten sorkar hmalakna chik taka enchunga an lo sawisel ve \hin hi an tih tur dik tak an ti zawkin ka hre ve tlat. Kan Chief Minister, Finance Minister ni bawkin kan ram sum dinhmun chungchang a report dan kha chu dik tak chuan a nawi deuh chu a ni. Mi hawiher zau, sorkar hnathawk, sumdawng leh mi inphalte tan chuan thinlung hi a hmin zan lo chu a ni lo’m ni Pu Zonet? Tunlai boruak ti ti leng vel leh Chief Minister-in sum leh pai a enkawl dan chungchang Fakselna, Social media hrang hranga kan hmuh hian mipuite hian hun kal tawha Baffacos, MIP adt. kha an lo la theihnghilh reng reng lo va, chuvangin ruahmanna fel tak hnuai a nih loh chuan kan sorkar hnathawk, sumdawngte hian an hlawh hi mawl taka cut sak an duh lo niin ka hre ta ber. Chuvangin hun harsaah hian mi pamhamten remchanna an lo zawng tawh \hin a, tun ang hunah pawh hian tu emaw bank account chu a chhahphah lawih ang tih kan hlau tlang ta ber niin ka ring ve mai mai. Mipui leh sorkar, pawl hrang hrang \anrual a \ul takzet a, rinawmna hmachhuan chung leh hlawkpuitu lo nih tum \alh lovin he hri darh tur lakah hian mi zawng zawngin invenhim nan tha thlah lovin theihtawp i chhuah zel teh ang u. SANGSANGI PA, Armed Veng South
97747 73425
Covid-19 vanga sorkar hnathawkte hlawh cut sak chungchangah hian kan hriatdan leh pawmdan a inang lo hle mai. The Spect inti khan i hre sual niin a lang. A tir teah khan dept. \henkhat chuan an ni khat hlawh an lo pe tawh a, home dept. hnuaia mi Police pawh ni khat hlawh pe zingah hian an tel. Police dept. hi a tir te a\anga vawin thleng hian hmun tinah darkar 24 an la duty char charin ka hria, an hna pawh a ni. Dept. \henkhat erawh chu an chawl vang vang a, dan angin hlawh chu an la reng, Police leh Health dept. hi an thawkrim berin a ngaih theih. Group A, B, C te inang renga cut hi mi tam zawk sawisel ber chu a ni. Police dept. a\ang hian entirna tlem tar lang ang. DSP leh a chunglam hi group A, motor pawh dawng an ni. SP senior leh Constable hlawh inang renga cut tura ruahman kha chhut kir ila, Constable hian Addl. SP basic (hlawhpui) hi an la pha lo. Bel thum hnuai lam hian mi inte luahin an fate sikul an kal tir ve tho va, tun \um inkharkhip avang hian hmun hla zawkah duty-in hlawh an la insem zui a, an khawsak hi awlsam tak tur a ni lo. Heti hian The Spect inti khan i hrethiam turah ngai ang. Kan state kan harsat chuan hlawh cut hrim hrim hi tumahin an ui lovang. Pawisa kan la neih chuan sorkar hnathawkte hlawh cut a inrelbawl hi tu sorkar mahin an tih duh ka ring lo.
Johan Lalrinawma pu, Saron veng
94363 92544
Home Crusade hi a va reh ta ve, ngaihthlak a nawm tehlul nen. Ngaihthlak hman hunte a nih tehlul nen, speaker te lah kan ngah bawk nen, engti zia nge ni aw ka lo tive mai mai.
RODY PA
98624 50070
Congress leh MNF sorkar hian ‘buh leh bala intodelh hi kan tum ber a ni’ tih \awngkam hi chu an thlah zul mai. Tuna kan CM pawh hian a sawi ngun leh tawh hle. A taka hmalak erawh chu an ngaihsak lo. Kudamah buhfai a tam tawk tih hi an chapo pui ber a ni mai, hei hi lei khawl a ni. Tun \um hripui hian buh leh bala intodelh hlut leh pawimawh zia hneh takin min hriattir a, Agri Minister pawhin chul rih te a sawi mawi hial a ni. Hetia tlem a zawng buh han thar belh hlek ang hi kan phak tawk a nih chuan kan la hawizim hle a ni ang. Kan rama buh chin theihna zawng zawnga buh chin theih nan sorkar hian hma la vut vut rawh se. Leilehna hmanrua lei \euh sela, hnathawk chur chur rawh se. Thu hi a taka chantir a pawimawh tak zet. Buha kan intodelh hi thil harsa a ni lo, vai buh leina senso chanve lek pawh sengin hneh takin kan intodelh thei ang. He hripui hun thim hian thu mai ni lovin, kan ram hruaitute thinlung hi tiharh sela, state dang buha innghat tawh lovin, mahni ram chhunga thar ngei Zobuh min bar tir mawlh tawh teh se.
RK Sanga
94361 90314
Kan CM zahawm tak leh Finance Minister ni bawk, Pu Zoramthanga Mizoram sum leh pai dinhmun an zawhnaa chhanna mumal a pe thei lo hi chu ngaihtuah a ti thui hle mai. MLA inthlan dawna an campaign au hlaa langtlang sorkar kan siam ang an tih te kha kan la hre reng a, pawisa hi a tam lutuk a, a langtlang thei ta lo zawk em ni? Chhungkaw pa berin sum pai dinhmun a hriat chian loh chuan engtin nge a kaihhruai mipuite hi kan awm tak ang le? Pa ber dinhmun hi thil namai chu a ni lo reng a ni. Kan ram hian hruaitu rintlak leh fel a neih hi a \ul tawh takzet a ni. K^ maia ram hmangaih hi a tawk ta lo, a taka nunpuitu hi kan mamawh tak zet a ni. Engemaw hleka thlaphang reng renga hun hman hi a va khamawm tawh em. Pute u, mipui thleng phak chanchin \ha hi han thlen hram hram teh u, lungngaia kan rum lohna turin.
Hlutei pu, Tualpui
98565 36040
I ngawihsan mai mai teh ang u, nei inti hle sia thla hnih thum vela nei lo nih leh si kha hrehawm deuh mai tur a nia. Pu Tea hi lo ti lo ti tawh teh suh u.
Sawmsawmi Pu
7005678161
Coronavirus hri te takte chuan khawvel hmun tin \angin damna beisei vang nge mahni ram ngeiah lu phum tum vang tih pawh hriat loh, hnam tin, chi tinte mahni ram \heuhah min um haw ta sung sung mai chu a nia; ram hruaitute tan pawh a luhaithlak hle mai. Hetih hun lai tak hi mahni mizia pholanna a ni tih hriaa sawiselna tam tak karah pawh PATHIAN LEH KAN RAM TAN tia China, Bangladesh leh Arakan-ah te Pathianin ZOFATE a lo hruai \hin tawhna zawng zawngte thlir chungin huaisen taka ram venhim hna thawk zel turin ram roreltu zawng zawng kan ngen che u a, duhsakna kan hlan nghal bawk che u a ni e.
Tlabung Uitangrual
9862014844
Pu Zonet, rilru a va hah duhin thaw a van pik ve le. Keini kawla ni chhuak chhiara inhlawhfa tan chuan rilru a hah tak meuh a nih hi. Electric bill a rawn thleng leh bawk nen, ni danga cheng 150 kan chawinaah thla hnih bill an rawn ti a, cheng sang hnih chuang a rawn kal leh phei chu thaw a pik tak meuh meuh a ni. Pu Zonet, Pu Zoramthanga hian cheng nuai thum a sem tur aiah khan tun ang hunah te hian electric bill pek ngai lote hian ti zawk sela, mi rethei lungngaia kun mekte tan hian a van lawmawm dawn tak em. Kan tan chuan bill pek tur neih loh vangin thim thama awm bak hmabak kan nei ta lo.
Bawktea pa
9862669037
Mizoram Govt. Doctors Association ten in hlawh a\anga za zela 10 inthawh hi a lawmawmin rm inhmangaih bik zia a lang chiang hle mai. Kan hnam pasal\ha dik takte in ni e. Zahna chibai kan buk a che u.
RUATSANGA RENTHLEI
