Hmanlai TV-a fakna hla sa \hinte zai kha a ngaihnawmin beng a tlai \hin. Tunlai zaite erawh hi chu a HMUHNAWM.
Chhuanliana BVT
—————–
Faina beihpui chu kan thlak leh ta mup mup mai a. Khualzin hawihhai lo deuh deuh kan tam si, mi kawt zawn tih hriat ngawih ngawihah te motor a\angin an thil eina kawrte an paih zel mai si a. Motor changkang tak tak a\angte hian in zawn takah luak tih hriat ngawih ngawihte hi an rawn paih thawr \hin a, kan ram ve zawng kan mawl ka ti dawn nge, kan sual ka ti zawk dawn? Kan fai rei leh chuang lovang, a mi chengten kan zir thlawt lo. Motor a\anga thil eina paih chingte khan tun chinah chuan sim hmak chi. Chin dan \ha lo tak a ni.
No. thup
—————
MNF PARTY-in zu zawrh an duh lo hi a lawmawm e. Zu zuar lo turin an party mite Party hmingin ngen sela, a tilui chu an chungah action la se. Kan venga a ruhkawl inti, rakzu zuar ru \hin hian a sim mahna.
The Communist
————–
Hotupa ber ni mek thachhang dawltu, a unaupa bial Chandmari West-ah pawh zei over taka maktaduai tel EIRUKNA bawlhhlawh tak a lo awm leh reng mai maw?! “Min sawiselna tur an hre lo, sawiselna tur kan awm lo” an hotupa ber hian a ti vel em ni kha? Hmuh chhuah loh engzat tak la awm ang maw? |awp chi kima \awp a ni ber lo’m ni?
Thlirtu
—————-
Mi rethei kan VIP titu, Pu Hawla kaihhruai Congress sorkar ka hne lutuk tawh. Ration buhfai chhe supply tu hi tla thuai thuai tawh rawh se. MNF \halaite kha han che chhuak leh u la, buhfai a \ha leh deuh mahna! Hman deuh pawh khan buhfai chhia in pho lang a, a hnu deuh lawk kha chuan a ziaawm deuh kha. Kum 1992 pawh khan buhfai uih min ei tir tawh. Buhfaiah kher hi chuan MNF sorkar lai a ngaihawm vawng vawng hle mai.
Sanga
—————
Pu Hawla hi chu aw a thusawi duh dan hi a tar ^ thusawi tawh riau mai. A tih theih loh vangah mi dang puhmawhna zawng fo tawh lo se. Kum 9 chhungin vawi khat mah a siam lova, a hmaa mite kawng siam sa a ring char char a nih kha.
Vawrsela pa
————–
Zoram mipuite hian Assam nena kan inrina ramri leh Chakma ho chungchangah hi chuan Congress leh MNF-te hian thiamthu sawi tur an nei lo tih leh kan ram leh hnam tan hling hlauhawm an la nih tur thu tlangaupui tute rawtna ban phara hnawltu an nih kha i hre reng ang aw!
Hrekima, Klb
—————
Fakselian ho hi kan ram tan chanvo ropui tak kan chelh a. Kan sel duh leh fak duh zawngah hian kan uar duh hle a nih pawhin dawt hi chu tel lo se. Mipuite beng tivartu huaisen tak nih hi i tum \heuh thung ang u.
RK Sanga
—————
Party mal sawrkarnaah pawh party worker-te initsik a nat nen, party in\awm duah mai sawrkarnaah phei chuan eng ang takin nasa ang maw tih ka lo ngaihtuah ve mai mai a, an zinga tel ve loh mai tur emaw ni aw ka ti deuh.
9436958149
————–
Tunlai khawvel hi han thlir ila, rawngbawltu pawimawh tak tak, mihring mihrinnaah pawh mi zahawm fe fe, nimahsela Pathian mithmuha sual leh em em si, mi dang mit hmuha biak hrehawm khawpa mi zahawmte pawh kan lo awm ta nual mai a. He kan mihring mawina leh zahawmna hi pawn lam lan danah a ni lova, chhung lam lan dan a ni zawk e. Pathian neitu inti si, chapona tlang sanga ding kan va tam tawh tak em aw! Kan LALPA chapona tlangsanga dingte tan ram thianghlim a buatsaih lova, thihna hlim kawr ruam zawh mekte tan a ni zawk e.
Dindini Lungsum
—————–
Ruah a han sur hlek a, electric eng a thim reng mai hi Fakselna pawh mumalin a en hleih theih loh chu a ni ber e. Heti chung hian sorkar leh ngei tumin kawng siam aiah sem tesep lam hlir an la ngaihtuah zel mai chu a nia. Furpui avanga kawng chhia pawh “MNF vang a ni”an la ti \alh mai hi chu NLUP sem leh insawimawi bak hi sorkar lehna chhan tur engmah an nei lo a ni tih mipuiten i hria ang u khai. Tho la, SEDP hmangin i hliam leh i tha \humte kha rawn tidam rawh le. Hei aia \ha kan ram leh hnam din chhuahna tur a awm lo.
Tlabung Uitangrual
—————-
Beiseina meichher thi \ep tawh hi chhem alha Zoram din thar leh tur hian tu kutah nge in nghah a, tu hnenah nge in hlan tak le?
8575669011
—————
Thawk ho tur party te hi lo ring lo ngawt duh suh. I huphurh vang a nih loh chuan rinhlelh tur a awm love.
VL Ruata
————–
Kan sawrkar hrawn tawh ho hi Engineer-te finkhalh pha lo hlir an nih vang nge ni, field worker tur office-ah sawrkar steering an vuan tlat a. Kawng siam dan quality \ha leh dik, hmanraw \ha hmang duh lovin sawrkar hnuhnung apiangin hmingchhiat an hlawh phah zel bawk si. CM fing leh vision nei \ha, patriot dik tak kan mamawhzia a lang chiang ta hle mai.
Ramhmangaiha
————-
Kalkawng thuah hian kan Engineer te hian an thiam lo nge, an hre lo? Mualkhang khaw hnuai kawng an laih khan Boulder phah chuang lovin leivung leh lungnawi kha feet khat dawna chhahin an chhunga, a hru rualtuin an hru rual a, roller-in an chil bel a, a chungah alkatra nena pawlhin an chil bel leh a, a tir chuan a mam \hain, tlan a nuam hle a, mahse a tlo dawn lo tih erawh a hmuna awma hmutute chuan kan sawi uar hle a ni. Engineer ho hi chu an hausa chak hle chuan kan ngai deuh, a dikna chu kan hre hlei law.
9612880873
—————
Dt. 18 September-a Vanglainia Pu HC Vanlalruata thu ziak hi a dik lutuk. Keini aia ruahtui tamna Meghalaya kawng chu mi tam takin kan hmu a \ha lutuk. Mawhphurh tur dang a awm lo, sorkarin a tih tur a ti lo a ni mai.
LH Hrangchal
————–
Kan Zorama thawk nasa leh pawl lian tak mai, \angkai em em YMA hi ka tuipui em em a, mahse tunlai hian YMA hruaitu an nihna hre em em an tam tawh lutuk hi ka ngai thei tawh lo, an zuam zawng te vaua kutthlak mai mai ching an tam ta lutuk hi sim vat se ka duh khawp mai. Police tih tur niawm tak an inrawlh ta lutuk mah mah. Zu in na zawng manin Police hnenah an pe a, buaina siamte eng tinmah an ti leh bawk si lo, khawvel hi a mak khawp mai.
Thenzawl pa
————–
ZONET Fakselna hi a van \ha em. Thil chhut ril tak takten an ir awm a\anga chhuak, Article hrang hrang min rawn chhawp chhuahsak \hin hi chu a va bengvarthlak \hin em. Hriatna lama rawp mite chuan an hlawkpui ngei ka ring. Zing lamah a hma lam dar 7 bawr velah tal hian tihchhuah theih dan a awm lo’m ni? Hnathawk mi tan chuan dar 8 hnu lam hi chu a tlai deuh \hin lo maw? ZONET vul zel rawh se.
Hretlema, Kolasib pa
—————
