Party lian inti te pahnih hian ZPM hi an hmu lian ta hle a niang maw? Beih taktein zuk bei theia mawle! A bik takin MNF ngat phei chuan an hnampui, an Kristianpui leh an Mizopuite ngei ZPM khati khawpa bei duh kha an ni a, lo sorkar ta reng pawh ni se mipui tan chuan an tawrh hlelhawm dawn hlein a lang tih a chiang reng mai. “Keitein a zia a thlah thei tak tak ngai lo” tih upain an lo sawi \hin kha an ni ngei hian a takin an rawn ti lang ta a ni inti ve lo maw?
SPOCK-MAIN ZPM
————
Mizoram hi Mizote inpui, kan Jerusalem ve a ni e kan han ti\hin tak naa kan rilru chhungrilah tak tak chuan ram dang leh State pawna Mizote hi kan ti Mizo tak tak chuangin ka ring lo. Kan hmu hnam danga, kan ngaina tak tak chuangin ka hre lo. Thu mai a niin ka hre ve e.
8837489511
———–
STATE pakhatah RORELTU, CHIEF MINISTER nih tum thei ve dinhmunah ding ila, dawt thuin midang ka sawisel lovang a, ram hruai leh enkawl ka tum dan erawh ka sawi zau hle ang. Thingtlang khua a tam thei ang ber ka tlawh anga, an harsatna leh development kal dan ka enfel ang. MPF hmalakna a \ha a, chhim lam thingtlang khuaah rawn awm thei bawk se MLA tling tur tling lo an awm \euh dawn a ni. Lo buai lo buai suh, in party chak lo theihna ka hum a nia aw.
Roger, Khawmawi
————-
Pu R. Vanlawma khan “kan ramah hian Pathianin Setana a hneh lo. Mi dik lo leh dawt pawisa lo an chakin an dingchang zawk zel” a ti.
Pastor Chhawna inlarnaah “kawr \et/thawmhnaw chhia ha ten rûk an ru lo ang. Kawrchung haten an ru ang” a ti. A term a la tawp loh chuan MNF emaw Congress emaw an tling ang. A term a tawp dawn chuan ZPM an tling ang.
9862361451
————
Aizawl kawtchhuah RV leh Phunchawng chhuk thla khu kawngsir a \awp lutuk. Sarang a thal nuaih maia, khualzin changkang tak tak hian an hmu ve lo nge ni? Sorkar hian a tifai tur a nei \euh awm sia. Khawpui chhungah chauh a mi an duty \hin le tih te ka hre chak.
C. Awmi
———–
Eng party pawh lo sorkar se ram an hruai danah mipuite hian kan zir a ngai ve tho lo maw?
9089062698
———–
Justice for Zothansanga kan tih, kawngzawhte, plea card siam te, mipuiin kan ngaihven em ema, dik taka rorelna kan duh a. Tunah hian kha thil khan eng chen nge a thlen tak? Zothansanga khan rorelna dik a hmu ta em? Thawm a awm ta si lova, eng tiang chiaha hmalak chhoh zel nge a nih hriat a chakawm ve mai mai.
Kungi, Aizawl
————
Vote kan thlak zo ta, tu takin sorkar siam ang maw? A ngai an sorkar chuan a ngaiin kan kal leh dawn tihna a ni a, tun hmalama sorkar tawh sorkar leh tum hi an sorkar chuan tun hmaa an awmdan leh thil tihdan a\anga bihchian chuan Mizoramin thil chhe zawk a tawng dawn tih a lang a, ZPM hi sorkar thei se chuan thil inthlak danglam a awm ang a, amaherawhchu, chu chu Mizote tan thil \ha zawk nge chhe zawk tih chu tun dinhmunah a sawi chian theih loha, thil \ha zawk tih tum nia a insawi avangin a \hat zawk chu beisei ila, amaherawhchu, an sorkar pha lo ang tih chu a hlauhawm hle a ni.
Puii Mizo
————-
Ka suangtuahna tham ral ta chu han sawi chhuak ta mai mai ila – MLA bial remchang laiah ZPM chuan chhun pachangah Concert han buatsaih ta sela, \halai rual an tam tur zia ka ngaihtuah a, hla pawh tam tak sak ngai lovin Lalpa min \awng\ai tir rawh tih leh rorelna dik tih te hian an zai ni leng derin ka ring. Election boruak hian \halaite a nghawr nghing \hin a, mahse, kuminah chuan thawm dim takin ZPM chuan campaign an kalpui a, remruattu remruatah ngai mai ila, hunin a liampui tawh si a, inchhirin ban a chen em lo ang chu maw?
Lalhlunthanga, Ramhlun North
———-
Mizorama eirawngbawlna gas leitute account-a gas subsidy lut \ha thei lo hi tu mawhphurhna nge? Food, Civil Supplies & Consumer Affairs Deptt.-in gas Agent te leh Bank hotute a kohkhawmin Bank hotuten gas consumer account-a gas subsidy thunluh a tlem hrim hrim niin an sawi a, hetihlai hian gas Agent te chuan sorkar laipui ruahmanna siam dan ang thlapin consumer te gas subsidy chu an account-ah an thun niin an sawi a, amaherawhchu, consumer te account-ah pawisa a lut bawk si lo. He inpuhmawh tawnnaah hian tunge dik lo zawk tih zawn chhuahpui thei sorkar kan va mamawh ve. Hetihlai hian Bank hotute chuan gas subsidy luhna tura gas consumer te Bank account an hawn khawih chet reng loh a nih avanga che thei lova awm (dormant) account tam tak a awm an rin thu an sawi a, hei hi a chhan a ni em tih pawh chhuichhuah a va \ha em. Engtia hmalak tur nge ni ang? Mizoram Consumer Union hruaitute khan hma han la teh u.
Sangtea, Mission Vengthlang
————
