ZONET-in U GOT TALENT an rawn duangchhuak hi a va fuh em! Kan Mizo naupangte thiam thil lo ngah zia leh hmuhnawm zia kha aw. Ka la en kham thei lo. Ka record-a ka ennawn tluk tluk mai. Tun tum hi show tâwpna a nih vaih chuan a cho chhuah mek naupang dang, thiam thil neite a ti thu leh vek dawn. Chuvangin tawp lovin season 1, 2, 3-in kalpui zel theih ni se ka rawt e. Ka sawi hmaih hauh loh tur he U Got Talent show phenah hian tute emaw mifing leh remruat thiam tak an awm chiang mai. A show baka neuh neuh thlirtute tana ninawm tur paih nachang an hre tlat. Taka, a platform vel kha a zim deuh lo maw?
K. Hautea
————
United Nation Statistics Division UNSD News Letter No.7, Page 5 In UNSD Software-a khawvel ram hrang hrangte Census Data lak khawm apiang ‘website of National Statistical Organization’ nena thlunzawm nana hman tur a ni a ti a, UNO United Nation Statistic Division thu awiha India sawrkar leh sawrkar dang pawhin an tihhlawhtlin tawh laia sakawlh sawi mawi hovin NPR hi UNO 2010 World Population and Housing Census Programme hnuaia mi ni lova India tih bik liau liau 2011 India Census bik anga an sawi luih talh le? Kan ram sakawlh hnena petu tur Zawlnei der thusawi thiam tak, Thupuan 17:17, 19:19 hi kan lo kawl reng a ni maw?
9612513737
—————
Keini tan zawng khua a var dawn lo ve. A chhan chu ram hruaitu tur kan duh tui lo em a lawm. Mi thar lah hi kan han ring nghal em em ringawt a, mi thar, party thar ho hi i ring bur lo teh ang u. Kan ring sual dah leh lo’ng maw, lo phur vak lo teh ang u.
No. thup
————–
Chaltlang Lily Veng, Bazar India bula Hawker-te hian licence an nei em? Foot path hnawhin nihliap lian zarin ei tur an zuar a, kea kalte tan foot path-ah a kal theih loh a, motor tam nen, lamliana kal a ngai ziah mai hi veng chhung hmalakna tur nge, thuneitu dang hmalakna tur? Hmala-tu tur chuan hmalak vat a tha khawp mai.
Puipuii pi
————-
Kan ram hruaitute mipui lamin an sawi luai luai hnuah Bangladesh atanga ram dang mite lo lut enfiah a han tum ve ta dek dek chu a ni a. Kei chuan awmze neiin sorkar hian a kalpui ngam ka ring lo. A mawiah hmai phih nan a ti mai-ah ka ngai. Kha chen hun nei a ti si lo.
RK Sanga
————–
Keini kum upa ri hriatna chak tawh lote hi chuan ZONET Zing Daifim thupuante hi kan hre thei ta meuh lo a ni ber e. Chiang deuh leh fiahfai deuha puang thinte puan hun kan lo nghak mai e.
8837345767
————–
Nizan Yamaha Fiamthu Fest-a an host kan nichin tih turah nachin a ti loh loh reng mai a. Mizo tawng duh tui ve tak PL Liandinga lah chuan sawisel tang e a ti bawk si lo. Tun atang chuan nachin ti lovin nichin lo ti tawh turin ka’n chah e.
8787586041
—————
Ka ngaihdan leh ka hmuhdan ka’n sel ve teh ang. Kum 2018 MLA inthlanah hian Mizoramah sorkar thar Colliation sorkar apiang ngei dawnin a lang a ni. MNF, BJP, ZPM-ten sorkar intawm an siam ngei ang. Congress tan kawl a eng lo tlat. Tumah mi tha sawisel bo an awm lo, Pathian remruatin mipuiin sorkar thlak an duh tawh tihna a ni. INC hi an tha lo tihna a ni lo, Zoram mipuiin thlak an duh tawh tihna a ni. Mahse, Pu Hawla leh a pawlte hian insiamthatna tur tam tak an nei. Engmah chu ka ni lo na-in an zinga tela, Pathian rawn chunga siamthat ka va chak em. Pathian khawngaihna-in hun tha a la awm sia.
Lawngtlai pa
————
Mizorama Kohhran pawl hrang hrangte hnena ka thu rawn chah hi lo ngai pawimawh theuh turin ka ngen a che u a ni. Kan himna kulhpui kan lal sutpui Isua Krista ringtute hi inbakkaih khaw tlai lo hian inrem tak hian Lalpa tan i thawk tlang ang u. Tichuan, Lalpa hming a lo mawi anga, khawvelah kan hming a lo thangmawi bawk dawn nia.
Tlabung aw
————-
Kha maw ka tih reng kha! Tangrual pawl chu an arh zel dawn ka tih reng kha! Mahse, tunah hian office hmun khat atanga luangchhuakin mahni office theuhte hi khar an tum nge tum lo tih Fakselna kaltlangin ka zawt e? A chhan chu mahni office theuh an thiah loh chuan nakin hian bik bik tih avanga buaina an nei leh mai ang tih a hlauhawm thei mai lo maw? Mahse engti kawng zawng pawhin kan support dawn che u. Mahni pawl hrang theuh thiah darh veka pawl pakhata inchhun luh mai hi an tum dawn em? Nge tum dawn lo? Lo tum ta lo se enge inbuai lohna chhan tur Fakselna kaltlang hian keini neutral rual te, sorkar hnathawkte leh Department-a thawk pension tawh ho zawng zawng hian kan lo thlir reng e. Fakselna kaltlangin min rawn hrilhfiah hram teh u. A ngaihna kan hre lo a ni. Tangrual pawl pu hruaitute u kan lo thlir reng e.
Neutral Pa ho Aizawl City
————-
ZONET-in Fiamthu Fest in neih mekah dt. 31.10.2017 zana a hnuhnung ber phei kha chu zurui a nih hmel khawp mai. Khatianga mipui hmaa rui huangtau inpholang kha chu mawi lo khawp mai. ZONET innep zo dawn tang teh u.
9862076379
—————
Chakma-te hi kan ngaimawh tak tak a nih chuan thil dang tehchiam a ngai lo. Chakma awmna khuaah Mizote tam tham deuh tak awm ve zel a ni mai. Dan leh dun a ngai lova, chhuak rawh u tih hranpa an ngai lo. Citizen leh Foreign tih pawh a ngai lo, an bo duak mai ang. Chu chu hmanraw tha ber a ni mai.
Tlabung Uitangrual
—————-
ZONET hi enga tinge HD kan pawh veleh a chhiat tak em em? A man lah kan chawi belh teuh bawk si a, channel a awm belh loh mai bakah a awm sa pawh a fiah lo zual.
9774008297
—————-
YMA, KTP, MZP, MSU etc. Conference leh khawmpui lian zawng zawng hi Chawngte-ah nghat zel tawh ang u. Ram leh hnam humhalhna tha tak a ni nghal mai.
Guldupa, Azl
—————–
MNF Party hi BJP chu ni chiah lo mahse BJP sangawi zawnpui Pro BJP an ni tho tho.
Milari pa
—————
ZPM chuan VC an nei ta maw? Mahse, inhmuh lem maina chi a ni lo. VC chu kan mi hriatchiante atangin kan thlang a, mi tha leh mi dik chu kan thlang mai thin. MLA nen a inang lo.
Malsawma pa
————–
Rinna lama pachhe tak Mizote tan hian BJP nih hi kan hlauh ka ring lo. Congress chu kan hria. MNF pawh Semi BJP mai an ni. He party pahnihah hian Zoram mipui tam ber kan awm mek a, enge BJP nih kan hlauh bik lem ang le.
VL Ruata
—————
U Got Talent Show Grand Finale zan 1-na a va bawn tak em. Engkim kha a hmuhnawm fulfill. Chutih rualin Miss Angel, nangmah hlir kha lang mai ta la ka va duh tak em. Tunlai Mizo hmeichhia-ah chuan iang zo che an awm mawlh lo.
PP-a Falkawn
—————
Ka’n lo sel ve lawk. Yamaha Fiamthu Fest-a an host pa kha chu a zei lo deuh a nih kha maw le?
Lius Khawlhring
————
U Got Talent te, Fiamthu Fest te kan lo thlir ve thin a, a ropui thin hle. Mahse, Pu ZONET, in cameraman-te hian a hmuna entu mi tlem te te hi an cover zing deuh hlek lo maw? A hmuhnawm lai takin a phe sawn daih a, mipui thlirtute zawk KUTBENG dur dur lai chauh te inrawn tilang mai mai. Eng vang ngawta kutbeng ta dur dur nge an nih TV lam atanga lo thlirtu tan chuan hriat a harsa khawp mai. Tlemin a STARING zawkte hi inrawn cover deuh thei lo’m ni?
Bawiha pu
————–
