Khawvela mite ber boral chanchin thar ami kha ka lo ngai thla a, feet 2.41 inch chu feet 5.5 lai mai a ni a, tih sual palh nge ni aw? Mizo paah phei chuan vantlang pawl tak a va nih hmel em!
8731000950
(Centimeter 67.08 a ni a, tihsual chu a nih loh hmel)
Health Care hmangin min enkawl dawn emaw ka tia, a lo ni lo nasa mai a, mahni suma inenkawl phawt hnua bill tur a lo nia. Health care-in eng nge awmzia a neih? Health care chhe mi zawng a nih ngei hi.
9862385339
Zu zuar vat ila, pawisa kan khawl ang a, Mizote zawng bum an nuam em. Inthlan lehah chuan ngaihdam kan dil leh ang a, pawisa kan sem bawk ang a, kan tling leh ngei ang; thil an hre rei lo. Ruhro lem te kan phawrh leh ang a, tactic dang pawh a la tam mai.
9862385307
Chanchin thara kan lo hmuh leh hriat danin, Congress unaute chuan Mizoram Bru te Tripura-a an awm hlen chungchangah MNF tih anga lantir an hlau hle niin kan lo hria a, mahse sorkar lai CM ve ve te hmalakna lo chuan chinfel chi a ni bawk si lo. District 3 an function a, CAA kan hman loh mai piah lamah mi singtel hetiang dinhmunah an han dah leh ta hi kan MP Pu Lalrosanga’n “Pathian ka r^wn a, engkim a fel vek” min lainattu zawng zawngte rilru tina lo tura min thlamuan te, Pathian leh kan ram tana a inpek zia a takin a lo lang zel mai te hi ropui kan ti a, Pathian vang liau liau a ni e.
Tlabung Uitangrual
9862014844
Rajya Sabha MP khan BSF te pawisaa thamin Mizoramah Chakmate an rawn luh \hin thu a sawi a. Chutiang hre reng siin enga tinge tun hnaiah chauh a sawi chhuah le? Enga tinge Home Ministry-ah a thlen loh? Enga tinge Parliament House-ah te a auchhuahpui loh?
7005811526
Sorkarin hmasawnna hna a thawh, NGO ten an enfiah thu lo lang \hin hian ngaihtuahna a tikal thui khawp mai.
Luaia
94361 41804
Kan kristianna leh kan ramin a duh loh pawh pawi sa lova dan leh dun an rawn duang mai zel hi chu \henkhatin an la remtihpui lehnghal vei nen, min huam ve lo tih ringawt chi emaw ni dawn le? Thil dang pawh an la rawn tih leh ngei a rinawm riau mai. Hmachhawp lian tak an la nei lehnghal. ‘Kan buan te hi tisa leh thisen an ni si lo, he lei thim lal leh van hmuna thlarau sualte an ni zawk lo maw?’ Kan Mizo na leh kan sakhua mawlh hi a ni chik leh zuala ngaihtuah ngai ta ni. Eng nge lo thleng anga, eng nge an tih leh dawn, Pa chauh lo chuan tunge hria ang le?
Nghaka Serchhip
98621 30116
Nimin maiah Bru hnam aiawh, Mizoram, Tripura leh India sorkarten inremna an sign a, kan ram Chief Minister, Pu Zoramthanga ngei pawhin ‘history’ ropui tak an siam thu a puang chhuak zo chiah a ni a. Hetihlaia vawiin Vanglaini chanchinbu ‘Headline’ a Bru Co-Ordination Committee Chairman, Elvis Chorky leh Mizoram Bru Displaced People Forum ten an ham\hatna chungchanga Union Home Minister, Amit Shah hmuh leh an tum chungchangah hian lungawi an va ang leh ta chuang lo ve aw ka ti. Remna sign tuk lawka hetianga thu thar han neih leh nghal mai hi chu a zia lo deuh em aw ka ti. Kan sorkar pawh hian history siam an inti ta sa sa, tun hi Bru chungchanga an kutthlak tawpnaah ngai fel hmak tawh se la, awm \ha duh lo buaipui \alh reng ai chuan kan chipui, kan ram leh hnam tan zalenna suala, nunna ch^n, kan Mizopui ngei, ‘MNF returnee’ te hi ngaihven deuh tawh se kan va ti em Pu Zonet.
SANGSANGI PA, Armed Veng South
97747 73425
Sorkar hmasa a\ang tawha Agriculture Dept. ten Chemphai hmuna “FRENCH BEAN” chin puna, kuthnathawktute tana semchhuah tura hma an lakna, a chi chhuah tur thar chhuaha, A HLAWHTLINNA hmuh hma hauha kan CM Pu Rama leh Agri Minister, Pu Rinsanga ten an hming kaikawpa “ZORIN” tia an hming an lo phuah kawisawi vel hi chu ram khat hruaitu ve meuh te thil tih leh hmingchher tumna atan chuan a nuihzatthlakin a vei tet thlak deuh chu a ni e.
An term hmasaah lah khan kan CM hian hming kha angah tawh khawp kha a ni a, kan hlawhtlinpui tak erawh a awm lem hlei lova.
Hetianga hming phuah tih vela inhambuai mai mai ai chuan, sorkar thara a thawm ri va kan la hriat reng reng loh, hmasawnna atana a ki pui ber “Hydro Power Project” lian tham te hi buaipuiin hma la ve tak tak zawk sela, chuti lo zawng han inti changkang ve viau \hin mah ila, \henawm State te mithmuhah hian ‘kutdawh rangkachak \hi awrh’ pawh kan tluk lo tih hi i hre thar leh teh ang u.
Jonathana Pu
93666 30785
Dawr neitute hian an dawr fak nan tuai hmang lo sela, TV-ah a chhuak lo a ni mai.
