Pu Zonet, ram chhan kawng zawh kha ka lo thlir ve a, ka ngaihtuahna a lo lut ve ta mai mai chu, kan sorkar kal tawh leh kal mekah Zoram tana thil\ha tih tam tak an lo nei tawh a, MZP hian lawmthu sawi kawng zawhte hi buatsaih ve \hin ta se, sorkar tan pawh hian a va phurawm dawn em. A chhe lai rem chang laa zirlaite huikhawm vak vak mai hi ngaihtuah chian a \ha hle lo maw aw? Sorkar duh khawp lohna zirlaiteah kan tuh tam lutuk ang tih a va hlauhawm em. Nakina kan ram hruaitu turte an ni si a, nakinah kan ram an hruai hunah hetiang hian an chungah ti ve ta se an lawm ang em?
Dindina Pa
9774771509
ZPM hian party pakhatah inchhunfin vek an ti maw? MPC party te tan chuan han duhna chi a ni thlawt lo. Tuna ZPM hruaitu chu kan hria a, a mizia kan hria a, pawl hrang hrang engzatah nge a lo awm tawh kan hre vek bawk a, mipui ngaihdanah chuan ZPM hminga MLA la tam ber chu MPC an ni tlat a, chuvangin MPC party \hiata ZPM party-a inchhunluh chu mi ^ nileng tan lo chuan han duhna chi niin a hriat loh.
LZ Fanai
9612898237
Keichu TV-a sumdawnna atana fakna a rawn lana tuai aw nem hlei hlui a rawn lan hian TV ka off hmak zel. Fak nana tuai hmang ho hi chu ka dawr ngai dawn lo hrim hrim.
9862333129
MZP te an lungawi lohna avanga kawng an zawh chhan hi ‘eng nge’ tiin mimawl ber ber leh mimal tute pawh inzawt ta ila, kan sorkar hian ram zimte kan neih laia kan ram chhan an tum miah loh vang mawle tiin an chhang thei vek mai awm e. A dik chiah a ni. Kan Home Minister lah khan tharum hmanga chinfel chi a ni lo a ti hulhual mai si a. Engpawh ni se tharum a ngaih pawhin hnam huaisen kan inti a, ram hmangaih kan inti a, a ram neitu kan inti bawk nen, sorkar hmasa Congress te kha mikhual ang chauhah kan chhuah a nih kha ti r’u? Tunah a ram neitu inti ten sorkarna an la a, enga tinge kan rambuai khu an vei leh tak miah loh mai aw! Mahse an mizia chu kan hriat sa vek tawh an ni a, chuti chung chung chuan kan vote hlu tak hmangin kan vote tling leh miau alawm le! Vuivai reng reng suh u. “Sialrangin sialral v>k a hring \hin”. An ze ngai tho kha an la pu a ni mai. Bumin i awm miau alawm.
NEUTRAL PA HO AIZAWL
9862384183
Tunlai hian keini Mual\huam (N) Power Deptt., Sub Division hnuai amite hian eng kan nei mumal lo hle mai. Sorkarin an hnuaia hlawh neia a chhawr, Govt Servant te \hahnem inngaih a va \ul tak em. Khaw \hal laiin in rest rei ve tho tawh a lawm le. Mipui kan buai a nih hi; \an han la sauh sauh teh u khai.
France Promiss, Zote S
8259025298
Mizo upaten “Sebo hnua Se kawngkhar ang” an lo tih \hin chu, MNF party hruaituten kum 1986-a remna thuthlunga Mizoramin a huam chin tur chu Northeastern Area Reorganisation Act 1971-in a huamchin ang a ni ang tia ziah leh, hmanni lawka Cabinet \hukhawmin “Mizoram chin chu Bengal Eastern Frontier Regulation 1875 an rawn ti leh si hian a hrilhfiah chiang hle lo maw le!
LALTUAIA
9612691391
Education Deptt.-in MR zirtirtu leh IV Grade a lak turah hian a pawmawh zawk zirtirtu Written Exam ngai si lova, IV Grade tan Written Exam ngai tlat mai hi eng nge maw a awmzia le? Training chhuak an nih loh vang em ni ang?
Ngaihvena
8794894477
Dated 18.7.2019, Ningani Vanglaini chanchin bu chhuaka Lalhruaitluanga Bawitlung article ziah kha ka lo chhiar ve a, a article rawn ziah hi thudik a nih ngai chuan, MNF volunteer Pu Laldenga kaihhruai chuan Mizoram an sawr zim tihna a nia; Mizoram tan thil pawi lutuk tak mai an khawih a lo ni a, an lo va han pawi em em ve.
9612226314
Dated 19.7.19 Aizawl Post-a Lalhmingmawia Nursery veng thu ‘Ram ven nan District siam ang’ tih hi a \ha-in, a dikin a \ul lutuk. He rawtna \ha lutuk tipuitling theitu kan ram rorelna fawng chelh \hintute u, he thu hi chhiar ula, tihhlawhtlin tlak a nihzia hriain tihlawhtling turin hma han la nghal zawk teh u. Tuna in District thar hawn tur ho hi chuan an mamawh loh mai bakah ram tan \hatna a nei rih lo. Kan ramin hma a sawn zel anga, mihring kan la pung zel anga, a \ul tak tak hun chu a la awm ang. MNF te, ZPM te ka vote loh chhan pawh mamawh rih loh District ngentute District pek an tiam vang a ni. Politician te u, khawngaih takin inhmui ni lovin in thinlung leh thil tihin kan ram inhmangaihna hi han tilang teh u. Thinlung taka kan ram hmangaiha, tuam damtu tur mihring awm tak tak thei se chuan, dictator neih maite ka chak rum rum \hin.
Ram veitu
