Lal Thanhawla hian zu hi ruihhlo-ah a ngai lo em ni? Zu-in Zofate min run mek a ni lo’m ni? Hei baka ram hmelma leh PATHIAN dodal a awm chuangin ka hre love.
|haduha
————-
Mizo Zawlneiten milem be hnuaia in awm chhung chuan in ram lei hnuai hausaknate in hai chhuak lovang an tih chu vawiin thlengin a la dik chu a nih hi. Rev. Dr. Zaichhawna Hlawndo-in Pathian politics kan ramah a ding tawh dawn a tih hi a thleng dik a nih chuan milem be awp behna hnuai a\ang chuan kan chhuak dawn tihna a ni thei ang em?
9862374272
————–
Cable TV lak/hman man lo pung ta hi a punna a sang lutuk. A tirah ‘Kan duh channel kan thlang ang a, kan duh loh kan paih dawn tia sawite kha dawt mai mai nge a va chiang lo teh nuai ve? A rate an rawn siam a, tihluihnain kan la lo thei si lova, a va \ha lo ve. Tunge ching fel theitu?
7085604144
————-
Thil mak tawp thei miah lo chu helai BAKTAWNG tlang dungah hian a thleng \hin a. Zoram hmun dangah a thlen ve leh ve loh chu ka hre lo. Chu thil mak chu thangvan a\ang khian RUAH an tih mai hi sur chiah si lo hian a tla ve che che \hin a. Chutih rualin khawpui ri an tih mai hi a rawn thawm ve tet tet a. Chumi rap leh mangang thlabar vang chu nge ni tehreng, ELECTRIC CURRENT an tih sup sup \hin hi hmanhmawh takin a lo tawp ve vat vat \hin a, chung thil rapthlak pui pui kian fel vek hnu daih darkar engemaw zat hnuah a rawn ENG ZIAU ZIAU a, a thim leh zek zek mai bawk a.
Tlangvala
————
YMA Conference a zo ta mai chu a ni a, a va khamawm loh ve le. Conference kan neih leh hunah chuan khuallian tih vel hi i nei lo ngam tawh ang u hmiang. Khuallianah zu zuarte kan hmang ta mai mai chu a ni a, YMA tan chuan sim hlauh atan a \hain ka hria. Zu zuar lo, mi \ha tak tak an tam em mai, khuallian kan duh a nih rau rau chuan.
Carolini pu
————–
Hman ni chu thawm ri vung vung hi ka hria a, chu chu enge ni ka ti a, ka \hiante chuan Pu Hawla car a nih chu an ti a, kan dak chhuak a, chhum chungah hian a lo vir vuat vuat mai a. Champhaiah thu \ha tak tak a han sawi leh ang a, ropui takin an lo hmuak bawk ang a, a lo haw leh hunah Bhavan-ah tute emaw a sawi chhe leh ang a. Pathian nung bia a nia zuk tia!
Lengkawia
————-
Chakma leh Tuikuk te, Mizorama an huang tau chhan chu Congress sawrkar hi ka puh lo thei lo. Heti khawpa Mizoram hnam dangin min chiah piah nachhan pawh hi anmahni vang bawk a ni a, lal leh chi ziazang an ni tawh lo. Chakma te hian Mizoramah an lungawi lohna lantir ngam tur pawh an ni lo, an ram pawh a ni lo, zak ngawih ngawih tur zawk asin an nih. Entir nan – keini Mizo hian Delhi-ah khuan lungawi lohna lantir ve ringawt ila chutiang deuh chu a ni. Mizorama an huangtau lutuk hi ngaihven tham fe a ni.
No. thup
————
Tunah chuan mahni hmasial leh mipuite hmangaih thar thut an lo lang leh \an ta. Political party liana lo awm ngar ngarte hian hlawhtlinna chan an phu. Ram rawn vei thar thuttute leh Pawl thar din zung zungtute rilru hi a corrupt riaua hmuhna an awm tlat. Mipui leh ram an hmangaih a, hnathawh an duh tak tak a nih chuan a tir te, Primary Member a\anga \an hi a fuh ka ti ve tlat. Thuneihna leh lal duh luat vanga pawl thar dina, chuti khati tih vak vak ching ho hian inti hotua rei lote ram rawn veia mipui rawn hmangaih thuta lal tum hi chu a har khawpin ka ring.
Neutral groups, Aizawl
————-
Kawng awm sa, khawpui chhung leh khaw kar kawng pawh enkawl thei lo/zo lo sorkar kan neih chhung hi chuan Mizoram tan hma lam eng tak beisei a har!
Thlirtu
————
Tukin Vanglaini chanchinbua Pu Lalrinliana Article ziah “Kan retheihna ata min khaichhuaktu tur kan va mamawh em” tih hi Zoram mipuite hian chhiar vek thei ila ka va ti em. Ram hruaitu lu kan duh tui loh rei luat kan tuar ta a nih ber hi maw. Kan kawng chhiat chu thuhran ni se, buh leh bal leh power-a kan mamawh siam chhuak thiam lo mai pawh ni lo, a ngaihna hre reng reng lo leh ti \ha duh lo ram hruai hi eizawnna ang leka ngai tuten kum 30 chuang min lo hruai hi a pawi vawng vawng a nih ber mai hi maw…! Mahse, hei tunah mi \ha leh thiam, mi rinawm rual, ZPM pawl a lo ding ta, Zoram hmangaihtute zawng zawng lo zuang chhuakin, “KALPHUNG THAR, MIPUI SORKAR” i siam ang u.
Simona Pa
———–
Ram leh hnam vei thar thut ho kan Political Party te hian a taka hna an thawh hun tur hi kan innghak chhuak dawn ta hauh lo mai! Kan NGO pawl lian ber pawh hian kum tin ram leh hnam humhalh thu hi a kalpui ta zel a. A tak ram hi a dai ngam em tih erawh kan hre vek e. Ram kan tih leh hnam kan tih te “Humhalh” kan tih te hi a pawnlawi ru viau em? A thling baw hawk khawpa luh chilh turte, do ngai do doletna kawnga hma la ngam kan nih a \ul.
PH FANAI
———–
Kohhran emaw, pawl emaw, khawmpui hmannaa thusawite reng reng inkhawmpui tih thu hi bawngpa tih thlukin an sawi deuh vek mai hi a dik lo. A sawitute lah mi puitling tak tak leh lehkhathiam, Mizo dik tak vek an ni lehnghal si a, hnam dangten kan \awng an lam dik thei dawn love. Tun chinah chuan khawmpui hi bawngpa tih thluk ni lovin, bawngpui tih thlukin i sawi zel tawh ang u.
Puipuii pi
———-
He Mizoram Kristian ramah hian Kohhran Pathian khawpuia rawngbawltute leh roreltute hian Pathian thu tak tak sawi tur an hre ta lo em ni? Heti khawp maia Kohhran mipuite thlarau lama kan ro tak mai le? Thiamna lamah ni se Rev. Dr. etc. an tam tulh tulh si a. Inkhawmpui rorel lah an thiam tulh tulh bawk si. Kohhrante lah an hausain Biak In lah a nalhin a ropui hlawm hle si a. Missionary leh a chawmtu lah an pung tial tial bawk si. Mahsela, kan Kohhran \heuhah erawh chuan thuhriltute thu sawi laia mutthlukna thlarau chang kan pung tial tial si a. Pathian hian eng ang takin min ngai ang maw?
Tea, Aizawl
———
Ngopa Internet han chak lohzia em em hi! Titawp rawh u.
No. thup
————
Party politics-pawisa khelhna, lal inchuh, insawiselna leh dawta inhekna. Politics-Kohhran mite telna tlak loh hi ka va kham tawh tak em! Lalpa ram chhana daitheutu leh ram tan leh Lalpa tan chauh titute kha lo ding chhuak ta che u. Mipuite hian vote tur pawh kan hre tawh lo a nih hi.
Sate-i
————
Mihring inhmangaih tak, nupaa insiamte Pathian leh a Kohhran hmaa inneihna thuthlung late meuh pawh hi in\hen leh ta mai mai an tamzia ka ngaihtuahin, \anrual tuma inbengberek ZPM pawl ni mekte ka ngaihtuah ngawt mai. Rotekawla se pa \hiau han thawh ho chu tute nge an nih lah kan hriat hnu vek, kal thui a har awm. A hma zawng khan Pathian an lo rinchhan ngai lo \hin emaw ni tehreng ni? Tun ataka Pathian han rinchhan thar leh vel chu \ul lovah kei chuan ka ngai. Kan Pathian hming hi midangte sawichhiatna hmathehah chuan hmang fo lo hian Politics chu induh chuan khel ve mai mai teh u.
VL Pachuau
———–
October ni 17, Vanglainia Pu Lalruatzuala thuziak hi a sawi dik hle mai. An sorkar lai a\ang tawh khan Pu Rama hian thil sawi hi nuam a ti lutuk a, sawi loh tur a sawi tam khawp mai. Pu Hawla hian a ni angin \awngkam thiam ve ta se, Pu Rama ang em hi chu a nih ka ring lo.
Malsawma pa
————-
Tun \um kan Central YMA hruaitu tur thlan tharte chu an \hat rualin kan va bung awm nghut nghut hlawm ve le.
Liana Pu
————-
Tunlai hian Mualcheng Middle sikulah Nilaini-ah chaw kan ei ngai tawh lova, sawrkar hian min lo ngaihtuah deuh teh se.
8974220084
————
