Sports lama che \ha, sorkarin a duhsak avanga an phu loh hna lian tak a pek hi tihfuh pakhatmah a nei lovin ka hria. Entirna pakhat, boxing-ah pakhat chu Jt. Director rank hna pek a ni a, \um khat bak hming\hatna a nei zui lo. Mi ram infiam miten hma an sawn zel laia keini kan tlo lo em em mai hi a zahthlak a, chuvangin infiamnaa ram tihming\hatute hi a hna inpe zawnga induhsak tawh lovin, an kal zelna tura an mamawh sum tumsak zawnga induhsak ni tawh sela a \ha zawkin ka ring.
RK Sanga
————
|angrual pawl hi lo mausam ngawt suh aw. MNF leh Congress ning hrim hrim, neutral, Congress, leh MNF-a lungawi lo hote hian sorkar tira en chhin hi an duhin an tum tlat niin a lang. Heng ho hawina lam apiang hi sorkar tur chu a ni mai. |um dangah pawh neutral leh lungawi lo ho zar zotu apiang hi an sorkar chu a nih hi. Active ho hi chu sorkar siamtu ni lovin, an zar zotu an ni zawk. Kum 30 chuang kan lo en chhin tawh enchhin nawn leh ai chuan la enchhin loh en chhin hi a finthlak phian mai thei bawk.
RL Awma
————-
Mizoram-ah Pu Lal Thanhawla aia \ha Chief Minister tur an awm lo.
R. Lalhmunmawia, Tuikual South
—————
Kristiante hriat chak lehkhabu fakna la release si loh in rawn tih chhuah \hinah hian miin an lei duh nan copy tam tak hralh duh vanga fakna uchuak tak – MAHNI INTIHLUM TAN MEUH PAWH VANRAM A KAI THEIH – tih lai tak mai hi a va hlauhawm tehlul em. He lehkhabu hi chhiar theihin a la awm bawk si lova. Helai thu tak hi chu paih bo teh u. A lei tur chuan an lei tho vang.
Lalthana pa
—————
MIZORAM leh a ram neitu Mizo-te hi kan la tlemin, kan la naupang si a, ram hruaitu atan pawh hian kum 65 aia upa tawh chinte hi chu i hmang tawh lo hram ang u. Dah hniamna lam thil ni lovin tar lutuk tawh lam hi chuan engtikah mah RAM ROPUI min thlen lovang. Anmahni pawh hi \hangtharte kutah innghah a hun ve ta e, TAR THIH hnaih tawh lamah hi hmingchhiat palh te pawh a hlauhawm e, insiam \hat lehna hun a awm leh tawh dawn der si lova te pawh ti ve \hin sela. Ramin a mamawh vang pawh ni lo, duham, chapo, lal nuam ti, \ang hma hai avanga ram leh mipui nun tihchhiat vek ringawt hian an thlahte chungah ANCHHIA an hnutchhiah mai mai lek a ni. Bakah a chhun zan zawma HMEICHHE ngaina lutuk te phei hi chuan engmah an thawk hman tak tak lovang. Pangchang viau chite an tawn fuh phei chuan fuh lo tak a ni ang.
Bawiha pu
————-
Sikul hi a dan pangngai ang khan dar 9 a\anga dar 3 ni leh sela a \ha. Mipuiin kan duh laia zirtirtuten an duh lo hi hriatthiam a va harsa ve. Hetiang a nih chuan khawpuiah chauh hmang sela, thingtlangah dar 9 a\anga dar 3 kha la kalpui duh kan la awm \euh tho a, khawpui leh thingtlang hi i kal hrang mai ang u, a \ha mai lo maw?
Ruattea
———
Tukin Vanglaini Article, Pu PL Liandinga ziah leh Pu Lalchhuana Renthlei te thu leh hla chuan kan ministry hrawn mek leh kan lo hrawn tawhte mawng an va hlim chiang ve! Bawngkawn kawng zauhna tur lo hralh ru duh mai leh kawng siamtu, mahni hlawhfa chhawr Engineer te thunun thiam lo ram hruaitu kum 30 chuang kan han hrawn tawh a nia, kan ram kawngte hi chu \hat ngaihna a awm lo reng a ni. Chu mai ni lovin he mite pahnih hi Chakma tihuangtau a, \an tlattute tho kha an ni bawk. Zoram mipuite hian kan ram hi kan hmangaih takzet chuan he mite pahnih sum hmanga min rahbeh a, min lilam tum leh tute hi paih thlaka, ‘Kalphung Thar’ |ANGRUAL PAWL ngei hi beiseina thar nena kan support a ngai a ni.
Jonathana Pu
—————
Mi rethei zawkte chan ai laksaktute chungah Mizoram sorkarin thikthu a tichhe ringawt a. A taka hma lakpuina leh duhsakna erawh a awm ngai lo. Mizoram Horticulture Department phei hi chu kan CM ber hian hman a\ang tawh khan a hre chiang fai vek. Horti Officer-ho te hian Service Rules dan kalha thlai \iak hmanga sumdawnna kum 1990 a\anga an kalpui dan pawh a hre ngei ang. A taka hma la ngam ta thut “TUKIN A|ANG KHAN A PIANGTHAR TA THUT” te a nih loh chuan CM hnena zualko chu kal hma a ngaihawm fe zawk. Mipui min hlau miah lo tih hriat phawt tur. Sorkar Officer aiin mipui zinga mi harsa zawkte lehnghal tan hmun a awm lo. MLA election vuak vet thupui leh thu puarpawleng mai mai tih i hre reng ang u.
PH FANAI
—————
PRISM te in fakawm takzet, mi dik lo dik anga inlantir phet tum, mi tenawm takte min hriattir \hin hi kan ram tana rawngbawlna \ul leh pawimawh tak a ni.
Citizen
————–
Kan nu leh pa, kan pi leh pute khan hetiang hian an sawi \hin ruahtui tam kum chuan, ‘Kumin chu pawhchhiat hlo thlawh a har, sangha a fuan thei lo’ tiin. Sangha hi hmun hrang hrangah a fuan hun hi a inang lo, kan naupan lai chuan October ni 12 velte pawh hian ruah a sur duh lutuk a, sangha a fuan thei lo an ti \hin. Hetiang kum hi a awm fo \hin. Chuvangin October thla chawhma lam hi chu fur ruahtui hi a la tla duh hle. Ka sawi duh taka chu kan sorkar hian kawng chhia avanga ruahtui tla an puh hi an duhnaah chuan tunah pawh ruahtui tla reng chung pawhin Salem Veng, Mualpui kawn chhak pawh an siam thei. Champhai kawng pawh siam \an an tum. Kei chuan October ni 15 hma chuan ruah hi a la sur zeuh zeuh ka ring a, kawng pawh hi ruah tla zeuh zeuh chung pawhin a siam theih reng tho ka ring tlat a ni. Khua a fur hma tih chhuanlam kha chu chhuanlam dawrawm mai mai a ni. Salem Vengah pawh an siam mek!
Sanga
—————
MNF-te hian sawrkarna siam in duh takzet chuan party mi hlui ho hi candidate lo ngam rawh u.
Berbera Pu
————–
Pu Hawla hian Saipui kal lai a inti a, Chhurbura pawh khan a sen reng reng chu hlau zel ang che, Kawlkei a ni e a tih te kha, Kawlkei te hi a ni thei zawk mai lovang maw? A sen chi a zawrh bakah a chal te kha a lo hnawihsen ve bawk si a, mawhpuh tur zawng ringawt sorkar hi zawng ram ropui tak kan thlen hmel bawk si. Nge, Pu Kawhturzawnga kan ti zawk dawn? Sum hi Pathianah nei ve lo la, lei hremhmun a\anga khaichhuak tur chein, SEDP bu hi lo chhiar ve \hin rawh.
Tlabung Uitangrual
—————
Kum 2018 MLA election chu a lo hnai leh ta hle mai. Party hrang hrangte an inpuahchah leh ta mup mup mai. Chumi rual chuan tunlaia mi ngaihven hlawh tak party 3 \angrualte hian engtinnge hma an lak zel dawn? Tun hma anga CM tur pawh chiang lo riaia an ti leh dawn nih chuan awmzia an nei leh chuang lovang. Tu hi nge CM atan an zawrh dawn? An thiam chuan Zoram hian hmel thar a hmu ngeiin a rinawm. Congress leh MNF-ah hi chuan beisei tur a awm bawk si lo va. Kan kut hnathawhte hian awmzia a nei bawk si lova.
Hlutei leh Zualbawihi
————–
Aw Zoram mipuite u, party ngawl vei lo ula, sum ngawl vei lo ula, nihna ngawl vei lo bawk ula, kan ram tana hnathawk tak tak turin tunge \ha ang tiin i ngaihtuah tlang \heuh ang u. Kan ram hian kan \henawm ramte rual kan ban lo palh ang e.
Tlabung aw
————–
Kei zawng tun ang hrima ka hmangaih Zoram a tluk chhiat ka phal lo. MLA election hun chu ka inthlifim viau tawh ang!
Zoram hmangaihtu Zofa-a
————–
Kan ram hian runtu a va ngah tak em! Zu leh ruihhlo hrang hrangin min run a, HIV leh Cancer-in min run bawk a, sualna leh sex hmansualnain min run bawk. Ringtute tan tih tur a va tam tak em!
Malsawma pa
—————
ZNP President, Pu Lalduhoma nge nge, politics platform-ah mi chhiatna leh fel lohna belhchian dawl hlei lo, mite vote beiseina avanga tlangau pui vak vak chungin Pulpit tlangah mahni aia mi dang \ha zawka ruat tur thu han sermon leh dup dup chu a inhmeh lo viau lovang maw te ka ti ve mai mai. Nge platform leh Pulpita thusawi chu Pathian thu em em lo pawhin a ba sa ngam ve hrim hrim? Hetiang chuan i tel lohna pawl lam tan vote i zawnsak a ni ringawt alawm le. A inthlan dawn apianga bawl chi hi an awm ve tur reng a ni.
DUHSAKA
—————
Pu Hawla leh Pu Rama inanna ber chu thil \ha lo lam a awm apianga puh tur dang an zawng ruai \hin hi a ni.
VL Ruata
————–
HIV pun chhana MNF-ten Pu Hawla an puh hi an ti lutuk deuh ka ti. Hetiang a nih chuan an lal laia 3% an lak vanga kawng chhia anga Pu Hawla sawi pawh hi a dik thei tho ang.
Lalnuni
—————
Nl. Lalhriatpuii rawng taka thah a nih chungchang hi kar khat a liam hnuah pawh engmah chanchin hriat tur a la awm lo nge? Zoram mipuiin kan ngaichang reng a ni. Thuneitute theihtawp chhuaha \ang fan fan turin ka ngen che u.
The Visitor
————–
Gujarat-a an electric power project reng reng, 1,000 MW chung lam deuh vek a niin an hnianghnar tawh em em a. Kan CM hian a awt ve miah lo em ni le? Pu |henphunga kawhhmuh chawpin Arunachal Pradesh pawhin min lehpel thui ta hle. Zofate u, therhlo leh party rilru nu phet phut hi hnawlin i harh mawlh tawh teh ang u.
Ramhmangaiha
—————
R. Lalzirliana, Home Minister chuan Mizoram dung leh vangah kawng CHHIA ka hmu lo a ti. A mit a \ha hle mai.
8974901219
————–
Arunachal zirlaite chuan Citizenship Amendment Bill duh lohna lantir nan Total Bandh a huaihawt a. Mizo zirlaite hian engtin nge hma lak an tum ve hriat a va chakawm ve.
9612164312
—————-
Kan ram kalphung hi i ngaihtuah ve ngai em? Kan va rapthlak tawh em. Sum hmuh kan tum dante leh duh dante hi kan ram zim tea cheng thingtlang kilkhawr ber amite pawh hian kan ram roreltute hi kan ring zo tawh lo a nih hi. Mizo hnahthlak chin ngat phei chu Kristian zaa za kan inchhal lehnghal. Zawlneiin hun hnuhnunga chuan pachhia ten ruk an ru tawh lo ang a, mi hau leh suta inthuama nektai awrhten ruk an ru tawh zawk ang a, Pulpit tlang a\angin ruk an ru tawh ang a tih kha tun hun hi a ni lo’ng maw? Kan MLA te lah hi Kohhran Upa an ni deuh vek lehnghal. Dan hian dik takin rorelna nei ta se ei rukna laka him an awm ka ring lo. Kum 2018 MLA inthlanah chuan tute pawl nge lian ber tih ngaihtuah buai lovin sawrkarna siam tawh party zinga mi ni lo vote la, nang leh i chhungte in him ber ang.
Hretlema, Kolasib pa
————–
