Tuna tangrual pawl hian sorkar thar siam turin chance in nei tha. A pawimawh berah chuan CM atan Pu Lalduhoma hi zuar nghal ula, Deputy-ah Pu Lalhmangaiha zuar nghal bawk ula, in tihsual loh a rinawm. Hetia lungrual taka in ti thei dawn lo a nih chuan kawl a eng lo. Mipui in ngah lo. In lungrual ngat chuan neutral chu sawi loh, Congress leh MNF mi, an party-a beidawng vote in hui teuh ang. In tan kawl a eng.
RK Sanga
————
SEDP bih chiannaa ka thutlukna chu hla-in ‘mahni luah loh ram puangten a hlutna an hmu phak lo’ an tih ang vel hi niin ka hria. An President, Pu Zoramthanga lah chuan a thianten SEDP an buaipui mek laiin Rs.3,00,000/- a lo zuar mek zel bawk nen, a eng ber nge awih tur tih hriat a har ta hle mai. Mahni policy pawh chiang lo ram hruaitu neih hi a va hlauhawm em. Nangmahni leh MPCC-te avang hian Chakma chungchangah pawh ram pum mai hi kan buai ta mup mup mai a nih hi a va pawi tak em. Lo chawl tawh rawh u. Ram tan in theihna a tawp tawh e, a ngaihna hriain min hruai ve tawh rawh se.
Hlutei leh Zualbawihi pu
—————-
Pastor Chhawna hnena Pathian inlarna kan chhiar chuan kan rama tek khamphei leh tek ngil tlak sek thute kan hmu a, he hun hi a hla lo mai awm mang e te ka ti a. A thil hmuh leh hriatte hi a dik deuh zel mai si a, a huphurhawm dawn mang e te ka ti thin. Hnam sipai lo chhuah dan te, hruai khawm tur te, a tam mai. Biak In ropui tak tak, Pathian luahpui loh a nih thu te a sawi a, a dik duh awm mang e aw te ka ti thin.
8974244232
—————
Bel keh phuar khawm, tui pai thei lo an tih fo thin ang kha kan hmachhawn leh dawn a ang riau. Party pathumte thawk ho tur zet hi chu tuna an lan danah hi chuan ZNP hotupa hi an huphurh ru tlat ni hian an hriat a. PRISM ho tel ve lohna chhan pawh hi Pu Duhoma an nek huphurh deuh vang a ang tlat. Pu Duha hi a party chu sorkar lo mah se nakkum inthlanah kher hi chuan MLA a nih hi a rinhlelhawm lo tawh nasa si a. Buan a hmain an kherh lawk deuh a ang. BJP-te lah hi a khu lama apache milian ho an lo kal tawh hi chuan an lo intithei ve em em ngawt zel a, hmasawnna engmah neih phah lem si lo hian. Mahse, MNF ho lo intithei ve vel tur kha an lan daih a, a tha ve riau. Chuan lee, ning tawh zetin Pu Hawla leh a hote hi kan thlang tling leh nulh lovang tih tunge sawi thei? An khan rih ruau ruau em asin. Kum nga chhungte chu mahni duh tak te nen Zoram khawngaihthlak tak hi an fang leh hah hah mai dawn a ni.
Bawiha pu
————-
Inrinni zan Fakselnaa No. thup intiin YMA-te sorkara an inrawlh thuk lutuk ang lek leka i rawn sawi kha YMA-te hian Motto an nei tih hriat a tha. Tun kan dinhmunah ngat phei hi chuan hnam issue a lianin ruihhlo a hluar hle bawk. YMA an ni emaw, MZP an ni emaw, ram tana thil tha tih kawngah ramri kham a awm chuang lem em ni? Innghirnghona leh insawichhiat tumna ai chuan inlungrualna hi ram leh hnam din chhuahna atan thil pawimawh ber a ni tih i lo hriat kan duh takzet a ni.
Tlabung Uitangrual
—————-
Sawrkar office lian vak lova file kal muang lutuk Fakselnaa rawn lang kha ka lo hmu ve a. Ka dawr ve tawhah chuan AMC-ah hian file a kal chak lo berin, mi file tihbo an ching hle bawk. An hotute khan lo fuih deuh teh u. A nih loh chuan hei aia chiang zawk zahthlak rum rum turin ka rawn tarlang ang.
The Colonel
—————
Kan Pathian biak inkhawm zai danah puithu leh urhsun, khun taka hla hruai leh zai hi kan mawhphurhna a ni. Hla a sak a nuam zawk tih avanga a thluk dik kan palzut fo hi enfiah a ngai. “Lalber khumtir rawh u” tih hla hi hlabua a thluk awm lo, lengkhawm zai (kaihlek)-a kan sak thin danin sak kan ching. Bible hi a thluk dik lovin chhiarin thu hril ta ila, kan Pathian hian a pawm lovang. Eng vanga hla a nih vanga nghaisak a nih bik? Pathian biak inkhawm leh lengkhawm thliar hrang rual chu kan ni tawh. Pathian Biak in hi a zahawm a, lengkhawma zaina hmun chu a dang daih.
9862751696
—————
Bank pek chhuah ngei. Rs.10 thir hi Bank vekin an dawn let duh loh avangin tui leh electric bill-ah an dawng duh lova, thil zuar reng rengin an dawng duh lova, motor kal manah a hman theih bawk si lova, tithi ve law law se, thleng let leh mai ila. Thirchhe hralha hralh dawn leh a uiawm ve lawi si, kawl ruih hi a pamhmai. |halfavang kut hming, saptawnga thlak an rawt chhan hnam dangte tan hriat a awlsam nan tih emaw ni hi mahni hnam tawng hmuhsitna a ni lo em ni? Hnam dangten min va ngainep dawn em ka ti. Function engemawa hnam dang 2/1 an tela saptawng telh thlak zen leh sap hla sak thlak zen te hi a tul ber em le ka ti. Hnam dang pawn an tawngin an sawi mai si a.
Puipuii pi
————
Tuna kan hmuh mek leh kan hrawn mek Congress hian NE-ah kawng nei tha ber zinga mi kan ni an la ti duh tlat mai leh MNF-in Zoram mipuiin MNF sorkar hlan an nghakhlel an la ti ngam hi Mizo mipui hi anni pahnih hian min zah lo hle a ni.
Ramveia
———–
Congress duh lo, MNF duh lo an tam ber a, inlungrualin Pawl thar thawk ho hi vote vek se an tling ngei ang.
VL Ruata
————-
Mizoram tuikhawhthla sang ber chu Kau Tlabung khu a ni. Kau Tlabung khu chu a luan liamna atangin a mawng thleng a khawh a, a tawp dawnah phei chuan ruah phingphisiau angin a sur a ni. Vantawngkhawhthla hi a sang a nih paw’n chhawng thum a ni tlat. Kau Tlabung chu chhawng awm lo a ni.
SKA
—————
ZNP danglamna leh mipui tana an that bikna chu mipui huapin ram rawng an bawl a, Congress leh MNF ho chuan an party tan chauh an thawk tih hi hai rual a ni lo.
Ralte Pa
————–
Zonet news ngaihthlak hi a manhla hle a. Tunlai chu signal a awm lo reng mai a, in siam duh lo nge, siam that in tum tawh lo? Hriatthiam a va har ve.
Thanga
————-
MPF hi an din chhan, thil tumte an kalsan tial tial ta em ni? Inthlan felfai taka a kal theihna turin theihtawp chhuah zel mai se. An kuang lo nawr tan an va ang tawh ve. Heti a nih chuan MPF hmel pawh a hem lovang tih tunge sawi thei?
Siaha Kohhran upa
—————
Kum thara kan Zoram inthlanpui lo awm turah party hlun leh hlun vak lo, pawl din chawpte nen lam an hawi lam chu a hriat theih thawkhat taah ngai ila. Candidate-te leh an bial chuh tum/tur a zirin an tlin pawlh zung dawn a ang viau mai. An tlin inpawlhsawp tak leh MIPUI lam kan thu ve deuh mai ang chu mawle? Dik ngai hauh lo (ZONET RIMAWI Channel sana ang) thlan tlin leh thin ai chuan a tu tute emaw-ah beisei kan nei thei mahna!!
8414883986
—————-
Kalna apianga amah leh a hote chapo taka LIPSE ngam inti vei ngial thin khan Mizo Carbon, State Lottery, Workers Welfare Fund chalai vel dan tawp leh bawlhhlawh taka an sawi hi chutin khatin ti rawh u a tih ngam leh theih loh tura ngaih CBI chhuitir tura phutna hi a ti ngam leh si lo em ni? A va rial rei ve?
Thlirtu
—————-
MNF hian NLUP hi sawisel ngam tur an ni lo. An sorkar laia MIP sum an sem te kha asin nep. Kum sawm an sorkar chhung khan a dawng tam pawlin cheng li vel an dawng hram a nih kha.
No. thup
—————-
Congress leh MNF kan ring tawh lova, BJP lah Kristian tan tih chi lovah kan ngai bawk si. Thawk ho party kan vote mai dawn lo’m ni?
Malsawma pa
—————
Pu Lalduhoma chuan mipui tha kan mamawh a ti a, a dik dawn em ni? Hruaitu tha-in mipui an hruai tha zawk lo maw? A va lang letling ve. Mipuiin kan duh ber chu HOTU ni lovin HRUAITU |HA a ni. Pu Duhoma chuan mipui tha a mamawh daih nia. Chu bakah mipui vote a zawng dawn emaw ka lo tia, mipui zawkte tha lo a ti a ni ber a, mipui tha a pawimawh te a ti daih a. Mipui te tha a tih loh chuan mipui vote pawh a mamawh dawn lo a ni ang.
Buanga
—————-
August ni 19-a Vanglaini chhuakah khan lalnu Jezebeli hlauva Mosia bihrukna tlang kha Revd Chuauthuama te meuhin an sawi a ni a, a mak ngei e.
8413931575
—————-
Kan ram hi engtinnge kan siam that ang le? Kan ram siam tha tur chuan khua a tlai tawh ang em le?
Khawthlang nu
—————
Pu Hawla’n kut hnathawk mi rethei tan NLUP a tih kha dawt vek a lo nih hi. A hmui chauhin mi rethei hi a lo hria a nih hi. Ka thlang peih tawh lo. Lal tlak a ni tawh lo, piangthar tha-in zu an zuar ngai em?
No. thup
—————–
I-league champion tih vel mai mai pawh Lammuala kan lawm mup mup chuan boxing etc-a khawvel Asian Champion te hi lawm ve mup mup ila, tute emaw thu vaivir thiam deuhte vanga football ti fai vek ringawt mai lo hian.
LB-a Pa
—————-
Zoram khaw 10-a Bru lo kirte awmna tur ruahman hi Mizoram sorkar leh NGO ho remtihna nen nge BJP sorkarin kutdawh state hruaitute an rawn hnawn tawp a, anni hian an hnial ngam dawn lo nge?
9612126503
——————
Tunlaia Electric Department lamin connected load leh contracted load, a hranga nei duh leh thlak duh tana ni 31.8.2017 hmaa thehluh tur lehkha an sem hi hetiang lama hriatna nei zau lem lo chuan tih vak ngaihna kan va hre lo ve aw. Mahnia han inchhut dan pawh kan thiam meuh lo. A thawktu lam hian hei aia chiang deuh hian an sawifiah thei em le aw. Hetiang ringawt chuan tih vak ngaihna kan hre thlawt lo a nia.
9612750023
—————–
Vanglaini August ni 17, 2017 chhuaka Pu Laltanpuia Pachuau, Adviser, Mizo Society of Australia-in “Mizote kan harh chhuah a ngai” tih a ziah kha NGO leh zirlai hruaitute khan bawhzui hma a va ngai ve aw. Hawh u, Chakma chhiarpui hi i nei thuai ang u.
9856612754
—————–
