MNF term hmasa zawk hun lai khan Central Minister lo zin khan Medical College in nei lo a maw? Engineering College pawh in nei lo bawk a, Agriculture College in la nei lo bawk a, India ram state-ah a nei lo awm chhun in ni a, ka pe ang che u a tih thu kha chanchinbuah ka chhiar a. Mi dang pawh la hria in awm ang. Kan sorkal kal chho mek lah chuan a ngaihna an hre lo nge, hetiang kawnga hma lakna awm hi vawiin thlengin kan la hre lo va, hmasawn zel aiin lal leh loh mawlh hi an khel tawk a ni mai awm e tih a awl. Quota-ah kan buai mek zel a nih hi.
RK Sanga
————–
CHAKMA LEH TUIKUK duat taka enkawl i duh chuan nakkum MLA thlan leh turah hian Pu Lal Thanhawla kaihhruai Congress hi thlang leh rawh.
Sanga
————–
Hman ni lawka opposition lam sawi ang khan CM ni lai mek thusawi “ni a tih leh ni lo” a tih te hi dawt a tam tawh em avang hian engtia pawm tur nge hriat a harsa ta hle a ni. Lalthutthleng luah theihna tih chauh loh hi chu Mizoram leh hnam rawngbawlna atan hian principle a nei miah lo niin a lang. Hei hi mipuite hian kan hmu thiam lo niin a lang bawk! Harh a hun takzet tawh e.
Thlirtu
—————-
Tunlai hian tek a tla tamin den hlum takte leh in tihkan takte a nei ta nual a, tek tlak laia tih tur leh tih loh tur, a hria leh mi thiamten min han hrilh teh u, Fakselna-ah hian.
Khawthlang pa
——————
Tunlai tangrual pawl lo piang chuan fak leh sel a hlawh malh malh viau mai a, kan sorkar lo hrawn tawh teah hian building lian pui pui sak bak hmasawnna tluantling, ei leh bara intodelhna leh mipui mimir hmasawnna lam hawi reng reng kum 30 chuang chhung hian hmuh tur a awm lo. Kan ram hian CHANGE a ngai a, chumi atan chuan mi thahnemngaiten hma an la ta a nih hi. Keini mipuite pawh hian mak hnu neih leh chu ‘UIRENA’ a ni tih hriain, kan ram tan vote i thlak tawh ang u.
Mizo Tlangval
————–
Party inzawmkhawm pawlte leh pawl thar thenkhatte hian tawnhriat pawh la neih hma hauha a buana hma an tih ang deuha an han infak tlawr nghal ringawt mai hi chu ngaihdan hran thiau nei kei inti chin an han intawk khawm dawn a nia, lo sorkar ta pawh nise tu thu nge zawm tur ber tih pawh hriat a har duh awm. Mipui hnena an inzawrh ang ngawt hi zawng a ni dawn der si lova. An hotupa ber pawh hi in pu lut a, in pu chhuak leh thin a ni tih mipuite hian kan hai mang bawk si lova, an ropui tehchiamin a rinawm hmel loh tlat.
Tlabung Uitangrual
————-
PRISM ho lah hi anmahni hi an inhmu tling ve ringawt mai si a. Miin engtin nge min ngaih a, engtin nge min hmuh tih pawh ngaihtuah lova thawhhonaah kan tel duh lo an han ti hi hriat thiam a har hle mai. Kan ramah hian MNF ni lo, Congress ni lo sorkar tir a hun tawh tehreng nen, anmahnia an din chuan MLA pakhat pawh an tling zo chuang awm bawk si lova, a lu bera tan a tum a nih ngat phei chuan an thelh hle ang le. Chuvangin thawhhonaah hian lut vat mai rawh u. Ram hruaitu lu ber ni tur chuan in thluak a la nau deuh a ni e. Mi kaihhruaina hnuaiah khan kum 10 tel zet chu han inzir phawt mai teh u. Tichuan, miin an ring ve mai ang che u. Tlawmna hi Pathian duh dan a ni tih hi in hre reng dawn nia. Hotua miin awm a duh chuan an zinga te ber awm hmasa rawh se a tih kha in hre reng dawn nia.
Dika pa
—————
Nakkum MLA thlan hunah chuan politician senior pui pui, dam chhung hun tawp hnaih tawh tak tak leh mak tak maia hlawhtling tawh, an thil tih that hnam ro tling phak hmuh tur awm bawk si lo, daw thei pet put ho hi thlang lo ngam tawh ila. An hun tawp nghakin lo hahchawl ve tawh se. MP-te pawh kan thlang leh ang. Tar pui pui, vai ho kara thu ngawi kur reng lo tur, Mizoram leh Mizo mipui te thlavang hauh ngam/hnam leh ram chhana humhim ngam, thalai deuh te pawh kan mamawh lutuk ta. Tuna inzuar tan mek thenkhat hi chu thlang tling chiah ila chuan kan hnam leh ram hi khuarkhurumah bak min luhpui lo ang tih te pawh a rinawm hle. ZNP chu ka ni hauh lo, Pu Lalduhoma hi tun dinhmunah chuan kan leader te zingah chuan mimal taka lak tlak ber leh mit fukna ber a niin ka hria. Pu Patea te pawh hi mimal nunah chuan an tha mawle. Mahse, a chhang eitu SIHAL RUAL ho hiiii….
Bawiha pu
—————
Kawnpuiin kan Bank neih ve chhun MRB hnathawktute an hahin an khawngaihthlak. An tlem si, dawrtu khua leh mipui an tam si. Heti chung hlim tak leh dam thlapa mipui an dawngsawng thei reng hi Zonet Fakselna-ah kan rawn sawi ve a ni e.
Malsawma pa
—————-
Kum 2018 MLA General Election-a tangho tur ZNP, MPC, ZEM ho hi mipuiin kan lo thlir reg che u. Mahse, election hma ngeia CM tur in rel fel loh chuan campaign-naah inbuai leh ngei ang. Pu |hena te tangho ang khan tu emaw ber chu in tla leh nalh mai ang. Mipui tan pawh rin ngam a har hle ang. Hun kal tawhah inbumna a tam tawh si.
THLIRTU-A
—————
Assam Rifles biak in gate bula fly-over chhuk/chhohna step hnuai lama kalte tana chal tauh hlauhawm fahran hi a va ngaimawhawm em! Road safety Comt. a tel chu ni ila…..
LK-a
—————-
Pu Modi-a hian India inpumkhat a duh tak tak a nih chuan Bawng talh free sela. Hnam thenkhat Bawngsa ei chi an awm tih hria se, ei lo chi chuan ei lo mai se. Chutiangin Kel, Lawi leh Sialte pawh. Kristian-in an duh danin Campaign se, Mosolman te leh Hindu/Buddhist/Jain/Sikh te, hnam inthliarna tibo se, Dowry/Dahesh tibo se, Chhuachhut/inkhawih thiang lo tibo thak hlawm se, India chu kan inpumkhat mai ang.
SKA
—————
Inthlan kan hnaih telh telh a, thawhhona tha democracy dik tak pawh a lian tan ta hle e. Party bil sorkar, MNF leh Congress ang ni lo, huapzo sorkar lo ding tur hi an hruaitute pawh piangthar der ni lo, Pathian tih mi vek, CM pawh ni tlak vek an ni. Chutih laiin thawkho turte an huphurh vang em ni Pu Laltanpuia te, Bawiha pute, Zuitea pute leh tute emaw chuan fing takin inhuphurh tawn them angin an han sawi hram nia. Lo buaipui vak duh suh u, an inkian thei vek ang. Chutih rual chuan ZNP hotupa Pu Duha hi India ram department lian bera lalber nih theihna, IPS leh nihna zawng zawng hlip thlaa Mizoram tana inhlana, kum sawmthum zet a lo vahvaihpui kalphung thara Pathian manifesto hi term hmasa berah hi chuan han hmantir an duhpui theuhin a rinawm a, tuman an thikin a rinawm loh e.
Seling khaw pa ngat
—————-
DDK Aizawl sound hi a va ring lo ve? Tihrin dan a awm lo’m ni?
919612723171
—————–
Pathian lak atang hian pen engzata tam pawhin lo kal bo tawh mah la, a hnena kir lehna turin pen khat chauh a ngai asin. Angaihtei, Lungsum
7424059780
—————-
