Diknain a hneh thin titu, Congress party sorkar kan hrawn tawh a, kan hrawn mek bawk. Pathian leh kan ram tan titu MNF party sorkar kan hrawn tawh bawk, kan la hre theuh awm e. Kei pawh fing lo leh thiam lo tak chungin Congress leh MNF tan theihtawpin ka lo Campaign ve tawh, an sorkar tawh thin. EIRUK leh HLEMHLET-naah an fihlim em? Eng sakhua pawh vuan ila, Pathian huat zawng ti thin tan vanah hmun a awm lo. Sorkar tawh party kalphung kan hria, Zoram mipuiten en chhin kan duh a, Party nge kan en chhin dawn candidate? Kei chuan development ka um lova, Mizoram hmangaihtu dik tak roreltu kan duh a ni. Party ka en dawn lo, dik taka ro a rel dawn chuan sakhuanaah ka buai lo, ka awmna bial candidate-ah mi tha nia ka hriat ka VOTE dawn.
9402108995
—————-
Kan ch^k lakna kawngpui ber, Aizawl to Silchar kawngpui chhe lutuk avangin Truck bungraw phur kawng laiah a tlu nasa lutuk a. Hei vang hian motor neitu leh Truck driver tam zawk chuan bungraw phurh tawh loh mai an duh ta. A enkawltute khan siam dan inngaihtuah ran a ngai e.
The Colonel
—————-
NLUP 4 phase ho hi engatinge kan va hmu ve har em em ve. Pawisa awm sa in ti si a, cheng nuai khat dawng turin kum 5 lai mai nghah a ngai a ni maw? Hetiangte chuan engtinnge lei rem min rahtir theih ang?
9615174245
——————
Pawl sarih (7) Board exam a ngaih lai khan pass ve thei lo ho tan khan Armed veng mawngah khuan sikul an din a, chutah chuan lehkha zir peih mang si lo, a hminga sikul kal nih la duh si ho kha an fuan khawm a ni ber a. Mahse, kha sikul kha kum hnih thum hnuah an titawp leh daih. Chutiang vel chiah chu tuna party thar lo piang, ‘|angrual’ inti te hi an nih duh hmel. Mi tam zawk sikul kaina a kai ve mai hi a fuh zawk mai thei a ni.
Sylvia-i pa
—————-
Zu zuar ila, ruihhlo-in a tlem phah ang a, zu tha lo in an tlem phah ang tih ringtute chuan an va ring sual chiang em. Zu zawrh atang chiah khan ruihtheihthil engkim mai a hluar zual a, kan man tawk tawk a, kan thi zawih zawih zawng a nih hi le.
RK Sanga
————
BSNL phone leh internet chhia kan han report-te hi han siam vat thin teh u. A chhe man chawi reng hi kan duh lo, in siam peih lo a nih chuan rawn disconnect mai rawh u.
8794746089
—————
Mizoramah Chakma an tam ta hle a niang, Chakma kan buaipui ta luih luih mai. |henkhat sawi danin Bangladesh atangin ramri rawn pal tlang a harsa lo em alawm an ti. Tak tak a nih chuan ramri ven kawngah kan harh chhuah a va hun ta ve.
Sanga pa
—————
Darlawn hian District an ph<t ve ngawt a, an khua pawhin a zo dawn em ni? Miin an tih vang ringawta lo ph<t ve ringawt te chu thil dik pawh a ni lo, anni aia àwm tak tak khua pawh an awm duah si a. Mizo hi chu inthik reng reng hian kan khat a. A Pathian thu tawh lo em mai. Nawrhna tur hi in ar bo zawn a, a dik ngai lo.
No. thup
—————-
ZONET a tha hle. Mahse, film en laia fakna zing lutuk hi a ninawm takzet. Hei aia khat deuh hian tih theih se a hlu lehzual tur.
9612514629
—————-
Keini thingtlang lama Cable TV pawt tute tan chuan tuna an dan thar siam anga pawt tur chuan kan zo ve ta lo a ang hle mai. Kan cable TV line lah hi ngaw hnuaia kal a ni bawk si a, thingzar tangro pakhat pawhin tlak sela a chat zel bawk si a, thla khata ni 15 vel awrh chauh kan en chang a awm bawk si a. A kal pangngai ang hian keini khawchhak lamte hi a bikin tih dante hi a awm lo em ni? Tuna dan thar siam anga kala Rs. 300, Rs. 400 chawi tur chuan keini thingtlanga inhlawhfa chawp tan chuan thil harsa tak a tling asin. Fakselna kaltlang hian min ngaihtuahsak hram turin ka rawn hriattir che u a ni e.
Khawchhakpa
—————
Opposition Party leh pawl hrang hrangte u, nakkum MLA inthlanpuia chak in duh/in tum a nih chuan Chief Minister bial hi vil ngun rawh u, a bikin Thenzawl hi vil ngun teh u. Thenzawl khaw chhunga development sum lo luang lutte hi dik lo leh fel lo tam tak awm te hi RTI Act hmangin han hai lang teh u. Thil dik lo tam tak a awm a nia. Chak in tum a nih chuan pu ber bial hi thlah thlam suh u. Hman kuma Pu K. Thangzuala’n Pu Hawla a khin thlak dup tum ang kha a thleng nawn leh lo ang tih sawi a har, party mi leh sa lungawi lo, vui leh vai an insiam tam si a, an intuam dam zawh sen a rinawm loh.
Rina, Thenzawl
——————
MNF leh Congress chuan Minister nih leh MLA nih hi hausak phahna a ni tih an hre chiang em a, chuvangin bial inchuh leh dinna tur buaiin an buai a, MPC, ZNP leh ZEM ho chuan bial vil turin a hnawnin an inhnawn zawk a nia. Kalphung a inthlau hle a ni.
Thlirtu
——————-
NGO-ten B.D. Chakma bang tura an tihna chhan leh a ban chhan a ziah hi a inang lo hle mai. Inang tur chu a ni lo tih chu rin sa a ni. Mahse, banna a ziah dan hi chuan Mizote min huatzia te, min hmuhsitzia te, min hlauh lohzia te a lang chiang hle mai. NGO-te hian Governor hnenah kalin ziak ngeiin bang tura an tih nachhan kha pe ve rawh se. Chuti lo zawng sorkar hriat dan tur chu B.D. Chakma ziah dan hi a ni dawn si. Chu chu kan hnam tan a tha dawn lo tlat. Kan CM lah hian ziak tha turin a ti duh der si lo. Hetiang ram hruaitu kan nei hi Mizote kan vanduai hle mai. Mizote hi hlauh tlak kan nih lohzia hi hnam dangte hian an hre chiang em a, kan tapchhak zawlah ngei huaisar takin min bei ngam zel zawng a nih hi. BD Chakma thuziak atang tal hian i harh chhuak ang u. Hnam zahawm ni tur chuan thil thleng mil zela kan chet ngam a ngai. Venthawn kan ngah tit tet lutuk hian hnam zahawm lovah leh hnam dawihzepah min chhuah mek a nih hi.
DIKI PA
———–
Myanmar leh Bangladesh atanga Foreigner kan rama lo lutte hi an ngaimawhawm khawp mai.
The Communst
—————-
Kan sorkar hian MR-te hlawh hi cut tawh lo se kan va ti tak em. MR Professional tax thla 2 an cut a, kan pawisa an duh a nih chuan Regular ang hian hamthatna min pe ve tawh se. Mi retheite thawh chhuah hi a ni lo lamah min hmansak lo hram teh u.
|hal tihnawnga, Aizawl
—————-
Railway Company-te hian Kawnpui to Hortoki kawng, Hortoki kawng tia hriat hi hun rei tak an tawm tawh a, an Motor-te a lianin an phurrit thei em em a, nasa takin kawng an rap chhia a, motor te deuh tan kal theih loh khawpin fur chhung zawng an rap chhia a, an siam tha duh si lo. Chuvangin kan dawhtheihna pawhin a tlin ta lova, Aug ni 24 atang hian Railway company tan road block kan kan siam dawn a, Kawnpui mipui zawng zawngte pawhin min thlawp dawn tih kan hriat bakah Duty tur pawh an insiam dawn tih an sawi avangin lawmawm kan ti a, kawng an siamthat hma chu an chhuk leh chhoh kan phal dawn lo. Malsawma pa
9862383205
—————
Tunlai chu District Demand lam thawm a tam khawp mai. Khawzawl, Saitual leh Darlawm khuate thawm a na khawp mai. Hnahthial te hi an va reh ve mawle. Khawiah nge an District Demand hruaitute hi an awm ve ni? Congress party-in inthlan dawnah mipuite an bum leh ang a, Pu Hawla’n a mimal pawisain a dah e tiin mipui an bum leh ang a. Congress an vote leh sup sup ang a, fing vek tak chu an ni.
Hlima PC
—————–
A tlai khaw hnu deuhnain DJ-i ka’n fak teh ang. Tunlaia a hla lar, Pu Sawta phuah, a sak paha a lam/che vel hi engtia zir thiam nachang hria nge a nih ka ti a ni. He hla lar hun leh khatih lai vela lam thiamte che vel hmu pha(k) chuan an hria ang chu.
Ronald VLC
—————-
MNF leh Congress-ah chuan kan state tan beisei tur ka hre tawh lo. PRISM President CM-na hnuaiah chiah Zoram hian beisei tur a nei tawh a ni. An manifesto hi a puitling tak zet a, chhiar ve hlawm teh u.
Lalthanmawia, Khawzawl
—————–
Nakkum MLA inthlan lo awm tur chu kawl a eng deuh dawn ta e. Kum dangah kha chuan MNF chimawm tak leh Congress khamawm tak mai kan buk a ngai thin a, party dangin an tèr phak lo hle thin a. Tunah chuan neutral zawng zawngten tangrualin mi thar, sorkar thar kan siam thei dawn ta. Zu ning, zu zawrh duh lo, party induhsakna in a kal kan thin zawng zawngten kan veng, kan khua theuha party mite kalsanin party party ti lo pawlah tan i la theuh ang u aw.
9862913345
—————–
Nizan Beiseina channel-a zai kan en mitdel zaisaktu kha i va titha tehlul em. Chutih rualin Pathian fak hla satu tam berte hian hei hi lo hre mawlh teh u. Mizo kan nih chhung hi chuan Mizo rilrem hla te hian kan rilru a hneh ber zel a, a hneh ber zel bawk ang. Background lam buaipui vak vak ai chuan mi thinlung hneh taka zai hi a hmuhnawmin a hlu ber tih lo hre mawlh tawh teh u. Cartoon picture lama intlansiak lovin Lal lung tihawi lamah tan han la hlawm teh u. Tin, Pensy, a bikin ‘ni tla ngai lo Zion khawpui’ tih hla i sak kha a chang hnihna atangin i hnam tawngin han sa ve leh hram teh, puan bih ngei maiin aw. Nimin Muanpuia zai pawhin vawi leh khatah hnehtu a ngah em kha. Zo lunglen hi ngai pawimawh hlawm ula, kan ning lo che u a ni mai.
Maruata
—————-
Mizoram Kristian nih ve dan hi ngun taka han ngaihtuah hian hlawkna tur a nih chuan Kristian kan nih pawh hi kan thukru daih mai a. Krista vanga chán ngam, tuar ngam, rethei ngam kan tlem dawn mang e aw ka ti thin. Ngun takin ngaihtuah ve teh u. Heti chuan kan thlarau hi khawiah nge a kal dawn? Setana hmanrua pawh mihring, Pathian hmanrua pawh mihring tho. Chhut tham a awm tunlai thil awmzia hi.
Khawthlang pa
—————
|anrual hi chakna chu a ni teh meuh mai. Mahse, tuna tangho hi chu khaw khat daih pawh tling mang lo khawpa member tlem an ni si a, tlin a va har awm ve. Congress leh MNF tan chuan huphurhawm loh tak an ni. Hetianga ti lo hian party lian thawhpui tur zawng zawk sela a fuh zawk ngei ang.
Ramhmangaiha
—————-
Kan Chakma Minister bang ta chu hnam leh hnam inkarah boruak tha lo a siam leh phah em lo’ng chu maw? Hnam hmangaihna kawngah kher hi chuan Chakma ho takngial pawh kan tluk zo lo hian a hriat. Keini ve chu a hruaitu emaw, a hotu emaw, a mipui hrim hrim hi mahni ram leh tualchhungah thiam chan inchuh leh intih hmingchhiat pawh pawisa lovin kan rak luai luai a. Chutih lai mekin kan khua leh tui pawh ni lo, hnam dangten insawhngheh lehzual sauh tumin an tang zual sauh a, hnam hruaitu nih tling, mihring pangngai tak tak kan neih hma chuan kan kal ve zel dawn chu a ni phawt a, ram leh hnam hruaitu tha an lo chhuah meuh chuan Mizo chhungkaw tin hian thlah pawlh pakhat tal hi kan lo nei fur tawh mai ang.
Bawiha pu
———
Kan ram hmelma bulpui, ram leh mipuiin kan chhiat phah, eirukna leh hlemhletna kan do ngam der lo mai hi thil pawi ber mai chu a ni. Eirukna leh hlemhletna rahchhuah eng engemaw te te kan dova, a kungpui leh a zung ber kan do ngam si lo va, kan la tuar tluang zel dawn a nih ber hi. Huihammm!
9774354495
—————–
Republic Vengthlang via Republic Road to Salem Veng lei tlahniam (Field chhak) hi sorkar hian a va ngaihsak lo em em ve. Hun rei tak two wheeler em pawh a kal theih loh hnuah veng mipui thahnemngaihnain pick up chin kal theih tawk tawkin mahni sum sengin kan thawm tha a, tunah line bus mipui chhawr em em pawh tun thlengin a la tlan thei lova, sorkar hian a rang lamin line bus tal tlan theih turin lo siam tha hram teh u. Mipui hian kan tuar rei tawh lutuk, thil harsa em em pawh niin a lang lova, khawngaih taka a rang lama min lo siam that sak turin sorkar kan ngen tak meuh meuh a ni e.
The Kim
—————–
