Inthlan dawn hian party \henkhat hian neutral vote tih hi an uar hle \hin. Neutral kan tih ho hi \an lam nei vek an ni. Office tinah mahni \an lam party chu an sawi ve tho. Kohhran puipa party-a enroll ve lo pawn \an lam an nei vek.
VL Ruata
—————
Ka ning! Kan Mizoram Police-te duty laia rui pai \eng\awng hmuh tur awm reng hi ka hne. Manipur Police-te angin helpawl hmachhawn ve ziah ta ang se, kan police 8,000 deuh awr ho hi dam chhuak tur an vang awm.
8413030623
————-
Tuikuk ho ANCESTRAL HOME STATE chu TRIPURA a ni. Heti tak maia TRIPURA leh MIZORAM-a TUIKUK an tam ta mai hi an zingah foreigners an tam hle a rinawm. Chuvangin National Register of Citizens hi tih ngei chi a ni dawn lo’m ni? Tripura hi INDIAN UNION-ah an tel tlai avangin kum 1951 Census behchhana NRC tih ni sela, Mizoramah chuan kum 1941 Census behchhanin NRC hi tih ni thei sela. Mizoram leh Tripura-ah hian TUIKUK hi an tlem phah ngei a rinawm. Assam pawh NRC 1951 hmang hian an inthawlh thawl mek a ni lo’m ni?
Vena Pu
—————
Tunlai kan Zoram hi ngun taka han bihchian chuan a va hahthlak tehlul em! Ram siam \haa hmasawnna kawnga ke min penpui tura kan thlan lal te lahin sual inpuansiakin an hmanhlel a, an inbakkaih lo chauh a nih tak ber hi maw? Hawh teh u, mipuite hian kan party ruihchilhna hi hlipthlain Zoram thar, kalphung thar siamin, i dinthar leh ang u. Insawifihlim tum reng mai leh hmangaihtu derte hi i hnawt bo teh ang u khua kan tlai hma hian.
Mizo Tlangval
————–
Mobile phone avang hian tunlai \hangtharte hian hnathawh an tum tawh lova, hnathawh nachang an hriat loh chuan chhiat lam kan pan mek zel zawng a nih hi. Hei baka vantirhkoh pali phelh hremna a awm chuang dawn em ni? Tunlai pum benvawn natna nen an dam thei hlawm si lo, zu te nen.
9612238063
————-
Kan Mizoram tak hi chu aw. A khawilai a\anga siam\hat tur nge ni ang? A huhova piangthar, a huhova tlawmngai, a huhova ram hmangaih, a mala thil sual pawisa lo kan va tam em. Kan ram kal sual dan Pulpit tlanga an sawi pawha kan party la \an tlat, thudik leh thil \ha pawh zawm ngam lo kan va tam em. A bul ber niawma ka rin chu Congress vaithluakin min tikhaw lo ni ta berin ka hria. Dik tak maw?
Liana
————–
S. Korea President an paih thlak tak, Pi Park-i chu a chungthu a rit ta elh awlh hle mai maw? Kum 32 chhung zet mai Jail-ah a tang dawn chu a nia leh. Mi ramte hi chuan eiruk leh thuneihna hman over lutukte hi chu an dim lo sak sak teh mang e. Hmeichhia an nih vanga va ngaihthiam bik emaw kha an tum lo reng reng. Thil tisualtu chuan a phutawk hremna a tuar tur a ni tawp mai. Hetiang tho hian kan rama EIRU thau \ha tak tak te hi hrem ve ta ila, kum 100 lai jail-a khung phu ngawih ngawih te pawh hi an kat nuk tawh hial lo’ng maw? An thawhhlawh leh an thil \ha NEIH intu lo lulai lutuk tak mai te hi han lipse ta reuh mai se chuan \henkhat phei hi chuan an lo piang ve hmanhmawh kha pawi an va han ti vawng vawng \hin dawn tehreng em.
Tlangvala
————–
Saiphai Forest gate-ah hian regular staff an indaih lo em ni? Chowkidar duty tir \hin a ni a, sorkarin duty tura a lak te ngei duty thei se a \ha hle ang. Regular staff duty tur an awm lo a nih chuan a rang lamin regular staff duty tur dah ni rawh se.
7005354020
————-
Dan \ha tak nei si, exercise loh kan ngah hmel. Minister leh officer te an pawimawh ka ti.
LK-a
9436141804
————
Tling lo tur chiang saa kan ngaih party chu \hat hmel viau mah se, mipuiten vote kan tum \hin lo. Hei vang hian party lian tan lo chuan invawrh san a harsa \hin.
Lalrinfela
———–
Zonet channel hrang hrangah hian fakna chi hrang hrang hi a tam khawp a. FAKNA CHANNEL hi channel hran hian awm law law mai se a \ha mai lo maw?
Khawchhakpa
————-
Lawngtlai LADC Council chuan mipui hnena Sintex sem tur chu CEM-in order a chhuahah Congress tlinna bialah chauh sem chhuak turin order a ti chhuak a, hei ngei hi partry sorkar chu a ni. Kei ngei pawh Congress party-ah kum 20 aia rei ka awm a, tun thlengin ka vote a, mahse ka awmna bialah Congress kan thlan tlin loh avangin ka mamawh em em tuizem chu ka chang ve ta lo a ni.
9402717013
————-
Zonet channel film en nan ni lovin fakna en nan a ni maw bill kan lo pek! Fakna ringawt mai. Zonet pawh hian pawisa induh hle mai. Customer lam pawh inngaihtuah tawh lo.
Marami Chawngthu
—————
NLUP leh NEDP ram hmasawnna tur nia an sawi hi tuna an hmandan leh an kalpui dan han en chuan Eden huan lai taka thing rah, Pu Hawla’n “Ka VIP” a tih te thlemchhuah nana kawng chhia, lei chhia, zirna chhia, eng mumal lo, hlawh mumala la thei lo leh zu vanga thi zo vekin, Sakhuana leh thil dang pawh chhe vek mahse pawi tihna nei miah lova mi hip thei tur leh itawm thei tur ang bera cheng vaibelchhe tela rulin Evi leh Adama an thlemthlu ta ang khan ram \hatna tur ni lovin, Congress party tan chauha mipuite thlemtu tan NLUP leh NEDP an hmang ta mai zawk niin a lang.
Tlabung Uitangrual
————
