Zu hi kan veng/khuaah awm lo se kan duh vek a, a vengtuah VDP te, JAC kan din a, a zuar lui leh a la lut luite chu hnawtchhuakin an kawngkate kan kalhsak \hin. Mahse \ha ka ti lo tlat mai, a \hen kan hrem ngam lo tlat. Chu mite chu tute nge? Pu Hawla leh a hote mawle. Anni aia zu zuar an awm chuang lo. An kawngka kan kalhin kan hnawtchhuak ngam si lova, chuvang VDP leh JAC te pawh hian tumah hi hnawtchhuak tawh lovin kawngka pawh kalhsak tawh lo ila a \ha tawh zawk ang a, a \hena ni sa, a \hena ruahsur a ni tlat mai. Zu zuartu pui ber Pu Hawla leh a hote kan ti ve ngam si lova.
9856020461
————–
Pu Hriata Chhangte kha kan \an lutuk che a nia. Mizoram tan i \hahnemngaihna kha kan theihnghilh tawh lo ang. Tichuan, chi ropui takah ka siam ang che, mal pawh ka sawm che a, i hming ka tiropui bawk ang. Tin, nang malsawmna ni ang che. Genesis 12:2:3.
No. thup
————-
Ram neitu tak tak ni lo, mikhual thinlung puten kan rama ro an rel lai khan kan ram hmasawnna hi a tlabal em em a. Referral Hospital an tichhe vek a, Compensation duh avangin Tuirial Hydel Project an ei da \hak a, Aizawl Civil Hospital chhawng a bova, mawza manto, ek in kal thei etc. avangin kan ram kan rum a, eirukna leh helna a hluar em em a nih kha. Tunah chuan ram neituten hmangaih takin kan ram kan enkawl ta a. Tuirial Hydel Project hawn a ni ta a, Referral Hospital pawh mipuite tana hawn mai bakah Medical College turin hawn thuai a ni ta dawn bawk a. Inkal pawhna kawngpui pawimawhzia hriain kawngpui laih mup mup a ni a, hun rei lote chhunga laih zawh mai theih a nih loh avangin furin a nang hman lo thei lova, kawng laih chhung chu kawng pawh a chhe lo thei rih lova, mahse kan peih fel hunah erawh chuan a nuam ti ber tur chu Zofate kan ni. Kawlphetha lama kan hmasawnna tura Project te, kawngpui nuam tak tur laih mek te, harsa zawk te hnena NLUP leh NEDP sem mek te hi min itsiktu awm mah se Zofate tan kan kalpui zel dawn e.
Saipui kal lai
————
CM Convoy Guard te hi an lo piai na awm hle mai. Driver an piai hlek kha zung \ha thei lovin Hospital-ah dah luh a ngai a ni a, an hnek ang a, silai kawmten an chhu ang tih a hlauhawm ngawt mai. A na lehzual dawn em mai. Hetiang an tawng leh a nih pawhin hau mai sela, a nih loh pawhin man mai sela a tawk chauh zawk ang. Zoram mipuite min tiral\i zo dawn e. Tin, VIP Guard \henkhat ten”Zawnga”tih an uar deuh pawh hi sim hmak sela a lawmawm ngawt ang. Mipuite thlamuantu tur an ni zawk si a.
Berbera Pu
———-
Ka nuna thil theihnghilh theih miah loh ka neih chu kum 7 vel liam taah khan Hnam R<n a\anga ka haw phei ka kal thei ta mang lova, AR Mandir hmar lam zing zumah ka \hu chawl ta a, JB Ngurchhinga, Lawngtlai MDC chu ka bulah lo dingin a motor-a chuang turin min hruai lut a, ‘Ka pu, khawnge i kal duh’ tiin min hruai a inhuam a, ka dinhmun ka hrilh chuan Damdawi Ina min hruai hial a inhuam a, a ngai love tiin ka kal duhna Chanmari-ah min hruai ta a, khatiang hruaitu \ha kha awm tak ang maw! Ka tawng leh pawn ka inring tawh lo. Ani kha hrisel takin dam rei se, Pathianin malsawm zel se ka va ti em.
B. Sangkhuma, Kawnpui
————-
MZP hruaitute hi an hun chhung chuan hna an thawk nasa khawp mai a, sorkar lai pawh a \ul chuan an dem hreh lova, ke an penna turah daltu awm mang lovin an pen pawp mai \hin. Mahse, an hun tawpa an awm dan hi chu bih ngun an ngai. Sorkar lai an dem vak vakah bawk an lut chat zel. MZP hruaitu an nih laiin Chakma leh Tuikuk an ngaimawh a, Congress-ah an han lut leh a, Chakma leh Tuikuk ho chu an hmangaih thar leh thut \hin ni berin a lang. |awngka-in Tuikuk leh Chakma an ngaimawh a, a takin an hmangaih. Tuikuk leh Chakma ngaimawh ve lo zawng chu Congress-ah awm mai tur.
SANGA
———–
Congress ho chuan nikum fur khaw chhia chu mipuite hnenah insawi thiam nan tak hman \angkai an tum leh ta maw? Kawng chhiatna chhan ber chu nikum fur kha ni lovin, a hma kum tam tak chhung an ngaihthah em vang zawk kha a ni. Tunah mipuite hnenah \hat chhuahin an thiam thute sawiin, mipui bumin, lo sorkar leh ta pawh ni se, \awng maksak pui pui bak chan tur kan nei leh dawn lo a ni tih mipuite hian i hria ang u. Compensation hnam kan ni lo a, Mizo kan nih ang ngeiin Mizo National-ah hian chiang phawt mai ila, kan hnam nunze mawi tak hi chawisang zel ang u.
Tlabung Uitangrual
—————-
Mipui tana harsatna thlentute hi man chhuah an nihna tur leh an tihsual nawn ngam tawh lohna tur khawpin sorkar hian \an la rawh se. Garage, tun thlenga la nei lo leh gas khawih chingpentute hi a hremna a zirin a ziaawmin a ziaawm lo thei a nia.
RODY PA
———–
MNF Party hian chak tur chuan Zakaia anga an ei rukte a let sawm thuma rulh an tiam a ngai ang.
Duata pu
———–
Pu JV-a hian BJP hi Kristian tan hlauhawm loh angin sawi sawi mah se, India ram Kristian chanchin bu leh kan rama Kohhran chanchinbuten BJP rorel hnuah Kristian tihduhdahna a hluarzia an ziah chiai chuai hi engtin nge a chhan dawn? Ram hmasawnna aiin kan sakhaw himna a pawimawh zawk.
VK Ruata
————-
Chief Minister, Pu Hawla leh a hote an la sawrkar chhung hi chuan kut inthlak zeuh zeuh hi chu a la awm ve turah ngai ila, an ziain a ken tel veah ngaih mai chi a ni.
Faktea, Cht
————–
Kumin chu hmunphiah zawrhna a awm mumal lova, hmunphiah chingtute tan \ampui a tla, inhnemna tur kan nei ta lo. Min chhantu tur kan va ngai tak em.
9436159533
————–
Kan ramah rorelna dik hmang ngam kan la thlang fuh tlat lo mai. Tun \um election inthlanpui kum 2018 inthlan lo awm turah hi chuan mipui kan fimkhur hmel ta hlein a lang ta a, chuvangin kan ram rorelna dik lo dodal ngam turin ZPM \angrual pawl bak chu innghahna tlak leh rin ngam tur an awm tawh chuang lo ni berin a lang. Kei Congress member takngial pawhin ram hmangaihna leh Pathian rawngbawlna rilru nei, mahni ram hmangaihna leh mipui hmangaihna chang hria nia ka hriat tlat ZPM \angrual pawlah hian ka thinlung leh ka rilru ka lo admit ve thlap ta.
Spockment, Aizawl
———–
