Mizorama lo kal tur State ten an rama sangha an lo enfiahnaah formalin an hmuh deuh vek laiin Mizoram Health Deptt. chuan an hmuh ve loh thu an sawi a nih chu! A va zia lo deuh ve. Sangha lo kalna thuhmun vek si, mi State-in an hmuh laia hmuh loh bik kha zawng awih a har deuh vang. Tih tak zetin \an la teh se, mipui tana thawk an nih ang ngei hian. Anmahni avanga cancer kan vei hlauh chuan mawh an phur ngei ang.
Liana, Aizawl
————–
Fakselna pakhatna em pawh chhiarchhuah hma hmaa FAKNA han tihchhuah chu leh. In programme hi a uih thei hle mai.
8974808596
———-
VANAPA HALL hi an chei \ha mek a, chutih laiin lo hmang tawk an awm ve reng bawk a, a nuam tawhin a zahpuiawm lo ve viau ta mai. A hmangtute erawh kan fimkhur lo tlang hle niin a lang. Kan hnu hma a \awpin Green room-a lut pha chinte pawh kan lo changkan lohzia kan sulhnu a\angin a lang chiang hle mai. A enkawltu Art & Culture lam tan pawh a luhaithlak \hin hle awm e. Mahni Hall neih chhun pawh vawng fai thei lo, inti changkang ve em em kan tam hmel. Khawi hall pawh hmang ila, fimkhur tur leh thianghlim tura hruaituten kan member-te kan zirtir uar a ngai hle niin a lang. Chuti lo chuan kan hall/auditorium te hi hmantlak lohah kan chhuah thuai mai ang.
Naupang chhia
—————
Online-a bungraw chah deliver-tute (Delivery boy/girl) ho hi an pute hian mi biak dan tur leh hawihhawmna an zirtir ngai lo em ni le? Hetiang em ema an mawl mai hi an customer te an zah lovin pi/pu nachang pawh an hre lo. Lehkha thiam lo an nih zia an tilang chiang khawp mai. A chhawrtu an pute hian customer biak dan zirtir ve \hin se a duhawm khawp mai.
Mizo Val
————–
Kan puten sum harsat thu an sawi fo chunga NLUP an sem reng tho si hi ka hrethiam ve hauh lo. Thingtlangpain sum kan nei lo kan tih chuan sem chu sawi loh, mahni quota pawh mi kan khulhtir mai a nia. NLUP sum pawh hi sorkar sum tho a ni awm sia. Nge Pu Hawla pawisa an sem mai mai le?
Liana
————–
Tuirini thirlei chu dawh zawh a ni ta, a lawmawm khawp mai. Chanchin tharah pawh inpuang chamchi a mahse, a hmuna riahchilha, enkawltu ber, Saihmingliana SDO, Lunglei a\anga lei dawh tura koh phei hi a mimal hming hi sawi lan a ni ve ngai lo hi ka lainat deuh a, a hming ka han ti lang ve duh hrim hrim. Ani hi Lengpui Airport Tlawng lei chim dawh tura Lunglei a\anga koh phei a ni tawh bawk. Hetiang mahni mawhphurhna rawngbawlnaa ngai, theihtawpa hnathawk hi chawimawi a phuin, ZONET Fakselnaah chawimawina ka hlan ve duh a ni. Hnathawk tak taktute hi fak leh chawimawi i hreh lo ang u. Er. Saihmingliana dam reng rawh se, ram tan i thiamna hmang zel ang che, chawimawina NOPUI ka hlan a che.
9436147113
———–
Ruihtheihah zu hi kan ngai ve ta lo em ni? Sorkar hian ruihhlo avanga thi zat a puan hian zu avanga thi hi zu sawi lang ve ngai miah lova. Zu leh a kaihhnawih avanga Zofa mi engzatin nge nunna ch^n tawh tih te pawh rawn tilang ve teh u. Zu sorkarin a zawrh a\ang hian mi sang engzat takin nge nunna ch^n tawh ang le? Ngaihtuah a va ti thui duh ve le.
L. Fanai
————–
MNF-in cheng nuai thum kan sem ang an han tih hi chu Congress-in nuai khata an sem pawhin engkimah kan tuar a, inkalpawhna kawng thlengin a chhiat phah a, khaw tin mai kawng siamin kan hnatlang mup mup mai zawng a nih hi. Pu Zira meuh pawn hnatlang hnam kan ni a lo tih hial kha. Inkawt kaiah sawhthing kg khat cheng sawmin kan la ang tia mipui min bumtute khan tunah cheng nuai thum min sawi hmuh maw? Kumin MLA inthlanah kan tihfuh loh vaih chuan fapa tlanbo khan chuan pan tur pa a nei a, keini hi chuan kum nga a ral leh hma chuan pan tur pa kan nei lo ang.
Thingdawl uisathiam rual
————-
Kan ram sorkar leh party lian inti Congress party-te hian Mizote hi ka ta a ti lo nge? Bru lo kir duh lote hruai kir \alh an tum hi engdang vang mah a ni lo, vote an duh vang a ni ringawt mai. I ram chhunga mipuite i enkawl zo ngang lo a ni. Pathian leh i ram i hmangaih a nih chuan sorkar phut lovin rim takin i hna kha rinawm takin thawk la, tichuan i lo intodelh anga, inchhungkua leh kan ram hi a lo dam leh ngei ang.
Fela pa, KK
————–
Shavdan India hi fakna vawi thum ngawt mai a awm \hin a, a tam deuh lo maw? ZONET lamah hian a chanve velah vawi khat an fak \hin a, a tawk viau lo maw? Keini ZONET ngaisangtute hian kan ngen che u a ni.
RT Khiangte
—————
MNF hi sorkar vat vat teh se. Keini, mahni thawhchhuaha indawmkang thei lo sawhthing chingtute leh thildanga eizawngte kan theih baka min pui turin SEDP hmangin min pui anga, kan tana leirem rahna turin MNF sorkar hi kan nghakhlel teh a nia.
Thingtlang Hnathawktute
————-
Tlabung uitangrual hote inthu leh hla a \ha \hin e. Mahse, Mizote dinhmunah rinawmna, taimakna, dikna leh felna nun \ha leh thianghlim a pawimawh a, heng thu tak tlakchham vang nge ni Mizoram hruai \hintute hnu hma hriat nuam lo tak tak hriat tur sulhnu an hnutchhiah tam hle ni pawhin a lang. He Pathian zawnchhuah ramah hian kan Pathian hian duhsakna a thlen hnem fe zawk ni te pawn ka hre \hin. Remna leh muanna kum 1986-a kan neih zana hla an sak tlaivar zak kha thil kal tawh mah ni se ka thinlungah a la cham reng \hin. Pi BUHDENG PI BUHDENG, PAKHATIN BUH|HAP BUH|HAP tiri khan ka thinlung hi a la sawinghing \hin. REMNA LAWM VE SI khan PATHIAN HMEL LANG MIAH LOVA pi buhdeng ti ringawt tlaivar kha mak ka la ti reng a ni. Han dawn ve teh u.
RENTHLEI CABIN
————-
Inthlan a hnai ta, mipuite i fimkhur ang u. Sum duh vanga hna kal lai titawptu entirnan: Tuirial HEP, Referral Hospital, mawza manto, ek in kal leh a dang tam tak kha hre reng rawh u.
Duata pu
————–
Pu Duha hi lal ve chak mi \henkhat hian an bum mai mai niin ka hria. Party lian zawk thawhpui rih se, Minister niin a party ZNP hi \han len tir se a fuh zawk ang. VL Ruata
8257065411
————
Myanmar lam chuan damdawi ruihtheih kawl an man chu an chungthu rel turin thuneitute kutah an pe a, keini a tuartu zawk chuan nep takin kan kalpui hi ram hmangaih lohna a tling ka ti ve tlat.
Lalrinfela
————–
Kan hmalawk hun reiloteah hian kan ram roreltu tur kan thlang leh mai dawn a, Zoram mipuiten tu party nge kan thlantlin anga, kum nga chhung teh meuh mai Mizoram enkawltu tur kan thlan dawn le? MNF leh Congress, Pu Hawla leh Pu Zorama te kaihhruai party pahnihte lah hi kum sawm chuang ve ve sorkarna chelhin Zoram mipui min lo enkawl tawh a, anmahnin sum an ngah thur thur a, an hausa thur thur mai chu a ni sia. Tin, eiruk thubuai nei ve ve an ni bawk sia. Pu Lalduhoma hi eiruk thubuai nei lo awm chhun chu a ni mai bawk a, a ni awmna ZPM lah hi an la tlem lutuk an ti bawk si. Zoram siam tura thlantlin tur hi ka hre thlawt lo. Aw Lalpa roreltu tur mi \ha min pe rawh tiin ka beidawng chu ka \awng\ai tawp mai a ni. Tumahin min dem ka ring lo.
9612226314
————-
