Airport-a an screening ve chu a lo rintlak loh a ni tih hriat hian Minister zahawm ka a\anga thuphachawina ka la hmu lo.
87946 59715
Chanchin thar te tal hi chu fakna tel lo hian en theih sela a zia awm tur a nia, he ti em em a fakna tam mai hi chu fakna en man kan chawi a ni ringawt a lawm le.
98626 03768
Kolasib bialtu MLA, Supply Minister ni bawk Pu K. Lalrinliana, mi harsa (BPL member) te tan thlakhat quota ram pum a mi te tana a thlawna tunlai hrihlauhawm tak avanga i sem dawn avangin i chungah keini miretheite kan lawm takzet a ni tih Zonet Fakselna kaltlangin ka rawn sawi a, miretheite Minister i lo ni e.
Lianhnuna
6909 715764
Tun April thla ration chu card pawl leh card eng hmang ho mi retheite free-in ration pek an ni dawn. Heng mi retheite hi mi zingah inthlahrung tawh \hin se a \ha ang.
Hming thup
94361 40644
Party mal sawi lovin kan politician-te ka han dem teh ang. An kutah ram rorelna a han awm a, hmathlir thuitak nei hi an la awm lo nge, ram hi an hmangaih tak tak lo? Hei, tunah hun harsa leh khirh tak mai kan han tawng a, a buaithlakzia leh a manganthlakzia chu a lo lang ta ni. Kan ram hi ei leh barah te lo intodelh i la chuan tuna kan buaina te pawh hi kan chinfel theih ngei ka ring. Kum sawm chhung pawh kawng hi khar ping mah ila ei leh bar a kan intodelh phawt chuan he kan ram zimte hi chu kan venghim thei em em ang. Tun lo pawh hi hun harsa tak tak kan tawng leh lovang tih a sawi theih loh. Motor man to tak tak a tlan fua fua ringawt pawh a ni ber lo.
SIDIA PA
87940 40907
Covid 19 avanga lock down leh curfew avang hian Pu RK Rozuala, Bethlehem Veng chuan a in luahtute chu a luah man a ngaidam \hak mai. Sum leh pai lama hausa ni bik si lo, hetiang taka mi hriatthiamna nei hi vengchhung mi a hria apiang te chuan an chhuang hle. Kohhran hrang hrang a kan hruaitute leh khawtlang a hruaitu \ha tak tak te hian an ti ve thei dawn em? I lo thlir phawt teh ang u.
98623 79822
Rawtna: Chhung tin mamawh Alu, Artui, Dal, Purunsen leh thlai te hi veng tin a semzai a nih theih nan veng tin Local Task Force te hian Bazarpui a\anga lei tur inruat a mahni veng a awmze nei taka zawrh theih turin thuneitute hian hma a lak theih ang em?
Mr. CS
94851 41120
Tunlai Covid 19 chungchangah hian a hmasa berin Health Minister hian fak a phu hliah hliah hian ka hria. Chutih rualin sorkar lam hotute thlengin meikawhin in \ang hle tih han hmuh hian Mizo nih a va nuam tehlul em! Hetih mek laia mahni ngaihdan mawl tak media lama thawndarh ching kan awm erawh kan hnufualzia a lang thung. Hetiang huna a thawk mek te duh khawp lohna leh sorkar demna lam a ri leh zauh \hin pawh hi kan sim a ngai bawk niin a lang. Kan thawh thiam loh leh kan thawh peih miah loh tur tlawmngaia thawk an nih hi hre thar reng ang u. Chutih rual chuan kei ngei pawh hian duh khawp loh deuhna erawh Mizo hnam tlemte chhan nan chuan ka nei ve na meuh mai, chu chu hei hi a ni. Ram dang, state dang a\anga zirlai lo lutte reng reng screening paltlanga \ha viau si, in lama haw tir a, inkhung hran tir hi a ni. Temparature normal viau si, a hnu a khawsik lang chhuak leh si hi a awm thei dawn niin a lang ta tlat a, in lama a chhungte leh amah ngei pawh ngaih\ha taka a awm lai khan a kaidarh \euh hman thei mai ang em? tih laia hi a ni. Zin haw te reng reng hi sorkarin khunghranna a siamah hian dah vek law law sela, test vek phawt se, an result lo chhuah hun nghah tir vek phawt a, an negative chauhin in lamah thawn chauh ni sela. Chuti ni lova, screening paltlang, in lama lo positive leh si a awm theih avang hian a hlauhawm bik riau a, a hun chhung hi chuan zin haw te zawng zawng a bo a bang awm miah lo a khung hran nghal vek an nih lohna hi kei ka duh khawplohna lai ber a ni ta tlat. Chutiang ni lova in lama kan inkhunghran tir ringawt hi a him dawn lo hrim hrim tih leh an chhungten zahna avang pawhin lo zeppui si sela a pawi thui dawn a ni ringawt. Kan kah tum tak hi kan \helh mai thei lo maw tih hi thuneitute lam hian han ngaihtuah \ha leh thei sela a lawmawm leh zual ngei ang.
Serlui Pachuau
87874 87887
Hetiang khuarel vanduaina a lo thlen a \anpuina tur sum ui miah lova pe thei tur sorkar thar kan mamawh hlein a lang. Kan sorkar chuan mamawhtute mamawh leina tur sum pawh a sem thei lo chu a nia. Bazar theih hun leh buhfai lak theih tih thu bak sawi tur an hre lo re re a nih ber hi maw. Bazar dawn paw’n sum a ngai, buhfaiin kan bazar dawn tihna em ni? Kan roin kan da tawh khawp mai mi harsate hi. Khuanu’n zah a ngai ang a, eng em kan ti lo turah ngai ila, inthlanpui lo thleng leh thuai se tih hi kan innghahna a ni e.
Nghaka, Serchhip
98621 30116
Lockdown hi mi tan a ni lo, nangmah leh i chhungte ngei tan a ni. Lungawi takin inkhung tlang dial dial ang u. Kan rin ai hian a rapthlak dawn a nia. Inah awm ila, a tih ngaihna kan hriat miah loh thu hi Lalpa, a titheitu hnenah i hrilh ang u. Lalpa chiah min chhan theitu kan nei tih hriain a lam i hawi ang u.
97740 66754
Kan sawi ve lawk. Mizorama rawn lut tharte hi mahni in lama inkhung hran tir hi a fuh vak dawn emaw ni le? Tuna Mizorama kai thar pawh hi a inkhunghranga mahse, a chhungte pawh damdawiin lamah dah an ni leh tho si a. Tuna mahni in lama inkhung hrang ho hi lo positive ve ta se, an chhungte pawh damdawiin lamah khung ve leh an ngai leh ang a, chu ai chuan sorkar hian a khunghranna a siamah khung nghal mai se a fuh zawk lo maw ka ti deuh. Eng nge in ngaih ve dan?
Fimkhura
8257802679
Buhfai leh alu chu engtin tin emaw lei dan a awm mai a; nimahsela, thlai hring lei tur awm ta miah lo hi a ni buaithlak chu. Serchhip leh Khankawn zikhlum, Sihphir leh Sairang thlai chhe mai mai turte hi a concern Department-te hian an khuaa kal chilhin lei khawm se, Aizawl hmun hrang hrangah curfew thlahdul hun chhungin zawrh chhuah ni thei se a va duhawm ve le. Hun rei tak alu ringawt ei chu hriselnain a tuar ngei ang.
7005811526
Kan dam chhung nite chhiar dan min zirtir rawh tiin rilru leh thinlung inlam letin LALPA PATHIAN hnenah i kir ang u. Covid 19 avanga chiai mai lovin, engkim chunga thuneitu hi i hlau zawk teh ang u. Engkim mai hi ka ta chhiatna, lawmna, thihna ka ta a ni tingam ila kan nun hi a ral muang zawk ngei ang.
Fela pa, KK
8118904367
Kan hun tawnin a zir loh em avangin sorkar lam pawh \hahnemngaihna avangin thurawn petu leh sawiselna pawh a tam tial tial ang. Party inchirthehna ringawta lo ngaitute khan party rilru ringawt puin in lo dawngsawng zawk a nih hmel. Thurawn inpek leh insawiselna satliah lo huat zel hun pawh a nih loh hi.
No thup
8413032247
Coronavirus kan buaipui luih luih ang hian PATHIAN thu hi buaipui viau ila chuan hetiang hian kan ram mipuite hi kan chiai lo tur. Ring tak taka amen kan pekna \hin te kha kan ngaihtuah chiang lo \hin em ni aw ka ti ve \hin. PATHIAN aia hlauhawm a awm lohzia mai chu, vawi khat lek a aw a chhuah pawha leilung tui zo vek thei a nihzia Bible-ah kan hmu a, chutiang khawpa thil tithei PATHIAN kan nei chung pawha kan la buai em em mai te pawh hi in enchian deuh chu kan ngai hle niin ka hria. Tin, Lalpa zawn chhuah ram kan ni kan inti chamchi a, a zawn chhuah te chungah chuan a thikthu pawh a chhe lo thei lo, kan ram pawh hi PATHIAN-in a huat ber ber te zing a mi hurnain kan khat zo ta ni berin a lang ta.
Duhi pa
9862419552
April thla ration buhfai miharsa zual tan a thlawna sorkharin a sem tur hi a lawmawm ngawt ang. Cheng nuai thum phei kha in tinah sem thei phei se inthlan lehah pawh kan ‘aw’ dual mai tur. An sem theih loh vaih chuan sorkhar leh chu sawi loh, a sawp chu nasatak a niang. Tumah kan inbum nawn tir ka ring tawh lo. Sihal thang awk chuak chu nep tak a ni tawh ang.
8730841016
Tunlai thil awmzia kan hre tlang \heuh va, kan thil hriat te leh midang chunga thleng te reng reng hi Ar chuka tui lo khawp leh hre ber ang mai a thil sawi leh post hi i sim ang u. Tin, kan ram hruaitute pawh hi tun hun angah hi chuan sel vak vak chi an ni lo. Thu kan awi tlan hian nasa takin kan \anpui zawk a ni tih te hi i ngaihtuah chiang leh zawk teh ang u. Pathian au chungin theih tawpin i \angrual ang u. Kan tan, kan ram tan a ni si a.
Om Omi Pu
9862322234
Mizoramah Covid 19 kai hmuh chhuah a ni a, chutih rualin kan ram hruaitute pawh hian a veitu hming leh an veng vel tal thup sak ve se. |henawm khawveng ten engtinge an ngaih ang? Tunge hnaih duh kher tawh anga?
Tlungvel pa
9862348885
Zonet Fakselna kaltlangin ka rilru a awm ka rawn sawi ve ang nge. Mizoram kristian vanram kai tumte hi kan lo va nep tawh tak em. A chhan chu, khawvel hian harsatna rapthlaktak mai kan tawk a, chuvang chuan khawvel mihring kan thlaphanga, kan ralkhel a, kan beidawng a ni, Mizoram pawh min nghawnga kan phek buai a, kan ralkhel a, buai namen lovin kan buai a, sorkar pawh a buai a, a ram mipuite him nan a tih theih ang ang tiin a buai hle a ni. Chutih lai chuan Mizoram kristian, Pathian ringtu inti te hian tih theih kan nei ve a, chu kan tih theih chu tih a hnekin, Mizoram kohhran lian ho lah chuan Covit 19 hrileng hlauvin Biak Ina inkhawm min cancel puita si a, ka ngaihtuah chiang a mak ka tiin Mizoram kristiante kan nepzia, Pathiana rinna kan nghah ngam lohzia min hmuhfiah tir a ni. Kan Kohhran upa te leh Synod lam hotute pawh hian Pathiana rinna nghah ai chuan sorkara rinna an nghah zawkzia chiangtakin ka hmu a ni. Pathianin engkim a tithei, tidamtu Pathian a ni, engkim chunga thuneitu a ni tih an hre ngam lo hi a zahthlak a ni. Pathian hi kan tithinur ang tih hi a hlauhawm khawp mai. Covit 19 hri leng avanga khawvel manganna hi a chhawk theitu leh tidam theitu chu Lal Isua ringtu te chauh kan ni. Pathian kan auh a, a hnena khawvel damna kan dil chuan Pathian zarah khawvel pawh a dam ngei ang. Kan kohhran hruaitute hian Biak In khar aiin Biak Inah kohhran mipuite min ko khawm sela, Covit 19 avanga khawvel mipui buaina leh Zoram mipuite kan him theih nan kan Pathian hnenah \awng\ai rualna i nei ang u ti tura ka ngaih laiin, mahni kan indah hmasa a. Tidamtu, engkim chunga thuneitu a nihna ring ngam lova kohhran ho kan awm chhung chuan Zoram hi kan dam ngai lovang. Hawh u, kan Pathian thil tihtheihna, engkim chunga thuneitu a nihna hi ringngam ila, tunah pawh hian tlai ngai lo kan Pathian hi Zoram leh Zofa te damna turin i au ang u.
Sawmhlua Pa, KLB
9612226314
Tunlai hripui leng, Covid 19 kan ramah mi 1 vei hmuh a nih chungchangah sorkar leh NGO hrang hrangte an fakawmin, Doctor 2-te inpeknate a ropui hle mai. He hri, khawvel buaipui mek hi rapthlak hle mah se, thihpui erawh za a 3 ang vel chauh a la ni a, LALPA zawnchhuah ram kan ni a, Pathian thiltihtheihna lantirna remchangah hman tumin, kan pipute nun mawi, Zo nun zemawi tak, tlawmngaihnate vawng nung zel ila, Zoram chhung mi tlemte awm ZOFATE hi kan mang mai loh nan Pathian engkimtitheia hnenah kan tihsualte ngaihdam dilin i \awng\ai bang lovang u.
Tlabung Uitangrual
9862014844
Total Lockdown laia traffic jam khawpa lirthei an chhuak dur dur mai kha chu a zia lo deuh chu a ni. Dan hi siam mai chu a har lo va, a kenkawh tak hi a sak deuh \hin a ni ang e.
8837489511
Mizoram mipuite Covit-19 avangin sorkharin chiai lo turin min ti a, chiaina tur an sawi reng chuan engtin nge kan chiai loh theih ang. 25/3/2020 Tlai khan ka pain, “Covit-19 a vang a kan thih lo paw’n ril\amin kan thi tho ang. Buhfai hi ren deuh i la,” a ti a, kham lo a chaw pawh ei a ngai tawh ang.
8974938645
Mirethei, ni tin inhlawlh chawp a eizawng tan kawng a va thim em! Covid 19 chu kan hlau ve tho si. Mi in luah kan ni a, thla a tawp anga in luah man pek a ngai dawn bawk si. Thaw a va pik ve le! Mi ten natna pakhat an buaipui laiin keini mirethei chuan virus 2 kan buai mek a nih hi le.
9402717013
Covid 19 avangin chemo la te tan a va tlai duh awm ve. Hei hi dotor ten pawi an ti lo nge hriat kan va duh ve.
9862385339
Covid 19 hi a den lutuk tih kan hria a, mipuite pawn chhuak lo tur a an tih pawhin kan chhuak lui zel a, hei hi i sim ang u. Tuman Covid 19 kai kan duh lo a, chuvang chuan thu i awih tlang zel ang u.
JAKOBA
