Kan ei tur phurtu truck driver leh handimen te kawngah hotel leh thingpui dawr pawh awm lovin ei tur pawh nei lovin zankhua a tlaivar \hak \hak a tlanin mipuiin ei tur kan nei lovang tih hlau a ram leh hnam tan a theih tawp chhuahtute in ngaihsannawm e. Zanah ram reh tak takah, kawng dungah te riak a rawng inbawl chawpin, mipuite an ril\am loh nan leh ei tur an tlak chham loh nan a theih tawp chhuahtute in va ngaihsan awm em. In motor chhiat palh pawh a siamna tur workshop awm lo leh nghal. Heng mipui mamawh phurtute hi an harsatnaah kan Local Task Force te hian lo \anpui thei se a lawmawm ngawt ang. An load lak an dahna tur an thlen zung zung theih nan i lo \anpui zel ang u, kan \am loh nan.
ZRTA, ZK
96154 45637
Mipui hnena ka thurawn \henkhatte : 1. Kan hun tawn mek hian engtia rei nge a awh dawn hriat theih a nih loh avangin inrenchem nachang i hria ang u. Sum, gas, tui, chawhmeh, etc., hi a hma ang pup pup lo deuhvin aw. 2. Mi dang \anpui hun tak a ni e. Tun hun hi \anpui ngai tam zual lai a ni a, hming\hat hlawh pawh a awlsam lai tak a ni. 3. Thufing chuan, ‘Mahni in pawh ngaina tawh lo chuan sual kawng thuk tak a zawh a ni,’ a ti a. Mizote zingah hian khawlai ngaina, chhuak reng mai, mahni in lum pawh thlahlel tawh mang lo kan tam ta hle a, Covid-19 vanga curfew hi malsawmnaah chantirin, mahni in ngainat nan i hmang hlauh ang u. 4. Biak In khar hrethiam lo, a huho chauhva Pathian biak thiamten a fala Pathian biak pawh a \ulzia lo hre thar se. 5. Ram pumah hripui lengin kan rilru a luah khah lai, thil dang engmah kan ngaihtuah theih loh laia party politic ruih chilha, ‘nuai thum la sem lo’ tih vel mai mai ringawt lo au chhuahpui \hinte hian, ‘engkim tan hun ruat a ni’ tih hi lo hre ve mawlh teh se.
96126 23776
Tun ang hripui len lai, tupawhin rilru kan sen lai a virus ni lova political virus in lo sawi ve ziah hi mipuiin kan hne. Sorkar, NGO, Task force leh mimal tinin rilru kan sen lai a, “Chumi kha mi chu an ngaihtuah em? An ti em?” tih in lo sawi chhen hi sim a hun. Politics inchirhthehna hun a ni lo.
Neutral People
Rorel thiam a har a niang. Lockdown laia hnathawh phal loh an tam. Truck driver hovin kalkawnga inhnawhpuarna tur an nei lo. Dawrkai ten an bungrua an hralh zo va, dawr bungrua rawn dahtute an chhuak thei lo. Rei tak kharkhiap hnu a, ‘dawrkai ten darkar hnih an hawng thei’ tih ringawt awmzia a awm tawh lo. Cable TV line chhia siam tute an lo dang. Chhiat tawkte’n lenpuitu an nei lo. Motor nei lo damdawiin pan ngai an mangang, taxi an hire thei si lo. Hripui aiin khuahkhirhna phur a rit thei dawn tlat.
Ramliana
94361 97357
Tun lai hian a taka kan hman a vangin ‘Inkharkhip’ tih thu mal hi kan hmang tam hle a. Inkharkhip hi Mizo \awng ka hriat ve danah chuan khip tih lai hi, thluk lova, Khaikhup tiha khup tih thlûka lam mai \hin a ni a. Tunlaia Zonet chanchin thar live telecast-a puangtuin, khip tih lai khîp tia an thlûk diai mai \hin hi a dik lo tlatin ka hria. Eng nge in hriat ve dan le? Ka hriat dan hi a dik a nih chuan Zonet thu puangtu hian tidik vat se a van \ha ve âw! Kan ngaithla zing hle mai si a. Beng a kham riau mai. Thu thar puangtu berin a hun laia \awng hman tlanglawn ber dik lo baksaka a hmang mai hi \hangthar \awng zir mekten a dik emaw tiin an hmang zui leh mai dawn si a.
PC Zauva, Model Veng
96121 60012
Mizote hi thianghlimna leh faina lamah hian hnam inthlahdah tak mai nihna kan nei ve a, khawlaia chil chhak, hnap hnit, khak chhak, kawngsir rem laia zun mai te hi kan awlsam em em a ni. Heng bakah hian kawng sir remchang leh zun ina ek mai hreh lo pawh kan la tam mai. Hengte hi hriselna atan a \hat loh bakah natna hlauhawm inkaichhawnna awlsam tak a ni bawka chuvangin tuna hri leng mek Covid 19 a\ang hian inzir chhuak ila, thianghlimna leh faina lamah sorkar mai piah lamah mi tinin hmathar la \heuh ila a duhawm khawp mai. Harh chhuah phah nan i hmang ang u.
LT Ralte
98620 07651
Tunlai kan hrileng vanga sorkar leh mi inphalte hmalakna hi a ropuiin a fakawm hle mai, Chanchin tharah mi inphalte thilpek hian keini thingtlang pa, chhuanchham, hnathawk thei si lo te hnen hi a lo tlen hun a nghahhlelawm ta e. Ei tur nei lo in report tur tih ringawt pawh hi a va buaithlak dawn ve le. Chhungkhat pa ni ve lemin “Chhuan kan chham e” han tih tawp ai chuan tuar thlawk thlawk mai pawh kan duh zawk mai lawng maw? Local Task Force-te hian a awmang hi chu zawng chhuakin sem mai se a \hat zawk ka ring a ni. Tin, Covid 19 vanga kan MLA leh Minister ten an bial mipuite hnena an thei ang tawk tawka chhawmdawlna an pek thu kan hriat mek lai hian keini Chalfilh bialtu Pu Rinliana Sailo hi a reh vung vung mai a, (ka lo hrelo ani chuan minlo ngaidam se) a bial mipuite kan mang ang tawh a nia, he hun a tan hian a ni lawm ni Lal nihna chhan.
Chalfilh pa
87941 30417
Tun hi tanrual hun a ni. Khawvelin Covid-19 hripui a buaipui a, kan ram pawh kan buai hle a, a taka hmachhawn chi a ni lova, rilru fim a beih let ngai a ni si a, kan ram a lo luh loh a he hripui laka kan ram a him theih nan kan sorkar pawhin theih tawpin \an a la a, mahse kan in rinloh lam a\angin a lo lut ta si a, a pawi takzet a ni. Mahse kan Health Minister sawi ang khan \awng\aina nen kan \ang anga, Lalpa’n min hnehsak ang tih ring i la, tunah hian kan sorkar leh NGO pawl hrang hrang, khaw tin a mite pawhin a thim a var pawh sawi thei lovin hma an lak mek lai a, party \henkhat ten sorkar thurawn pe zawng ni si lova sorkar hmalakna sawisel zawnga aw an la nei leh \hin hi chu a hun tawh lo hle mai. Party sawi hun a ni tawh lo, chutih rualin social media lamah lah thil hre ziktluak silovin, ni a kan hriat kan sawi bawrh bawrh maite hi i sim teh ang u. Zonet Fakselna huang a thu post-tute pawh hian sorkar hmalakna tichak zawng lam leh \anrual a hun a ni tih lam chauh i hawi teh ang u. Duh hawi zawng zawngin i Ar-mit tet khuan mai mai lo teh ang u. Kan entawn Israel ramah khuan party hrangte chu an awm ve a, mahse \anrual a hun chuan party an sawi lo, theihtawpin an inthlawp a, an \angrual \hin. Hawh u, \awngte hi insum deuh ila, he hripui hneh tur hian MIZO RAM HI |AWNG|AINA NEN I |ANGRUAL ANG U.
MESAKA PA
81198 70233
Hnam dang haw duh, mistiri, helper, mutia te ho hnathawk thei lo, Bagha leh Karimganj lama haw duh ho hi an haw theihnan ruahhmanna siamsak hi ava \ul ve! Hna an thawk thei bawk si lo, pawisa an nei tawh bik si lo a, YMA leh Local Task Force tan chuan phurrit an ni mai dawn.
Mr CS
94851 41120
Kan sorkarin ration buhfai a thlawnin an sem dawna a lawmawm hle mai, chutih rualin thingtlang mi khawpui chhunga la tangkhang, ration card nei bawk silo ho kha engtin nge nita ang. |henawm te kam \huah ruala \huah ve thei lo tur hi an awm \euh a sin. Mahse chu pawh kan sorkar chak tak hian tih dan tur a ngaihtuah turah kan lo ngai ngawt a nia.
Chhaktiang Keite
76279 14601
Coronavirus avanga khawvel a rumlai hi chuan politics leh in demna hi chu lo sawi lul lo teh u. A phunchiarthlak em mai.
98564 51998
Kros thisen a i tlansa, lei kohhrante hmun tinrengah harsatna ten min bawm a. Adulam puk chhung a Elija ang khan chhungkaw Maicham bak chanvo kan nei ta lo. Kan ram hmun tin tlang tin thlir ila, Thlarau par tlan a Van Lal kan awihna hmun, Chapel runpui khartung sawn a Maicham meipui hal kang ngam kan awm ta lo. Mahse Lalpa, Goliatha iang ral hlauhawm ber pawh lo lang se, Davida virvawm min hman tir la, rawhtuina meipui leh sakeibaknei puk kha Pathian inpuanna hmun hlu ber a nih kha kan hria e. Tlangval huaisen Danial, kan ramah lo leng ang che, Duran phaizawl a milim hlauhawm tak leh Lal Nebuknezara i hnehna thu ruk ngei kha mizo ram kristiante min han hrilh teh aw. Aw kan Lalpa, kan \awng\ai ngaithla la, kan ram hmun tinah buaina chhum a zing, setan rallian vang hian hri hlauhawmin min hual vela. I zawn chhuah ram min kalsan suh.
Thirtu Mitfima
94367 54005
Tunlai hrileng Covid-19 kan buaipui chhung hian sorkar a\anga miharsa te hnena sum pek dan awm se tih kha Fb leh WhatsApp lamah lo helh deuhte an awm nual a. Miharsate hian a thlawna sum dawn ngawr ngawr hi an beisei a, an duh vang a ni bik lo. Loh theih lohnain a tuam rak vang leh sum hmuhna tur hnathawh theih loh vang zawk a ni. Thla khat chhung teh meuh engmah thawh theih loh chuan sum awm chhun pawh a zo ta ve ang. Buhfai chu thu hran, chhungkaw mamawh thil dang leinan hian thla chanve lek sum sen pawh hi tam tham tak a ni. Sorkarin \anpui se, sum a sem theih awm ang ang te pe thei se an va lawm dawn em. A seltute hian an pe thei zawk a nih chuan lo sawisel pawh nise ziaawm tur. A hun a zirin thil awm leh awm lo hi chu sawi a, sel chi a ni zawk lo maw?
Nghaka, Serchhip
98621 30116
Nizana Sawmhlua pa KLB intiin Biak In khar chung changa kohhran hruaitute i rawn dem chiamna kha i ngaihtuah chiang tawk lovin ka hria. Kan aia Pathian ring zawk, an ram \han chak em em nachhan pawh martar thisena an lei chhuah tih hlawh khawpa martar ngah ram Korea rama kohhran inkhawmte a\angin an ramah he Covid-19 hi a darh tih a ni a. Tun ang huna Biak In hawn châka insawite hi inkhawm khât tak an ni duh an tihte pawh min ngaihtuah tir. Covid-19 lo hlauh loh hi ringtu \ha nihna a ni lo, finna, hritthiamna, fimkhurna chang hriatna min pek hman hun a ni zawk, chuvangin Pathian zah tak chunga thuneitute thuawih turin ka ngen a che.
94363 61506
European leh America rama Kristian \hatak tak te pawh an thi zawih zawih a, engvang tehlulin nge kan Pathian hian Mizo kristian te hi min venhim bik ngawt ang ni. “In dil in dil a, in dil dik si lo” a tih kha.
Lba Pa
84140 29478
Zawngin a ngum khak a hmu lo tih Mizo \awng upa kan neih hi Zonet Fakselnaah hian a lang nasa hlein ka hria. Mahni tih theih loh chiang sa demna thu thawn reng ho hi ka lo chhinchhiah ve \hin a, an chungah han tla ve se, engmah an nih bik loh hmel tehlul nen ka lo ti ve a nih chu
89743 00595
Tun \um hri zet chu a \hatna a van tam em. Khawvel hi a restart a, ram tin mai hi a hriselin a thianghlim a, lui tui lah a fimin a thianghlim vek mai si. Chhungkua kan inkawm tam a, Pathian kan hnaih bawk si. Ruihlo ngai leh zu nghei thei lo tan nghei a ngai bawk a. Ngawlvei a awm theih rih loh. |ha tak a ni. Pathian zarah Zoramah chuan hri vanga thi kan la awm lo bawk si.
