Lal Isua THIH CHHAN chu misual chhandam kan nih theih nan. A THIHNA CHHAN chu Rom sipaiin kraws-ah an khengbet a, an chhun hlum.
CHHUANLIANA BVT
——————-
Kumin chhung mai khan Tlabung CHC-ah RSBY hnuaia retheite damdawi in bill a tam em em a, \um khat chiah mi 40 bill chhuak bak a chhuak leh ta reng reng lo mai hi a va mak thei ngai ve le!! Inthlanpuiin a nan hma hian an ti chhuak tawh dawn lo em ni? Retheiten an mamawh ve tawh a nia.
KHAWTHLANG MIZO
—————–
Buangbar zetin Anthurium leh |hal Favang K<t kan lo hmang tawh \hin a, tunah Winter Festival kan ti leh sasawi ang maw? Kan lal chhungkua hian tih tur hi an hre thlawt lo a nih hi mawle, nge an hre leh lutuk zawk? Mizoten K<t chi hrang hrang kan neih vete mausama huau huau lam leh a tla ran chi han phuahchawp tak zel mai chu le(h)!! Central a\anga tangka hmuh te phei chu sawi rik chi pawh ni nghal lo chuan, an nuih a za palh ang e, kan khaw hawi dan an hriat hlauh phei chuan.
8414883986
—————-
Congress leh MNF hi chuan Mizoram hi lemchanna hmunah an hmang ni berin ka hria. A chhan chu state changkang taka siam turin hun leh sum tam tawk tak an hmang ve ve. Tun dinhmun hi kan chan a ni si, a lungchhiatthlak takzet a ni.
RK Sanga
————
E khai, tukin Vanglaini chhuak, Chakma chungchang rawn ziaktu, Pu Rualkhuma Hmar rawn ziah kha a va \ha tehreng em! Chakma hnawksak titute zawng zawng chuan Congress chu vote tawh loh tur a ni reng a ni. Mahni pum puar nan leh Chakma leh Tuikuk duat hlur tan chauh Congress chu vote leh mai ni se a va \hat hmel ve.
Sanga
—————
Damdawi mum pahnih, an hnathawh dan inang reng, kum 30 chuang Zoram mipuiten kan dam nan kan lo ei ta a, dampui a hnekin kan na zual telh telh a, zai pui, Operation hial a lo ngai ta mai zawng a nih hi. Doctor thiam tak, a ngaihna hre tan lo chuan he kan natna hi zaidam chi rual a ni ta lo, kan thihpui loh vek pawn kan chhiatpui hle dawn ta a nih hi! Nakkumah kan inthlang leh dawn a, Zoram mipuite hian kan chhiatpui CONGRESS leh MNF, sual inpuansak rengte hi em ni kan thlan leh dawn? Nge nia, beiseina thar neiin kan ram leh hnam, kan chhungkaw damna ngei tur hruaitu \ha kaihhruai, kalphung thar hmanga min hruai tur, “|angrual Pawl” ZPM hi kan thlang ve tawh zawk dawn? Duhthlanna chu i ta a ni e.
Thingtlang Pa
—————-
Nakkum MLA inthlan lo awm turah hian Pu Hawla leh a kaihhruai Congress chuan khawvela la awm ngai lo, a vawi 3-na a tan hneh takin a sorkar leh dawn a ni. Election zawh meuh chuan tumah MNF peih an awm tawh lovang a, Congress a sorkar zel tawh mai dawn a ni.
Lawngtlai pa
———————
YAMAHA Fiamthu Fest a hmuhnawmin a hlimawm hle mai. Chutih rualin host-ah hmeichhia hman ni se, en a nuam lehzual ngei ang. Tin, \awng hman danah host fimkhur a \ha bawkin ka hria a, a dawtah tih turah a dawhah a ti thin khan ngaihthlak a ti hrehawm deuh.
7005873180
——————-
Tuna pawl tharten Zoramin kalphung thar a mamawh an tih \hin hi SEDP bak hi chu kalphung thar mipuite hnena puanzar a awm kan la hre ve lo tlat.
Tlabung UI TANG RUAL
——————
Kan tlangvalte hi natural grass chunga inkhel atan ka it \hin. Artificial grass, ball lirh chak em emna hmunah an khel a, an khawngaihthlak ka ti khawp mai. Ball a lum chak lutuk a, an phak tura ngaih pawh an pha lo zel mai niin ka lo hmu \hin a, Sap ho inkhelhna angah hian inkhel ve se an thiam ngawtin ka ring. Sap ho hman ang hi neih ve rual loh em ni le?
9862382825
——————
Ni 27.10.17 Zirtawpni zana Fakselnaah mi pakhatin kan ram siam \ha turin mi hming \ha tak tak an rawn pen chhuak ta hi a lawmawm e tih lampang hawiin a rawn sawi a. Ka rilru a zawhna lo awm nghal chu chung mi hming \ha tak tak a tihte chu tute nge ni ang tih leh eng thilah nge an hming\hat tih hi. Chung mi hming \hate chu Fakselna kaltlangin an hming leh an hming\hatna chhan rawn sawi turin ka ngen duh a, nakkum MLA inthlan huna kan lo vote ve theih nan.
DIKI PA
——————
Khawvel thil ral theiah hian innghahna tur i zawng \hin em ni? Khawvel ropuina hian chatuan hlimna a pe thei dawn lo che a, innghahna dik chatuan hlimna ISUA hi rawn pan ve mai ta che, i inchhir ngai dawn si lo.
Angaihtei, Lungsum
—————–
Pu Hawla’n ka eiru lo a tih hi huata lo lak vak chi a ni dawn em ni? A eiruk loh thu a sawi a ni mai lo’m ni? Kekawr mawng tet nena lo haw mah kum 30 awrh chhunga a hausak theih chuan officer hmasa pawl fapa kekawr mawng \et ha ve ngai lo chu eiru lovin a hausa a ni mai alawm.
Milar-i pa
————-
Green Hills High School, Kawnpuiin kan din champha vawi 50-na (Golden jubilee) lawm theia kan awm hi a vanneihthlakin a lawmawm khawp mai. Amaherawhchu, hetianga tun dinhmun thleng thei tura a bul lo \antute leh a sulsutu tha leh zung seng a hma lo laa sum leh pai a ngaih pawha mahni ta anga lo entu Managing Board member etc. tun thlenga a kul a taia he school tana la inpete vawiin hun an hmanna tur atan a bik taka sawmna lehkha nena an sawm lo hi chu an ngaihtuah thui lo deuh chu ka ti.
Green Hills High School chhuak
——————
Congress sorkar mek leh MNF kum sawm lal tawh kha kan ningin lal leh tlakah kan ngai lo tak tak a nih chuan kalna tur dang ZPM-ah i lut dial mai ang u.
VY Ruata
————
Mizoram sorkarin Rs.100/- zela a thawh ve tur Rs.10/- a pek loh avanga Central Scheme hnuaia sorkar hnathawkte an khawngaihthlak hle. May thla a\anga hlawh la mumal tawh lote pawh engemawzat an awm zu nia! Tenawm teh e!!
Zopa
——————
Fel lo taka deh chhuah tam tak ai chuan fel taka deh chhuah tlemte a \ha zawk. Kut tling lova sum lak luh \euha hausakna hi Lalpan awmze nei lova min khawhral sak dan a thiam em em a, hausa em em, duh duh nei thei, in leh lo leh ram ngah em em, an hausakna chhawrtu tur awm lo khawpa chhungkaw mang deuhthawte a awm theih tih leh dik lo taka chhungkaw hausak nana sum la luttu berte pawh thih thut hriin a man thut theih vek kan ni tih hriain, Pathian remtihna chin chauha sum lak luh tum \heuh ila, dik taka kan sum lakluh hi tlem zawk mahse a hlu bikin, a \angkai bik hle tih i hre ngam ang u.
Puipuii pi
—————–
Ram hruaitu CM meuh pawhin dawt a sawi zuah zuah chu a ni si a, a ngaihna a awm lo. Ram hruai \hat ngaihna a awm lo. Hetiang reng reng chuan keini daikil kara mi pawhin a \hat lohzia kan hria a nia, ram a hruai leh chuan a lian a te an lian thur thur anga, mi rethei ho chu kan bet rawk rawk mai dawn a ni. Kan dam anga inthlan kan hmachhawn leh mai dawn a, kan fin thiam a ngai dawn a ni. Cheng tlem te avangin kan vote hralh lo ila, a hrehawmzia kha i hre reng ang u. Duhsak bik nei ho hi chu i vote tawh miah lo ang u.
No. thup
—————–
