Khawnge ka vei zawng ka han sawi ve ang e. Nilaithawh\an ni \hin, Ningani tia inthlak ta rau rau chu Zirtawpni pawh hi Zirtawpni ti lovin Nirukni rawn ti law law mai ula a famkim zawk lo’ng maw Pu Zonet?
8974305269
————
Mizoram Assembly inthlan chu kan han zo ta a. Tunah chuan BJP hlau te hian sawi tur kan nei ta lo. Kum 2023 General Election-ah BJP hlauhawm thu hi sawi leh chauh ang aw. Inthlan result puan leh sorkar thar siamtu tur hriat a chakawm a ni thei e. Heng aia hriat chakawm zawk chu BJP kan hlau si a, sorkarna siam inringte tan hian BJP inpuiah ngei kan mamawh sum dil a ngai dawn si a. “BJP hi a lo hlauhawm reng reng lo” tih thu sawi ngai leh si tur hi hriat a chakawm hle ang em?
PH FANAI
————
Ka vei lo thei lo, Mizoram Synod kaihhruai MPF hi a tir a\anga ka lo rin ruk angin power nei tura hmai thinghawng remchang a va ni tehlul em. Tuna inthlanna felfai neihna tura an hmalakna zawng zawng hi an tel lo pawhin Election Conduct Rules hmanga force mite hna ni sa reng an han enforce ve vak hi a sum fai ni lova inhlawhna remchang a ni mai lo maw? Zoram mipui leh political right min dominate-a, anniin political will an duh tawkin an sawpa, Devine Theology hrulah Denomination feeling chibai buktuten silhfen a hmangin Kristianna behchhanin an duhzawng an bazar pui si hi kan ram hian mi huaisen Devine Theory sawi ngam Theologian kan mamawh a ni. Politics siam \ha tur hian pawl dina ruling power a ngai kher lo. Kan politician te hi an lawina \heuha Upa leh Pastor te hian politician \ha tak ni tur hian an zirtir mai ngam lo em ni? Martin Luthera anga Church Theology protest ngam kan ram siam \ha tur Protestant movement kalpui ngam, Devine Theologian kan mamawh a ni tiin ka rawn au e.
Tuichangral ‘S’ Pa
————–
Vote kan thlak a, sawi tur a vang ta riau mai. A tling tur inrinsiak a ni ta mai e. Rin thu party President \heuhin an sawi a. Pu Hawla hian a ring dik thei fuk fuk riauva, MLA ngahsa an ni bawk a, an sorkar leh lo ang tih sawi a har reng a ni. Vote a darh nuaih nuaih a, an dawk leh puat mai thei a ni.
Dindini pu
————
Tluang takin inthlan chu kan zo ta chu a ni a, zu zawrh leh kawngchhia la kham lo hi engzat tak la awm ang i maw tih hi hriat a chakawm hle mai.
Carolini pu
————-
Zonet Fakselnaa ZPM leh Presbyterian an thawk dun tih vel mai mai vanga kei leh ka chhungte chuan Presbyterian kan chhuahsan dawn titu kha kei leh ka chhungte hian Presbyterian chu in chhuahsan ngei theih nan kan lo \awng\aipui ang che u.
DG
———–
Kan inthlang chu a va nuam em! Mahse kan vengah chuan MNF worker ho kha khua an hmu mang lo a ni ber e. An ar khawthim dai tak zet a ni. An unit hruaitupa, an President phei chu amah vote lo tura a ngaih phei chu a biak pawh a be \ha hman lo a ni ngei ang. Mi’n a va induh e an ti vel mai mai zawng a nih kha. Awmdan thiam i tum zel ang u.
9862384183
————
Tluang takin inthlan, vote thlak chu kan zo ta. Mahse khawl chhiat vanga hmun tam taka harsatna awm erawh a pawi hle. Tun hma inthlan paper tea chhut keuha thlak kha a \ha berin ka hria. Khawl chhia leh dik lo tih a awm ve lo, a tling lo pawhin sawiselna tur an hre ngai lo. Khatiang khan inthlan hi kalpui leh ni se ka va duh em. Vote chhiar hun chu duh rei deuh mah se.
LT Ralte
————
Mizoram sorkar hruaitu tur MLA chu kan thlang zo leh ta a. Duty \ul vangin inthlannaah hian ka tei nileng ve zak mai a. MLA thlang ve thei tura Roll-a chuang ve ngei tura inngai, inthlang tura Polling Station pan, mahse Roll-a lo chuang si lo, MLA thlang thei ta lo, hrehawm ti leh hrilhhai taka hawihai ka hmu nual mai.
Kan khawvel ni a kin hunah chatuan Vanrama lut thei tur thlanna Nunna Roll bu an keu huna i hming a chuang ve lo a nih chuan i hrilhhaiin, i va hawihai dawn em. Hun i neih lai hian Isua pan rawh.
David M Zadeng
————-
Mizoramin kan hmabak MLA thlan chu kan zo ta der a, kan thlan thiam chuan kan tan kan thlan thiam loh pawhin kan tan tho. Chuvangin kan duh a kan thlang tawh a nih chuan vui hmui put loh tur.
Marami, Kawnpui
————-
