Mizorama Engineer-te zawng in nihlawh thlawt e. Lei in han dawh a, a chim a. Mahse, Minister chuan Engineer-in mawh an phur lo a ti tlat mai. Nangni’n mawh inphurh loh phei chuan Minister phei chuan mawh a va phur dawn lo chiang tak em! Mahse, ka la ti hram teh ang, kan sorkar leh lei dawh hi chu a inrem lo deuh chuan a lang e. A chhan chu Bible House bul hmun rem lutuk, lirthei kal vel pawhin a tihbuai loh tawi t> pawh an bei rei lutuk ta. A dawhtu Engineer hian mawhphurtu-ah a inngai lo a ni ang a muang em mai.
RK Sanga
————-
Aizawl hmun hrang hranga Govt. quarter luahtute zawm atana GAD-in guideline fel tak a siam hi a \hat viau laiin, Guideline Order chhuahtu leh Quarters luahtu \henkhatte pawhin an zawm chuang lova, a va ngaimawh awm em.
Appendix-a Guidelines-ah chuan:
1. “Sorkar Quarter chhehvelah ran vulh phal a ni lo” ti chungin, luhlul falin hmun remchâng lai laiah <k rim nam rum rumin ran an vulh tho nia.
2. “Sorkar Quarter bulah huan siam leh mahni ta ang maia ta neih phal a ni lo” tih a nih chungin, vawi khat phei chu nutling pahnih, Pathiannia inkhawm taima ve ve tak te chuan Quarters Compound-a huan siam inchuhin khaw eng leh ṭhenawm khawveng hmai êng pawh zah lovin thinrim eng phiarin an inhau hrep tawh.
3. “Sorkar Quarters luahtute midang tana hnawksak chi reng reng tih loh tur leh inzah tawn taka awm tur a ni” tih a ni a, zurui ṭhenawmte tana bengchhenga harsatna siam an awm nawk ṭhin. Quarters kum 3 kan luah tawh chinah keini chhung chuan sorkar dan zahin fimkhur takin kan zawma, mahse a lo awm hmasa tawhte chuan khing GAD thupek khi an lo pawisa lo hle a ni. Heng dan bawhchhetute chunga Action latu tur chu GAD a nih hmel a, khing ka sawi takte chunga Action lak a nih theih nan thuneitute hian a hmuna kalin verify ngei se a ṭha hle mai.
Sensei J-a
————-
Remna siamtu ang zia zanga Lal Thanhawla sawi fo hi thil zahthlak tak a ni. Remna siamtu a nih te chuan enga tinge remna ni kha Congress party khan lawm ve an duh loh? A chhan chu remna siam a duh loh vang a ni. CM a nihna kha a hloh dawn avangin.
9862216410
————–
Zonet Nihawi hi fakna an tirei thei lutuk hi a ninawm thei khawp mai. Channel dangah fakna pathum pali an tihlan pawhin a ninawm hman tawh nen sawm chuang an han fak tir hi chu a ninawm khawp mai.
9862385645
————
Mizorama Zohnahthlak, Lai, Mara, Hmar te, Zo bik tih tur pawh awm chuang lo, heti taka kan inpawlhsawp nuai tawh hnuah pawh Mizo ni ve lo ang hrima hnam bil anga inlakhran tum kan la awm fo mai \hin hi chu a buaithlak mai piah lamah mahni chenna in \hiahdarh vek pawh pawi tihna nei lo kan ang tlat. Thufingin zawhte lu nih ai chuan keipui mei nih a hlu zawk a tih ang khan ngaihtuahna fim tak hmangin khuavel chhing zo thei tur, Zonun zemawi tlawmngaihna vawng nung zelin, Zohnahthlakte hi Mizo-ah hian i chiang phawt mai ang u. Lungrualna hi kan tan damna a ni si a.
Hnam Arsi hruaitu ZORAM SAKEI
————-
Hmanni chu veng pakhatah mo lawmnaah ka kal a, thingtlang lam mi pariat vel an lo tel ve bawk a, chung mite chuan inthlan chungchang an sawi a. Tun hma khan nghakuai an rawn chiah a, a nghakuai nen lam kan lo dawlh vek avangin mipuiin kan tawrh phah ta a ni. Tunah erawh chuan Congress leh MNF te hian nghakuai an rawn chiah leh ngei dawn a, an chaw chah chauh ei sakin a nghakuai erawh ei tel kan tum tawh bik lovang tiin zuk nui dur dura mawle! Kan hrethiam mai ang chu maw? Tam taka inngaite hian an inrinsual phah ch^wk \hin a ni. Tam vanglai taka tlak thum \awk a awl hle awm e. Mipui an fing \an ta hle mai. Tunah pawh an inrin ang hehu an ni tawh lovang tih hi mipui titi a ni ta ber a nih tak hi. Ka Mizo puite u \ang fan fan rawh u, in tan hun \ha a rawn inherchhuak ve dawn ta. Thlaphang lovin, huaisen takin, zam lovin i kal zel ang u.
Spaker-main, Aizawl
————
ZPM inti ho hian sorkar lai Congress bei ngam tak tak si lova MNF a bei vak vak mai hian mipui hriat si loh hian super CM tur inti leh saipui kal lai te hian zanriah an kil ho leh ta em ni?
7642929719
————-
Congress leh MNF tho inthlanpuiah hian an inbei ber ang. Congress-in nge sorkarna siam dawn, MNF?
No. thup
————–
Inthlan a hnai tial tial a, MNF ai chuan ZPM hi an lian zawk thei mai awmin a lang tlat mai. Unit leh Group, Block tih vel nei lo mah se miin an thlir tlat.
Duata pu
————–
MNF hi sorkar inbeisei suh se. An lal chhung khan anmahni tan bak thil \ha an ti lo. Eirukna hlir a ni mai, an hotupa ber hi a nasa ber lehnghal.
VL Ruata
————-
MNF-ten independent an sual lo tih hi dawt a ni. PC hotute khan ’71 hnu lamah an sual tawh lo an ti a, hei hi an sual lo tih lo in\anna a ni. An suala, tawrhna tam tak nunna, man, sawisak, pawngsual, jail tan, khaw hal, khaw sawikhawm leh \am kan tuar phah a ni. Mahse, heng tuarna zawng zawng hi an thil hawn STATE nen hian a inphu thlawt lo, kan \henawm Meghalaya, Arunachal-te pawhin Special Category State an nei ve tho. Kum 20 kan buai chhung khan an buai ve lova, kan phak lo em em bawk a ni.
Lalthawvenga
————-
Governor hi kan beih kan beih chuan kan tihel khaw lo zo ang tih a hlauhawm lehling zawk lo maw?
LB-a Pa
————-
Mi sawisel hi ka duh lo viau a, Lal Isua’n ‘sawisel suh u, sawisela in awm loh nan’ a tih kha ch^ng thlan hram hram ka tum ve \hin. Mahse tun \um chu kan sorkar chak tak, Uncle Hawla leh a naute Saipui kallai hi Tlabung Uitangrual, thil engkim bauhna tur zawng ringawt ho iangin ka bauh ve lawk teh ang. Bauh ding zo tak ang imaw. New Market-a vaihlo leh tuibur zuarte, an seat June ni 8 ral hmaa chhuahsan vek tura kan sorkarin a ti mai hi chu na ka tihpui ve det mai. Tun hma a\anga eizawnna atana lo hmang ve \ang \angtute an ni a, heti rum rum lo deuh hian kawng zawn a va \ha em.
Zuk leh hmuam hi hriselna atan a \ha lo, thihna thlen thei a ni tih kan hre vek. Heti chung hian Mizo mipui chanve aia tam hi zuk leh hmuama fihlim lo an ni a, chuvangin heng zuk leh hmuama fihlim tura inzirtir nasat lehzual hi ka thlawp em em a ni. Mahse, mi eizawnna tichhe tel kher zawnga hmalak hi chu a \ha ber dawn em ni? A aia \ha lo daih zu pawh a zawrhna hmun kan sorkarin a siam mek lai hian he thil hi chu ngaihtuah nawn leh hram teh se
.
David M Zadeng
————-
‘Change nia kan hriat hi a fuh lo em a ni? Setana hi a \ha lo em mai tun \um chu Diabola ve thung aw ti hi kan ang a…’ tih thu Pu Lalduhawma Chief Ministerial Candidate-in a sawi hi kan ang tak tak a, kum 2018-ah hi chuan thil thar thlen tir theitu mipuite hian ngun taka ngaihtuahna kan sen a \ul takzet a ni.
D’Onlooker
————-
