Pu Lal Thanhawla leh a hote hi tihngaihna an awm tawh lo. Zoram mipuite min enkawl thei tawh lo mai pawh ni lovin kawng ringawt pawh an enkawl thei lo a nih hi. Chhak lamah kawngchhia, thlang lamah ni bawk chhim leh hmarah a chhe bawk. Kawng chhe siama hnatlang reng mai. Pu Lal Thanhawla sawrkar hi zak ngawih ngawih tur an ni, bang vek rawh se. Chu chu ka ngaihdan a ni. Zoram mipuite in ngaihdan a ni ve em? Thlan tlin tlak an awm tawh lo.
Lalrosanga Hlawncheu
9856020461
—————–
Kan Pu Hawla tehchiam chu leh, Mizoram hi sahthl^ka Union Territory a pian a hlau thawng a maw? A vulh len CHAKMA UICHO HNAM VAKVAI HO saw a sawina em ni? Chutiang chuan sawng TAKAM HO sawn kan ram Mizote ram, MIZORAM hi sah h>k tumin han nei chhin sela, MIZO MIPUI ram pawna mi leh kan unau BURMA lama awmte rilru leh thinlung na hi an thlavang hauh thintute nen hian an hmachhawn ngam ang maw? Hei leh chen politics-a hlawhtling tawh si ho, Zoramin a tangkaipui hlawl si loh, anmahni tanghma hai perpur ho avang hian a lawm kan buai reng mai ni. MNF leh Congress ho zet hi chuan Mizoram hi chu an va sawp chhe nasa tehreng em. A chhe lai laiah lah hian an inpuhtawn chiam chiam ringawt mai hi chu a hneawm ve ta khawp mai. Hnathawk tha-in tumah a demin a sawichhe fo lo. Mi dik lo te bawk hian a ni midangte puhchhe vak vak thin.
Tlangvala
8014593672
———–
Kum 2018 MLA inthlan lo awm turah hi chuan Mizoram hi ram dang mi Chakma laka kan him theih nan leh kan bial West Tuipui Constituancy-ah leh hmun dangah pawh Mizo dik tak din tir ngei ngei turin ka ngen che u a, Chakma an din chuan bialin hma a sawn lova, kan hnam foreigner lakah kan him lo em em a ni.
Tlabung aw
9485056088
————
Nimin chu Aizawl atangin Lunglei ka kal a, khati khawpa kawng tha thin, heti ema lo chhe ta kha a rilru nat thlak tlat. Motor tha tak pahnih thum vel kan tawk a, PWD tih an la tar zui a, kawng tha sa pawh enkawl tha thei lo Deptt. hian an motor-ah PWD tih an la tar ngam nia. An lakah hian zahna pawh hi a zak ta ve ang ti nia.
Zoa
9485140312
————-
Kan politician tam ber hi chuan Samsona ngaihzawngin Samsona hnenah enga tinge thinlung mi pe si lova, ka hmangaih che min tih a tih ang vel hi kan ram an hmangaih dan tawk vel niin a lang a ni.
RK SANGA
9862366590
————
Zu hian nasa takin ruihhlo a tipung a, sorkar berin ualau taka zu a zawrh si chuan ruihhlo zuarte leh ruihhlo ti thinte a tihuangtau in tunah chuan man sen pawh an ni tawh lo. Kan ram chhanchhuak leh tur chuan Pathian hlau, Pathian tih tak tak, zu zawrh duh ve miah lo sorkar kan thlan a ngai ta. Tun dinhmunah chuan thim thuah hnih chiah kan hmabak ta a ang khawp mai.
L. Fanai
9612898237
————
UID thlalak nan hian pawisa chawia lak tur nge, sawrkar hian a thlawnin min laksak dawn? Kan khuaah chuan mi pakhatin Rs. 80 zel chawiin kan la a, hei hi kan VC-te fel loh nge ni ang, a dan tur reng? Hriatchian a chakawm hle mai.
Neihdawn paho
9856928541
————
Millennium Centre-a Doctor 1 clinic-a reception hmeichhia te saw an va ti awm ang lo em. Damlo ei tur damdawi, a inhal em tih Doctor hi kan lo zawt lawk ang e tiin tha takin kan dil a, an han phal lo a nih chu. Minute 2 pawh a nih dawn loh nen, thil serious a ni a, hetiang kawngah chuan tlema vengva deuh thu thei hram se, pawisa chawi lo tur chu luh an phal lo ka ti mai. Civil-ah ka kal ta tawp a, a dan chu dang deuh.
KAMTAMA
9862384386
———–
|hangkhat lian teh meuh mai current pawh nei mumal thei lo sorkar kan hrawn chu a ni a, a va hahthlak tak em. Hetiang atang ringawt pawh hian ram mipuite hi thanharh a hun ta hle mai. Heti chung hian kum 2018 MLA inthlanah zahna pawh nei lek lovin inhampuar an tum leh ta hlawm chu a ni a, heng party 2 te hi chu lo chawl ngam ve tawh sela a va tha tak em.
K-a
9856536040
———-
Chakma hi whatsapp leh FB-ah kan sawisel vak vak a, a sawt lo khawp mai. Anni chu hnamah an chiang a, an hnam tan theih tawp an chhuah tak meuh avangin kan buai ta a nih ber hi. Anni ang hian kan ram hruaitu, ram hmangaih inti te hian mahni hmakhua chauh ngai a, sum leh pai chiah ngaihtuah lo hian ram leh hnam hi vei ve-in hmangaih ve sela chuan CHAKMA vangte hian kan buai lovang. Anni chu Doctor zir tur mi pali lek zir theih loh avangin an Minister a bang ngam a nia. Mizo Minister chu ni se ban aiin insawi fihlima eiruka tlin leh dan tur bak an rilru-ah a awm leh tawp nang.
7005873180
———–
Keini khua, Kolasib District, Pangbalkawnah chuan Sawrkar atanga in sak tanpuina dawng in 6 kan awm a, Mizovin in 1 an dawng a, a bak in 5 chu Tuikukin an dawng. Tu select nge ni ang le? kan khaw VC te leh YMA hruaitute lahin an hre lo a ni awm a. Sawrkar atanga hamthatna lo kal hi a khai rual thei ang deuha kalpui ni thei se kan duh hle mai.
Mizo Pa
8014898377
———-
Keini Lungpho leh a chhehvel Serchhip District hian current hi kan dawng tha lo khawp mai. Engkim mai hian hun leh hmun a nei a, mahse keini Lungpho-ah chuan current hi zan dar 9:30 hma-in pek kan ni ngai lo. Hetiang hian electric duty hian kar 3 chhung dawn lai chu min lo sawisa tawh a ni. Engtia hmalak chi nge ni ang le?
8014832262
———–
Eng anga hausa leh ropui pawh ni la, kum tam tak lalna changin ram lo hruai tawh mah la, Pathian Kohhran hi chu bei reng reng suh. Lalpa din Kohhran thianghlim a nih hi.
Ruthii Pu
9862379608
———-
Kum 2018 inthlan chu a hnai ta bawk a, Party tinte hawi lam a lang chiang ta hle. Mal din turte PRISM, MNF, INC leh thawk ho tur ZNP, MPC, Zoram Exodus tihte an ni awm e. |an han la se, tunge chak tur a la hriat ang. Lo thlir phawt ang u.
VL Ruata
8257065411
———–
Hmunzawl kawng siamna tur Sialsir lama an han divert daih hi chu a atthlak ka ti em mai. Hmunzawl hi ka khawngaih em mai. Zoram hruaitu hi a rilru a buai a ni ange, nge hmangaihna a nei lo zawk?
Ruatruata pi, Mualcheng
8974220084
———-
Pu Ramte, mal din sawi leh thin a, keini thingtlang lam chu kan zam a nia, inhnuk hniam ve la, CM nih tum kher bik lo mai teh. Congress ho hi an inkulh nghet teh a nia. Mi pamham awm khawm an ni a, inngeih lo tak anga an lan lai pawh hian an pute thu a nih chuan an ti ho leh mai thin a nia. |angrual pawlah tel ve ila, Congress hi i sawp nek zawk ang u.
9862913345
———-
Mi ram, ‘sorkar chak tak’ kan tih ho ramah hian tlawmngai pawlin kawng chhe siam hnatlang an ko ve fo ang em le? Ram danga awm leh zin thinte hian sawi tur an hre ve ang em le? Thufing chhuak thar – ‘Kawng tha neih in duh ve chuan sum thawhkhawmin hnatlangin lo siam tha ve mai rawh u’.
9774354495
————
Lung hi an verh thuk zawh poh leh a puak ring thin a, chuvang chuan ring takin ka’n puak ve teh ang. Lo en nghe nghe la chu duhthusam a ni. Pathian tih lohah chuan kan nu leh pate hi kan lei Pathian an ni. Mahse, min hringtu nu leh pa an ni lo ang a tih theih khawp hian fate rilru na in a siam theih a ni. In fapa neih chhun ka ni a, in hrang chang tur pawh hi ka ni lo tih ka hria. Mahse, chan loh theih a ni ta lo a nih hi. I rilru a nat ang chiah khan ka rilru pawh a na. Min thlah dante lah kha a va ropui lo em. Buhfai min pe phal lo a, gas min pe phal lo a, thleng min pe phal lo a, i monu ina a fa pai anchhiah i lawh a, zahmawh ngialnganin min ti bawk a ni a, i tawng malsawm lo zet kha chu i la tuar mawlh ang. Ka nu pawh hi ka ti tawh lo ang che a, i bawrhsawm ni-ah pawh i lam ka lo hawi lo ang a, ka bawrhsawm lai pawhin ka pun lo ang che. Tunah chuan ka rilru a kir hmak a, ka fapa pawh min lo ti tawh suh.
8259980393
————
