Kan ram hian chhantu a va ngai tak em. Hei hi maw kan ram hruaitute hnathawh rah lo lang chu? Chakma-ten ram leilung fate dimna leh zahna nei baksak lova kut an han thlak ngam ta mai hi chu ngaihtuah ringawt pawhin a lungchhiatthlakin rilru a na takzet a ni. Kum 2003 MLA election dawna Pu Duhoma thusawi ka la hriat reng chu tun a\anga \hangkhat lianah hi chuan Chakmate hi kan la buaipui dawn a tih kha a takin kan tawng ta a ni e. Party lian pahnih hi zawng i thlak ngam ang u.
VL-a
————-
Date 29 September zana ZONET chanchin thar ka lo en a, Chief Minister thusawi kha Chakma lam hawi zawng deuhah ka lo ngai a, rorelna chan laia tlak dawn hnaihah hi chuan \awngsual an nei duh tlangpuiin ka lo hria a, kumin 2017 August 31 zinglam dar 5-ah ka mumangah CM Bunglow a chhuahsan lai ka lo hmu a, June thla kal taah khan Pu Zoramthanga hi mipui zingah kawr ruaka Mizopa \huthleng hniam chu \huta vaibel a zu lai mipui zinga a \hu ka hmu a, mak ka ti lutuk a, he mite pawl pahnih hian ram rorelna hi an chang tawh dawn lo niin ka ngai a, mumang mai chu a ni na a, kum 2013-ah ZNP party-in MLA pakhat mah an neih loh kha ka lo hmu tawh a, sorkar thar hi a piang ngei turah kei chuan ka ngai. Zawlnei erawh ka ni lova, he thu hi lo chhinchhiah ve mai mai turin mipuite hnenah ka han puang ve mai a ni e.
DUAT-I PU
————–
Ni 29.9.17 zana Fakselna ka thu ziak kha ka tum tak ka la thleng lova, ka’n chhunzawm leh teh ang. Ka thinlungah PC party sorkar dawn tawh loh thu ka sawi a. Chutiang bawkin MNF an sorkar a, eirukna avangin mi zawng zawngin a do nan pawl kan din a. Term a tawp a, kan inthlan leh khan he MNF sorkar hi engtikah mah a sorkar leh ka ring tawh lo. Van lam a\anga ka dawn a ni lo, ka rilrua awm nghet tlat a ni. Eng party mi leh sa mah ka ni lova, eng party nge sorkar dawn ka hre lo. Ka rilruah MNF hi hluihlawn party a ni tlat. Ka rawn share ve a ni e.
Keimah Theubema
—————–
Mizo-in India flag an hal leh vai pathian lem an hal kha Mizoram min va han tizak em em ve. India ram hi sakhaw zalenna ram a ni tih pawh i lo hre lo a ni maw? Mawl lutuk, khua pawh min hawi chhuah ngam tir reng reng hlei nem.
8794746089
—————
Kan sorkar ve hun chuan Mizo leh Chakmate intihbuai chang chuan Chakma lam hawi lovin silai kan hmet puak ang a, Police ho pawh tih dan tur kan zirtir angin Mizote kan vuaktir ang a, an hotute kan man ang a, Chakmate erawh chu duat takin kan enkawl tawh ang. An vote kan duh si a.
Khaw lo la awm tur Party
—————–
Lal Thanhawla hian Chakma te, Tuikuk te hi a buaipui em em mai nachhan chu a vote duh vang chauh a ni a, eng dang vang mah a ni lo. LAL loh hi a hlau hliah hliah mai a ni. Chuvang chuan alawm Tuikuk te, Chakma hnam chekhnawk ho hi a vulh vak vak mai ni. Mizoramah hian eng hnam hnam emaw ni ho hi an inrawlh thuk mah mah tawh. A ram mi ngeite pawh kut min thlak tawh a nih hi.
No. thup
————
Arunachal CM-in Chakma te hi Cancer natna anga anmahni ei chhetu turah ngaiin \an lak a ngaihzia a sawi laiin kan CM ve zawngin Chakma-te hi India khua leh tui dik tak an ni a la ti dum dum mai bawk si a, politics-a lut ve lote pawhin awm mai mai lova thil hi ngun taka kan ngaihtuah chian a hun e. AW ZORAM HARH TEH, I BORAL HMA HIAN.
9436153688
—————–
Malsawma pa inti leh Lalnuni pu intiten MNF sorkarin thil \ha tih nei lo anga in rawn sawi kha in hre tlem deuh nge, MNF sawrkar lai khan thil \ha tam tak chu an ti vein ka hria. Millennium building ropui tak sak te, New Capital building sak te, Referral Hospital sak te, Durtlang kawng siam te, Aizawl to Lunglei Hmuifang kawng te, Ration buhfai mi pakhat tan kg 3-a min pek te, chhungkaw tina buhfai a thlawn a sem te, Ration chini awm reng te a tam mai kan sawi seng lo e.
Sakpuia pu
—————-
Mizo hnam hla hi Congress ho nen hi chuan a inhmeh lo ber mai! Zirlai hote \ang zel teh u. E, taka UID kha an tih \an dawn khan kan mi thiam pui pui leh Kohhran hruaitute khan India ram chhung chauha tih tur ang khan an sawi chamchi a, media zawng zawngah leh Biak Inah hialte pawh India ram chhinchhiahna chauh a nihzia kha in sawi piap piap \hin kha a ni a, khawvel ram hrang hranga tih mek zel a lo ni reng si a, mifing leh thiam hote, sakhaw hruaitute ho hian engtin nge in sawi zel dawn kan lo ngaichang reng e, thil mak tak chu a ni e!
Sanga
————-
Inthlan hun chu Chakma candidate nei lo party apiang ka vote ang.
7085845905
——————
Doral leh Sahrang hmaa zam ngai lo leh lu chhum, ban chhum pawh huama ram leh hnam tana lo bei tawh tute, in chhung lum a\anga lo sawisel \hintute hian ram hmangaih ta viau angah an inngai ta nge, an lal tumna lutukah hian khua an hmu lo zawk em ni? Kei inti chin \hiau zawhte 5 hruaitu \ha tak nei intite ai chuan keipui mei nih mai mai pawh a \ha fe zawk. Lo lal chiah mah se an sa hrang lian zawk inchuh kual velna lamah ringawt pawh hian hna \ha taka thawh hi chu a har hle dawn bawk si. An rin ang hi an ni dawn der si lo, in dream in sawi thui mah mah \hin lo maw?
Tlabung Uitangrual
—————–
Rom 2:7-ah Paula’n, ”Boral theih lohna zawngtute hnenah chuan chatuana nunna a pe ang” a ti a. 2 Tim 1:10-ah chanchin \ha avangin nunna leh boral theih lohna tihlana a awm thu kan hmu leh a, tilangtu Krista Isua chu boralte zawnga chhandamtu a ni, kei mi ring chu thi mahsela a nung reng ang, kumkhuain an boral lovang a ti chung chungin mitthi sawi nan boral hman nuam kan ti a, mitthi an awmin kan puang boral a, Pastor-in a vui boral bawk a, chhandamtu chu ka ring inti siin boralna laka min chhandamna chu pawm lo ang mai kan ni e. Ringtu thi chu a boral thei lo, chatuana nung tura thi a ni.
VL Pachuau
———
