Miin Congress-te chuan mi retheite hi min hmangaih tak tak lo an ti \hin a, ka awih ngai lova, tunah chuan ka awih ta. NEDP-ah sum tam tak an dah a, chutih laiin sawhthing hralhna hre lovin mi tam tak kan awm a, Enga tinge NEDP sum hian sawhthing hi a lei mai loh? Kan pute hian kuthnathawktute hi min lo hmangaih tak tak lo chu a lo ni ngeiin ka hre ve ta a, Congress party a\angin ka bang a,sawhthing lei tumtua piang ka bel mai tang e.
9862913345
————
Kuthnathawktute chawikan hi ram hruaitute hian hmatheh takah neiin insawi fo mai. Mipui hian kan hne. A ri a mawi, a tak a awm si lo. Kuthnathawktute chawikan induh tak tak a nih chuan an thar chhuah ang angte an lungawina tawka hralhna tur zawn sak ula, kawng \ha siam bawk ula, chu aia kut hnathawktute chawisan dan a awm lo. Sawhthing an thar ang ang pawh a hralhna an van a, an buai a, sorkar a ngawi si. Kuthnathawktute an changkan hi inkal dan en hi chuan in hlau a ang khawp mai. Tu sorkar pawhin kuthnathawktute hi lem i chansan tawh lovang u khai. Mi rethei lam \ang chunglam khi an thin kan tiur palh hlauh ang e.
RK Sanga
————–
Thenzawl PTS NEI UPC Biak In panna leh vantlang kalna, Vanva lui k^nna lei hi min dawhsak thei party apiangte chu kumin inthlan lo awm turah kan vote ang.
UPC NEI PTS
————–
Ngun taka ka ngaituah hian democracy ram nge kan nih a, dictator ram? Tuna rorel lai hi lo lal leh ta se Congress tan lo chuan beisei a bo ngawt ang. A bik takin an VIP kuthnthawkte tan. Tualchhung inhlawhnaah pawh Congress lo chu an thawk ve thei si lova, chuvangin kan ramah hian mikhual cham rei an lal ta mah mah niin ka hria.
Carolini pu
————-
Kan ramin hma a sawn a, kan khawpui pawh lirthei a tamin two wheeler phei chu a pung zawih zawih ta mai. Phone changkang hum pha ngai lo khan smartphone kan hum a. Camera kan hmet de ta chuai chuai mai. Hei hi eng nge a chhan ni ta? Congress sorkar NLUP sem hi ramin a hlawkpui a ni ngei ang.
KL Nghaka CHT
————-
Fakselna kaltlanga Kohhran rawn sel ve ziah ho hi chu inkhawm thatchhe tak leh Pathian be khat tak an ni ziah. Kohhran dotu an ding chhuak ngai lo tih hi thu dik ding reng a ni.
Zova
————-
ZONET Fakselna chhiartute inhan fakawm viau dawn a, tun hnaiah innawi leh deuh tlat. Hawrawp leh thumal lam rik danah hian inzir belh deuh ula, a ziaawm deuh ang e. Thlukna neuh neuh te kan dah vek thei si lova, a awmzia leh sawi tum bo dawn khawpa thu chhiar leh lamrik a awm fo mai.
8414883986
————
BCM Lawipua din a nih hi eng dan hmangin nge YMA te hian an lo dan tlat mai le? Kohhrana lawi tur an awm phawt te chuan sakhaw zalenna inrahbehsakna a ni mai lo maw le? Nge BCM a nih vang hrim hrima phal lo an ni zawk? Hetiang rilru put tlat mai hi chu Kohhran inpumkhat tum mek lai phei chuan thil \ha a thlen hmel loh tlat mai. Inngaihtuah chian leh deuh a \ha hle mai.
9862322234
————
Kawnpui Middle Sikul pakhata Headmaster hi Kohhran Upa niin zing \awng\ai peih tak ni a sawi a ni a, mahse a hnaah erawh chuan a absent char char si a, mipui min hmusit hle a ni.
9612880873
————
Vanglaini ni 30.5.2018 Nilaini chhuaka PC Lawmkunga article, Dr. LN Tluanga ‘Ar khawthim dai’ tih kha a bengvarthlak a, Dr. LN Tluanga hi Mizo zinga M.Sc Mathematics degree nei hmasa ber chu a ni ngei a, mahse M.Sc Mathematics-a Ph.D nei hmasa ber nia ngaih theiha a ziak hi chu a dik meuh em aw? A Ph.D nihna kha Mathematics ni lovin Examinations ni zawkin ka lo hria a, ka hre dik lo a nih chuan a hrechiang ten han sawifiah se a va \ha ve.
Pecos Bill
————-
Mizoram lo fimkhur ang che, i chetzia an thlir, i sawi apiang an ngaithla, hla-in min lo fah angin kan Governor thar hi eng nge a nungchang kan hre vek lovang. Mizoram kristian ramah hian thil \ha leh entawn tlak a hmu ang em aw? Engpawh nise Zoram lo fimkhur phawt mai rawh.
Tlabung aw
————
Dr. Johan Vanlalpeka MD (Medicine) i chungah kan va lawm tak em. Thingtlang mirethei tak pawh \ha tak leh mi en hranna awm lova ngam tak leh inthlahrung miah lova kan biak theih che avangin lawmthu kan sawi e. I kal zelna turah duhsakna ka hlan a che.
Marami Chawngthu
————
Assam leh Mizoram ramri buai chungchanga Congress an mawhchhiat rualin, MNF an puh tel ve zel hi eng nge a awmzia? Opposition party an ni ve mai a, eng vak nge tih theih an neiha an rin le aw? Tin, sorkarna pawh hi a tute pawh hian lo chang mah se Central lamin a ngaihthah miau si chuan helaiah vaiho pawh ti ngam mang si lo, \huthmun a\anga keimahni leh keimahni lo innghawk dur dur ringawt hi mi dawihzep tak thawmhnaw a ni a, engmah awmzia awm tak tak chuang lo. Vaiho hmuhsit zawngin kan lungrual loh zia kan pholang mai mai tihna a ni. Rilru zau taka ngaituahna thar kan hman a ngai.
Tlabung Uitangrual
————
Pu Hawla hneh inringloten Central lama Congress chet chhiat an sawi \hin. Pu Hawla leh a pawlte hi Central lama innghat ringawt an ni lo tih lo hre teh u.
8730099759
————
Pu Rama hian Pu Hawla ngam theih a inring lova, Hriata Chhangte a ruai ta mai a ni lo maw?
VL Ruata
————-
Midang sawichhe thiam tak Pu Duha hi lal ve ta se, Pu Hawla leh Pu Rama ai hian min bum hneh zawk lovang tih ka va hlau em!
Lalthawvenga
————
Traffic Police hovin zan motor leh two wheeler tlan chak lutuk an check chu ka thlawp tawp. Heng ho hi an hlauhawmin an ninawm hle a ni. An hrem lo ni khan an sawi a, hrem ngei se, chawitir se. Zana light eng lutuk mi mit enkhalh tlat \hin te pawh hi an light thlawn sak se a \ha hle ang. Accident phah a hlauhawm em mai.
8974695016
————-
Berampu \ha chuan a beramte hlauhawm lakah a venghima, a phatsan ngai lo. Isua’n, “Kei beram pu \ha ka ni” a tih kha. Inhlawhfa Berampu chuan ral lakah a Beram te a tlansan \hin. Bairabi Zophai hmunah te khan Berampu \ha, zirlaite leh chanchinbu mite khan an va ngai tak em. Tuna pu ber hian a Beramte a venghim em le? Kan ram zimte hi hnamdang lakah i venghim ang u.
Berampu \ha duhtute, UISATHIAM RUAL TD
————-
Labour rate sang hlei thei lo hi kan hotute lam hian tihdan min ngaihtuahsak ve thei lo’m ni? Office-a hahdam taka \hu nileng \hinte hlawh a san zut zut laia keini a sur a sa hnuaia bianga thlan tui luang zawih zawiha kan thawk chung pawha hlawh tlemte kan nei hi chu hriatthiam chu a har deuh a ni. Kan sorkar chak tak hian i ram mipuite kan ni ve tho tih hre reng chungin hma min laksak thuai se a lawmawm ngawt ang.
VAI MISTIRI TIRHKAH
————-
Tun \um inthlan chu Mizo mipuite hian duhthlanna dik siam turin rilru seng \heuh teh ang u. Party politics lo la atchilh tlat hi a hun tawh lo. Inthlan dawna hmangaihna ngah ta thut sorkar kan hrawn reiin kan hrawn hnem ta em mai. Harh a hun ta takzet. A bikin thingtlang kuthnathawka eizawngte i harh ang u. Sum tlemte a lei theih kan ni hlauh palh ang e.
Lawma Pa
————–
Tukin Fakselnaa midang sawiseltute han seltu DAVID M ZADENG inti khan i hming pum han ti lang ngam law law la ka van ti em.
Mi ramten an ram hruaitute laka an thikthu an tih chhiat zia hian chhan a neih thui zia i ngaihruat thiam lo a ang. Ram hruaitu an dik loh chuan sual engkim a zalen a sin, Mizoram ang chiah hian. Nangni ang sual enliamtute sual ngaihdam thua chiang lo, dan awm chhan pawh chiang lo vang hian sual tinreng a huangtauin kan RAM leh HNAM hi a PHERH VEK tawh a ni. I hriatchian duh chuan a veia, luhchilhtu tlemte kan awm, ka lo hrilh ang che. Mak tia, i mitmu leh i thinlung a puak keh dur loh nan i insan mar lawk erawh a ngai ang. Ram hmangaih hi party office-a \hutkhawm tut tut a, ni leng lenga titi mai mai a ni lo.
HELENA LALSAWMKIMI
————-
Aizawl khawpui Traffic jam siamtu leh titawttuah Taxi hi kan puh fo \hin a, dikna chen a awm. Taxi te hi khawpui pawna an tlan chhuah loh nan Auto a thlawna semin sorkarin a hung hnan vek a, long run kan tih, khaw dang kal turin Rental permit-in a dang bet leh tlat a, Aizawlah intlanchhawk leh chawlh ni nei ve miah lovin Two wheeler Taxi permit a pe chhuak reng bawk a, private motor neiten an motor tlan loh nia tlan tur motor dang an lei thei zel bawk nen, Aizawl Taxi te hi an tlan chhuahna tur dan tlat an nih avangin Traffic jam siamtu mai ni lovin titawttua puh pawh a awm viau e. Tui pawh a luan chhuahna tur kan dan tlat chuan a ngaiah an vir an vir mai a ni. Tuna kal danah hi chuan Aizawla Taxi nei chhungkua hi chuan kan sorkar lai hi inthlan hunah vote an pe hauh lo ang le.
LT Ralte
————
Kan ramah hian BJP thlipui a tleh mek a ni thei ang em le? Kristian pachalten BJP an din a, Central BJP thawhpui mek party an awm a, Buddhist BJP thawhpui an awm bawk a, sorkar siamna tur a nih dawn phawt chuan BJP thawhpui duh mai tur an awm dawn an ti leh zel si. Zoramah hian political party awm neuh neuh mah se a inbei turte chu Congress leh BJP zuk ni daih a.
LB-a Pa
————–
Mizoramin Medical College kan nei tur chu a lawmawm viau mai. Mahse, Pre-Medical Entrance exam-a mark tlem te hmu chunga MBBS an han zir tur hi chuan kan Doctor la ni turte quality hi chu a tihhniam hle ka ring. Mizoram quota-a State pawna zirte pawh hi entrance exam-a an mark leh All India Rank ngaihtuah chuan Mizote hi lehkha kan lo thiamloh zia a lantir. Entrance exam syllabus leh MBBS syllabus te hi inang lo ti \hin mahse entrance exam ti \ha chu MBBS-ah pawh an buai lo tlangpui. Miin quota Doctor mai mai min tih loh nan All India Quota chuh thei tur khawpin lehkha i zir teh ang u.
Diktea Pu
————-
Ka lo hriat ve dan chuan MADC kha MNF khan thawhpui tura an inngaihlai khan Congress an duh zawk ta niin ka hria. Hindu chu thawhpui duh mah se an chang lo zawk a ni lo maw? Sawisel suh sawisela i awm loh nan.
Marama, Kolasib
————-
