Pu M. Lalmanzuala hi mi dik leh huaisen niin ka hria a, ka ngaisang viau bawk. Chutih lai chuan Yoga leh UID chungchang erawh chu a hai tlat. Yoga leh Martial Arts hrim hrim hi Setana ta a ni. Kristian tan a him lo ve ve. Taksa tihluma thlarau tihlum thei lotu chu BME tih loh a, Aadhaar neih loha Krista vanga engkim chan ngama retheih leh mualpho ngam hi a ni a. Gehena-a thlarau leh taksa tiboral theitu chu BME tih a, mahni UID/Pathian ta liau liau, khawvel ropuina leh ham\hatna tinreng dawn nana Setana hnena pek hi a ni zawk e. Chung leng sava, buh tuh lo, la kai lote chawmtu hian Ama anpuia a siam leh chatuan nunna nei tura thlarau a pekte hi Setana tana inpe lova, ama tana inpe turin min phut tlat a. Lum si lo leh vawt si lova awm a phal lo a ni.
9856887138
—————
U Got Talent a hmuhnawmin a khamawm loh khawp mai. Kumtharah ti leh teh u. Mahse, Judge-te comment-na \awngkam hman RAPTHLAK tih hi a hmanna tur a ni em? Rapthlak chu a chhe lam sawina a ni lo maw?
9436147113
——————-
U Got Talent hi a hmuhnawm viau mai a. Mahse, a chichawmin, a chhangchhe mah mah in ti ve em? Idol/Icon, Comedian search te chu hlawm khat niin, endiktute tan pawh point pek dan a harsa lo. U Got Talent-ah chuan zai, recitation, lam, magic a dang a va tam em! Endiktute tan engtinnge point an pek ang tihah hian ka lo buai ve em em a. Tih leh te a awm a nih chuan hetiang teh nuai lo hian ti tawh se a \ha lo maw?
8787586041
—————
Mizoram state ralmuang ber tih hi a mawi a, kan hotute pawhin an chhuang a, an thusawi apiangah an sawi tel tih khawpin a langsar a ni. Mahse, a ralmuanna hi kan chhawr thiam lo a ni ang, ralmuanna hmunah chuan Police-te pawh indaih hle awm tak, gas tihchingpen laka YMA hman leh hman lova duty ngai reng mai te, phalna nei lova hnam dang mi veng tura NGO pawl chet chhuai fo ngaite hi State ralmuang dinhmun nen a inhmeh lo. Police thawh tur dik tak tualchhung pawl mai maiin a thawh fo hi a mak a ni.
RK Sanga
————-
Mizoram BJP President khan kan CM kha Pathian nung bia ngat a nih kha a hre ve lo a nih ka ring deuh. Tumah a rawn ngai loh kha. Pathian nung chiah a rawn \hin kha mawle.
Dindini pu
————–
MNF leh Congress-in sorkarna chelhin, kan ram an enkawl dana duh thawhna avangin ZPM a lo ding a, mipuiten Congress ni lo, MNF ni lo party sorkar siam thei, lo ding se tih hi a ri fo mai a, \henkhatin ‘anni pawh hi han sorkar se eng a ni chuang lo ang’ an ti bawk a, hetia ti hote hi chuan Lal Isua pawh rawn ding se, ‘ani pawh hi’ an ti tho lo’ng maw? A enga hmaa an ni pawh hi eng an ni chuang vang lo tih ringawt mai chu mawle.
RODY PA
——————
Tunlai kan khawvel han bawlhhlawh tawhzia hi \henawmte chu sawi loh unau pawh an initsik \hum tawh mai a ni a, Kohhranah inhmang viau mah se mahni tan chuan unau e, nau lo e pawh an sawi tawh lo, Pathian hriat chu kaha hi a ni ringawt. An huam hauh em em ringawt mai. Mangan tawp tawk sela unaute lo chu pun tur an hre tawp dawn si lo, hetiang ho hi inngaihtuah fe rawh se. Unaute an tih lungawi loh chuan an buai mai ang.
No. thup
————
India ram danpui, Article 45-naah chuan, kum 14 chin hnuai lam, a thlawna lehkha zirtir ngei ngei’ a ti a ni kha, kan ramah hian Primary to Middle section hian a free vekin Item an dawng em? A chhanna chu DAWNG LO! Tu mawh nge? El e, sawrkar mawh mawle. Compulsory education Act hi England-in min awp lai khan England-ah kum 1870-ah pass a ni a, chutih lai chuan compulsory niin item chu free a la ni lo. A pu luttu chu Mr. Gopal Krishna Gokhale, Imperial Legislature member a ni a. Kum 1910 khan compulsory chauh ni lovin FREE & COMPULSORY EDUCATION hi ram puiah hman ni rawh se a ti ta a. Mahse, a member-puite’n an hnawl a. Gopal-a vekin kum 1911-ah a pu lut leh a, an hnawl leh a. Kum 1918-1920-ah an pass ta a ni. Tun thleng hian naupangte items mamawh chu a la free vek ta chuang lo a nih hi.
Malsawma, Selàm Vengthar (Salem a ni lo, Selàm a ni)
————-
Zoram mipuite chhe vek tawh leh beisei bo der kan ram hruaitu te pawh ar chuk tui lo hial anga kan chhuah \hin te hi chu a fuh thlawt lo a ni. Pathian hruaina leh khawngaihnain kan ram leh hnam hi a dam leh thei tih hria ang u. Keimahni zawn \heuhah ram leh hnam siam \ha leh theitu kan ni tih hria ila mi dang dem leh sawi chhe ngawt lovin mahni aiin mi dang \ha zawkah ruat ila taimakna leh rinawmna nen hma lam pan \heuh ila, tichuan kan ram leh hnam hi a dam ngei ang. Zoram mipuite u, ka ngen tak meuh a che u.
Lawngtlai pa
—————-
Kan pu ber chuan BJP chu a hlau hle a ni maw? Zu zawrh dawna Kohhran pawh engamaha ngai lo khan BJP-te hlau ve turin a sawm ta ruai mai maw! Pathian hi hlauh zawk tur asin mawle.
BJP hlau ve lova
————
Tunlaia Mizoram politics-a sawi zin hlawh ber chu “|angrual Pawl hian Chief Minister atan tunge an zawrh dawn?” tih a ni. A buai berte chu Congress emaw, MNF emaw an ni deuh ber a, mahni pawl pawh ni lo, mi pawl CM candidate lo buaipui tehchiam hi engemaw a \angkaina le?
9862563087
——————-
Isaia 3:13-15, LALPA chu sawipui tûrin a lo ding chhuak a, mite rorêl tûrin a lo ding ta a. LALPA chuan a mite upa ho chungah leh an mi lian ho chungah ro a rêl ang: Lalpa, Sipaihote LALPA chuan, “Nangmahni ho hi in ni, grêp huan ei zotute chu; mi retheite laka sum lak chu in inahte a ni a awm ni: engtizia nge ka mite chu in nem sawr a, retheite hmai chu in rawt sawm ni?” a ti a. Ezekiela 34:7-10 Chuvângin, berâmpute u, LALPA thu hi ngaithla rawh u, “A nuna ka nun chhûng chu,” tih hi LALPA PATHIAN thu chhuak a ni, berâmpute an awm lohva, berâmputen ka berâmte an zawn lohva, berâmte an chawm lohva, anmahni an in chawm zawk avângin ka berâmte chu ram sakawlhte chaw mai an lo ni a, ka berâmte chu saseh mai an lo ni ta ngei a; Chuvangin nangni berâmpute u, LALPA thu hi hre rawh u. Heti hian LALPA PATHIAN chuan a ti a ni: Ngai rawh u, berâmpute chu ka do a ni; an kut ata ka berâmte ka chhuh ang a, ka berâmte an enkawlna ka titawp ang a, berâmpute pawh anmahni an inchawm tawh hek lo vang; an ângchhûng ata ka berâmte ka la chhuak ang a, an tan ei tûr a nih tawh loh nan,’ tiin.
Mizo Tlangvâl
———–
Rinawmna hi engtika hman tur nge? Aizawl Municipal huam chhunga veng \henkhatah chuan Local Council inthlan hnuhnung berah khan Congress leh ZNP an inkawp a, Co-ordination te dinin Agreement te felfai taka ziaka dah thlap a nih laiin, Congress lam chuan an rinawmna thutiam chu nasa taka bawh pelh sawlhin an thutiam chu an palzut hle a ni awm e. An khingpui ZNP te chhungkua chuan tun thleng hian he rinawmna thutiam avang hian rinawm takin an la awm niin thu kan dawng a. Chutih rual chuan sorkar lai Congress Unit chuan \am a hre lo tih ang deuh khan, veng chhung develop-na tur sum chu a lo thlen meuh chuan kalphung hlui ringtute an nih angin, mahni mi leh sa chiahin hna an insem hem hem mai a ni awm e. Heng ang rinawm lohna avang hian Zoram pawhin a nawlpuiin kan chhiat phah ta a nih hi, tunah pawh an la inthiam tho a nih pawhin an duh tawkin han leng phawt mai teh se i lo en teh ang.
No. thup
———–
Hui ha! Hahthlak ngei mai! Keini ang khaw lian vak lo, 2,000 khua lekah pawh HIV positive an tam hmel hle mai. Kawtthler tinah sawi tur an awm mai. Kan nun kan uluk loh chuan kan \halaite hi an la pul phuk mai ang tih a hlauhawm hle. Chutih laiin zu leh ruihhlo avanga thi an pung tual tual bawk si. Lalpa Pathian lam i hawi ang u.
Milari pa
———–
Aizawl kawngpui sir kea kalna public pavement dala two wheeler dah hnawk chingte hi an va zalen ve? Tu mawh nge?
LK-a
————
MJS exam result chhuak chu 16 tlingah mipa 3, hmeichhia 13. Mipa tan \an lak a va ngai ve aw.
8837099260
——————–
Keini kut hnathawkte hi dinchhuah a harna em em chu eng thlai mah hian rate mumal a nei lova, a hralhna lam hi a buai vek a, Cachar vaiten an lei duhna ang ang pek liam a ngai a, ME School Teacher thla khat hlawh zat hi kum khatah kan lam pha lo a nih hi. Hetiang renga kan kal zel a nih chuan a tam ber kuthnathawktute zarah hei aia rethei zawkah kan inhnuk lut ang a, kan zain kan hlauh ber CHIM RAL chu kan hmabak a ni mai e.
9436159533
—————–
Awle! Ka duh ang deuhvin party thar an han din ta a, Pu C. Lalrosanga DDK hotu pawh kha tel se ka ti khawp mai. Heti chung pawha kan la thlang tling chuang lo a nih chuan mipui hian kan ram kalphung mawh kan phur hle ang. Mak ka tih chu mi rinawm tak tak, politics leh sawrkar hnaa hmingchhe lo tak takten ram siam tumin ke an rawn pen chhuak a, lawm tak a ruanga sawisel lui tlat tute ho hi ram siam \hat tak tak duh lo tute an ni.
LH Pachuau
—————
Sorkar ding lai hi paih turin \anrual a va ngai em.
No. thup
—————–
Engatinge kan khaw Middle School-ah hian zirna an ngaih pawimawh loh em em le? Class la tur pawn zirtirtute muhil pawh an kai tho zo lova, rui chungin an kal reng bawk a. Kar khatah vawi hnih inkhelh chang te an nei bawk a, khawngaih takin kan hotu lam hian rawn ngaihven teh u a rang lamin.
Aiduzawl khaw pa
——————-
Fiamthu Fest-ah hian harhfim hmel lo ang chi kha chu tel tir tawh lul suh u. ZONET thiltih a lang nep zo dawn e. |hahnemngaih avangin Fakselna kaltlangin kan rawn ngen e.
Berbera Pu
————–
