Mipui mitmei ven vangin BJP thawhpui an hreh vek ang. Vote thlak zawhah erawh Central-a sorkar lai thawhpui loh chuan hmasawnna tak tak a awm thei lo an ti leh vek ang.
7005811526
————
Nunna hlantute kha lo tho leh ta se tuna MNF hruaitu mi pamham tak tak, anmahni leh an vua leh vang chauh te vulh liantute hi an la thlawp tho ang em? Chakma vulh liantute hian Mizo nationalism hi chu sawi ve lo hram teh u! Nationalist suak in ni tih kum 10 in sorkar chhung khan Zoram mipuite hian kan hrechiang e!
The Nationalist
————-
Harsa chung chungin TV en duhin Reiek thlang tlang dungah hian sum kan seng ve a. Signal a awm lo va, eng nge a chhan tiin kan ngaihven a, chumi khaw daiah an sat chat tih vanga thla khat chhung pawha kar khat en tluan tlin loh chang a va tam em. A man pe lo ila, fee pek loh vangin an titawp an ti leh a. Thla khata ni sawmhnih pawh tling lo TV kan en hian fee pekte hi a tha nat thlak deuh a ni.
9615819199
————-
Politics-ah hi chuan ngaihdam dil tih vel hi chu engah mah ngaih tur niin ka hre lo. Pu Hawla pawh khan ngaihdam a dil a, mipuiin an ngaidam a, an thlangtling a, mipui a zah loh zia kha kan la hre \heuh ang chu.
|haduha, Tuikum
————–
ZPM hian enga tinge Kohhran behchhana politics inkhelh tlat a? Kohhran hi politics khelh nana hman chi a ni hleinem. Kohhran leh a dintu inhrechiang lo a ni ngei ang. A dintu Krista a thianghlim angin Kohhran chu a thianghlim reng tur a ni. Inthlana tlin theihna tura hmanruaa hman mai mai chi a ni ngai lo. Kohhran hian party support bik a nei ngai dawn lo. Inngaihtuah zawk tur chu Pathian lamah in\ang nge, in lamah Pathian \an tir intum tih hi.
KOHHRAN HMANGAIHTU, AIZAWL
————-
Ka’n au chhuak ve tawh em em teh ang. Ni 1.11.2018-a Congress lalpa thusawi chuan laptop sem a sawi ta, ka zak e. Kan Politics khelh dan chu a va mak ta neknawk ve. Vairama an tih \hin dana tih ve kher hi a ni maw Congress tlin tum dan chu?
Lal Rammawia
————
Fakselna kaltlanga party insawichhiat siak hunlai a ni a nge, kan lo ngaithla ngun \hin bawk a, nuihte pawh a za \hin e. A ngaihnawm te, ninawm deuhte a tam mai. Mahse inthlang ram kan nih hre reng ila, rilru fim tak chungin kan inthlang em anga, Pathian rawn chung zelin kan awm lohna party sawichhe vak vak ringawt lo hian Mizo Kristian kan ni a, engpawh nise kan Kristianna hi hengah te hian lang chhuak thei se a va \ha dawn em. Kan bul velah hian miten kan awmdan, kan \awngkam engkim hi an lo chik \hin a nia. Biak Ina fekfawn tak, khawimaw laia mahni awmna party fakmawi duh vang mai maia dawtsawi pawi ti vak lo kan kat nuk bawk. Hei hi ka vei ve \hin khawp mai.
REMA NU, KK
————-
Congress sorkar hi zawng SEM policy bak an nei ropui lo. Laptop sem tih vel hi zawng State changkang zawkte chuan Matric pass lawmpui nana an sem mai mai a ni. Ram khat hruaitu lu berin phur em ema a han sawi pawr viau atan chuan a ropui lo deuh.
RK Sanga
————
Inthlan thlirlawknaa Pu Vanlalruata PRISM President thusawi kha a \ha thawkhat hle a, mahse sorkarna han chana, a fawng vuantu han nih meuh hi chuan mahni chauh kan lo ni tawh lova, thil pawimawh a tamin kan insawi ang ngawt hi nih a har a, thawktute pawh hi kan pawimawh khawp mai. Chutiang bawkin ZPM pawh ram hmasawn tur chuan kan taihmak dan mila zawi zawia her rem a ngai zawk niin a lang.
Tlabung Uitangrual
————
Tunlai Mizoram politics-a lar ber chu BJP hi a ni awm e. Insawi\haih nan leh inpuhchhiat nan kan hmang tawn vek a, BJP ding leh \hangduang tak erawh vei duh leh vei pha kan awm der lo thung. A ho ru tlat.
8837489511
————-
Vanram kai loh phahna tham, zu zuar Congress, Bible kalh tlata awm, inla \an em em mai hi chu a mak a ni! Hremhmun aikaih inni nge ni? Kum sawmhnih chuang min hruai tawha, mi rethei leh kan ram a la changkan loh zia te hi hre ve teh u. BJP sawi chhe peih bertute chu inla ni zui lehnghal. Pathian rinnaah hian inngheh loh zia te hi dawn chiang teh u. BJP sakhuana a tan a pawi intia, a \henawm hnena zu in tur petu chu a chung a pik e tih ziak, Bible thu kalh tlat bawhchhetu Congress party in ni e. BJP aiin in\ha lo fe zawk. Mizorama a taka mipui min kai hruaia Bible kalh tlat CONGRESS IN NI E.
PAVALAI
————-
Pu Zir, Pu Rinliana hi a va reh vang vang ve. Sawhthing hmun tur a zawng ve ta mai zawk em ni le? Keini bialah pawh Beram pa ki Jeriko kulh ham chimna Chunglamin min pe a, kan ham chim rum rum ta mai le. PU HAWLA Manifesto tlangzarhnaah khan Kohhrana inhmang awm tak hmel an va vang ve. Tlai lam luhai nei awm tak tak an tam riauin ka hmu tlat mai.
Dampa Uitang
————-
Kan ram inthlanpui kan lo hmachhawn leh ta run mai le. Tunge maw kan han thlan lal leh dawn ni? Mahni infakin midang an sawisela, mahni infak zut zut lah thlan tlakah ka ngai si lo. An sawichhiatte lah tho bawm pawha mawi lo an ni si. Mi rel hmang, mi sawichhiat hmang ho hi chu Lalpa kan Pathian hian ruat lul suh se.
Renthlei pa
————
Congress kan thlan lal leh chuan kan kawngpui hian a va tuar leh nasa dawn em. Fur a lo thleng anga thingtlang lam nen kan inzawmna a chat leh vek mai dawn chu a nia, rilru nei lo ^ tak tak kan awm leh dawn si a, heti khawpa Congress sorkarin min sawp rethei tawh chung pawha lo la vote leh nulh \hin kan awm ziah mai hi chu kan thluakah eng nge awm ang aw?
LZ Pawi
————-
MSU President kal chhuak ta kha tunhnai maia Congress party khawmpuiah khan ka lo hmu ve lurh lurh mai ka ti. A va cherang ve aw. Hahchawlh ve lawk, hming\hat pawh awm hman miah lova political party han belh nghal chat mai chu amah leh MPCC party inkarah hian remna leh muanna mak sak tak mai a lo awm ru sa reng a ni hial lo maw? A hmanhmawh hle mai.
Tlangvala
————
India ram hmun tinah BJP an sorkar mek a, Central-ah te pawh an sorkarna State tam takah chuan kawng tinrengin hma an sawn a, development a tamin a chaka, chuvang chuan kan ramah pawh BJP hi i sorkar tir ve mai ang u. Chuti chuan kan ram hian hma a sawn ve mai dawn a lawm. Politician zawng zawngte thil tum leh duh ber chu ram hmasawn a ni lo’m ni? Party tih leh sakhua tih hi sawi zawm tawh lo ang u. Inzawmna a nei thlawt lo. Hindu hlau ho kha khawnge inrinna a awm ka zawt a che u?
9862402860
————-
Ka pu Hawldarhmeka chuan \halai thil ngaihtuah tam lote hnenah Laptop a zuar leh ta maw? Congress bakin an dawng leh chuang lo ang. Nawhchizuar ang lek a laptop-a lei theih \halai engzat tak awm ang maw? Harh a hun e.
Carolini pu
————
Zu kan zuar lovang tih ringawt chu a nep em mai. Mizoram a zu tirem theitu tur hi a ni kan duh.
9612723171
————-
Zuanglawr emaw, lawr lo emaw Plan nei lo te pahnih hi vote-tu chu Vawk inbual chirhduma lut leh ang chauh an ni ang.
Zalenga
————-
Tunlaia BJP Party thawhpui leh thawhpui loh chungchanga inhnialna awm \hinah hian Aizawl North III bialtu Pu Lal Thanzara a bana, bye-election awm leh \uma Pu Lalduhoma thusawite kha han play chhuak leh ula, tunge BJP support-tu ber chu sawi tam ngai lovin a chiang mai ang chu!
Zuala, Aizawl
————-
Congress ho MLA candidate puan ni-a an hotupa lungchhe lai, men deuh puai leh, MNF ho, Aizawl East II Block Conference-a Babutea’n Aizawl khawpuia kawngpui chhawng siam a tum thu a sawi lai kha rawn tilang leh teh u, a hmuhnawmin, ngaihthlak leh a chakawm a lawm maw le!
9862539105
————
