Bawngkawn junction kawngzauh chu traffic post an ti lian hle a, kawng erawh traffic a jam nasa hle tho mai! Traffic post lian deuh a ngai lem lova, a nalh rei leh em em awm si lo.
Sanga, Aizawl
————–
Kum 10 zet chhunga Congrees sorkara an NLUP sem la dawng ve lo mi retheite tun \umah hian dawng ve turin min rawn thlang ve a, keini chhungkua ang dap chawpa eizawng tan chuan kan va han lawm tehreng em. Tichuan, NLUP chu an lo sem dawn ta a, a dawngtu tura an thlante chu an unit hotute chuan an han hrilh kual ta a, keini chhung tu zah mah hlawh phak ve lo ta chu le min hmaih ta daih mai a. Tihpalh thil a nih ringin kan la beisei ve ran a. Mahse, kan tan beisei ve tur a lo awm lo reng reng chu niin. Min lo paih daih chu ni in kan hriat hlim chuan kan rilru a na’ vang2 kher mai. Hetiang tho hian MNF sorkar kum 10 zet an lal pawh khan an MIP hmang tho khan keini chhungkua hi rilru na zetin min lo bum tawh bawk a, tu hi nge kan tan rintlak awm? Pathian chauh lo chu.
No. thup
————–
Pu Lal Thanhawla khan Congress-in harh tharna kan chang a ti a, a dik khawp mai! Congress party an chhuahsan sup sup mai!
PAVALAI
————–
Pawl pakhat, duh thuhmun Prism-te chuan ZPM an zawm dawn niin hriat a ni a, rilru chhia an pu e tihna ni lovin ZPM tihnawktu an ni mai mai lo’ng maw? A chhan chu nihna leh chanvo lamah mi huam hauh tak kei kei tihna chang hria an nih chuan ZPM tihnawktu mai an ni ang em tih hmathlir thui tak neih a ngaiin, an rilru pawh hriat fel a ngai awm e. Nihna leh chanvo chungchangah nang nang tih thinlung pua an awm ve thei dawn a nih chuan a \ha e. Midangte tihnawktu nih ai chuan mite tihmasawntu nih hi Pathian lawm zawng tak a ni awm e.
MS AIZAWL PA
————-
Kei chuan politics hi thlir dan ka nei a, a theih chen chenah ram intodelh zawnga rorelna hi kalpui turah ka ngai. Hemi kawngah hian MNF leh Congress hi an hlawhchham \hak ka ti. A chhan chu kan rama \ha ve tho buhbala kan intodelh thei miah lo hi a tlawmthlak lutuk a, kum 30 chhung kha a uiawm lutuk. Anni 2 hi chu kum tam tak pawh rorel se kan intodelh hun a thlen ka ring lo. An rorel dan en hian.
RK Sanga
————
Tlabung Uitangrual khan Saipui kallai inbauh din thu kha i sawi a, Bhavan-a pa sawi dan chuan chhimlam MLA seat 12 saw chu kan la fai vek ang a ti tlat mai a, inbauh ding pek lo anga?
Khawthlang ZPM pachal
————-
Congress sorkarah chuan kan lo changkan chuan NLUP hian awmzia a nei dawn lova, kawng chhia, lei chim, zirna chhia, eng mumal lo, zu vanga nu leh pa manganna te, sum vang em em te leh thildang etc. ah te Zoramin chhiat manganna kan tawrh nasat poh leh an tan chuan hlawkna a ni a, Pu Hawla leh a family ten NLUP a mi leh sa an zawnna remchang a ni a, NLUP chawinung zel turin ram hmasawnna hi beisei chi a ni lo. Arpui lungchhia Sanghar lunglawm an tih ang kha a ni. Mi harsa an tam leh hlutna an ngah a, bat tam hi changkanna a ni a, Congress tan pawh malsawmna hnar a lo ni si.
Tlabung Uitangrual
————–
Sorkar thar a pian hun chuan Kohhran member zu zawrh pawisa loten zu an zuar tawh lovanga, chhungkaw kimin tuk\huan kan kilho tawh ang a, kan tu leh fate an puar hiar tawh ang.
Zova
————-
City bus chhungah kan \halaite an polite tawh hle mai. Petrol la tur intlar zingah erawh hmaa mite lehpelh ching kan la tam hle.
Senior-a
————-
AMFU kawngzawh kha ka lo thlir ve a, kut hnathawk tak tak an tam loh hmel ka ti. Tuten emaw sorkar dinglai tih tlak duhna lantirna a ang zawk e.
Lalrinfela
————
Kohhran Upa tam tak leh Pastor pensionte hian ZPM hi in bawhin Presbyterian Kohhran pawh hian inthlawp bik emaw ni? Thil ATTHLAK TAK HI TI LO HRAM TEH U. Pu Duha pawh hi ring vak suh u, \ha nise chunglam khian mal a sawm anga, hmanah a lal tawh ang. IPS a bansan chhan pawh hi politician ho hausak dan a hriat phak vang mai a ni.
Duata pu
————
Tun Assembly inthlan chu MNF ka vote tawh a, Congress ka vote tawh bawk a, bat ka nei tawh lo, eng atan mah ka chhawr lo ve ve bawk a, beidawng vote in ZPM kan vote ve ngat ange. Chhawr lo rau rauvah MNF leh Congress chu ka vote tawh a, tun \um chu midang tihkual ve a ngai tlat.
————–
Hnamdang film Mizo \awnga letlingtute hian an thiamin a ngaihnawm thei hle mai. Mahse, Mizo \awng an thiam lo lutuk hi chhut tham a ni. MIPA-in laizawn kan nei ngai lova, vah kan nei ngai hek lo. Mizo \awngah hian i fimkhur ang u.
PC Pakunga Kolasib
————–
Ka pu Zoramthanga hi pa zaidam, mi hnem thiam tak, hlim hmel pua mi dawr thiam tak a nih avangin ka ngaina a. Mahse, thil tiam zung zung mai mi a ni hian ngaih a ti \ha lo tlat. CM ta se a intiam 7th pay pe ta se, in tinah nuai 3 sem se, district pathum pe bawk se, buhah intodelh thei turin \an la bawk se a ti thei ngut ang emaw chu le!
Rinhlela Tkb
————-
MNF an sorkar chuan district-a an lo puan tawh sa chu an function tir dawn a, hei hi thu chiang sa a ni. Hetihlai hian sorkar tla mai tur Congress hian an sorkar hmasak, an tlak dawna an tih ang chiah khan district function-na tur notification hi an chhuah leh mai ang em? Kum 10 an sorkar chhung khan notification an chhuah duh lo kha a ni a, an ze ngai an rawn chhuah leh dawn em i lo thlir ang.
RUATSANGA RENTHLEI
————-
Pu Zira leh Pu Rina Sailo hi a ni mi \ha, mi ropuia ka hmuh ve \hin. Inrinni tuk bazarnaah pawh ka wish \hin an ni. Congress hei chen an sorkar khan tuna an tih tauhna, patlingpui leh mi taka ka lo ngaih ve hian an district hi an va vei tlai ve. Ram hnuk vei kan tih hi an awm ka ring tawh ngai lo. Mahni room-ah a hmingin \awng\aina maicham kan siama, zu rui mi hian Vanram min luhsan khawp ang. Ka pute Zira leh Rina pawh ram tana inrawngbawlna hi Lalpa malsawm tlak lemchan nun ni lul lo teh se kan la thi vek dawn. Hawh u, i dinthar ang u, sawichhiat reng chu a ninawm tawh em mai.
————–
Lallianmawia Pachuau piancham puala hun hman kha thlir a nuam hle mai. Chutihruala kan sawi belh duh ve chu Kohhran pawl hrang hrang leh Kohhran \halaiten hlabu kan siam hian hla phuahtute phuah ang ngei hian hla thu hi dah \hin ta se, hla hlutna leh hla phuahtute ropuina hi a pholang zel dawn a ni tih a lang reng mai. Kristian hlabu leh Kohhran hrang hrang hlabua hlate pawh hi a phuahtute phuah anga dah vek zel ni se kan Mizo hla \ha tak tak hi a hlu sawt ngei ang.
LT Ralte
————-
Pu Duhoma hian sawhthing a ti reng maia, hlate kan phuah a, kan sa dual dual \hin a, kan tlin loh pawhin Pu Duha chu phaiah a zuk kal lawk anga, sawhthing rate thar \ha em em a rawn hawn anga, to deuhin kan hralh ang kan tia, engmah a awm bawk si lova. Tunah sawhthing bawk a rawn sawi leh ta a, ka va ring tawh lo em. Chu ai chuan tunah sawhthing rate \ha zawk zuk zawng sela, a rawn hawn chuan lawm mai zawk ila a dik ang.
Buanga
————-
