Kan Serkhawpui Bazar hian rawk avan tawk ngun tawh em. Man chhuah tih reng awm thei silo. Enkawltu sorkar a hlawh nei chu a awm a rinawm si, tu mawh ber nge ni dawn le? Man chhuak ngei tawh se a lawmawm ngawt ang. Ei chawp dap tak meuh meuh te an ni si a, sorkar hian \anpui dan te ngaihtuahpui teh se.
Nghaka, Serchhip
98621 30116
Covid 19 chuan khawvel a run meka, India ram pawh kan bang ta lo. Sorkar hian ngaihtuahna thar \ha a siam a ngai ta hle mai. He natna hian Mizoram a lo luh loh nan theihtawp chhuah a ngai a ni. Mizoram a lo luh hlauh chuan Mizo hnam, Mizo hi dingchhuak tur kan awm lo hialin a rinawm. Engkima state hnufual, damdawi lamah pawh \henawmte pha lo em em kan ni si, chuvangin sorkar hian ILP pek hi titawp rih se, thlawhna service leh rel pawh Mizoram lo lut lo rih mai se, sorkar official duty an nih loh chuan ram pawn mi tumah Mizoramah luhtir rih loh ni se, Mizo ram pawn a\anga lo haw te uluk taka endik ni se, ramri tin uluk takin veng se ava duhawm em. Puipunna programme leh huau huau lam thilte pawh tih loh a khap ve mai a \hat hmel. Tihdam aiin inven a \ha zawk si a. Uar leh zualin thuneitute hian kan fihlim theih nan invenna hi zirtir uar se, mamawh tur lo inchhawp lawk thlengin hma la se a duhawm. Engpawh nise, chhanhim kan nih theih nan hawh u ringtute hian Pathian i au ang u.
LT Ralte
98620 07651
Tun \um Budget Session zet chu, Mizo Donald Trump, Pu Duhoma ‘n kan ram hruaitute mawng an hlim kual vel chu a ngaihnawmin a va bengvarthlak kher ve le! Session a tingaihnawmin ram tana a \hahnemngaihzia a lang chiang tak zet a ni. Rua, Mau, Lottery leh Lok Ayukta chungchang a sawifiahna thudiktak mai phei kha chu kan sorkar tan chuan zah chem chemna tham a nih rualin, mahni aia fing leh remhre thurawn hi chu tlawma la loin, inenfiah nan hmang sela Zoram hian hma kan sawn phah ngawt ngei ang. Pu Duhoma kan ngaisang takzet e.
Pa Hlua & Frens
93666 30785
Pu Zonet 4th March 2020 zan Zoram Ni tih hun hmannaah khan rambuailai a Aizawl jet fighter-in a bomb tih chungchang Zonet Zawlbuk-a tih chhuahah khan tuartu misual ni lo an awm kha a pawiin a \ha lo tak zet zet a ni. Khatiang vanduaina rapthlak tak kan tawrhnachhan kha thiltheih loh tih hre reng chunga kan tih luih vang a ni a, a chhan dik tak chu ngam loh chala chil kan hnawm vang a ni. Misualte avangin pawisawi lo ten kan tawrhphah \hin. Eden huan bawhchhiatna avangin eden huan awmna hre lo te pawhin kan tuar ta a nih hi, a pawi khawp mai, engmah hlawkna a awm si lo.
Lianhnuna
6909 715 764
Engatinge MNF sorkar hian mipui hi min rawk vak vak mai le? Electric Bill-te hi a va han tam thei em em ve le! Thla khatah cheng 400 chawi \hin khan cheng 1500 te bill a rawn kal a, sorkar hian pawisa a neih loh pawn mipui hi min rawk tawh lo se, kan hman miah loh pawn bill hi sang a kai tho zel a, mipui kan mangang a ni e.
No thup
96121 90899
Zoram chhung kan vei em em a, a \ha e. Mahni in chhung vei hi mi tan zawk tan a hun takzet. Pathian ka ring ti siin, Thlarau thianghlim nun pawh lo hi kan tam lutuk. Nu leh Pa inva pawimawh em. In tu leh fate inhruai bo mek hi, harh rawh u.
RUALAWTA, AIZAWL
9089612181
Tun session chu mikhual party ang mai mai ni lo, ram neitu, ram leilung fate ngei sorkarna a ni bawk a ram tana thil \ha tihte leh hmachhawp \ha tak tak a tam bawk a, a bengvarthlakin ngaihthlak a nuam hle mai. Chutihrualin an hriat ve tur thil pakhat awm chu, langtlang sorkar an nihna hi, an langtlang leh lutuk ang a, Saipui kalaiin a lo rah hrual hrep tawh, Pu Hawla’n Uitang ang tluk leka a ngaih ICU awm, kum 10 chhung zawng lo vakvai tawhte hi an hmuh hmaih palh ang tih erawh a hlauhawm hle mai. CHHANTU AN NGAI PUITU AN NGAI.
Tlabung Uitangrual
9862014844
Kan hotupa chu leh. Ramri buai chinfel dan a hriat ruk khiau kha hun a han liam leh meuh chuan a lo \awngvai leh ta mai mai a va ang ta hi he ve. Ram leh hnam tan eng thil ropui mah an tih a hma hauhin an hlawh an inpun ngheng a. Car thar to zet an lei zui zat a. Mirethei te hi engtinnge ni ve zel dawn le? Car thar min lei sak ve mai dawn em ni ang? Central a\anga pawisa lo kal a sawi te kha a va tam awm em em. Amah ber pawhin a awih lo hial a nih kha. Vaibelchhia mai ni tawh lovin, Zobelchhia lai a ni pek emaw ni le? Chuti chu nuai thum an sem ang a, Ni za inhlawhna pawh mi harsa ten kan hmu leh thei tawh em ang chu.
Tlangvala
Number thup
