Damloh nikhuaa mi retheite hman \hin RSBY smart card thlakna Gold Card hian hrawk cancer tan phal chin a nei a, chemo cheng sing chuang khai nan pawh a hman theih loh a, engtia tih chi nge ni ang? Mi retheite rilru a va hah ve pu te u, han ngaihtuah \ha teh u.
9862382652
————
Kan Zonet chanchin thara thu puan hi ka han sawi zui leh mai mai teh ang. “Pu Zoramthanga’n Pu Hawla chu thudik lo sawiah a puh”, ” Pu Hawla’n Pu Zoramthanga thu belhchian dawl lo sawiah a puh”, “Pu Lalduhoma’n Pu Hawla thu dik lo sawiah a puh” t
ih aiah hian, “Pu Zoramthanga’n Pu Hawla chuan thu dik lo a sawi niin a sawi”,
“Pu Hawla’n Pu Zoramthanga chu thu belhchian dawl lo sawi niin a sawi” c
hutiang zelin midang thusawi pawh ni se “A puh” tih ni lo hian “A sawi” tih ni ta zawk se a mawi zawk lo’ng maw? Tin, Mizo \awng mawi tak hi a vawng nung zawk ang em le? Mipui rilru pawh a chawk pawr lo zawk awm mang e ka ti.
LB Fela Ralte,
Sesawng
————-
Pu Zonet, inthlan a hnai tial tiala, MPCC chuan manifesto an puanga, matric pass leh a chung lamte thil pek an tiam leh ta maw? Laptop kan pe ang che u an tih hi kei chuan ho ka va ti tak em. Ram hmangaihtu tih atan chuan a hnemhnan thlak loh ka va ti em. Ngaihtuah chian chuan ram hnuk a khawih pha lo riau inti ve lo maw? Kan tu leh fate tan chuan ngaihtuah an va tithui deuh ve ka pu.
8014245701
————-
November ni 1-a Vanapa Hall-a Mizoram Congress thiltih kha i lo en ve ang chu maw?
Pu Zodintluanga, thil hre tlem tak khan Bairabi Railhead kha Congress kutchhuak a ti a nih kha.
A hawnnaah pawh ka kal ve a, Brig.T.Sailo-an lung a phum a ni tih a taka hretu ka ni. Sairang thleng lo thleng tura hnathawk, Pu Lal Thanhawla a tih kha dawt muhlum a ni. Kum 2008 tawp dawna Ministry bul \an khan khami kum \hal laia North-Eastern Railway Agency-a Manager-in Delhi English news a rawn puantir daih tawh zawk a lawm.
9436147674
———–
Zoramah hian BJP a sorkar thut thei. Tun \um 2018 kan MLA inthlan turah hian Party mala sorkarna siam thei kan awm loh hi BJP duhdan ber a ni. Entirnan: Manipur, Nagaland, Tripura leh adt.ah sorkarna an siam. Kan State pawh hi sorkarna siam thei kan awm dâwn em? MNF te hi MLA panga nei hian sorkarna an siam a rinawm loh. ZPM pawh hi an la thar em maia sorkarna an siam a la rinawm lem loh. Congress hi chu MLA 34 nei an ni a, engemawzat pawh hi lo tla pawh lo ni ta tehreng se sorkarna siam thei tura mipui ngaih an ni. BJP sorkar tir kan duh loh chuan sorkarna siam ngei thei tur hi RAM HMANGAIHNA avangin i sorkar tir leh mai ang u. Kum 2020-ah chuan India ram hi Hindu ramah kan siam vek dawn titu RSS (BJP) te hi kan sorkar tir phal dawn em ni? I NGAIHTUAHNA HMANG RAWH LE.
AIZAWL PA
————
Mizote hian sual kan haw lo, sual hmanrua a ni kan huat, chhut chiang ve teh, a nepthlak em mai. Zu do kawnga pawr tak, corruption do ngam chuang si lo. Nep hlawm em mai.
8794519384
———–
Tunhnai boruak hi ngaih a ti\ha lo hle mai. Chief Election Officer thil tih kual vel dan hi Central BJP hmalakna a ni thei mai ang em? All NGO ten Tuikuk chungchanga thil awmdan hi a tawp thlenga dodal an tum bawk si a, President Rules-a min hruai luh an tum a ni mai lo maw? Dawn ve teh.
LB-a Pa
————-
Tuna kan ram dinhmun en hian Mizote hian ram hruaitu \ha kan mamawh zia hi i hre thar teh ang u. Kil tin maiah an tuhrah sengin buaina kan tawk ta.
Mizo Tlangval
————
Tun \um MLA kan inthlang tur chu MNF lam hian Mizoram population aia tam an lawm lut tawh e an tia. Mahse an inring zo lo em ni le? Babutea chuan EVM lam a nih kha a mawhpuh leh \an, nuih an tiza teh e.
The Black Panther
———–
Ni e, Pu Zoramthanga hi chu a \awng tui tam lu deuh \hin a ni. A lehkhazir chin leh a tuallenna lah kan hriat ve ruau ruau a ni a. Engkim mai inti hre viau ringawt, CM atana han hman leh te chu mawle. Pu Hawla lah hi a “bawraw tual tual” ni mai hian a lang bawk si. Anni pahnih hi chuan Pu Chhuanliana BVT hi entawn leh hnuhnawh se a \ha ber ang. A lutuka thil sawi leh midangte tham lo lutuk maia \awng ching ni ve lovin THIL chu a nih ang anga sawi mai ching tawh teh se. Kum 2018 a liam tawh dawn ruai laia kan “MIZORAM” min hruaitute ‘bauhphul’ vel hian nuih a tiza tawh lo mai ni lovin min ti thinrim riau tawh zawk tlat.
8414883986
————
Mizo \awng hi ziaka chhiar, a lam dan dik lo a va tam \hin em! Chanchin thar chhiartute training a \ul zual.
Hruaia pa
————
Assembly inthlanpui lah chu kan hnaih tak tual tual a, candidate thlaphang pui pui an kat nuk ang chu. A tirah kha chuan MPCC party hi an chak leh mai awm mang e tih kha mi tam tak rin kha a ni a, mahse anmahniah broken family hri a leng a, an chin a hriat ta der lo. MNF lah hi a khama kham hrim hrim hi an tam hmel bawk si. Sorkar kan hrawn tawhte ho kha dawtsawi mai an hrat hlawm lutuk a, kha vang ni maw ZPM ho pawh hi mi tam tak hian an hmu sihal lawk hru phah nite hian a hriat a. Party dang hi chu lo ri ve \et \et \hin mahse an keu zawh meuh a rinawm loh deuh e a.
Tlangvala
————-
Kum 2018 Assembly inthlanpui thlirlawkna a bengvarthlak hle mai. Chutihrualin Pu Zodintluanga Congress-in a tir phat a\angin rem leh rem lovin party dang a sawichhe nghal char char a. Pu Lalduhoma ZPM-in party dang a sawichhe leh chiam a, Pu Zoramthanga MNF President chuan party dang a sawichhe duh meuh lo. A hmalakna tur tui tak maiin min hrilh a, Zoram tana a ngaihtuahna a lo sen nasat zia te kan hriat phaha, Pu Zoramthanga nge nge a lo puitling hle mai. Zoram hruai leh tur chuan a lo fit ber mai a nih hi.
RUATSANGA RENTHLEI
————-
Speaker, Pu Hipheia pawh a uihawm loh ti leh mai ang aw. Ek chhuak deuha awma ek ang a ni ti ve thung ang aw. A \awngte a pai deuh lehnghala tizel mai ila a hahdamthlak mai. E, taka, ka rilrua la cham veng veng chu Kolkatta-a in ropui tak sak mek kha engtin nge Mizoram mipuiten an ngaih aw tih hi a ni. An sa zo tawh ang em tih leh engtikah nge an luah thlak ang aw te ka lo ti ve mai mai a.
Lianvela
————
Pu Zira’n Durtlanga a in sakah khan MNF-te khan thil dik lo hlemhletna ni ngeiin an sawi a, tunah an party-ah a lut leh sia, an ngawi bo dawn nge, dikna hi an duh tak meuh em? Mipui hian i lo ngaichang phawt teh ang. Tlan tau awmkhawm hian ram ropui min thlenpui hi ka ring lo e.
RZA Ralte TD
————-
BJP hi National party pakhat chu a ni ve ngei mai. Mahse, anni (BJP) hi chu an danglam a, an party thil tum leh innghahna pawh a dang tih hi hriat tel tur a ni. Chutih laia Mizo Kristian intiten kan lo phurpui a, kan lo tuipui ve vak hi chu a fel lovin, a \ha lo takzet a ni. Ngaihtuah chian a ngaiin ka hria. Tun mai leh sum hmuhna ringawt ngaihtuah lova, thil thui tak ngaihtuah phak a \ha ve tawhin a lang.
8837489511
———–
