Pu Hawla leh a hoten Champhaiah NLUP an sem leh nasa mai. Thla khata sing nga chuang hlawh laten an han dawn chu le. Kuthnathawk ngata eizawngin an dawng si lo, an tih dan a mak ngei mai. Hmangaihna a dai zo ta a ni ber mai. Mi retheiin hmangaihtu kan nei ta lo Pu Hawla sorkarah chuan.
9856020461
————–
Biateah chuan BJP-in vawk talhin ruai an siam a, a kal zawng leh ruai \heh zawng cheng 300 an sem a ni awm a, MPF hian thu leh hla pakhatmah an nei si lova, Party dang tan pawh tih ve a thiang a va ni mai awm ve. BJP an nih avanga nuihzat deuh leh tawngpawng en liam chi ngawt chu a ni lo.
BIATE PA
————-
MNF hian ZPM hi min huphurh hle niin a lang. FB leh whatsapp lamah an tawng nasa hle mai. Mahse keini ZPM chuan tumah kan bei let ve dawn lo.
Lalrinfela
————-
Min beituten min beih nasat poh leh Congress mipuite chu kan \angrual zual sauh sauh zawk dawn a ni. |um thumna atan sorkar leh ngei turin kan bei dawn a ni.
VL Ruata
————
Kan party hotu Pu Zira leh Pu Rinlianate party bansana kan khingpui MNF party min zawmsan avang hian Congress party min ti\angrualin min tichak sauh zawk. Mi tin kan \ang em em vek a ni. Kan chak leh ngei ang.
Duata pu
————
Nizan chanchinthar ka en chu MNF hruaitute zingah Pu Zira leh Pu Rinliana an lo lang ve a, keini ang hmeichhe mawlte pawh hian mak ka ti ve. Inhmeh lo ka tih bakah Congress party-a hruaitu chan chang, ka mi rin ber pawlin hetiang mai maia an han chhuahsan hi ka hmu ni khua lo zo vek. Party-ah hian engmah ka nih loh bakah ka sawi ve ngai lova, mahse vote ka neih ve phat a\angin Congress-ah hian ka la thlak ziaha, tunah kum 60 ka pel ve tawh a nia, ka pawl hi ka la thlak ve miah lo. Pawl thlak thlak ho hi ka ngaisang ve vak lo tih hi Fakselna kaltlangin ka lo sawi ve a ni.
9774070314
————
BJP Party ho chu Vairampur lam a\anga an pu lokal chuan tiphur zo tak maw? An MALIK-a thusawi lai vel khan Pu JV-a kha a lo intih theih hmel rura lutuk a lawm. Ham ham mai hian. Vai thusawi lawm avanga pachang engkim senior kim biai tawh lo intih theih vel kha.
Tlangvala
————-
Khamkhawp tharna khawp thlawhhma lak hi infuih nan hmang ila a va \ha dawn em. Hnadang thawh tur \ha kan nei a nih si loh chuan.
LL Khawlhring
————-
Zoram Kalsiam programme-a Buannel thlirna Rul chi hrang hrang chanchin kha en a manhla hle mai. Ramsa, rannung dang chanchinte pawh hi chiang zawka zirna leh thlalak mai ni lo, an chetla lai vel hi tam zawk rawn tichhuak thei ula a duhawm hle mai.
LT Ralte
————-
Congress party leh MNF party-te hian Opposition in nih lai hian tun sorkar laiah hmasawnna/hmalakna hmuh leh hriat tur a awm lo inti ve ve a, mahse Cable TV kaltlanga chanchin thar chhiar leh Video clip-ah hian hmalakna a va tam si em. Eng party pawhin sorkarna chang ve hmalakna chu a kal lo thei lova, Congress party-ah a tam hret. ZPM hi eng nge an an ve dawn?
LB-a pa
————-
Zoram mipui, ramvei leh thilchik mi deuh tan chuan tunlai kan politics vir vel dan hi a va tenawm ta em! Ram siam\hata, dik taka rorel tumna aiin in uirena leh mahni pumpui hmachhuana, lal reng tumna game khelhin min tuam vel a nih hi maw! Bungrua lilam, a ngam huai apiangin an nei ang hian Zoram mipuite hi min lilam kual vela, dawt sawiin anmahni ham\hatna thlir ru kar chungin an phi kual vel ta ruai mai a nih hi. Engtin nge ni zel ang le? Kum 30 chuang min lo hruai tawhtu Congress leh MNF party-ten min thlen chin chu mipuite hian kan hria. State pachhe ber, kutdawh hnam, huau huau lawm ber, Kristian inti sia sual palzam ber ramah min chhuah tak hi. He kan ramah hian KALPHUNG THAR hi tundin a nih vat loh chuan kan hma saw a va thim tehlul em!
Zo Nehemia
————-
Bazar phei an siam tur chu a va lawmawm em em ve. Zion Street mihring kalna erawh chholamah pawh a changin kan chhuka, kan chho leh a, kan chhuk leh \hina, kawng sira dawr neitute an va ngam lo chiang em kawng siamtute hian.
8974797283
————
Enga tinge ruihhlo leh zu zuartena sim duh miah lova vawi tam an zawrha man an nih \hin? Enga tinge miten lirthei an ruk fova, man an nih pawha an la sim theih loh fo \hin? Enga tinge miten hlawh phu lova thil an neih thur thura, an la eiruk zel theih? Enga tinge hmeichhe pawngsualte hi kan la hriat fo?
A chhan chu eng dang vang a ni lo, kan ramah hian dan hi a la khauh ve lo em a ni. Dan khuah loh avang mai a ni sualna tam em em hi. Dan khauh tak kan neih hunah chuan kan ram hi ram nuam tak a ni ve tawh ngei ang.
DINGTEA KHIANGTE
————
Hming leh number pawh tilang ngam lo Pu Duha rawn seltu kha MNF i ni ngei ang. Pu Duha hian Lal Thanhawla tlin nan Serchhip bial hi a pan lo tih ka hrilh a che. Lal Thanhawla a tlak ngei theih nan a pan zawk a ni e. Ramzauva hian kha leh chen kha a lo khing tawh a, a hneh thei lo tih hi chu a hretute in ni e. Ama awmna vengah takngial pawh a hneh ngai lo a nih kha. Tun a\angin in tla tur inthup mawi nan Pu Duha sawi chhiat in\an leh ta mai a ni maw? Intih theih tawk chu dawtsawi leh Pu Duha sawichhiat chiah a ni e.
8413850868
————–
