Mizoram kawng chhiat chhan hi puh tur leh chhuanlam a la awm belh zel a. Border Roads Organization thuneihna leh state sorkar thuneihna hi puh kual leh nana hman leh phawt mai hi remchang takah kan ngai a nih hi! Kawng siam nana sum awm sa vek ni si, Fur ruahtui tlak laia a chhe zual thawm \hat leh Metal Road sawi fin tlat hi thil pawi tak a ni. Kan kawngpui chhe lutuk hi Black Topping nghal kher lova, lung chang hmanga siam theih vek a ni. Hetiang kalphung hi chu sorkar bawk hian an hria. Sum sem Policy leh Sem Project kher kher hi chuan rah \ha a thlen mawlh lo. Sum lak luhna tur an duh tui loh phah. Zu zawrhte, kawng siamna tur sumte chu Bank lama dah khawtlai luih tlat te, ram mipui hnen a\anga eng dan dan emaw hmanga Sum hmuh dan dap vak vak a ngaih phah bawk.
PH FANAI
————–
Sawrkarin motor intlan chhawk a siam hi a va \ha em! En chhinna mai ni lovin hmang nghet nghal sela ava duh awm em, kan kawngpui tan leh mihring tan a va \ha dawn em ka han ti ve a ni e.
Rova, Azl
———–
ZONET FAKSELNA hi ka va ngaihlu em! Vul zel rawh se. Hman nia announcer atana mipa duhkhawp lohna kha kei zawng ka rilrem loh zawng tak a ni. MIPA kan nih avanga kan awm pa leh thum chhar mai hi announcer atana kan it awmna a ni zawk. Announcement hi hmeichhe taa ngaih tur a ni love.
8014344995
————
Pu Hawla khan Chakma sangnga a thawn haw kha a chhuan tehreng nen, zirlai hruaitu chhuanawm tak takte’n kut an tawrh hrep phahnate a lo ni reng si a, Congress ho hi chuan Chakma ho saw chu in chakna thahrui ber a ni tih hi Zoram mipui hian kan hria e, insawi pial ngai char char sorkar dik tak in ni e, kan sorkar chuan Falkawn damdawi in pawh hi kan tipuitling ang in ti a, kum kaw chhung pawn eng khaw intih loh hi, MNF vang bawk em ni an chhunzawm theih loh? Engpawh ni se, hnamah i harh ang u, Sorkar \ha neihna chang i hria ang u, Congress leh MNF ni lo sorkar hi en chhin ve hrim hrim ang u hmiang, kum sawmthum lal tawhte hi zawng an hneawm tawh em mai.
Sanga
————-
Ram ropui lam panin pen ru tih hla angin |angrual pawl ZPM lam ngatin pen ru, hnam danna an keng e.
Lalnuni
————-
Nakkum inthlanah chuan Party lian pahnihte a\anga roreltu tur i thlang dawn a nih chuan Congress thlang zawk rawh. MNF ai chuan an \ha zawk si a.
Malsawma pa
—————–
Zoramin rahbi thar a rap dawn ta, ZPM lo piang hi nang leh keia tan a ni. MNF leh Congress ringawt zawng a beidawnthlak deuh a ni.
VLRuata
———–
Kalphung thar din tur leh mipui sawrkar siam turin, keini Neutral-te hian kan lo hmuak a che u. Mahse, in hruaitu lute kha member tute pawh chawk hnawk sak tum che u-in, Party dangte hian suma inthlem chhuah emaw, pawl leh pawl inkar tihnawkin, hem an rawn thlak mai thei. Lo in veng ula, in thutiamah khan ding nghet tlat ang che u tih ka han thurawn a che u. Congress party-a lungawi lo tam tak leh MNF-a lungawi lo tam takte hian, an full suport che u a nia. NLUP sem leh \hin rik ngawt hian a dawngtu pawh ni ve ila, installment a ni lehnghal a, kan tum kan phak thei tak tak lo a nih hi. Chuvang chuan \an han la zel teh u khai! Tin, ka \hianpa MNF Party-a mite pawh hian, an hruaitute leh hotu lian lam a\anga lungawi lohna lian tak tak neite hian, an suport ru tlat che u a nia. Tin, CID-ten an bih thlareng bawk che u in, enthlak leh in boruak ngai changin beng an chhi reng a nia. Hawh u, keini Neutral zawng zawngte u, ZPM |angrual pawl hi i back up vek ang u.
MS Citigent, Aizawl
————-
Takam Tuikuk tih reng mai hi a va ninawm ve. Min that a, min vua a, an hlawkpui a, keinin kan tuar a, kan hotuten min vau zui a. Hei ha hui ha! Zoram hi kan ram a ni, ti ngam hruaitu kan va mamawh ve, Zoram \ang fan fan
9862614029
—————-
Keini kut hnathawkte hi din chhuah a harna em em chu, eng thlai mah hian rate mumal a nei lo a, a hralhna lam hi a buai vek a, Cachar vaiten an lei duhna ang ang pek liam a ngai a, ME School Teacher thla khat hlawh zat hi kum khatah kan lam pha lo a nih hi, heti ang renga kan kal zel chuan, a tam ber kut hnathawktute zarah hei aia rethei zawkah kan inhnuk lut ang a, kan zain kan hlauhber CHIM RAL chu kan hmabak a ni mai e.
HEIHA HUIHA
———
Zonet programne hi a rukin internet hmangin a man theih em ni, Tlabungah hian?
No thup
————–
Kan ram pawl lian ber, YMA-in LPG Gas siam ruk chingte an man a, sorkar hian thawm a va nei ngai lo ve. Kohhran leh NGO te, a bikin YMA-ten an duh loh, zu zawrh a nih hnuah a duh lotute hi ruihhlo do turin a sawm leh ta reng mai hi Zoram mipui zah lohna leh hmuhsitnaah ngaih mek a lo ni ta a ni.
LAL-A, THINGTLANG PA
——————–
|angrual pawlte hi kei chuan ka ring tlat a nia, lo sel nghal ngawt suh u. En chhin atan pawh an \ha hrim hrim. Thil thar hi chu han bel phawt ila, a \ha alawm. Kan hruaitu hmasa te lak tlak thlawt hek lo. Nalh tak taka thil hawn leh nupuite hruai chiah an thiam. Mipui lamte chu ngaihtuah chu ka ha a ni ringawt, anmahni chiah an lian thur thur a, chu chu a ni mai.
No. Thup
————
Zonet fiamthu fest ka lo thlir ve \hin a, a hmuhnawmin a hlimawm hle mai. Amaherawhchu, UPC kohhran fiamthu thawh nana hman leh inhmuhsitna a tam a, kan rilru a na ngawih ngawih a ni. LPS Comedian search-ah te chuan guideline fel tak siamin, Kohhran hming hmerha fiamthu thawh leh zahmawh rawng kai fiamthu an khapin ka lo hria a, Zonet-ah erawh zawng, a hman hmanin fiamthu thawh nan UPC kohhran an hmang a, judge-te lah a phur phur-ah an \ang emaw tih mai tur a ni.
9436385246
—————
Huhova huaite hi a fála dawih an ni deuh ziah – Vanneihtluanga (Editorial, Lengzem Oct 2017). Amah leh Pu PLa, Pu Sapa kan hmuh dan chiah, pahnih tal an inkawp loh chuan ke an pen ngam lo. Hei hi mipuiin kan hmuh dan a ni e.
RUATSANGA RENTHLEI
—————
Kan ram kut hnathawktute hian kan ram roreltu engemawzat hi kan lo hrawn liam ve tawh a. Mahse, mi rethei hmangaihna leh lainatna nei pakhat mah ka la hmu lo. Policy \ha tak tak an zuar a, kan \hatna tur nia ngaiin kan vote tling a nih kha. Mahse rorelna an chang ta tih veleh mi retheite chu sa leh chaw bulah \amchhawlin min hnutchhiah leh si a. Heng ro lo rel tawhte hi chuan min hruai lul tawh suh se.
Hlutei leh Zualbawihi pu
————–
Veng chhung Information a\angin vawiinah Gas an rawn check dawn a. Rs 75 lo neih tur a niang an tia. An lo kal ta ngei a, kan Gas bu-ah seal an chhu a, lehkha min pe a, a kal leh ta mai a, Gas check tak tak awm bawk si lo, Rs 75 kan chawi tho si, Enge a awmzia hi min hrilh thei lawm ni?
TC Khiangte, Chhinga veng
——————
Congress leh MNF hian an ral do tur an hai dun ve ve, Inbei lo tur an inbei a, ral do lamah mit len lo-in pahnihna chuhin an phili mai mai phawt teh se.
Ruata pu
———–
Nizana India leh USA-in Under 17 World Cup an khelha ka rilrua thil lo awm chu. India hian sports lama thlen san tak tak lam aiin induhsakna bawk an la tina niin ka hria. State hrang hrang intihsiakna lian thama Mizoram kan chet \hat tehlul nen, khati zat Manipur Player-te duhsakna an dawng kha ka hrethiam thei lo. Kan tleirawl an luhtir dante kha ka lainat lutuk tlat. India game hi chu sum game a la ni ta reng a nih hi.
Dawr nghak tlangval
No. thup
———-
Tunlai lirthei intlan chhawk hi kei chu \ha ka ti lo tlat mai. Hei hian traffic jam a tihziaawm viau pawh ka hre lo. Kan ti reng dawn a nih phei chuan, two wheeler a pung chak ngawt ang. Kawng sira lirthei dahtute hnen a\anga kan sorkar-in sum a la mamawh viau hi chuan, kan traffic jam hi a ziaawm tak tak thei chuang lo ang. Tin, heti tak maia tunlaia Gas kan han harsa ta hi, kan sorkar hi ka kham ta khawp mai! |awngkam thiam taka duah hluaha an insawi thiamna hi mipuite hian pawm lo ngam tawh ang u.
Dawrpui Nu
No. Thup
————-
