Pu M Lalmanzuala leh Pu RRR-a te inchapcharna-ah khan ka hmuh dan chuan Pu M. Lalmanzuala kha a dik full thak a, chutih laiin Pu RRR-a khan chawimawina phu khawpin hna a thawk ve tlat. Dik lo mah se chawimawi a ni ta reng a nih kha. A sawifiah nan rambuai-ah sipai patrolling-a kal sipai pakhat NB Shai chuan authorised aia tam Grenade pahnih lai a lo keng ru a, helho nen chuan an intawk ta thut mai a, an in kap ta chu sipai chan a chhe dawn ta mai a, sipai NB Shai chuan a grenade pahnih chuan helho chu a han vawm ta a leh, helho an tlawm ta a, tichuan NB Shai chu sipai chawimawina sang Ashok Chakra pek a ni ta hlauh a ni. Chutiang chu Pu RRR-a dinhmun hi a ni e.
Seling khaw pa ngat
—————
Vawiin Vanglaini chhuak a phek rukna-a “Kan ram hruaitute darthlalang atan NITISH KUMAR” tih kha a va tha em! Kan ram, ring lo mi ni lo, Kristian ram hruaitute ngei hian entawn atan hmang thei se, a lawmawm ngawt ang.
Zohmai pa
—————-
Chakma mi Birth Certificate lem siam saka petu Vanglaini chanchinbu a lo lang hi thil pawi lian tham tak a ni, a hna atanga ban tir ngei chi a ni. MZP mai ni lo, YMA pawhin hetah hi chuan hma a lak a ngai khawp mai.
LT Ralte
—————
Adhaar Card hi India mite chhinchhiahna an ti a, a dik pawh a ni maithei e. Mahse, India rama rawn luh tum misual leh sual lo pawh engzat takin Adhaar Card hi nei tawh tak maw? Mizoram zimte-ah pawh hian chhak leh thlang, chhim leh hmar atangin India mi nih tum an tam si a. A fing leh thil tithei tak tak te an ni si a. Ration card-a lo thun duh mai hi engzat tak awm tawh ang i maw? In Ration card-ah min thun ula cheng chu ti zat ka pe ang che an tih a. Ti duh mai kan tam lo’ng maw?
Dindini pu
—————-
Mizo Union hotute khan Congress a awm chu Aiawt a luh ang a ni. A luh a awl a, a chhuah leh theih loh a neitu-in a lak chhuah loh chuan kan tang reng mai dawn a ni an ti a. Mahse, central zawm thatzia an hre ta a, Congress min Merger-pui ta a. Tunah BJP an lo lian a, kan insawi hlauh a, kei chuan kan hlauh ang an nih ka ring lo. BJP sorkar lo din ve hi a hun a, kan ram tan pawh a that ka ring.
Malsawma pa
—————
Kawnpui chhuah lampang hian April thla atang tawh khan Zonet Signal kan nei mumal tawh lo a. A enkawltute kan hrilh pawn min ngaihsak tha duh si lo a. Hotu lam khan min rawn ngaihtuah rang thei ula kan lawm ngawt ang.
No thup
—————
Chakma ho lungawi lo kawngzawh chu Congrees thalaite pawhin va tawiawm ve ang hmiang? Anni thil phalah, MLA post leh Minister post te meuh pawh kian phal kha an ni a. MNF thalai ten an chuanna tur Motor emaw, Air bus emaw ngaihtuah sak thei bawk ta se a tha ang a. Anni Takam ho tana nu leh pa chanchang tha mi an ni bawk a.
Tlangvala
————–
Kum 2018 inthlanah hian Congress hi an tla dawn tih a lang chiang sawt hle mai. Bial hrang hrangah Block hruaitute an lal lutuk a, unit-te nen an inlungrual theih tawh loh bakah party chhungkua-ah vui leh vai, lungawi lo an insiam tam tawh lutuk a, an chak zawh a rinawm tawh lo. Kan khua, Thenzawl Pu Hawla bial rangkachak an tih maiah pawh hian a tlin zawh a rinawm ta lo hle mai. MNF chak vanglaia MLA inthlana an tla ang mai khan an tla ve dawn niin alang.
Thenzawl Pa
————–
Ram tana thawhchhuahna kawnga hmalakna pakhat mah nei lo, hman atanga tun thleng a Kawktu leh Hektu, Rulin ka mei a rah chuan ka chuk ang ti a, ram leilung fate Central lama hma khalh tum ran mai Chakmate hian an tuh loh rah seng an tum zel mai niin a lang. MZP-te hmalakna hi kan tihtur dik tak a ni. Aadhaar Card leh hearing chungchangah te, Zofaten Zoram hi kan ram a ni tih hriain i fimkhur hle ang u.
Tlabung Uitangrual
—————–
Zonet in pe chhuak a, a tang chut chut reng mai a, engnge a chhan? Siaha-a Zonet chhungkua te’n hahthlak an ti hle!
9089746142
—————-
Zarkawt nu Pi C.Lalrinpuii’n INDIGENOUS chungchanga Zarkawt chhuak pa pahnih leh nu pakhatte hnena thurawn a rawn ziak, Aizawl Post-a tun thla ni 5-a lo lang hi zawm sela kan buai fona hi a reh ngei ang le.
Zopa
—————-
Pi Tlanchhuahi, pawisa tam tham tak chhar a a neitu hnenah a kim a i han pe kir leh vek mai kha i va fakawmin i va chhuanawm tak em! Kan ram tan khawnvar entawn tlak Zonet-in in tarchhuak leh YMA-ten chawimawi tlak an chawimawi hi a ropuiin a va hlu tak em! Pi Tlanchhuahi kan chhuang takzet che. Lalpa’n malsawm zel che rawh se.
LR Chhangte, Kolasib
—————–
CSS Hindi Teacher ho hi sorkar hian a chhawr leh dawn a nih chuan zawm tir vat teh se, kan faten Hindi zirtirtu tur an nei si lova an subject-ah a tel ve tho bawk si a, nu leh pate lah hian kan zirtir ve thei mang si lova, a manganthlak riau mai.
Chhantea pa
—————
Tun Zirtawp kalta-a Central YMA buatsaih ‘Ruihhlo chungchanga Inrawnkhawmna’-ah khan kan CM Pu Hawla khan a zu zawrh hi ruihhlo-ah a ngai lo em ni? Khati taka thahnem a ngaih leh lawi si le! Drugs case chungchangah kan Lawyer-te pawh Committee hminga tumah chhan lo tura ngen te kha a la sawi ta deuh deuh a, kan hotupa hian a nihna hi a hai ta mai em ni? Amah ngei hi dan siam theitu, a hotupa ngei a ni si a.
Mizo Pa
—————
Fakselna kaltlangin ram kan vei tlang hle a, tun t˘m chu hahchawl zawk nan tizawng hian aw, Chamring tlangval Thiamchantira hl‡ “Lokir leh mai rawh” tih hl‡ hi lo ngaithla chiang ve teh u. A va han Mizo slow rock tak Îm! Sap tawnga lehlin ni se la, a thluk hi‡n Western Slowrock ngainatute beng a tiparh ngei ngei ang mawle. Sap hlathl¸k angin a bridge a awm thlap lehnghal a, dollar nuai tel hailuh theihna hl‡ a ni e. Mizote hi kan duai lo ve, hla phuah thiam leh zai thiamte an la vanduai rih a ni maithei, engtikah emaw chuan khawvel hl‡ tha tak tak hi Mizo phuah leh sakl‡r a nih ka ringtlat.
Lba Pa
—————–
Fee tihsan leh fee khawnah in chak ang khan signal that loh, a chhiat changin siamthat lamah pawh chak deuh ula ka ti.
Phunchiara
—————
