Kan buhtlei (chaw khawrhna) hi kum 100 a tling tawh. Pu Sapzinga France ram kalin a lei kha a ni.
B. Sangkhuma, Kawnpui
————-
Ramsa film Mizo tawnga inpek thin hi a hmuhnawm kan ti si a, inpe khat bawk si. Hman deuha inpek ramsa an ruihna te kha rawn pe leh tawh teh u. Mit a ti tlaiin a hmuhnawm riau maia, naupangten an lawm riau a nia.
No. thup
————–
Mi hausa Pathian rama luh a harsat thu Bible-ah kan hmu a, hetiang bawk hian Politician-te tan pawh hian Pathian ram luh a harsa tho ang tih a rinawm. Dawt sawi leh eirukna hmun a ni.
VL Ruata
—————-
Tuikuk leh Chakma-te hi an changkang tawh hle. A ram neitu Mizote hi min hmusit tan tawh ni berin a lang.
Duata pu
————-
Airtel signal hi ka van ning tawh tak em! Hman hleih theih reng reng lo. Enge a awmzia? Kan thianpa pakhat phei chuan ‘an tower khi ka tichhe dawn lawm’ zuk ti hial a mawle. Khawvelin hma a sawn tial tial a, Airtel lah an hnung tawlh tial tial a! Thing lutuk!
Ngopa Pa
————-
Inhruaina fing awm lohnate, hruaitu rinawm awm lohnate, hruaitu zirtirna dik lo awmnaah chuan mipui an phun mur mura, mite an tlu thin tih a ni a. Chuvangin kan sorkar hrawn tawhte hian mipui sorkar din lovin party mal sorkar an la siam zel zawng a ni phawt mai a. Chutiang sorkar a nih thin avangin kan vengah ngei pawh itsikna a lian hle a ni. A bik takin Congress leh MNF sorkarah hian a chiang leh zual tih mita hmuh theih leh benga hriat ngei tur pawh a thleng ta a nih hi. An party len zawng ringawt hi an inchhuan phah nghe nghe a, hei pawh hi a dik vek reng bik lem lo. Tam vanglai taka inngaih lai hi an tlak hun a ni duh chawk a ni. Lungngai lo phawt mai teh ang. Mipui mimir mimalte pawh hian buma awm an tum tawh bik hmel loh hle. Thutthleng inthut thlakthleng ringawt hian awmzia a nei tawh chuang lova, kalphung thar leh mipui sorkar siam a ngai ta zawk a ni. Hawh u, i thangharh tawh ang u.
Aizawl pa
—————
Mimal pawh ni lo, Govt. Aizawl College tana ram LSC hial a pek tawh si engti ziaa Revenue Deptt. hian mimal Pu Lalsangbera hnena pe leh thei nge a nih le? Nge Pu Sangbera hian a lo nei hmasa tawh zawk? Bawngkawn lamah awm bawk! Hetiang a nih chuan Law Court-ah pawh inkhinbuai theih tak a ni thei zel mai dawn a, Revenue Deptt. hi an inenfiah hle a ngai a ni!
Thlirtu
—————
Aadhar card kan tih mai hi Mizoram sorkar hian a kalpui chak mah mah a ni lo maw? Central-a thu puangtu-in Chanchin thara kan lo ngaihthlakah khan Aadhar an neih loh avangin khua leh tui ten an chan tur leh dawn tur an dawn lohna chhan tur a awm lo a ti si a! Kan pute hian eitur remchangah siam an tum nge? Thil zawng zawngah nei leh nei lo an thliar hle mai si a, nge ni Politics game-ah hman an tum zawk?
Ruatdiki pu
—————
Kumin kan inthlang tur chu a ri tlemin a dang deuha, vangvat kai leh kai lo tih te, chala hnawihsen leh sen lo leh coconut sawh keh leh keh lo tih te, Pathian nung bia leh be lo te pawh a ni thei zel ang a. Chhungkaw tin hnenah cheng nuai khat ni tawh lovin NUAI THUM sem tur thu te pawh a ni zel ang. Kan ramri thenawm State-in min rawn chuhpui aiin Chakma leh Tuikuk vote lo la buaipui zawk em em tute hi MIZORAM hian a la mamawh chhunzawm zel dawn em i lo thlir teh ang. Thlam ropui sa tawhtute pawh hi lo lal leh ta se Kolkata-a BUILDING sak ve ai chuan Switzerland lamah daih daihte zawk thlam thar min sak san daih te pawh ka lo hlauthawng ve deuh a, lung lung te pawh an tileng dawn em mai.
Tlangvala
—————
Canon printer ka hmanga, print head thlak a ngaia, Aizawlah hian khawiah mah lei tur a awm lo a nia mawle. Lei leh hun chu Printer brand dang ka lei tawh ka ring.
LUNGAWILOA MIZO
—————
Zoram mipui zat ve aia tam mah hi chu ‘milem’ duh duh chang thei, mahni pum puarna tur a nih chuan pawisak nei lem lo, Pathiannia inkhawm kur dup, YMA motto chang vawn leh thutiamte khawmpui nikhuaa sawi kur dup si, a taka Chakma leh Tuikuk ngaimawh der si lo, a langa ngaimawh der hi an tam mange!
SANGA
—————
Eiru / hlep ru thin sawisela dem thintute hi eiru thei dinhmunah ding se an eiru ve tho ang / ka eiru ve tho ang tih thu kan ngaithlain kan chhiar fo mai hi chu a mak mange aw. Kan sel ngam chuan kan ti ve lo ngam tur a ni dawn lo’m ni? Tun atang khan rinawm han tan teh le. Tlemte chunga rinawm hi tam tak chunga rinawmna kailawn a ni tih i chian phawt chuan awlsamte-in i rinawm chho zel mai ang. Sumah chauh ni lovin, dawt hote sawi leh thildang reng rengah pawh tlemte / hote atangin bul kan tan a ngai a sin.
Puipuii pi
—————
