Fakselna ka lo thlir ve \hin a, mak tih deuh ka nei fova, mahse a pawi love, kan hriat dan a ni mahna le! Politics a intihhminghliau tumna mai mai te chaw tak khuka khukpui kan awm \hin hi thudik chhui lova mi tu emaw sawi lo awih chin hi a fuh tawk lo fo mai.
Olivera
———
Nangmah i inhmangaih a, i ram leh hnam i hmangaih a nih chuan ruihhlo lakah inthiarfihlim rawh. Ruihhlo buaipuituten Pathian lakah chanvo an nei hek lo. Chuvang chuan alawm Congress sorkarin Kohhran ngenna a ngaih pawimawh loh. Kohhran chu Pathian din a ni a, chumi pal zamtu chu eng mi leh sorkar pawh nise, mi suaksual chu a \awng\aina pawh tenawm a ni tih hi Pathian thu chu a ni e.
Carolini pu
————–
Furpui liamin thlasik a rawn in\an a. Khua pawh a mawiin zing ni chhuak pawh a mawi thei ta hle mai. Ruahtui tam vanga kawng siam hleih theih loh kha engtin tak sorkar hian hma la ang maw? Kan District khawpui ho panna kawng tal hi chu mam \ha ve thei deuh se a va duhawm em. Sorkar hma lakna i lo thlir phawt mai teh ang u.
9436193805
—————–
Fakselnaa Chhimpa khan Pensioner te kha engmah lovah a rawn chhuah a. Ram leh hnam tana hna pension thleng raka lo thawka lo inzir fing tawhte an nihzia hi hre ve se zawng a inhlan thar hialin a rinawm.
Hmarpa
—————–
Ka ngaihtuah vang vanga eng vangin nge Congress leh MNF-te hian lalna an inchan chhawk? Mipui ngaihah party lian an ni a, party dang sorkarna siam thei khawpin kan hmu lova, a thlangtu sual vang a ni lova, Pu Hawla kan duh em em vang leh Pu Zoramthanga te hi CM atana kan it em em avanga thlang ta pawh tam tak chu kan ni lem lova, opinion poll-a duhtu tam ber \hin Pu Duhoma hi nakkum inthlanah chuan a thlan tlak ber awm mang e tiin \henawmpa nen chuan kan ti ti a.
RODY PA
——————
Kawnpui khua hi power an shutdown ngun ropui si a, a awm leh hun tur an sawiah hian a awm leh ngai si lova, a va ninawm tawh ve. An dar 5-te chu dar 8-te a ni nawk mai a. A awm hun tur an sawiah a awm ngai si lova chuvang chuan tun chinah chuan dar 5 ti tawh lovin a awm chin tur hriat a ni lo ti tawh rawh se.
No. thup
——————
Ka Pu Hawl, Central lam an lo kala mi rethei dawm kan nan NLUP kan sem ti tawh lovin Congress Party-te kan sem ti mai ula a dik zawk ang a. Pathian nung bia kan nih kha.
Lengkawia
——————
Kan sumdawng \henkhatte, nangmahni dawr \hintute laka in chet duh dan leh duham dan hi MAK kan ti. MRP thai chhiaa rate sang zawk ziak duh in awm hi a Kristian lova, a Mizo lo bawk. Hetiang a nih chuan vai sumdawng lian lo lut hi mipuiin kan welcome mai ang.
RK Sanga
————
Hei ZONET channel-ah hian vai film pekna a tam khawp mai a, KBS World Korean pekna te hi a \hen aiah hian a pek theih lo em ni? Pe thei ula chuan kan lawm hle ang.
No. thup
————
Khai le! I lo ngaihtuah ve ngai em? Tuna kan ram dinhmunah hi chuan tumah kan lungawi lo a nih hi! Chu mai a ni lova, thil neih kan ruksak mum mum a, kan insawi chhe bawrh bawrh a, hnam khat lungrualna nei reng reng lovah kan awm mek a nih hi. Lo ngaihtuah chiang ve mah teh. Tuna kan ram dinhmunah hi chuan ei leh barah kan intodelh lo em em a, India sorkarah kut kan dawh tluk tluk mai a, Zoram sorkarna chelhtute lah chuan sum harsat thu an sawi chamchi a, sum a harsat tehlul nen roreltute lah chu cher kawk kawk awm an nih laiin an thau mum kung kung zel lawi si a, chutih lai chuan ram mipuite erawh mautuai khawrh, meihawl rawh leh mi hausa hnuaia inhlawhfain ei an zawng mek a, sorkarin NLUP sum tlem te tea sem chu nghakhlel takin mit tla dawn dawnin an dawn hun tur an thlir a, ram mipuite chu lungngaiin kan rum tak meuh a nih tak hi. NLUP hi mipui, chhungkua leh mimal min hmangaih tak tak chu ni se a hlawmin min pe-in, a dawngtu tan pawha \angkaipuina tham min pe tur an ni. Hrui lova min thlun beh tlata, inthlan dawn velah boruak siam nan tlem tlemin min pe a nih chauh hi, bumin awm tawh suh ang che.
Neutral Group
—————–
Ailawng Middle School Hindi Teacher mi aia thawk kha khawiah nge i awm? I bang tawh nge i dam lo? I dam a nih chuan lo kal tawh teh.
Hrechianga
————–
Khawi hmunah pawh awm mah ila, mi dangte tan malsawmna kan ni thei a, midangte kan \anpui hian LAL ISUA kan \anpui a lo ni reng a ni.
Angaihtei, Lungsum
——————-
Ruahtui a hul \an ta a, kawngpui siam an \an ta, a lawmawm ngawt mai. Kan kawngpui siamtute hian kum 5 daih talin siam ve tawh se ava lawmawm dawn em.
Berbera Pu
————–
Mahni hlawha lungawi lo ni si lo, kan tlukpuite aiin kan hlawh tlem tih mai mai. An hlawh chanvea thawk duh thiam tak tak an tam tehreng nen.
Zotea, Ramhlun South
————–
Keini state, Mizoram tluka 7th Pay kalpui thei tur an awm dawn em aw. Tax ngaidam nual thei, NLUP, NEDP sem thei, Gujarat te GSDP 13 % a nih laia Mizoram GSDP 11 % a inchhut ve tlat kha kan ni a, kan sorkar hi a hausa lutuk tlat. A hnathawkte hlawh san mai maiah hian a buai lo tawp ang.
RUATSANGA RENTHLEI
—————–
Kan ram hruaitute \hat lohna a hria ten an sawi a. A lo hruai ve miah lote pawh anni pawh nise an \ha bik lo ang tih tlat hi misual pawisak nei lote kam chhuak awm lek a ni. Tin, an la tling lo ang tia a tling tura rin lam apianga tel tum hi sual langsar tak a ni a, thleng tlawr zuan an tih zia dik tak a ni. Kalphung \ha awm thei tawh lo anga ngaih hi setana bumna chhe tak a ni.
8259942864
——————–
