Mizoram Congress Party Ministry chuan MNF seat kan kian tiin chhuang takin an âupui a, dawt chu a ni hul hual lo.
Mizo District Council chu kum 1972-a UT kan nih khan kan ram hruaitu MDC-te khan an duh emaw, duh lo emaw rorel khawl kha \hiah a ngai hrim hrim a, CEM-te, EM-te, Chairman te khan an hnial thei lo, a chhan chu rorelna sawt zawka Mizoram a kaisan avang khan a \ûl a ni. Chutiang bawkin kum 1984-a Mizoram Congress Ministry, UT dinhmun a mi kha Mizoramin Statehood a neih dawn khan i-he lovin a chawl emaw, a \hiat emaw tur a ni mai. Seat ken phal leh phal loh a ri pha lo hrim hrim.
A thu hrimin MPCC khan remna leh muanna policy hmangin mipui min thlem a, kan pui a, a tling bawk a, mipui min thlem khan seat chhuahsan an tiam nghal tihna a ni. Chhuan tur vak an nei lo. An thangah anmahni an inawk a ni zawk.
8794589351
————-
Bairabi, Zophai buaina chhuakah MZP ten vehbur khawna hliam tuar leh bungraw chante an re-imburse zel te chuan ram tana inpekna leh tawrhna a ni thei dawn emaw ni le?
LB-a pa
————–
Kan ram tana theihtawp lo chhuah \hintu, a thim a var pawh thlu lova mahni nawmsakna ngaihtuah thei lo, dikna fam mai tur tung ding a vuan tlattu, phatsanna tenawm tak tak karah ‘ZUANG LAWR’ tia puhna pawh pawisa lovin kan ram, kan hnam dam nan a lo zuang chhuak zawk a nih hi.
Ram hmangaihtu inti, mahni \anghmahaitute hian mahni pumpui hmangaih ve thei lo, IPS val, ZPM Chief Minister Candidate Pu Lalduhoma, eirukna laka fihlim, Pathian duhdana kan ram hruai tum tlattu hi ZUANG LAWR tiin bei \hin mahsela, Zoram mipuite hian ram tana a thawhrimna hi kan hai bik lul lo ve. A hun a thleng ve dawn ta. A vahvaihna chhan hi chunglam hian a hai der reng ngai lovang.
Jonathana Pu
————-
Mipui hi harhchhuak tawh teh ang u. MLA nihna leh sum duh vanga zuang lawr ho hi chu i vote lo ngam tawh ang u, i fing ve tawh teh ang u. Mahni pumpui chiah an hmangaih a nia.
Anonymous
————
A pianthar loh thlak mange aw. Tun ang chen chena Congress leh MNF party-a la ruh viau theih mai chu’h. Tun \um chu hmanni lawka ka duh tawh loh MNF leh tuna ka duh loh mek Congress-ah hian duh ka thlang kual mai mai dawn tawh lo. Tling tura mi sawi leh, “anni chu an tling zo chuang lovang” tih vel mai maiah hian ka buai phak hek lo. Ringtu ka nih angin Pathian rawn chungin chhia leh \ha hriatna fim tak hmangin ka vote tur chu ka thlang fel ta.
Sadama
———–
Kum 2013-a kan inthlan dawn khan Pu Zoramthanga khan MNF chu Congress Party nen World Cup Football Final khel ang kan ni a, MNF chuan 5-2 a hmahruai ang kan ni a ti a, sorkarna siam chu sawi loh, amah ngei pawh a dinna bialah paihthlakin a awm kha a ni a, tunah kan inthlang leh \ep tawh a, Zoramthanga chuan Congress Party chu Hospital-a ICU a awm mek leh tihdam theih tawh loh ang maiin a sawi leh ta. A \awng tam lutuk hi MNF Party hian an tuar leh mai lo maw? A dinna bialah hian he hmui dawthei a hi a arte lu kawn leh mai ringtu an tam \an khawp mai. Congress ho lah hi politics an thiamin \halaiah an la tla na hle si a, MLA pahnih khatin an phatsan mai maiah an buai duh der si lo. Zoramthanga leh a Kid-te chuan kum 5 dang bawk an lo nghak leh mai lo maw?
Zoram Politics Thlir Kima
————
Pu Hawla pawlte chu khuai rau ang mai an ni ta e. A hnuhnung Phungin seh tih ang mai lah ni ta. Thil thlum rim hria, a kotlangah an pu hovin an la awm ve a, a fing hmasa apiang hawrawppuiin \angrual lamah an inziah tir zung zung mai le. Number one i chang lo palh a nge.
ZNT Khiangte
————-
Kum hmasa lam khan inthlan dawnah opinion poll-a Chief Minister-a duhtu tam ber Pu Lalduhoma a ni \hin a, mahse sorkar tura rinah chuan a ni leh lem lo \hin. Tun \umah chuan mipuite fing tawh ila, rorelna hi han inthlak ve tawh hrim hrim sela, Pathian duhdan angte hian kal tawh ila, party sorkar ringawt hi chuan Zoram zimte pawh a tuam dam thei lo a nih hi maw.
Rody pa
————-
Zonet kaltlang hian ka’n vei ve lawk. Kan veng Tuithumhnar (Lai District chhunga khua) ah hian middle school kan nei a, a hming chuan zirtirtu pawh kan awm a, amaherawhchu an hmel hmuh tur a awm lo. Aikal an chhawr deuh vek. Headmaster hian sikul hi a luahlum lo hle a, a hun tam zawk za zela 90 hi an veng Chawngte-ah a khawsa a ni. Aikal a la duh bawk si lova, a post-ah a awm \ha duh bawk si lo. Kan hruaitute hian an hre lo nge, an ngaipawimawh lo zawk? Kohhran leh khawtlanga kan rawngbawlnate hi kan eizawnna tihbahlah nan hmanglo ila, rinawm taka thawh tum ni se.
Mr. WHITE
————–
Mihring miziaa ka huat ber chu min mamawh lai chauha mi tlawn ching hi a ni. Tunlai party hrang hrangte mizia hi lo chik chhin teh le.
Lala, Aizawl
————
Congress paih thlak ringawt hi ram siam\hatna a ni lova, anmahni ang bawka eiruk ching leh hnam pawi khawih ching MNF lal tir loh hi ram siam\hatna chu a ni.
Tlumtea
————
Siaha Vengpui II tan hian GAS hi a awm tawh lo em ni? Kumin 2018-ah hian vawi khat chiah an la sem a, a va beidawnthlak ve. Kum khatah vawi 4/5 tal sem ve se, a va lawmawm dawn em. Siaha khawpui hian GAS-ah TUIPANG pawh kan tluk tawh lo a nih hi. Gas lam hotute kha lo che teh u, kan buai tawh e.
Ona pa, Siaha
————
